« តើការមានអារម្មណ៍ប្រតិព័ទ្ធភេទដូចគ្នាគឺជាអំពើបាបដែរឬទេ ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ ( ឆ្នាំ ២០២០ )
« តើការមានអារម្មណ៍ប្រតិព័ទ្ធភេទដូចគ្នាគឺជាអំពើបាបដែរឬទេ ? » ការប្រតិព័ទ្ធភេទដូចគ្នា ៖ បុគ្គលម្នាក់ៗ
តើការមានអារម្មណ៍ប្រតិព័ទ្ធភេទដូចគ្នាគឺជាអំពើបាបដែរឬទេ ?
ការប្រតិព័ទ្ធតែម្យ៉ាងគឺពុំមែនជាអំពើបាបទេ
ប្រធាន អិម រ័សុល បាឡឺដ បានថ្លែងដូច្នេះ ៖
« ចូរយើងដឹងឲ្យបានច្បាស់ថា សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយជឿថា ‹ ការជាប់ទាក់ទងនឹងការប្រតិព័ទ្ធភេទដូចគ្នាគឺជាភាពពិតដ៏ស្មុគស្មាញមួយចំពោះមនុស្សជាច្រើន › ។ ការប្រតិព័ទ្ធតែម្យ៉ាងគឺពុំមែនជាអំពើបាបទេ ប៉ុន្ដែការប្រព្រឹត្តគឺជាអំពើបាប ។ ទោះជាបុគ្គលម្នាក់ៗពុំជ្រើសរើសដើម្បីមានការប្រតិព័ទ្ធប្រភេទនេះក្ដី ក៏ពួកគេអាចជ្រើសរើសរបៀបដើម្បីឆ្លើយតបនឹងអារម្មណ៍នេះបានដែរ ។ សាសនាចក្រឈោងទៅជួយបុត្រាបុត្រីរបស់ព្រះទាំងអស់ដោយសេចក្ដីស្រឡាញ់ និងការយល់ចិត្ត រួមទាំង [ អ្នកទាំងឡាយដែលមានការប្រតិព័ទ្ធភេទដូចគ្នាដែរ ] › » ( « The Lord Needs You Now! » Liahona ខែ កញ្ញា ឆ្នាំ ២០១៥ ទំព័រ ១៥ ) ។
ខណៈដែលការប្រតិព័ទ្ធភេទដូចគ្នាគឺពុំមែនជាអំពើបាបក្ដី តែវាអាចជាឧបសគ្គមួយ ។ ខណៈដែលមនុស្សម្នាក់ប្រហែលជាមិនបានជ្រើសរើសដើម្បីមានអារម្មណ៍ទាំងនេះ តែគាត់ ឬនាងអាចតាំងចិត្តដើម្បីរក្សាបទបញ្ញត្តិទាំងឡាយរបស់ព្រះបាន ។ ឪពុកម្ដាយនៃកូនដែលមានជាប់ទាក់ទងនឹងការប្រតិព័ទ្ធភេទដូចគ្នា ឬស្គាល់ថាជាមនុស្សខ្ទើយគួរតែជ្រើសរើសដើម្បីស្រឡាញ់ ហើយឱបក្រសោបកូនម្នាក់នោះ ។ ក្នុងនាមជាសហគមន៍នៃសមាជិកសាសនាចក្រ នោះយើងគួរតែជ្រើសរើសបង្កើតជាសហគមន៍មួយដែលមានការស្វាគមន៍ ។