E mafai faapefea ona ou auai i totonu o le Ekalesia?

E talia tagata uma ia auai i le sauniga faamanatuga, o isi sauniga i le Aso Sa, ma gaoioiga faaagafesootai a Le Ekalesia a Iesu Keriso o le Au Paia o Aso e Gata Ai. E tele auala e auai ai i le ekalesia, i sauniga o Aso Sa ma isi avanoa, e pei o valaauga ma komiti. Ua fautuaina oe e auai, ia toaga, ma vaavaai mo avanoa e faasoa atu ai au taleni ma tomai e ala i le auauna atu i lau uarota ma le siteki.

O i latou o ē auai ai, ua faamoemoe aloese mai le pisapisao po o mea faalavefau e feteenai ma le tapuaiga po o isi faamoemoega o le sauniga.

Talu ai e matua eseese tele ia tulaga mai lea uarota i lea uarota ma mai lea tagata i lea tagata, e fefautuaai ia epikopo ma peresitene o siteki ma Au Peresitene o Eria e fuafua ai pe faapefea ona taulima ma le mataalia ia tulaga o tagata taitoatasi, e pei o le faaaogaina o fale le ta’ua ma le auai ai i sauniga po o fonotaga eseese ma gaoioiga.

O le tele lava o tulaga o le auai ai i faatinoga a le Ekalesia ma nisi o sauniga faaleperisitua e le faapatinoina i se itupa. O faataitaiga e aofia ai le papatisoina ma le faamauina, taumamafa i le faamanatuga, ma le mauaina o faamanuiaga faaleperisitua. Peitai, o faauuga i le perisitua ma sauniga o le malumalu e faatautaia e tusa ai ma le itupa na fanau mai ai.