A family spends time together on the grounds in front of the Oakland Temple.
O sootaga faaleaiga o nisi ia o mea e sili ona tauia e mafai ona tatou oo i ai i le olaga nei. O sootaga ma matua, uso ma tuafafine/tuagane, ma taitoalua e mafai ona aumaia le olioli tele ae e mafai foi ona oo mai ai luitau. Na aoao mai Paulo e mafai ona tatou vaai atu ia Iesu Keriso o se faataitaiga mo sootaga maloloina ma fiafia ma tagata o le aiga. O lenei lesona e mafai ona fesoasoani ia te oe e mulimuli ai i le faataitaiga a le Faaola e faaleleia ai au sootaga ma isi.
Sauniuniga a le tagata aoga: Valaaulia tagata aoga e mafaufau e uiga i tagata o o latou aiga ma faailoa mai se mea se tasi latou te fiafia i ai e uiga ia i latou taitoatasi.
Gaoioiga E Ono Mafai Ona Aoao Mai Ai
O lenei lesona e taulai atu i sootaga faaleaiga. Faamolemole mafaufau i tulaga faaleaiga o tagata aoga a o tapenapena ma aoao atu lenei lesona. Ia magafagafa i uunaiga a le Agaga Paia ma manaoga o tagata aoga.
Lou aiga
Tusi i lalo igoa o tagata o lou aiga vavalalata ma se se tasi o mea e te fiafia i ai e uiga ia i latou taitoatasi.
Valaaulia ni nai tagata aoga e faasoa mai se mea latou te fiafia i ai e uiga i se tasi o tagata o o latou aiga.
Mafaufau i le faamatalaga lenei mo tagata taitoatasi o le aiga: “Ou te taulimaina lenei tagata o le aiga i le ala ou te lagona e finagalo le Faaola ou te taulimaina ai i latou.” Ona fua lea o le auala e te taulimaina ai tagata taitoatasi o le aiga e faaaoga ai le fuafaatatau lenei.
Ata
New Testament Seminary Teacher Manual- 2023
A o e suesue i le asō, mafaufau e uiga i sootaga o loo ia te oe ma tagata o lou aiga ma pe mafai faapefea ona e mulimuli i le faataitaiga a le Faaola o le alofa ma fesoasoani ia i latou.
Na tuuina mai e Paulo fautuaga i sootaga faaleaiga
E taua le maitauina o upu a Paulo i le Efeso 5:22–24 sa tusia i le faatatauga o aganuu faaleagafesootai o lona vaitaimi. Ua aoao mai perofeta ma aposetolo i aso nei, e le sili ae alii i tamaitai, ma o ulugalii e tatau ona avea ma ni “paaga tutusa” (“ O Le Aiga: O Se Folafolaga i le Lalolagi,” ChurchofJesusChrist.org). E ui ina eseese tu ma aga o le taimi o Paulo, ae e mafai lava ona e maua fautuaga talafeagai i aoaoga a Paulo. O se tasi o upumoni na faamamafa mai e Paulo o le mafai lea ona tatou mulimuli i le faataitaiga a le Faaola i le ala tatou te taulimaina ai tagata o o tatou aiga.
E ono fesoasoani le faitauina o mau nei o se vasega ma ia fai ma taofi le faitauga ina ia tuu atu i le vasega le avanoa e faailoa mai faataitaiga o auala na taulimaina ai e le Faaola tagata o Lana Ekalesia ma pe faapefea ona fesootai lenei mea i sootaga faaleaiga.
Faitau le Efeso 5:21–27 ; 6:1–4, ma vaavaai mo faamaoniga o lenei upumoni. A o e suesue i ai atonu e fesoasoani le iloaina o le “gauai atu o le tasi i le isi” ( Efeso 5:21) e faasino i se naunautaiga e galulue faatasi ma alofa ma tausi e le tasi le isi, ma le “mata‘u i le Atua” ( Efeso 5:21) o lona uiga o le alofa ma le faaaloalo mo le Atua.
Talanoaina fuaiupu nei o se vasega. Mafaufau e faaaoga fesili nei mo talanoaga, pe mafaufau i nisi fesili e mafai ona faalauteleina ai le malamalama o le vasega i aoaoga a Paulo i nei fuaiupu.
