Vakasama ni Veiqaravi kei na iTaviqaravi ni Keba

Oqo eso na vakasama ni veika vakayalo, veimaliwai, vakayago, kei na itaviqaravi vakavuli e rawa ni tuvanaki ena keba.

iTaviqaravi ni Vakavakarau

Sa rawa me tekivu na itaviqaravi ni keba ni bera na ilakolako ki na keba ka tomani tikoga me yacova ni sa oti na keba. Sa rawa me tuvanaki na itaviqaravi ka na vakavinakataka cake na vakavakarau, vakalevutaka na vuli, ka tara cake na nanamaki ki na keba.

• Vakayacora e dua na itaviqaravi ni vakavakarau me baleti ira na goneyalewa kei na nodra matavuvale. Wasea na itoko kei na itukutuku matailalai ni keba.

• Cakava e dua na itaviqaravi ni vakavakarau mo na tauyavutaka kina e dua na ituvatuva ni ilesilesi. Eso na ilesilesi oqo ena oka kina na vakasaqa, sasamaki, tuvatuva kei na maroroi ni benu

• Cakava e dua na ituvatuva ni kakana ni keba ena ilavo vakarautaki e oka kina na gacagaca ni kakana bulabula

• Vulica na sala me taqomaki kina na itikotiko me vakataka na tarovi ni vakasabusabu, vakasavasavataki na wai se vakavinakataki tale na vanua eso ni oti na kena vakacacani.

• Vakatovotovotaka na vakayagataki ni iyaya ni keba kei na vakasaqa e tautuba.

• Tekivu vulica na kilaka ni bula taqomaki e tautuba

• Cakava e dua na ituvatuva ni vakaukauwa yagoka vakaitavi ena taubale, vodo basikeli, se itaviqaravi tale eso ena vukea nomuni vakavakarau ki na keba.

ira na goneyalewa ena keba

“Io, kei na veika kece sa vakaraitaka ni dua na Kalou; io na vuravura, kei na veika kece sa tu kina, io, na kena toso, io, kei ira na vei vuravura kece ka veitosoyaki ena kedra itutu era vakadinadinataka ni dua na Dauniveibuli Cecere” (Alama 30:44).

Tubu Vakayalo

• Tuvanaka e dua na gauna ena veisiga baleta na nomuni vulica na ivolanikalou yadua, volavola ena ivolaniveisiga, masumasu, kei na railesu. Sa rawa mo raica matua na ivolanikalou e baleta tiko na itoko ni keba.

• Tuvanaka me caka e veisiga na lotu ni keba.

• Gole ki na dua na taubale e vanua se vakasaqarai ni iyautalei vunitaki

• Vakarautaka ka solia ki na kalasi se na lotu e wasei kina na ivakavuvuli ni kosipeli kei na ivakatagede. Raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai wase 38.8.20 me baleta na idusidusi me baleti ira na vulagi dokai.

• Vakayacora e dua na soqoni ni soli ivakadinadina ka vukei ira na goneyalewa me ra kila vakavinaka na ituvaki ni dua na ivakadinadina dina (raica na Tudei ena Vakabauta: E Dua na iDusidusi Vakosipeli [2004], 178–80; Ulutaga Vakosipeli, “Vakadinadina,” topics.ChurchofJesusChrist.org; kei na vosa nei M. Russell Ballard, “iVakadinadina Savasava,” Liaona, Nove. 2004, 40–43).

• Cavuqaqataka e dua na ivolanikalou, serekali, serenilotu Memorize a scripture, poem, hymn, “Na Karisito Bula: Nodra iVakadinadina na iApositolo” (Liaona, Epe. 2000, 2–3), “Na Matavuvale: Ai Vakaro ki Vuravura Raraba” (Liahona, Nov. 2010, 129), or “Na Vakalesui mai ni Taucoko ni Kosipeli i Jisu Karisito: Ai Vakaro Raraba Ni Veisenikau kei Vuravura,” ChurchofJesusChrist.org.

• Vakavakarau ki na kaulotu ena itaviqaravi me vaka e dua na na vuli ni kaulotu se vakatasuasuataki ni kaulotu.

• Vakaitavi ena tuva kawa ena wasei ni italanoa, cakava na kakana vakaitaukei, se vakaitavi ena vakabi iyaloyalo ena ivola ni talanoa.

