Hoko Atu ʻi Hoʻo Fononga ki he Moʻui Fakafalala pē Kiate Kitá
-
Lau:Tangane e Ngāue! Naʻá ke fokotuʻu ʻi he lolotonga ʻo e uike ʻe 12 kuo hilí ha ngaahi tōʻonga moʻui foʻou peá ke moʻui fakafalala lahi ange ai kiate koe. ʻOku finangalo ʻa e ʻEikí ke ke hoko atu hono tanumaki ʻo e ngaahi meʻa ko ʻeni ʻokú ke malavá pea mo fakatupulaki ha niʻihi foʻou. ʻE lava ʻa e Laumālie Māʻoniʻoní ʻo tokoniʻi kitautolu ke tau ʻilo ʻa e ngaahi meʻa ʻi heʻetau moʻuí ʻoku fie maʻu ke fakaleleiʻí, ʻi heʻetau lotu mo fakafanongó.
-
Aleaʻi:Ko e hā te tau lava ʻo fai ke kei hoko atu ʻi he hala ki he moʻui fakafalala pē kiate kitá? Te tau lava fēfē ʻo hokohoko atu ʻi he fetokoniʻakí?
-
Tukupā:Tukupā ke fakahoko ʻa e ngaahi ngāue ko ʻení he lolotonga ʻo e uike ʻe 12 ka hokó. Fakaʻilongaʻi ʻa e kiʻi puhá ʻi he taimi kuó ke fakakakato ai e ngāué takitaha:
-
Toe fakamanatu mo hoko atu ʻi he moʻui ʻaki e ngaahi tefitoʻimoʻoni ʻe 12 ʻo e Ko Hoku Fakavaʻé mo e tōʻonga moʻui ʻo e moʻui fakafalala pē kiate kitá.
-
Vahevahe mo ha niʻihi kehe ʻa e meʻa kuó ke ako fekauʻaki mo e moʻui fakafalala pē kiate kitá. Hoko atu ʻi hono tokoniʻi ʻo e kau mēmipa hoʻomou kulupú, pe pole ke tokoniʻi ha kulupu foʻou ʻi he moʻui fakafalala pē kiate kitá.
-
Fakatupulaki ʻa e ngaahi meʻa ʻokú ke malavá ʻaki haʻo kau ki ha kulupu moʻui fakafalala pē kiate kita ʻe taha.
-
Ako ʻa e ngaahi tefitoʻi moʻoni fakatokāteline ʻo e moʻui fakafalala pē kiate kita ʻi laló.
-
|
Ngaahi Tefitoʻi Moʻoni Fakatokāteline ʻo e Moʻui Fakafalala Pē Kiate Kitá | ||
|---|---|---|
|
Ko e Moʻui Fakafalala Pē Kiate Kitá Ko ha Fekau |
Ko e Taumuʻa ʻa e ʻEikí Ke Tauhi ʻa ʻEne Kau Māʻoniʻoní, pea ʻOkú Ne Maʻu ʻa e Mālohi Kotoa ke Fai Ia. |
ʻOku Taha pē ʻa e Fakatuʻasinó mo e Fakalaumālié |
|
Tokāteline mo e Ngaahi Fuakava 104:15; Sione 10:10; Mātiu 28:18; Kolose 2:6–10 | ||