O a nisi o auala na faaalia ai e le Faaola Lona alofa mo le Ekalesia ma tuuina atu ai o Ia lava mo lena mea?
E faapefea e le iloaina o le ala na tuuina mai ai e Keriso o Ia lava mo le Ekalesia ona e lagona ai e uiga ia te Ia?
E faapefea e se tane ona lagona agai atu i lana ava pe afai na te mulimuli i le faataitaiga o lagona o le Faaola i Lana Ekalesia?
O le a le fautuaga na tuuina mai e Paulo e mafai ona faatatau tutusa i tane ma ava? isi tagata o le aiga?
O le a se mea e mafai ona e faia nei e te saunia ai e taulimaina lou toalua i se aso i le ala o le a taulimaina ai o ia e le Faaola?
E mafai faapefea e le usiusitai ma le ava i ou matua ona fesoasoani ia te oe e avea atili ai e faapei o Iesu Keriso?
Vaai i ata nei ma faafetaui i tala i tusitusiga paia nei: Luka 2:51–52, Ioane 2:1–11, ma Luka 22:39–42 . Mafaufau pe na faapefea ona avea le Faaola ma se faataitaiga o le alofa, usiusitai, ma le faamamaluina o Ona matua faalelalolagi ma faalelagi.
Faaali atu ata nei ma valaaulia tagata aoga e faaaoga tala o tusitusiga paia e faamatala ai pe na faapefea ona taulimaina e le Faaola Ona matua faalelalolagi ma faalelagi.
Ata
Jesus says to His mother, Mary, “Wist ye not that I must be about my Father’s business?”
Ata
Jesus talking to Mary at a wedding feast.
Ata
Christ kneeling in Gethsemane. Outtakes include the back of the savior shown kneeling in the tall grass, close-up of his face looking afraid, in a distance with blood on his face and hands near a river, an angel comforting him, profile portrait, and a glowing angel coming toward Christ who is huddled on the ground.
O a ni auala na faaali ai e le Faaola le alofa, usitai, ma le ava i Ona matua? O le a sou manatu na faapefea e Ana amioga ona aafia ai Lana sootaga ma Ona matua?
O a nisi o auala e te ava ai ma usitai i ou matua?
Na faapefea e le mulimuli i le faataitaiga a le Faaola ona faamanuiaina oe ma fesoasoani ia te oe e faamalosia sootaga faaleaiga, po o le a sou manatu e mafai faapefea?
Faataitai ona faapei o le Faaola
Fesoasoani i tagata aoga e mafaufau i tulaga masani o le olaga pe faapefea ona mulimuli i le faataitaiga a le Faaola. O le gaoioiga o mulimuli mai o se tasi lea o auala e faatino ai.
I se isi faiga, o se tasi o vitio i le vaega o “Talatalaga ma Faamatalaga o Talaaga” i lalo o le ulutala “O le a se mea e mafai ona ou faia e faamalosia ai a‘u sootaga faaleaiga?” e mafai foi ona maua ai se faataitaiga i ona po nei.
Tusi se fegalegaleaiga masani i le va o se talavou ma se tagata o le aiga lea e ono faigata ai ona taulimaina se isi tagata o le aiga e pei ona ono faia e le Faaola ia i latou. A uma loa ona e fatuina se fegalegaleaiga, tusi pe faapefea ona e manatu o le a faapeī ona tali atu le Faaola ma pe aisea foi. Manatua pe sa faapefea lagona ma faatinoga a le Faaola agai atu i isi.
O faataitaiga e mafai ona aofia ai:
O se matua e faitio i le auala e faaalu ai e se tamaitiiti o latou taimi avanoa.
E ave e se tei se mea totino a se isi ona tei e aunoa ma le fesili ma pepelo e uiga i lena mea.
Valaaulia tagata aoga e faasoa mai ni tulaga faataitai na latou tusia ma pe mafai faapefea e le Faaola ona taulimaina tagata i le tulaga faataitai pe ana faapea sa i ai o Ia.
Mulimuli i le faataitaiga a le Faaola
Manatunatu i au sootaga ma tagata o lou aiga. Mafaufau i taimi na e mulimuli ai i le faataitaiga a le Faaola ma taulimaina isi i auala faaKeriso. Ma lenei foi, faataga le Agaga Paia e fesoasoani ia te oe ia iloa le mea e mafai ona e faia e mulimuli ai i le faataitaiga a le Faaola o le alofa atu i isi.
