“Pagbansay alang sa Paghimo og Giya sa Gipaspason,” Pagbansay alang sa Kurikulum sa Seminary (2022)
“Pagbansay alang sa Paghimo og Giya sa Gipaspason,” Pagbansay alang sa Kurikulum sa Seminary
Pagbansay alang sa Paghimo og Giya sa Gipaspason
Pasiuna
Sa seminary atong gisunod ang Dali, Sunod Kanako nga eskedyul. Nagpahiluna kini sa seminary isip pangsuporta nga tahas sa unsay nakat-onan sa mga estudyante sa panimalay. Bisan kon kini nga paagi nagpasayon sa unsay gitun-an sa mga estudyante sa seminary, kini nagkinahanglan og ubang mga pag-usab kon unsaon paggamit sa lokal nga mga dapit ug mga programa ang kurikulum sa seminary. Sa daghang mga sitwasyon, tungod sa kakomplikado niini nga mga pag-usab, tingali mas maayo nga ang mga administrator, mga coordinator, o mga tigdumala sa programa mohimo og giya sa gipaspason aron ang mga magtutudlo dili na kinahanglan nga mohimo niini. Ang paghimo niini nga mga giya alang sa mga magtutudlo makatabang nila sa pagdaginot og oras. Hinuon, ang ubang mga magtutudlo kinahanglan gihapon nga mohimo og mga pagpahiangay ngadto sa giya sa gipaspason nga imong gihatag.
Mga Sumbanan alang sa Paghimo og Giya sa Gipaspason alang sa Seminary
Unaha ang Doktrinal nga Kahanas
Kon maghimo og giya sa gipaspason, kinahanglang imong bantayan pag-ayo kon kanus-a nimo i-eskedyul ang mga leksiyon sa doktrinal nga kahanas. Ang mosunod mao ang mahinungdanon nga mga giya alang sa pag-eskedyul og mga kalihokan sa pagkat-on sa doktrinal nga kahanas:
-
Ideterminar kon kanus-a itudlo ang Pag-angkon og Espirituhanon nga Kahibalo, Mga Bahin, 1, 2, ug 3. Kini nga mga leksiyon mopaila sa mga estudyante sa mga baroganan sa pag-angkon og espirituhanon nga kahibalo. Kini labing maayo nga itudlo sa sinugdanan sa tuig tingklase sa dili pa itudlo ang bisan unsa nga mga leksiyon sa tudling alang sa doktrinal nga kahanas.
-
Siguroha nga ang 24 ka mga leksiyon sa tudling alang sa doktrinal nga kahanas ug ang kauban niini nga mga leksiyon nga may kalabotan sa mga panghitabo [contextual] maapil diha sa giya sa gipaspason aron kini matudlo samtang nagpadayon pa ang klase sa seminary. Kadaghanan sa mga leksiyon sa tudling alang sa doktrinal nga kahanas natural lang nga motunga atol sa kurso sa tuig samtang nagpadayon pa ang klase sa seminary. Labing maayo nga himoon kini nga mga leksiyon sa labing dali nga panahon diin ang ilang tagsa-tagsa nga scripture block diha sa eskedyul sa Dali, Sunod Kanako pagatun-an. Ideterminar kon hain nga mga leksiyon sa tudling alang sa doktrinal nga kahanas ang malaktawan sa mga estudyante kon walay klase sa seminary. Ibalhin kini nga mga leksiyon ngadto sa semana nga adunay rebyo sa doktrinal nga kahanas, aron itudlo puli sa rebyo. Dugang pa sa pagbalhin niini nga leksiyon, siguroha usab sa pagbalhin ang kaatbang nga leksiyon nga may kalabotan sa mga panghitabo diin ang tudling unang gitudlo. Ang mga leksiyon nga may kalabotan sa mga panghitabo makita diha sa manwal sa magtutudlo sa seminary nga mag-una sa matag leksiyon sa tudling alang sa doktrinal nga kahanas. Ang pagbalhin niining duha ka leksiyon nagpasabot nga ang usa ka rebyo sa doktrinal nga kahanas ug usa pa ka lain nga leksiyon niana nga semana kinahanglan nga pulihan.
