Aduna Pa Kaha Akoy Dugang Unta nga Mabuhat sa Pagpakgang sa Paghikog sa Akong Anak?

Isip ginikanan, tingali mobati ka og kahasol sa tanlag tungod kay wala makabantay sa nagpasidaan nga mga timailhan sa paghikog. O tingali naghunahuna ka nga mas nagmasinabtanon o nagmapailubon unta ka. Apan sugod sa adlaw nga natawo ang imong anak, giimpluwensyahan sila sa ubang mga tawo, sa ilang palibut, ug sa ilang kaugalingong mga hunahuna ug mga pagbati—nga dili makontrolar sa mahigugmaon nga ginikanan. Ug sama nga ikaw adunay kabubut-on sa pagpili sa usa ka butang gikan sa lain, ang imong anak napanalanginan og ilang kaugalingong kabubut-on. Dili ka responsable sa desisyon sa imong anak nga tapuson ang ilang kinabuhi. Bisan pa sa imong labing maayo nga mga paningkamot, dili mapakgang ang tanang paghikog.

Kini nga mga baruganan magamit usab ngadto sa kapikas, anak, o higala kinsa nawad-an og minahal pinaagi sa paghikog. Dili ka angayng basulon sa paghikog sa imong minahal.

Kon padayon ka nga mobati og grabeng kasakit o kaguol, pakigtambag sa usa ka tawo nga imong gisaligan ug pagtinguha og tabang sa mainampoong paagi. Ikonsiderar ang pagpangayo og panalangin sa pagkapari o pagkonektar ngadto sa mga kapanguhaan sa inyong dapit, sama sa mga propesyonal sa pag-atiman sa panglawas o sa mga grupo nga mosuporta panahon sa kaguol.

Mga Kapanguhaan sa Simbahan ug sa Komunidad

(Ang ubang mga kapanguhaan nga gilista sa ubos wala gihimo, wala gimintenar, o wala gikontrolar sa Ang Simbahan ni Jesukristo sa mga Santos sa Ulahing mga Adlaw. Kini nga mga materyal gituyo aron magsilbing dugang nga makatabang nga mga kapanguhaan samtang magtuon ka niini nga hilisgutan. Ang Simbahan wala moendorso og bisan unsang sulod [content] nga wala mahisubay sa mga doktrina ug mga pagtulun-an niini.)

• Juan 14:27.

• “Apan Kon Dili,” Lance B. Wickman, Liahona, Nob. 2002, 30–32.

• “Sa Unsang Paagi nga ang mga Nahabilin Mamaayo,” Family Services, Liahona, Sept. 2017, 37.