Youth studying the scriptures in their seminary class.
E mafai ona fesoasoani lenei lesona ia te oe ia malamalama ai i le taua o le faatino ma le faatuatua ia Iesu Keriso ao e aoao i le seminare. Ao e aoaoina lenei lesona, o le a e iloa ai pe faapefea ona maua mea aupito sili mai ou aafiaga i le seminare.
Tapenaga a le Tagata Aoga: Valaaulia tagata aoga ina ia mafaufau i le fesili lenei: O a ni mea na e faia ua sili ona fesoasoani ia te oe i lou aoao i le talalelei?
Gaoioiga e Mafai Ona Faaaoga e Aoao Mai Ai
Tuu se avanoa i tagata aoga e iloilo ai le auala o latou faaaogaina i le taimi nei e aoao ai le talalelei. O se gaoioiga faatino e pei o lenei e mafai ona fesoasoani ai.
Faitau le ata faataitai lea:
E toalua ni tamaitai talavou o loo i ai i le vasega seminare e tasi. Ua lagona e le tasi tamaitai talavou le tosinaga a le Agaga Paia ma le alofa o le Alii i le seminare. O loo ia maua tali i ana fesili, ua faateleina lana molimau i le Faaola ma Lana Ekalesia, ma ua faaleleia atili o ia i le tele o mea i lona olaga. Peitai, o le isi tamaitai talavou, e tele ina ’iva i le seminare ma e le tele se mea na te aoao mai ai.
O a ni mafuaaga e ono mafua ai ona matua eseese aafiaga o nei tamaitai talavou e toalua i le seminare?
Mafaufau e valaaulia tagata aoga e tusi i lalo tali i fesili nei.
O a ni mea o e faia i le taimi nei e aoao ai faaleagaga?
O e lagona o e mauaina tali o loo e manao i ai ma manaomia?
A o e suesue i lenei lesona, mafaufau e uiga i auala e te manao e aoao ma e ola ai i lenei tausaga i le seminare. O le aoaoina e aofia ai soo se auala tatou te alualu ai i luma i o tatou olaga. Atonu e te mafaufau foi i soo se popolega po o ni au fesili o i ai. E ala i le tatalo faatauanau, saili le taitaiga a le Agaga Paia e fesoasoani ia te oe ia iloa ai le ala e faaaoga ai lenei lesona i lou olaga.
O se tasi o mea moni e sili ona malosi le faatosinaga i lo tatou aoaoina, o le tele o lo tatou faalagolago ma mulimuli ia Iesu Keriso. O le mataupu faavae e tasi o le a taulai i ai le lesona lenei o le a o tatou taumafai malosi e aoao e ala i le faatuatua ia Iesu Keriso, e mafai ona faamanuiaina ai i tatou ma alualu i luma le tagata lava ia.A o e faitau i le saunoaga lenei mai ia Elder David A. Bednar o le Korama a Aposetolo e Toasefululua, vaavaai mo ni malamalamaaga e uiga i le aoao e ala i le faatuatua ia Iesu Keriso.
Mafaufau e tusi le mataupu faavae sa taua muamua i le laupapa. Vaavaai mo auala e faamamafa ai le taua o le faalagolago ia Iesu Keriso i lo tatou aoaoina.
Ata
Elder David A. Bednar, Quorum of the Twelve Apostles official portrait. 2020.
A o tatou vaavaai atu i le lumanai ma faatalitali i le lalolagi sili ona fenumiai ma galua o le a tatou ola ai, ou te talitonu o le a tāua mo i tatou uma le faateleina o lo tatou malosiaga e saili i le aoaoina e ala i le faatuatua. … O le faatuatua moni e taulai atu i le Alii o Iesu Keriso ma e taitai atu e le aunoa i faatinoga. … O le aoaoina e ala i le faatuatua, e manaomia ai taumafaiga faaleagaga, faalemafaufau, ma le faaletino ae le na ona talia. O le faamaoni a’ia’i ma le faia pea e le aunoa o a tatou faatinoga musuia i le faatuatua, e faailoa atu ai i lo tatou Tama Faalelagi ma Lona Alo o Iesu Keriso lo tatou naunautai e aoao ma maua faatonuga mai le Agaga Paia.
(David A. Bednar, “Saili e Aoao e Ala i le Faatuatua,”Ensign po o le Liahona, Sete. 2007, 61, 63–64)
O le a se mea na e aoaoina mai lenei faamatalaga?