Tusi i lalo mea e te lagona e mafai ona e faia e faataitai ai i le Faaola i au sootaga faaleaiga. Mafaufau e faasoa atu mea na e tusia ma lou faiaoga po o se matua e fesoasoani ia te oe e tulimatai ai i mea ua uunaia oe e fai.
O nisi tagata o le aiga o tagata aoga atonu e le tali atu i a latou faatinoga i ni auala alofa. Ia mautinoa e uunaia tagata aoga ma molimau atu a o latou mulimuli i le faataitaiga a le Faaola, o le a fiafia le Tama Faalelagi ma Iesu Keriso i a latou faatinoga.
Talatalaga ma Faamatalaga o Talaaga
Efeso 5:22–24 . O le a se mea e tatau ona tatou malamalama i ai e uiga i aoaoga a Paulo i nei fuaiupu?
Na aoao mai Paulo o tagata uma o le Ekalesia e ao ona gauai atu le tasi i le isi, pe i se isi faaupuga, tuu atu le faamuamua i isi nai lo i latou lava (tagai i le Efeso 5:21). Ona ia faamatala mai lea le ala e faatatau ai le mataupu faavae o le gauai atu o le tagata lava ia, i sootaga i aiga ma auaiga. O fuaiupu 22–24 e mafai ona faigofie ona malamalama sese i ai ma sese ai le faaaogaina i o tatou aso. Ua aoao manino mai e perofeta o aso e gata ai e faapea o tane ma ava ma tina ma tama e tatau ona faataunuuina o latou tiute paia o ni “paaga tutusa” (“ O Le Aiga: O Se Folafolaga i le Lalolagi,” ChurchofJesusChrist.org). Afai e lotogatasi moni ia ulugalii, o lona uiga o soo se taulaga e osi mo se toalua e mautinoa lava le aumaia ai o faamanuiga i lena tagata; o lea, “o le e alofa i lana lava ava, o loo alofa o ia ia te ia lava” ( Efeso 5:28).
E mafai faapefea e se tane po o se ava ona taulimaina o latou taitoalua e faapei ona ono faia e le Faaola?
Na taua e Peresitene Gordon B. Hinckley (1910–2008):
Ata
Frontal half-length portrait of President Gordon B. Hinckley. President Hinckley’s hands are resting on the back of a chair. The image is the official Church portrait of President Hinckley as of 1995. This was President Hinckley’s last official portrait. President Hinckley died 27 January 2008.
O le fiafia i totonu o se faaipoipoga e le o se mataupu e ao ona lilifa i le alofa faaleuo ae e tatau ona mafuli atu i le popolega naunautai mo le lagona mafanafana ma le soifua manuia o le soa. Soo se tane o le a ia tuu atu le popole faamuamua i lagona lagolelei o lona toalua o le a tumau i le alofa faatasi ma ia i o laua olaga atoa ma le faavavau pe a oo mai. (Anchorage, Alaska, konafesi faarisone, Iuni 18, 1995)
(“Speaking Today: Excerpts from Recent Addresses of President Gordon B. Hinckley,”Ensign, Ape. 1996, 72)
Na taua e Elder L. Whitney Clayton o le Korama a le Au Fitugafulu:
Ata
Official Portrait of Elder L. Whitney Clayton. Photographed March 2017.
Sa ou maitauina i faaipoipoga e aupito sili ona fiafia e mafaufau le tane ma le ava i lo laua sootaga, o se penina e silisili lona tau, o se oa e le muta lona taua. La te taufai tuua o la tama ma tina, ae sagai atu faatasi e fausia se faaipoipoga o le a manuia mo le faavavau. Ua laua malamalama e la te savavali i se ala ua faauuina mai le lagi. Ua laua iloa e leai lava se isi sootaga o soo se ituaiga e mafai ona maua ai se fiafiaga tele faapea, e faatupuina se lelei tele faapea, pe foaina se faaleleia tele patino faapea. Matau ma aoao: o paaga faaipoipo aupito lelei e mafaufau i a latou faaipoipoga o ni faatasiga e leai ni tau.
O a ni mea e mafai ona ou faia e faamalosia ai sootaga a lo’u aiga?
