Ika-4 nga lakang: Pagtino og mga Pamaagi sa Komunikasyon atol sa Emerhensiya

Ang usa ka mahinungdanong bahin sa pagtubag sa emerhensiya mao ang pagbaton sa mga lider sa Simbahan og abli nga mga linya sa komunikasyon ngadto sa mga headquarter sa Simbahan, sa mga miyembro sa Simbahan, ug sa mga lider sa komunidad.

Motino ug magplano og alternatibong mga pamaagi sa komunikasyon nga magamit inkaso kon ang mga linya sa telepono, mga serbisyo sa selfon, o mga agianan sa transportasyon sa sakyanan dunay mga kakulian atol sa kalamidad. Kana nga mga pamaagi mahimong maglakip sa:

• Mga komunikasyon pinaagi sa internet (lakip ang email. social media, ug pag-text [instant messaging]).

• Ang pag-text gamit ang mga selfon (posibling magamit bisan kon ang pagpanawag dili).

• Amateur nga radyo.

• Personal nga pagkontak pinaagi sa paglakaw, bisiklita, ug uban pa. (Ang full-time nga mga misyonaryo makatabang usab.)

Kon gikinahanglan, ang mga lider sa priesthood mahimong motawag og mga miyembro sa ilang mga unit nga mahimong mga espesyalista sa komunikasyon. Ang kwalipikadong mga espesyalista sa kasagaran nanag-iya og mga ekipo sa komunikasyon ug nagbaton og mapuslanong kasinatian.

Gamita ang mga worksheet sa Ribyu sa Katalagman ug Pagplano alang sa mga Kakulian aron sa pagplano alang sa mga kakulian sa komunikasyon. Gamita ang mga worksheet sa Mahinungdanong Impormasyon—Ekipo, mga Kahanas, ug mga Kapanguhaan sa Komunikasyon sa pagkompleto niini nga lakang.