“Ikaw Adunay Katuyoan,” Personal nga Kalamboan: Giya nga Basahon sa Kabatan-onan (2019)
“Ikaw Adunay Katuyoan,” Personal nga Kalamboan: Giya nga Basahon sa Kabatan-onan
Ikaw Adunay Katuyoan
Ang imong Langitnong Amahan ug ang Iyang Anak, si Jesukristo, nakaila kanimo ug nahigugma kanimo. Importante ka nga bahin sa Ilang buhat, ug makahimo ka og dakong epekto sa kalibutan.
Ang Langitnong Amahan mihatag kanimo og mga talento ug espirituhanong mga gasa. Mahimo ka nga magtinguha og pagpadayag aron masayud unsaon sa pagpalambo sa imong mga talento, mahimong mas sama ni Jesukristo, ug himoong mas maayo ang imong kaugalingon, ang ubang tawo, ug bisan ang kalibutan.
Kining giya nga basahon sa personal nga kalamboan nagtanyag og mga baruganan ug mga himan nga imong magamit sa imong mga paningkamot sa pagpalambo sa imong mga gasa ug sa pagsunod kang Jesukristo.