“Ava i ou matua e ala i le faaalia o le alofa ma le faaaloalo mo i laua. Usitai ia i laua a o la taitai oe i le amiotonu. Fesoasoani ma le naunautai i totonu o lou aiga. Auai i gaoioiga lelei ma faiga masani faaleaiga. Auai faatasi ma lou aiga i tatalo faaleaiga, suesuega o tusitusiga paia, ma afiafi faaleaiga. O le tausiga o nei poloaiga e faamalosia ma tuufaatasia ai aiga” (Mo Le Malosi o le Autalavou [tamaitusi, 2011], 14–15).
E mafai ona e faitauina le tusiga lenei, lea e fautuaina mai ai ni auala e fausia ma faamalosia ai sootaga: “Mataupu Faavae mo le Auaunaga: Atinaeina o Fegalegaleaiga Aoga,” Ensign, Aok. 2018, 6–9.
Mafaufau e matamata se tasi pe sili atu o vitio nei, o loo maua uma i le ChurchofJesusChrist.org, lea e faaalia ai faataitaiga o tagata o loo taumafai e mulimuli i le faataitaiga a le Faaola i le ala latou te taulimaina ai isi.
I le vitio “O Oe o O’u Lima” (mai le faailotaimi 10:26 i le 12:39), O Peresitene Dieter F. Uchtdorf, a o i ai i le Au Peresitene Sili, o loo saunoa mai e uiga i le ala e mafai ai ona avea i tatou ma aao o le Faaola.
I le “Enduring Love” (4:16), e alofa ma auauna atu se ulugalii o le tasi i le isi e ui lava e tatau ona la onosaia puapuaga o faigata faaletino.
I le “Home and Family—Through Small Things” (3:33), ua luiina e se epikopo ni talavou se toatolu e aoao po o le a le mea e fai ina ia avea ai lo latou fale o se nofoaga paia.
I le “Mothers and Daughters” (5:06), o loo talanoa mai tamaitai talavou i Alberta, Kanata, i le pogai ua avea ai o latou tina ma ni faataitaiga lelei ia i latou.
I le “Fathers and Sons” (6:02), ua faasoa mai ai e se alii talavou le ala na ia galue ai e faaleleia lona sootaga ma lona tama.
Galuega Faatino Faaopoopo e Aoao Mai Ai
O isi auala e mafai ona amata ai le lesona
Ina ia fesoasoani i tagata aoga e mafaufau pe na faapefea ona tuuina mai e Iesu Keriso ia i tatou se mamanu e mulimuli ai i o tatou sootaga faaleaiga, mafaufau e faaaoga se tasi o gaoioiga faaleoleo nei e amata ai le lesona.
Upusii ma fesili
Valaaulia tagata aoga e faitau le saunoaga lenei a Elder Marvin J. Ashton (1915–1994) o le Korama a Aposetolo e Toasefululua:
Ata
Portrait of Marvin J. Ashton.
I se tasi aso sa ou faamemelo ai i se ie soosoo matagofie na faia e se tagata suisui atamai. A o ma talatalanoa faatasi, sa ou iloa ai sa ia faia ni ie soosoo se tele i le aluga o tausaga ma sa lauiloa mo ana galuega taulima sili ona lelei. I lau fesili, “Pe e te faia ea se tasi o nei ie soosoo e aunoa ma se mamanu?” sa ia fai mai ai, “E faapefea ona ou iloa pe faapefea ona foliga mai pe afai e leai sau mamanu e mulimuli ai?”
(Marvin J. Ashton, “A Pattern in All Things,”Ensign, Nov. 1990, 20)
Mafaufau e fai atu fesili e pei o le “O anafea na e mulimuli ai i se mamanu?” po o le “O a faamanuiaga o le mulimuli ai i se mamanu?”
Faataitaiga ma le fuaitau o le mau
Faataitai, pe valaaulia se tagata aoga e faataitai, se mea a o mulimuli ai le vasega (e pei o le sueina o se mea i luga o le polokalama o le Gafa o le Aiga po o le gaugauina o se fatufatuga e fai i pepa [origami]). Mafaufau e fai atu se fesili tulitatao e pei o le “Na faapefea ona fesoasoani le i ai o se mea e mulimuli iai?”
Valaaulia tagata aoga e faitau le Efeso 5:21–33, ma vaavaai po o ai na fautuaina mai e Paulo e mamanu ai o tatou sootaga.