E mafai e tagata aoga ona suesue i tusitusiga paia i le gaoioiga lenei e le tagata lava ia pe o ni vaega toalaiti. Mafaufau e faaali atu le vitio e sili pna talafeagai i tagata aoga po o le saunia o ni vitio e sili atu ma le tasi ma faataga le vasega e filifili po o le fea o le a mananao e matamata ai.
O le a e mauaina le tele o lou aoaoina faaleagaga pe a e taumafai malosi e aoao e uiga ia Keriso ma taulai i ai au taumafaiga. O mau nei ma vitio o loo faaalia ai tagata taitoatasi na omai ia Iesu Keriso ma sa Ia faamanuiaina. Faitau pe tasi se tala faatusi paia ma matamata pe a ma le tasi se vitio, pe a mafai. O loo maua nei vitio uma i luga o le ChurchofJesusChrist.org A o e faitau ai ma matamata, mafaufau pe faapefea ona fesootai aafiaga o nei tagata taitoatasi ma le aoaoina o le talalelei.
Vitio: “Fesili i le Atua (2017 Autu o le Mutuale)” (3:21)
Vitio: “Seminary Can Change Lives” (4:13)
O a mea sai fai e le tagata i fuaiupu nei po o le vitio e iloa tino ai lona faatuatua ia Iesu Keriso? Na faapefea ona iloa lo latou faatuatua i a latou faatinoga?
O a mea faalavefau na manumalo mai ai le tagata?
Na faapefea ona faamanuia i latou e le Alii?
O le a se mea e mafai ona e aoao mai le aafiaga o le tagata lenei e mafai ona faaaogaina i au lava aoaoga o le talalelei?
Vaevae se fasi pepa i ni koluma se tolu, ma faaigoa laina Ae lei faia le vasega, Taimi o le Vasega, ma le Mae’a le Vasega. Mafaufau i mea sa e faia po o mea sa mafai ona e faia ae lei faia le vasega, taimi o le vasega, ma ina ua mae’a le vasega e fesoasoani ai ia te oe ia aoao e ala i le faatuatua ia Iesu Keriso. Saili ma le agaga tatalo le taitaiga a le Agaga Paia a o e mafaufau i faataitaiga ma tusi pe tusi ata o au faataitaiga i koluma taitasi.
Valaaulia tagata aoga e faasoa mai se mea se tasi o a latou faataitaiga a o tali mai i fesili nei.
O le a se mea e tasi na e faia muamua, taimi o fai ai, po o le mae’a o se vasega o le talalelei na faapea ona fesoasoani e te aoao ma ola latalata atu ai i le Alii?
Atonu e aoga le fesili i ni nai tagata aoga e tali mai le fesili na muamua atu. E ono tau atu ai i ni tali eseese A o faalogo atu tagata aoga i manatu mai isi, uunaia i latou e faaopoopo atu na manatu i a latou pepa i lalo Ao lei faia le vasega, Taimi o fai ai, po o le Mae’aVasega. O nisi nei o manatu faaopoopo mo tagata aoga.
O lau lava sini patino
A o e suesue i le seminare, o le e maua avanoa e:
Sauni ai mo le vasega. Saili faaaliga e ala i le Agaga Paia ma le faitau o tusitusiga paia i aso taitasi o nisi ia o auala e sili ona lelei e saunia ai. O le a mafai foi ona valaaulia oe e mafaufau loloto i fesili ae lei faia vasega pe suesue se tala puupuu mai le Sau, Mulimuli Mai Ia Te A’u.
Faaali le faatuatua ia Iesu Keriso i le taimi o vasega. O le a valaaulia oe e faaali lou faatuatua ia Iesu Keriso ma aoao malosi e tusa ma Ana aoaoga, e ala i le suesue i tusitusiga paia, fai gaoioiga, faasoa atu ou mafaufauga, ma sailiili ma le agaga tatalo i musumusuga mai le Agaga Paia e faaaoga ai mea moni e te aoaoina i lou olaga.
Iloilo mea o loo e aoaoina. O le a e maua avanoa faifai pea e faia ai au lava sini, ma iloilo lou lava aoaoina ma le alualu i luma. O le a mafai foi ona e fai atu ni fesili ma saili le taitaiga mo soo se faafitauli po o popolega.
Faasoa atu. O le a uunaia oe e faasoa atu mea ua e aoaoina i isi, e aofia ai lou aiga.