-
Ibutang sa eskedyul ang mga rebyo sa pagsukod sa kahibalo sa doktrinal nga kahanas ug mga pagsukod sa doktrinal nga kahanas. Ang mga magtutudlo mopahigayon niining kataposan sa semester nga mga rebyo ug mga pag-assess sa ilang mga klase aron tabangan ang mga estudyante sa pagsukod kon unsa kamaayo ang ilang pagkat-on sa katugbang nga mga tudling diha sa kurso. Ang giya sa gipaspason mahimong maglakip sa “Doktrinal nga Kahanas: Pagsukod sa Kahibalo 1 nga Rebyo” human madawat sa mga estudyante ang tanang mga leksiyon alang sa tudling sa doktrinal nga kahanas nga maoy katugbang ngadto sa mga tudling diha sa pagsukod sa kahibalo sa doktrinal nga kahanas. Ang “Doktrinal nga Kahanas: Pagsukod sa Kahibalo 1” mahimong i-eskedyul mga usa ka semana human sa rebyo. Ang giya sa gipaspason mahimo usab nga ipahiangay aron malakip ang “Doktrinal nga Kahanas: Pagsukod sa Kahibalo 2 nga Rebyo” ug “Doktrinal nga Kahanas: Pagsukod sa Kahibalo 2” human makatuon ang mga estudyante sa mga leksiyon sa tudling alang sa doktrinal nga kahanas nga maoy katugbang ngadto sa mga tudling diha sa pagsukod sa kahibalo sa doktrinal nga kahanas.
-
Siguroha nga ang mga estudyante adunay sinemana nga kasinatian sa doktrinal nga kahanas. Atol sa mga semana nga walay leksiyon sa pag-angkon og espirituhanon nga kahibalo, usa ka tudling alang sa doktrinal nga kahanas nga leksiyon, usa ka pagsukod sa kahibalo sa doktrinal nga kahanas nga leksiyon sa pagrebyo, pag-iskedyul o ug usa ka pagsukod sa kahibalo nga rebyo sa doktrinal nga kahanas. Adunay rebyo sa doktrinal nga kahanas nga gilakip na sa matag semana nga mga leksiyon diha sa manwal sa magtutudlo sa seminary kon walay tudling sa doktrinal nga kahanas o leksiyon alang sa pag-angkon og espirituhanon nga kahibalo.
Sunda ang Dali, Sunod Kanako nga Eskedyul
Alang sa mas dako nga bahin, sunda ang Dali, Sunod Kanako nga eskedyul kon maghimo sa inyong giya sa gipaspason. Adunay pipila ka scripture block diha sa sinemana nga eskedyul sa Dali, Sunod Kanako nga puno sa talagsaon nga kabuhong nga sulod ug naglakip sa daghang mga tudling alang sa doktrinal nga kahanas. Aron mabalanse ang doktrinal nga kahanas isip sinemana nga kasinatian uban sa mga semana nga adunay espesyal nga kabuhong sa mga scripture block, mahimo nimong ihan-ay ang mga leksiyon diha sa giya sa gipaspason aron ang mga estudyante mosugod sa pagtuon sa scripture block sa seminary sa semana sa dili pa kini mahisgotan diha sa Dali, Sunod Kanako nga eskedyul o mopadayon sa pagtuon niini sa mosunod nga semana.
Kini nga mga okasyon, hinuon, kinahanglan nga talagsa ra. Ang mga estudyante sa kasagaran kinahanglan nga magtuon sa sama nga scripture block sa seminary nga ilang gitun-an sa panimalay dungan sa Dali, Sunod Kanako.