• Vakavakarau mo ciqoma na cakacaka vakalotu ni valetabu ena itaviqaravi me vakataka na taubale ena vakabauta se qito vakaitagede.

• Me vakayacori e dua na bogi ni sereivakatagi tabu.

• Cakava e dua na qito se dua na ivakaraitaki se vakatasuasuae vakavulica e dua na ivolanikalou se ivakavuvuli ni kosipeli.

goneyalewa volavola tiko ena keba

Sureti ira na goneyalewa me ra wasea na veika era dui sotava ena keba. Vakayaloqaqataki ira me ra wasea na ka era sa vulica kei na nodra matavuvale kei na itokani.

iTaviqaravi Vakayago kei na Tiko Bulabula

Ni ko digidigi mai na lisi oqo se digitaka na itaviqaravi tale eso, nanuma tiko ni itaviqaravi vakayago taucoko sa dodonu me na kilikili kei na nodra yabaki ni bula kei na ituvaki vakayago kei na vakasama na vakaitavi. Vakaitavitaki ira na kenadau ni vuli se dauveituberi vakaivola me baleta na itaviqaravi digitaki eso, me vakataka na vodo bavelo se kaba barinivatu. Me vakamuri na idusidusi taucoko ni veitaqomaki ni itaviqaravi kei na lawa ni inisua baleta na iyauqaqa e vakayagataki.

• Tuvanaka na qito se itaviqaravi ni tiko bulabula vakayago era na taleitaka na goneyalewa era vakaitavi tiko ena keba.

• Vakayacora na qito vakailawalawa me vakataka na soka, tavipolo, se basketball.

• Tuvanaka ka vakaitavi ena dua na ilakolako balavu se na laki moce.

• Vakaitavi ena dua na taubale balavu, vodo basikelise, se taubale e vanua.

• Mo laki voce bavelo.*

• Vakaitavi ena itaviqaravi e wai me vaka, na qaqalo, nunu vovodea nunu titobu, voce bavelo, vakatasosoko, kei na so tale.

• Mo laki kakaba ena barinivatu kei na sirodali

• Sureta e dua na kenadau me vakavulica na taqomaki ni tamata yadua kei na taqomaki koya vakaikoya.

• Vakayacora e dua na ituvatuva ni tiko bulabulaka vakatovotovotaka ka tauyavutaka na vakaukauwa yago vinaka kei na itovo ni kana.

• Vulica na Vosa ni Vuku ka vulica na kakana bulabula. Vulica na itovo se ivakarau ni bula ena rawa me veimuataki ki na itovo tani ni tiko bulabula, oka kina na kana vakaca se vakaveitalia.

• Sureta e dua na kenadau me mai vakavulica na ituvaki ni vakasama, ituvaki ni yalo kei na kilaka ni vosota.

• Vulica na rerevaki ni initaneti kei na iyaloyalo vakasisila, ka vulica mo taqomaki iko kei na nomu matavuvale.

Vakavakarau ni Leqa Tubukoso kei na Kilaka ni Bula Taqomaki Koya.

• Sureti ira na kenadau vakaivola me ra mai vakavulica na imatai ni veiqaravi ni leqa tubukoso, oka kina na veika e rawa ni caka me levei na muduki koso ni bula, vadretitaki ni mavoa, kei na nodra vueti mai na tiko leqa.

• Vulica na kena caka ka maroroi e dua na iyaya ni imatai ni veiqaravi.

• Vulica ka vakatovotovotaka na iwalewale ni kena tarai cake ka taqomaki me kua ni tete na kama.

• Sureta e dua na kenadau se kilaka vakaivola me vakavulica na kena dau yaco na tavuki ni vanua, leqa ni ivurevure, kei na benu ca e yaco vakalevu ena nomuni vanua.

• Vulica mo lakova na veivanua tawakilai ena vakayagataki ni kabasi, mape duidui eso, kei na itokatoka ni matanisiga, vula, kei na kalokalo.

• Vulica na kumuni ni veimataqali o.

• Vulica na kilaka ni bula taqomaki e tautuba.

• Tara e dua na ivakaruru ni leqa tubukoso.

• Vulica mo kunea ka vakasavasavataka na wai.

