“!Yu Stat! “Eksampol,” Divelopmen blong Yuwan: Gaedbuk blong Ol Pikinini (2019)
“!Yu Stat! “Eksampol,” Divelopmen blong Yuwan: Gaedbuk blong Ol Pikinini
!Yu Stat!
Long saed blong Waes, Long Saed blong Sosol laef
Faenemaot
?Wanem nao yu filim se yu mas lanem o traem? ?Wanem samting nao yu save mekem gud? ?Wanem nao yumi wantem mekem i gud moa? Jusum wan samting blong mekem.
Mi mi gud blong:
-
Mekem brata blong mi i laf
-
Ron long baeskel blong mi
-
Dro
Mi wantem lanem blong:
-
Plei gita
-
Kukum nambawan kaekae we mi laekem
Mi wantem blong kam gud moa:
-
Long Matematik
-
Blong mekem ol gudfala fren
-
Long futbol
Mekem Plan
?Wanem step o aksen nao yu save tekem? ?Hu i save helpem yu? ?Olsem wanem hemia i save helpem yu blong folem Jisas?
Mi wantem lanem blong kukum nambawan kaekae we mi laekem. Papa i save olsem wanem blong kuk; bae mi askem hem fastaem blong i tijim mi. Jisas i bin fidim ol pipol, mo mi tu, mi save mekem. Mi wantem kuk blong Bubuwoman from se bae i mekem hem i hapi.
Tekem Aksen
Wok long plan blong yu. Mekem bes blong yu. ?Yu filim olsem wanem abaot wanem yu stap lanem?
-
!Gud tumas! Mi stap mekem i gud moa, mo mi wantem gogohed olsem.
-
Mi nidim help.
-
Mi wantem traem wan nara samting.
!Kuk i had! Mi yusum tumas sol long fas raon blong kuk blong mi. Papa i talem se i had blong mekem i stret long fas taem. Bae mi gogohed blong traem.
Tingtingbak
?Wanem nao yu bin lanem? ?Olsem wanem taem yu bin wok long hemia i bin helpem yu blong folem Jisas? ?Olsem wanem nao yu save yusum hemia blong givim seves long ol narawan? Raetem wanem yu bin mekem, mo wanem nao yu bin filim.
!Mi mekem! Bubuwoman i talem we i gud i semmak olsem taem Papa i mekem! Mi bin folem Jisas taem mi givim seves long Bubuwoman. Bae mi gohed blong praktis blong kukum ol niu resipi.