Pe ou te auai ea o se tagata o le Ekalesia?

Ioe. E manaomia oe e tagata o le Ekalesia ma e mananao foi ia te oe. Afai e te faailoa oe lava o se faafafine/faafatama, matou te iloa ua e fetaiai ma luitau lavelave. O oe ma lou aiga ma uo e tutusa lava le tatau i ai o le alofa faaKeriso e faapei o soo se tasi o fanau a le Atua ma e ao foi ona taulimaina ma le faaeteete, agalelei, ma le agaalofa.

O Le Ekalesia e “mo le faaatoatoaina o le au paia” (Efeso 4:12). E le’i atoatoa lava ia tagata o le ekalesia, ae o loo taumafai malosi ia avea atili e faapei o le Faaola.

E le o tagata uma o loo siomia ai oe o le a atoatoa i le faaali atu o le alofa, agaalofa, po o le faaeteete. I le lalolagi i ona po nei, e faigofie ona iloa ua faatiga, ma faatino le faatiga. O luitau ogaoga e mafai ai ona faavaivaia i tatou i faatiga e lei faamoemoeina ona o faaupuga ua mao po o faamatalaga soona lafo. I le avea ai ma tagata o le Ekalesia, o loo tatou taufai tuputupu a’e ma aoaoina.