Ol Gospel Standet blong Mi

Ol standet blong gospel oli helpem yu blong mekem samting long wei we Jisas bae i mekem. Oli save givim sam aedia long yu blong gat ol niu aktiviti blong mekem plan from, mo blong mekem.

• Bae mi folem plan blong Papa long Heven we Hem i gat long mi.

• Bae mi tingbaot kavenan blong mi blong baptaes mo bae mi lisin long Tabu Spirit.

• Bae mi jusum raet. Mi save se mi save sakem sin taem mi mekem wan mistek.

• Bae mi ones wetem Papa long Heven, ol narawan, mo miwan.

• Bae mi yusum ol nem blong Papa long Heven mo Jisas Kraes wetem respek.

• Bae mi no swea o yusum ol rabis toktok.

• Bae mi mekem ol samting we bae i helpem mi blong mi stap kolosap long Papa long Heven mo Jisas Kraes long Sabat dei.

• Bae mi givim ona long papa mo mama blong mi, mo mekem pat blong mi blong mekem famli blong mi i kam strong moa.

• Bae mi kipim maen mo bodi blong mi i tabu mo klin evriwan, mo bae mi no save tekem mo kakae o dring ol samting we i save spolem mi.

• Bae mi dresap gud blong soem respek long Papa long Heven mo miwan.

• Bae mi ridim, wajem mo lisin nomo long ol samting we oli stret long Papa long Heven.

• Bae mi lisin nomo long miusik we i stret long Papa long Heven.

• Bae mi lukaotem ol gudfala fren mo mekem kaen fasin long ol narawan.

• Bae mi laef naoia blong stap klin inaf blong go long tempol mo mekem pat blong mi blong gat wan famli we i no save finis.