Mosunod sa Eskedyul sa Lokal nga Eskwelahan ug Motubag sa Lokal nga mga Panginahanglan
Ilakip diha sa giya sa gipaspason ang lokal nga mga holiday sa eskwelahan ug ubang mga bakasyon sa eskedyul sa eskwelahan kutob sa imong mahimo. Kon ang semana sa seminary mapamubo tungod sa eskedyul sa lokal nga eskwelahan, siguroha nga unahon gihapon ang doktrinal nga kahanas. Atol niini nga mga semana, kinahanglan ka nga magpili kon unsa ang ubang mga leksiyon nga imong ilakip diha sa giya sa gipaspason. Tingali kinahanglan nimo nga rebyohon ang mga pamahayag sa katuyoan sa lain-lain nga mga leksiyon diha sa sinemana nga overview o gani tan-awon ang mga leksiyon mismo aron madeterminar kon asa nga mga kasinatian sa pagkat-on ang labing maayo alang sa mga estudyante.
Kon maghimo og giya sa gipaspason, siguroha nga matubag ang mga panginahanglan sa mga estudyante sa imong dapit o sa programa. Adunay pasiuna nga mga leksiyon nga gilakip sa atubangan sa manwal sa magtutudlo sa seminary nga mahimong iapil sa usa ka giya sa gipaspason atol sa tuig tingklase. Dugang pa, ang mga estudyante mahimong makabenepisyo gikan sa ubang matang sa mga kasinatian sa pagkat-on nga wala malakip diha sa manwal sa magtutudlo. Kini nga mga kasinatian tingali maglakip sa mga leksiyon nga makatabang sa mga estudyante sa pagpangandam o pagpamalandong sa usa ka bag-o nga kinatibuk-ang komperensiya o debosyonal sa kabatan-onan. Kini nga mga matang sa mga kalihokan mahimong iapil diha sa giya sa gipaspason.
Mga Pag-estudyo sa Sitwasyon [Case Studies]
Sa ubos mao ang duha ka pananglitan sa mga pag-estudyo sa sitwasyon nga naghulagway kon unsaon sa pag-aplay niini nga mga giya nga bag-ohay lang gihisgotan kon maghimo og giya sa gipaspason.
André Morales, usa ka Coordinator
Ang mga estudyante sa rehiyon diin si Brother Morales nag-coordinate sa programa sa seminary nagsugod og eskwela sa Marso 6. Gisugdan niya ang pagpangandam og usa ka giya sa gipaspason alang sa mga magtutudlo niini nga mga estudyante aron ang mga magtutudlo dili na kinahanglan nga maghimo niini. Gisugdan niya pinaagi sa pagtan-aw diha sa Dali, Sunod Kanako nga eskedyul aron makita kon unsa ang scripture block nga tun-an niana nga semana. Nakita niya nga sa semana sa Marso 6, ang scripture block mao ang Mateo 9–10, Marcos 5, ug Lucas 9. Alang niana nga semana diha sa manwal sa magtutudlo sa seminary nakita niya ang mosunod nga lima ka mga leksiyon:
Si Brother Morales nakasabot nga daghang mga estudyante ang bag-o pa sa seminary, busa mihukom siya nga sugdan ang semester pinaagi sa pagpili og pipila ka mga leksiyon gikan sa pasiuna nga mga materyal nga anaa sa Manwal sa Magtutudlo sa Seminary sa Bag-ong Tugon. Gipili niya ang “Pasiuna ngadto sa Bag-ong Tugon” ug “Pagtuon sa mga Kasulatan.”
Maayo ang gibati ni Brother Morales mahitungod niining unang duha ka leksiyon apan naglisod sa pagkahibalo kon hain sa uban pang mga leksiyon ang kinahanglan niyang planohon alang niining unang semana. Gitan-aw niya ang dokumento sa sinemana nga overview alang niini nga semana ug girebyo ang mga katuyoan sa leksiyon alang sa matag usa sa mga leksiyon. Gibati gayod niya nga ang mga estudyante makaangkon og talagsaon nga kasinatian niining duha ka leksiyon diha sa Marcos 5, apan nakaamgo usab siya nga ang mga estudyante kinahanglan nga mapahibalo kabahin sa doktrinal nga kahanas. Busa, gidugang niya ang leksiyon sa “Pasiuna sa Doktrinal nga Kahanas”. Alang sa laing duha ka leksiyon, siya nakahukom nga ilakip ang duha ka leksiyon diha sa Marcos 5. Busa ang unang semana sa giya sa gipaspason sama niini tan-awon:
Ang sunod nga semana diha sa eskedyul, nakita ni Brother Morales nga adunay usa ka tudling sa doktrinal nga kahanas alang sa Mateo 11:28–30.