I lau api talaaga o suesuega, po o le pepa na e tusia ai pe tusi ai ata o gaoioiga e fesoasoani e te aoao ma e ola latalata ai i le Alii, tusi ai po o a mea o le a e manao e fai muamua ae lei faia, i le taimi o fai ai, ma pe a uma le vasega e aoao ai e ala i le faatuatua. O lea mea e mafai ona faigofie e pei o le faalapotopoto po o le tuu o se fetu i tafatafa o se metotia e te manatu o le a finagalo le Alii e te faataitaia. Mafaufau e tuu lau sini i se nofoaga o le a e vaai soo i ai ma manatua.
Tala ma Faamatalaga o Talaaga
E mafai faapefea ona faateleina lo’u lava tiutetauave mo lou aoaoina?
Na aoao mai Elder David A. Bednar o le Korama a Aposetolo e Toasefululua e faapea:
Ata
Elder David A. Bednar, Quorum of the Twelve Apostles official portrait. 2020.
O tagata taitoasi o Le Ekalesia a Iesu Keriso o le Au Paia o Aso e Gata Ai e i ai tiutetauave taitoatasi e aoao ma ola i aoaoga a le Alii…. E le tatau ona tatou faamoemoe i le Ekalesia o se faalapotopotoga e aoao pe ta’u mai ia i tatou mea uma tatou te manaomia ona iloa ma faia ia avea ai ma soo moni ma tumau ma le lototoa e oo i le iuga. Ae, o lo tatou tiutetauave patino o le aoao lea o mea e tatau ona aoaoina ai i tatou, ia ola e pei ona tatou iloa e tatau ona tatou ola ai, ma ia avea ma tagata ua finagalo le Matai ia avea ai i tatou.
Aisea e tatau ai ona ou taumafai e aoao malosi i le seminare?
Na aoao mai Peresitene Russell M. Nelson:
Ata
Official portrait of President Russell M. Nelson taken January 2018
O le tele o lou mulimuli i faataitaiga a Iesu Keriso, o le tele foi lea o lou faamauiaina.
O le ā, la le mea, o le a fesoasoani ia te oe ia avea ai oe o se soo moni o Iesu Keriso? E tasi le tali o le seminare ma le inisitituti—e le na o le auai ae ia toaga e auai i vasega ma mulimuli i soo se galuega atofa e tuuina atu. …
O le faauu mai le seminare ma le inititituti o le a faateleina ai lou tomai e te tulagaese ai i mea aupito taua o le a e faia i le olaga. O le a avea mo oe le olioli moni!
Na aoao mai Elder Richard G. Scott o le Korama a Aposetolo e Toasefululua le mea lenei e uiga i le auai i se aafiaga o le aoaoina o le talalelei:
Ata
Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.
“O le faaiuga [a tagata aoga] e auai, o se faatinoga lea o le faitalia e faataga ai le Agaga Paia e fesootai mai se savali patino e fetaui ma o latou lava manaoga taitoatasi. O le faatuina o se siosiomaga o le auai e faaleleia ai le avanoa o le a aoao mai ai e le Agaga ni lesona e sili atu le taua nai lo mea e mafai ona talanoa atu ai [le faiaoga].
O lena auai o le a aumaia ai i olaga [o tagata aoga] le taitaiga a le Agaga. Pe a … sii … e tagata aoga o latou lima e tali mai i se fesili, e ui atonu latou te le iloaina, ae ua latou faailoa atu i le Agaga Paia lo latou naunau ia aoaoina. O lena faaaogaina o le faitalia lelei o le a faatagaina ai lena Agaga e faaosofia ma tuuina atu ia i latou se taitaiga sili atu ona mamana i le taimi tou te faatasi ai. O le auai e faataga ai tagata taitoatasi e iloale taitaiina e le Agaga. Latou te aoao ia iloa ma lagona le mea e ta’u o le taitaiga faaleagaga.
Ae lei tusia e tagata aoga ni ata po o ni faamatalaga o auala e mafai ona latou aoao ai e ala i le faatuatua ia Iesu Keriso a o lei faia, i le taimi o fai ai, ma pe a uma le vasega, mafaufau e valaaulia tagata aoga e tali se tasi pe sili atu o fesili nei ma ia faasoa mai pe mafai faapefea ona fesoasoani mea taitasi ia i latou ma isi ia aoao e ala i le faatuatua.
Aisea e tatau ai ona ou tatalo e uiga i soo sa’u fesili o i ai? ( Mataio 7:7–8 ; 21:22)
Aisea e tatau ai ona ou mafaufau loloto i mea ou te aoaoina? (Tagai i le “Mafaufau Loloto” i le Taiala i Tusitusiga Paia po o le Taiala o Autu, scriptures.ChurchofJesusChrist.org.)
