Taiala mo le Vave Amata

Faaaogaina o le Tusi Lesona ā le Faiaoga o le Seminare

Ae E Te Le’i Amata Aoao Atu

Suesue le faatomuaga i le tusi lesona a le faiaoga seminare mo le tausaga lenei e te faamasani ai oe lava i nisi o meafaigaluega o loo i ai i le tusi lesona e fesoasoani ai ia te oe.
Ia maua mai se taiala o le saoasaoa o le lesona mo le faasologa o taimi o le seminare i le lotoifale mai lau taitai faamaopoopo o le S&I po o le taitai o le polokalama.
Faaaoga le taiala lenei o le saoasaoa e faailoa ai le isi lesona o le a e aoao atu.

Ua faatulagaina lenei tusi lesona e faamaopoopo ai anomea mo suesuega o le Sau, Mulimuli Mai ia te A’u mo vaiaso taitasi ma e aofia ai lesona e lima mo vaiaso taitasi.
O seti taitasi o lesona e lima e tuueseese e se pepa o faamatalaga lea e tuuina mai ai se vaaiga aoao puupuu o lesona taitasi. O lenei vaaiga aoao e aofia ai le
- faamoemoega o lesona;
- manatu mo sauniuniga a tamaiti aoga;
- manatu faatino o lesona ma tufaaga fautuaina, ata, vitio, po o isi anomea e ono manaomia ai se muai faasilasilaga e saunia ai; ma
- fautuaga o le aoao atu i fesootaiga i vitio.
O vaiaso taitasi e aofia ai ia le itiiti ifo ma le tasi se aafiaga o le aoao ai o mau tauloto o aoaoga faavae.
Mai lea taimi i lea taimi, o se lesona o le “Iloilo Lou Aoaoina” o loo aofia ai e fesoasoani ai i tamaiti aoga e toe manatunatu i mea o loo latou aoaoina ma le auala o loo latou tuputupu ae ai i tulaga o le malamalama, uiga faaalia, ma amioga e faalolotoina ai le liua ma fesoasoani ai ia i latou ia avea atili e faapei o le Tama Faalelagi ma Iesu Keriso.

Faatasi ai ma le faatomuaga i le tusi lesona a le faiaoga seminare, o loo maua punaoa nei mo aoaoga faaopoopo:

Fonotaga faaleaoaoga ma lau taitai faamaopoopo po o le taitai o le polokalama e talanoaina ai au fesili o i ai ma faataitai tomai faafaiaoga
Aoaoga o tomai o le atinaega o faiaoga
Talia ona fetuunai lea o aoaoga o mataupu aoaoina a le seminare
Aoaoga o le taulotoina o aoaoga faavae
Aoaoga mo iloiloga