Gibati niya nga ang mga estudyante kinahanglan gayod nga makasabot sa mga baroganan sa pag-angkon og espirituhanon nga kahibalo sa dili pa sila hatagan sa leksiyon sa tudling alang sa doktrinal nga kahanas diha sa Mateo 11:28–30. Nakahukom siya nga i-eskedyul ang tanang tulo ka leksiyon mahitungod sa pag-angkon og espirituhanon nga kahibalo ngadto sa unang bahin niini nga semana. Iya dayon nga gi-eskedyul ang leksiyon nga may kalabotan sa mga panghitabo ug ang katugbang nga leksiyon sa tudling alang sa doktrinal nga kahanas sa Mateo 11:28–30.
Alang sa matag mosunod nga mga semana, siya mihukom nga sundon ang han-ay sa mga leksiyon nga giorgansar diha sa manwal sa magtutudlo, gawas lang sa pipila ka mga eksepsiyon. Gitan-aw niya ang Dali, Sunod Kanako nga eskedyul ug nakabantay nga samtang ang mga estudyante nagbakasyon sa ting-init ug walay klase sa seminary, adunay gitun-an nga upat ka laing mga tudling alang sa doktrinal nga kahanas. Gikinahanglan pa niya nga ilakip sa giya sa gipaspason ang mga leksiyon sa tudling alang sa doktrinal nga kahanas ug ang katugbang nga mga leksiyon nga may kalabotan sa mga panghitabo alang niadtong upat ka mga tudling: Lucas 2:10–12, Juan 3:5, Juan 3:16, ug Mateo 5:14–16. Tan-awa kon giunsa niya sa pag-usab ang misunod nga duha ka semana aron sa pagsiguro nga ang mga estudyante makadawat sa tanang mga tudling alang sa doktrinal nga kahanas ug sa kauban niini nga mga leksiyon nga may kalabotan sa mga panghitabo.
Dihang natapos na ni Brother Morales ang giya sa gipaspason hangtod niining puntoha, nakabantay siya nga ang sunod nga semana mao ang Pasko sa Pagkabanhaw. Ang manwal sa magtutudlo sa seminary wala maglakip sa bisan unsa nga sulod alang sa Pasko sa Pagkabanhaw o sa mga semana sa Pasko nga gilakip diha sa Dali, Sunod Kanako, mao nga si Brother Morales makahimo sa pag-eskedyul sa bisan unsa nga leksiyon nga iyang pilion alang niini nga semana. Mahimo siyang mohukom nga ilakip ang ubang mga leksiyon nga nalaktawan sa mga estudyante panahon sa ting-init. Mihukom siya nga i-eskedyul niini nga semana ang duha nga nahabilin nga mga leksiyon sa tudling alang sa doktrinal nga kahanas ug ang kauban niini nga leksiyon nga may kalabotan sa mga panghitabo nga gitun-an atol sa bakasyon sa ting-init. Aduna pa siyay usa ka luna alang sa leksiyon ug mihukom nga modugang og usa ka leksiyon gikan sa pasiuna nga mga materyal nga wala pa matun-i sa mga estudyante.
Karon nga gilakip na ni Brother Morales ang tanang mga leksiyon sa tudling alang sa doktrinal nga kahanas ug ang kauban niini nga mga leksiyon nga may kalabotan sa mga panghitabo diha sa giya sa gipaspason, iyang gisunod ang han-ay sa mga leksiyon diha sa manwal sa magtutudlo. Panagsa, adunay mga semana nga may usa ka adlaw nga walay klase sa eskwelahan. Atol niini nga mga semana iya gihapon nga gihatagan og prayoridad ang mga kasinatian sa pagkat-on sa doktrinal nga kahanas ug mihukom kon hain sa usa sa ubang mga leksiyon sa semana ang dili ilakip diha sa giya sa gipaspason.
