“Iango Ibukin Kabonganaan te Gospel Library App,” Iango n Aron Kamatebwaian Koroboki aika Tabu (2021)
“Iango Ibukin Kabonganaan te Gospel Library App,” Iango n Aron Kamatebwaian Koroboki aika Tabu
Iango Ibukin Kabonganaan te Gospel Library App
Kakauongo
Teuana te kawai ae rangi n tamaroa ni kamatebwaian koroboki aika tabu bon te ongora nakon ake a raweaki. Ko kona ni karaoa aei inanon mweengam ke man taabo nako. Ko kona naba n ongora n tein birina ae kakaokoro ao n taetae aika a kakaokoro.
Kamatebwaii Atuun Reirei
Ko kona ni kakaei kiibu ni koroboki aika tabu iaon atuun reirei man kabonganaan te search function ao imwiina tarai ake a kaoti. Ko kona naba ni kabonganaa te Gospel Topics ake a boretiaki aika a katauraoi oin kiibu ni koroboki aika a tabu n atuun te reirei ake a kateaki.
A Baireaki man Atuun te Reirei
Ko kona ni bairei kanoana n atuun reirei ni kabonganaa “Tags” ao “Notebooks.” Atuun reirei aikai a kona ni ibuobuoki ngkana ko katauraoa am taetae ke am reirei.
Kanikinaea
Ko kona ni kanikinaea ke ni mwaakena am kibu ni koroboki aika a tabu man rineakin bota n taeka ao ngkanne rinean teina are ko tangiria. Teina e kona n uaia ni kaairaki bwa e na kaokoro karana ao n rainiaki aana ke ni katuruturuaki.
Karaoa Reitakiia
Ko kona ni karaoa ae a na reitaki kiibu, rongorongo man te maungatabu ni kabuta, ao rongorongo riki tabeua. Aio e kona ni buokiko n uringii ao ni waekoa ni karekei rongorongo ake ko a tia ni mwaaken.
Kakaei Nanon Taeka
Ko kona ni waekoa n nori nanon taian taeka ni koroboki aika a tabu man rinean te taeka ao taona te bwatin ae “Define”.
Kabonganaa te Bookmarks ao te Tikuriin
Ko kona ni waekoa ni manga oki nakon kanoan iteraniba man kabonganaan te bookmarks n taua mwiin taabo ake ko a tia n roko iai ao tikuriin. Kabonganaan te bookmarks e na anganiko te kona ni kawakin taian kibu aika a kakaokoro ao kanoana tabeua ni kaukii n te tai ae tii teuana.
Bairea Am Tai
Ko kona ni bairea tain am kamatebwai are e na buokiko n nooria bwa ko a bwaka ia n am kamatebwai ni koroboki aika a tabu. Ko kona naba ni karaoa kauringakim ni buokiko n kakoroa nanon am kouru n am kamatebwai. Baireakin am tai e kona ni buokiko ni iriira are e baireaki n Nakomai, Iriirai ke ni bon oin am wareware n ana Boki Moomon.