• Sureta e dua na kenadau me vakavulica vei iko na sala mo kila kina na veika bula vakarerevaki, manumanu lalai, kei na itei eso. Vulica talega mo kila na ivakarau e rawa ni ra laukana kina na itei kei na manumanu eso.

• Vakatovotovotaka na sala e maroroi kina na vanua ni keba. Vulica na kena tara e dua na keba.

• Vulica ka vakatovotovotaka na veimataqali ivesuvesu ni dali kei na iwalewale ni ivesuvesu ni iyaya.

• Tovolea na veimataqali ivakarau ni vakasaqa e tautuba me vaka ena ovani kava, Dutch ovens, se vakasaqa ena buka.

• Vulica na sala me maroroi kakana kei na wai.

• Vulica na vakayagataki ni isele kei na veitaqomaki.

Veitokani kei na Veiliutaki Matau.

• Lesia ki na goneyalewa yadua era tiko ena keba e dua na “sisita tabukilai ena qarava tiko ena gauna ni keba. Sa rawa me veiqaravi ena nona biuta tu eso na itukutuku vinaka se na kena vakadeitaki ni sa okati o “tacimu vuni” ena itaviqaravi kece.

• Sureta e dua na mataveivosaki vakailiuliu ni Lotu me ra vakavulica na veika ni tarai cake ni veivakabauti kei na kena wali na veivorati.

• Tuvanaka e dua na ivakaraitaki ni taledi me ra na vakaitavi kina na goneyalewa yadua.

• Vakaitavi ena dua na cakacaka ni veiqaravi vaka kawa tamata se itikotiko raraba.

• Vakaraitaka na nomu vakavinavinaka kivei ira na nomu iliuliu qase ni keba.

• Cakava e dua na soqo rawarawa ni soli icovi me vakacaucautaki kina na nodra rawaka kei na cau taucoko na tiko ena keba.

• Vakayacora na parokaramu ni yasanibuka ena yakavi

Taraicake ni Taledi kei na Kilaka

Na veivakasama oqo era sega ni vakarau tudei ni itaviqaravi ni keba e tautuba, ia era sa rawa ni vukei iko mo sotava na nodra gagadre na nomu goneyalewa.

• Vulica ka tauyavutaka na taledi ni sereivakatagi, me vakataka na lagasere se vakatagitaki ni dua na iyaya ni ivakatagi.

• Vakatovotovotaka na veimataqali droini kei na cakacaka ni liga me vakataka na, tali basikete, droini, sivisivi, se culacula.

• Vakatovotovotaka na liutaki ni ivakatagi.

• Sureta e dua na kenadau me vakavulica na ta iyaya, vakavinakataki ni vale, se so tale na kilaka ni cakacaka ni vale. Vakayagataka na kilaka oqo mo qaravi ira kina eso.

• Vulica mo kila taumada na lewai vakamatau ni tuva ilavo kei na ivurevure.

• Sureta e dua na tina e tiko na luvena lalai me vakavulica na nodra qaravi taumada na gone.

• Vulica mo kila na tea ka maroroya na kemu kakana. E rawa ni oka kina na sala ni kena teivaki ka cukiti e dua na iteitei.

• Vulica na ivakarau taumada ni culacula ena culai ni dua na tiki ni sulu rawarawa. Sa rawa talega mo vulica na ivakarau ni kena botani na isulu.

• Vulica na sala mo raica ka kila kina na veimataqali ibulibuli vakalomalagi, vuravura, kei na so tale na ituvaki ni maliwa lala ena bogi.

• Vakarautaka ka cakava e dua na vakatasuasua se drama lekalekame baleta na keba.

• iVakatovotovotaka ni vola ka vosa ena soqoni ni sakaramede. Wasea na nomu vosa vei ira eso.

• Laki sikova e dua na itikotiko ni vuli se koronivuli ni vulitara. Cakava e dua na ituvatuva mo tomana na nomu vuli. Vulica na veika me baleta na iLavo Vure ni Vuli ena Lotu.

• Vulica na sala mo vakayagataka tale ka vakainakitaka na iyaya eso.

* Era sa rivarivabitaki sara na veitaviqaravi oqo ka sa gadrevi kina na veivuke ni dua na kenadau sa vulica mai se vakaivola kina.