Gisunod ni Brother Morales kini nga sundanan hangtod sa kataposang pipila ka semana sa unang katunga sa kurso. Sa duha ka semana nga nahabilin, iyang gilakip ang leksiyon sa “Doktrinal nga Kahanas: Pagsukod sa Kahibalo 1 nga Rebyo” puli sa usa ka rebyo sa doktrinal nga kahanas. Sa sunod nga semana, nga mao ang kataposan nga semana sa unang katunga sa kurso, mihukom siya nga i-eskedyul ang “Doktrinal nga Kahanas: Pagsukod sa Kahibalo 1” nga leksiyon. Iya kining gi-eskedyul sa sayo sa semana aron ang mga estudyante adunay dugang pipila ka adlaw sa pagkuha niini kon adunay bisan kinsa nga dili makatambong sa adlaw nga kini gipahigayon o kinahanglan nga mokuha niini og usab.
Stacie Richards, Principal sa Seminary Panahon sa Tingpamuhi sa Eskwelahan
Ang ikaduhang semester sa tuig tingklase sa dapit diin si Sister Richards ug ang iyang faculty nagtudlo magsugod sa Enero 3 ngadto sa Mayo 27. Ang mga estudyante dayon papaulion alang sa bakasyon sa ting-init hangtod sa Agosto 22.
Si Sister Richards nakahimo sa pagbuhat og usa ka giya sa gipaspason nga gamay ra og kalainan gikan sa paagi sa pag-organisar sa manwal sa magtutudlo alang sa unang bahin sa semester. Hinuon, samtang iyang gitandi ang eskedyul sa eskwelahan ngadto sa giya sa gipaspason diha sa Dali, Sunod Kanako, nakabantay siya nga ang mga estudyante magbakasyon sa ting-init sa panahon nga ang duha ka mga tudling sa doktrinal nga kahanas nga gilakip sa unang bahin sa kurikulum naka-eskedyul na aron itudlo. Kini nga mga tudling mao ang Juan 17:3 ug Lucas 24:36–39. Sanglit ang usa sa mga katuyoan sa doktrinal nga kahanas mao ang paghatag og paagi nga mahulipan sa mga estudyante ang ilang malaktawan sa panahon nga walay klase sa eskwelahan, nakahukom siya sa pagpangita og lugar aron malakip kini nga mga tudling atol sa kasamtangan nga semester. Nakahibalo usab siya nga kinahanglan niya nga i-eskedyul ang mga leksiyon sa “Doktrinal nga Kahanas: Pagsukod sa Kahibalo 1 nga Rebyo” ug ang “Doktrinal nga Kahanas: Pagsukod sa Kahibalo 1” sa dili pa ang mga estudyante mobiya alang sa bakasyon sa ting-init.
Aron sa paghimo niini nga mga kausaban, mihukom siya nga magsugod sa kataposang semana sa semester ug trabahoon kini paatras hangtod matrabaho niya ang pagsukod sa kahibalo, rebyo sa pagsukod sa kahibalo, mga leksiyon sa doktrinal nga kahanas ug ang kauban niini nga mga leksiyon nga may kalabotan sa mga panghitabo, ug ang bisan unsa nga ubang gitinguha nga mga leksiyon. Mihukom siya nga dili magtudlo sa leksiyon sa “Doktrinal nga Kahanas: Pagsukod sa Kahibalo 1” atol sa kataposan nga semana sa semester tungod sa daghang posible nga kausaban sa eskedyul sa eskwelahan ug kon pila ka mga estudyante ang mahimong mopalta niana nga semana. Busa, ang kataposan nga semana ipadayon lang sa kasamtangan nga eskedyul.
