Ol Risos blong Givhan wetem Ol Kworom blong Melkesedek Prishud mo Ol Rilif Sosaeti we Oli Kam Strong Moa

Ol risos ia, i helpem ol lida taem oli stap rere blong givim instraksen taem oli stap lidim ol toktok raon long ol eria kaonsel, ol kodineting kaonsel, ol stek konfrens, ol stek kaonsel, ol wod kaonsel, mo ol Sandei lesen.

Sam Tingting blong Yusum Ol Risos Ia

Long wan kaonsel miting, ol lida oli save statem wan storian raon long ol jenis we oli anaonsem long Epril 2018 jeneral konfrens taem oli ridim fas pat blong pepa ia we i kam wetem leta blong Fas Presidensi, 2 Epril 2018, “Givhan wetem Ol Kworom blong Melkesedek Prishud mo Ol Rilif Sosaeti we Oli Kam Strong Moa (luk long ministering.ChurchofJesusChrist.org).

Ol memba blong kaonsel oli save lukluk mo toktok raon long vidio ia Wan Visen blong Wok blong Givhan (luk long “Vidio” andanit ia). Sam moa vidio mo ol nara risos oli stap tu blong helpem storian ia, mo oli save yusum long ol kaonsel miting o long ol nara ples long fiuja. Wanwan pat insaed long vidio blong Givhan we I Wok Gud i gat wan kwestin we i go wetem we grup i save toktok raon long hem.

Ol Vidio

Olgeta vidio ia i gat tu, ol sot sot vidio blong Epril 2018 jeneral konfrens, mo ol nara jeneral konfrens lidasip miting wetem ol Jeneral Atoriti, Ol Eria Seventi, mo Ol Jeneral Ofisa.

Wan Visen long Wok blong Givhan (4.41)

Wok blong Givhan we I Wok Gud (15:01) insaed i gat ol defren pat ia:

1. “?From Wanem Yumi Mas Givhan” (2:43). Kwestin: ?From wanem yumi stap givhan?

2. “I Simpol, I blong Wanwan, mo Spirit I Lidim” (2:20). Kwestin: ?Olsem wanem nao yumi save mekem ol hadwok blong yumi oli simpol mo Spirit i lidim olgeta?

3. “Bigfala Lukluk long Ol Givhan Intaviu” (3:53). Kwestin: ?Olsem wanem nao ol givhan intaviu we i wok gud i save blesem wanwan mo ol famli?

4. “Wan Kombaen Wok” (2:49). Kwestin: ?Olsem wanem wan joen o kombaen wok i save help blong kea long evriwan long ol pikinini blong God?

5. “Invitesen blong Tekem Aksen” (3:24). Kwestin: ?Wanem nao i bes wei blong yusum visen ia blong stap givhan we i kam long Fas Presidensi mo Kworom blong Olgeta Twelef Aposol?

Ol Givhan Intaviu (19:18)

Ol Skripja Refrens

Matiu 10:39; 22:37–39; Luk 22:32; Jon 10:11; 13:34; 21:15–16; Galesia 5:13; Mosaea 23:18; Doktrin mo Ol Kavenan 20:51–53

Sam Moa Risos

• Namba blong magasin blong Liahona mo Ensign blong manis Mei 2018 , mo long websaet ia, comefollowme.ChurchofJesusChrist.org bae i gat ol risos we oli save yusum long ol nambafo Sandei klas long saed blong givhan, hemia long ol klas blong kworom mo Rilif Sosaeti.

• .Sam moa infomesen, we taetol ol i, “Ol Givhan Prinsipol,” bambae oli stap insaed long ol namba blong Liahona mo Ensign.