Te mau Ari’i 1 16–18

Elia te peropheta

Te fa’aro’o o te hō’ē metua vahine ’e te mau temeio a te Fatu

’Aita e ua i te bāsileia o ’Īserā’ela, ’e te tahe noa ra te pape. ’Aita te ari’i Ahaba ’e te ari’i vahine Iezebela e au roa i te mau peropheta a te Fatu. ’Ua taparahi pohe ato’a rāua i te tahi mau peropheta. ’Ua pure te ari’i ’e te ari’i vahine i te mau ’īdolo nō te ua. ’Ua parau rā te peropheta Elia ia rāua ē, e’ita te Fatu e hōro’a mai i te ua e rave rahi mau matahiti .

Te mau Ari’i 1 16:29–33 ; 17:1 ; 18:13

’Ua riri te ari’i ’e te ari’i vahine ia Elia. ’Ua fa’aara te Fatu ia Elia ’ia tāpuni nō te mea tei roto tōna ora i te fifi.

Te mau Ari’i 1 17:2–3

’Ua arata’i te Fatu ia Elia i te hō’ē ’ānāvai ’e ’ua tono i te mau manu nō te hōpoi atu i te mā’a nāna. Nō te mea ho’i ē ’aita i ua, ’ua marō te ’ānāvai, ’e ’aita tā Elia e pape.

Te mau Ari’i 1 17:4–7

’Ua arata’i te Fatu ia Elia i te hō’ē vahine ra i roto i te hō’ē ’oire ātea. ’Ua ani Elia iāna i te pape ’e te faraoa. ’Ua nava’i noa rā nāna iho ’e nā tāna tamaiti nō te hō’ē mahana hau atu.

Te mau Ari’i 1 17:8–12

’Ua ’ite Elia, ’o tāna mā’a iti hope’a te reira. ’Ua parau fafau atu Elia ē, mai te mea e fa’a’amu ’oia iāna, e hōro’a mai te Fatu i te mā’a nā tōna ’utuāfare ’e tae roa atu i te taime e ho’i fa’ahou mai ai te ua.

Te mau Ari’i 1 17:13–14

’Ua hāmani te vahine i te faraoa nā Elia. I muri iho, ’ua rahi atu tāna hinu ’e tāna faraoa ota ! ’Ua rava’i roa te mā’a nā Elia ’e nā tōna ’utuāfare nō e rave rahi mahana.

Te mau Ari’i 1 17:15-16

I te hō’ē mahana ’ua ma’ihia te tamaiti a te vahine ’e ’ua pohe. ’Ua ui atu ’oia ia Elia nō te aha te Fatu i vaiiho ai i teie mea ’ia tupu i ni’a iāna.

Te mau Ari’i 1 17:17-20

E autahu’ara’a tō Elia. ’Ua ha’amaita’i ’oia i tāna tamaiti ’e ’ua ani i te Fatu ’ia fa’aho’i mai i te ora. ’Ua huti fa’ahou mai te tamari’i i te aho, ’e ’ua ’ite te vahine e peropheta ’o Elia nā te Fatu.

Te mau Ari’i 1 17:21-24