Sa pagkasayod nga ang leksiyon sa “Doktrinal nga Kahanas: Pagsukod sa Kahibalo 1 nga Rebyo” kinahanglang itudlo sa wala pa ang leksiyon sa pagsukod sa kahibalo, si Sister Richards mihukom nga isal-ot kini isip ang unang leksiyon sa ikaduha ngadto sa kataposang semana sa semester ug isal-ot ang leksiyon sa pagsukod sa kahibalo isip maoy kataposan nga leksiyon sa semana. Kini magtugot sa mga estudyante og pipila ka adlaw sa pagtuon sa mga tudling nga wala kaayo nila mapamilyar human sa rebyo.
Siya dayon mihukom nga ang pagrebyo mahimong mas epektibo human ang mga estudyante nakatuon sa tanang mga leksiyon sa tudling alang sa doktrinal nga kahanas. Pinaagi sa pagbalhin sa leksiyon sa Mateo 22:36–39 nga doktrinal nga kahanas uban sa katugbang niini nga leksiyon nga may kalabotan sa mga panghitabo hangtod sa kataposan sa miagi nga semana, siya makahimo sa pagtuman niini nga tumong samtang nagmentinar og pipila ka adlaw tali sa pagrebyo ug sa pagsukod sa kahibalo.
Si Sister Richards nakakita dayon og oportunidad sa pagsal-ot sa leksiyon sa doktrinal nga kahanas sa Juan 17:3 uban sa leksiyon nga may kalabotan sa mga panghitabo ngadto sa giya sa gipaspason. Kini nga mga leksiyon orihinal nga gi-eskedyul aron itudlo panahon sa bakasyon sa ting-init. Human sa pagbasa sa mga katuyoan sa leksiyon sa matag nahabilin nga mga leksiyon alang sa semana, gipili niya nga ipabilin ang tulo ka leksiyon nga gibati niya nga labing gikinahanglan sa mga estudyante sa iyang dapit. Siya walay makita nga panginahanglan sa paghimo og kausaban ngadto sa semana sa Abril 24–30.
Si Sister Richards nasayod nga dunay usa na lamang nga nahabilin nga leksiyon sa tudling alang sa doktrinal nga kahanas, Lucas 24:36–39, nga gikinahanglan pa nga isal-ot. Kini usab sa kasagaran matudlo atol sa panahon sa bakasyon sa ting-init. Siya nakabantay nga ang semana sa Abril 17–23 adunay rebyo sa leksiyon sa doktrinal nga kahanas nga mahimong pulihan sa Lucas 24 nga leksiyon. Apan samtang mipadayon siya sa pagsusi sa eskedyul, nakabantay siya nga ang semana sa Pasko sa Pagkabanhaw walay naka-eskedyul nga mga leksiyon.
Sa pagkasayod nga ang leksiyon sa Lucas 24 nga doktrinal nga kahanas, uban sa katugbang nga leksiyon nga may kalabotan sa mga panghitabo, maayo kaayo alang sa semana sa Pasko sa Pagkabanhaw, nakahukom siya nga kini isal-ot didto. Siya dayon mitan-aw sa ubang mga leksiyon nga mapaltahan sa mga estudyante atol sa ilang bakasyon sa ting-init ug mihukom nga ang labing importante nga mga leksiyon nga mahimo niyang itudlo gikan niana nga mga leksiyon mao kadtong nagtudlo mahitungod sa pag-antos sa Manluluwas didto sa Getsemani, Iyang Paglansang sa Krus, ug ang mga saksi sa Iyang Pagkabanhaw. Iyang gikompleto ang eskedyul alang sa semana sa Pasko sa Pagkabanhaw pinaagi sa pagsal-ot niana nga mga leksiyon.
Pinaagi sa pagpili sa mga leksiyon nga iyang gihimo, si Sister Richards nakahimo sa paghatag og prayoridad sa doktrinal nga kahanas alang sa mga estudyante ingon man sa paghatag sa mga estudyante og bililhon nga mga kasinatian sa pagkat-on nga nakapunting ngadto sa Manluluwas atol sa semana sa Pasko sa Pagkabanhaw.
Alang sa nahabilin nga bahin sa semester, siya nakahimo sa pag-organisar sa mga leksiyon aron masunod nila pag-ayo ang han-ay nga anaa sa manwal sa magtutudlo.