Pe o se agasala le lagona tosina atu i le itupa e tasi?

O Le Tosina Atu Lava Ia e Le o se Agasala

Na ta’ua e Peresitene M. Russell Ballard:

“Ia tatou malamalama: E talitonu Le Ekalesia a Iesu Keriso o le Au Paia o Aso e Gata Ai e faapea “o le aafiaga o le tosina atu i le itupa e tasi o se mea moni e faigata mo le toatele o tagata. O le faatosinaga lava ia e le o se agasala, ae o le faatinoina o se agasala lea. E ui lava e le filifilia e tagata taitoatasi ina ia maua i ia faatosinaga, ae ua latou filifili pe faapefea ona tali atu i na faatosinaga. Faatasi ai ma le alofa ma le malamalama, ua aapa atu ai le Ekalesia i fanau uma a le Atua, e aofia ai [i latou e tosina atu i le itupa e tasi]’” (“O Loo Manaomia Oe e le Alii i le Taimi Nei!” Liahona, Set. 2015, 15).

E ui o le tosina atu i le itupa e tasi e le o se agasala, ae e mafai ona avea ma se luitau. E ui e mafai e se tasi ona le filifili e maua nei lagona, ae e mafai ona ia tuuto atu e tausi ia poloaiga a le Atua. O le mātua o se tamaitiiti ua lagonaina le tosina atu i le itupa e tasi pe ua faailogaina foi o se tane e tosina atu i se tane (gay) e tatau ona filifili e alolofa ma taliaina lena tamaitiiti. I le avea ai ma se faapotopotoga o tagata o le Ekalesia, e tatau ona tatou filifili e fatua’i se faalapotopotoga faaleuo.