fefine mo e kiʻi leka ʻokú na sio ki he naunau fakaʻilekitulōnika (tablet)

Ngaahi Fakakaukau ki Hono Fakaʻaongaʻi ʻo e Gospel Library App

Fakafanongo

Ko e taha ʻo e ngaahi founga lelei taha ki hono ako ʻo e folofolá ko e fanongo ki he ngaahi lekōtí. Te ke lava ʻo fai ʻeni ʻi homou ʻapí pe ʻi ha meimei feituʻu pē. Te ke lava foki ʻo fanongo ʻi ha ngaahi vave kehekehe mo e ngaahi lea fakafonua kehekehe.

Ako ʻaki e Tefitó

Te ke lava ʻo fekumi ki ha ngaahi potufolofola felāveʻi mo ha tefito ʻoku ʻomai ʻaki hono fakaaongaʻi ʻo e konga ki he fekumí pea toe vakaiʻi e ngaahi ola ʻo e fekumi ʻoku fekauʻaki mo iá. Te ke lava foki ʻo fakaʻaongaʻi ʻa e Ngaahi Tefito ʻo e Ongoongoleleí ʻa ia ʻokú ne ʻomi ha ngaahi potufolofola pau ki ha tefito.

Fokotuʻutuʻu Fakatatau mo e Tefitó

Te ke lava ʻo fokotuʻutuʻu e kanotohí ʻaki ha ngaahi tefito ʻo fakaʻaongaʻi ʻa e “Tags” mo e “Notebooks.” ʻE lava ke ʻaonga ʻa e ngaahi tefito ko ʻení ʻi he taimi ʻokú ke teuteu ai ha malanga pe lēsoni.

Fakaʻilongaʻi

Te ke lava ʻo fakaʻilongaʻi pe maaka hoʻo folofolá ʻaki haʻo fili ha potufolofola pea fili leva ha sīpinga. Ko e sīpingá ko hano fakatahaʻi ʻo ha ngaahi lanu kehekehe mo ha meʻa ʻoku laineʻi pe fakaʻilongaʻi.

Faʻu ha Ngaahi Fehokotakiʻanga

Te ke lava ʻo faʻu ha ngaahi fehokotakiʻanga ʻi he folofolá, ngaahi pōpoaki ʻo e konifelenisi lahí, mo e ngaahi meʻa kehé. ʻE lava ke tokoni ʻeni ke ke manatuʻi mo maʻu ʻa e fetuʻutaki naʻá ke ʻosi fakahokó.

Kumi e Ngaahi ʻUhingá

ʻE faingofua pē haʻo kumi ʻa e ʻuhinga ʻo ha foʻi lea ʻi he folofolá ʻaki haʻo fili ia pea lomiʻi ʻi he “Fakamatalaʻí”.

Fakaʻaongaʻi e Ngaahi Fakaʻilonga Tohí mo e Ngaahi Monitoá

Te ke lava ʻo foki vave ki he meʻa ʻoku fakaʻilongaʻí ʻaki haʻo fakaʻaongaʻi e ngaahi fakaʻilonga tohí ke muimuiʻi e ngaahi feituʻu mo e monitoa pau. ʻE lava ʻe hono fakaʻaongaʻi ʻo e ngaahi fakaʻilonga tohí ʻo fakaʻatā koe ke ke kei fakaava pē ʻa e ngaahi vahé mo e ngaahi meʻa kehé ʻi he taimi tatau.

Faʻu ha Taimi-tēpile

Te ke lava ʻo faʻu ha palani ako ʻe tokoni atu ke ke muimuiʻi hoʻo fakalakalaka ʻi hono ako ʻo e folofolá. Te ke lava foki ʻo fokotuʻu ha ngaahi fakamanatu ke tokoni atu ke ke lavaʻi hoʻo ngaahi taumuʻa akó. ʻE lava ke tokoni atu ha taimi-tēpile fakataha mo e taimi-tēpile Haʻu, ʻO Muimui ʻIate Au pe lau fakataautaha ʻo e Tohi ʻa Molomoná.