A small group of youth on a street. One is reading a book to the others.
Վարդապետության սերտման նպատակներից մեկն է օգնել ձեզ սովորել, թե ինչպես կիրառել վարդապետության սերտման հատվածները ձեր կյանքում։ Այս դասը ձեզ հնարավորություններ կտա փորձել կիրառել վարդապետության սերտման որոշ հատվածներ տարբեր իրական իրավիճակներում:
Ուսանողի նախապատրաստում․ Առաջարկեք ուսանողներին օգտագործել Վարդապետության սերտման հավելվածը կամ այլ միջոցներ՝ Նոր Կտակարանի վարդապետության սերտման հղումները և սուրբ գրությունների հիմնական արտահայտությունները անգիր սովորելու համար: Խնդրեք նրանց պատրաստված գալ դասարան՝ կիսվելու մեկ հատվածով, որը նրանք կիրառել են:
Հնարավոր ուսումնական վարժություններ
Կիրառեք ավետարանի սկզբունքները
Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելով, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ընթացքում:
Առաջին Նախագահության նախկին անդամ, նախագահ Դիտեր Ֆ. Ուխդորֆը բացատրել է ավետարանի սկզբունքների կիրառման կարևորությունը։ Դիտեք «Անկեղծ լինելու մասին» տեսանյութը 11:24-12:02, որը հասանելի է ChurchofJesusChrist.org կայքում, կամ կարդացեք հետևյալ հայտարարությունը:
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Այստեղ՝ Հիսուս Քրիստոսի եկեղեցում, դուք կարող եք հոգևորապես հասունանալ և մոտենալ Փրկչին՝ կիրառելով ավետարանի սկզբունքներն օրեցօր:
Համբերությամբ ու համառությամբ, աշակերտության ամենափոքր քայլը կամ հավատքի ամենափոքր կայծն անգամ կարող է վերածվել նվիրաբերված կյանքի բոցավառվող խարույկի: Իրականում, խարույկների մեծ մասը սկսվում է հենց մի պարզ կայծից:
Մտածեք ավետարանի ճշմարտությունների մասին, որոնք վերջերս եք կիրառել ձեր կյանքում:
Այդ ճշմարտությունների իմացությունը ինչպե՞ս է ձևավորել ձեր կատարած ընտրությունները:
Այս դասում դուք հնարավորություն կունենաք մասնակցելու վարժությունների, որոնք կօգնեն ձեզ օրեցօր կիրառել ավետարանի սկզբունքները:
Կրկնեք վարդապետության սերտման հատվածները
Վարդապետության սերտման հղումների և հիմնական արտահայտությունների կրկնությունը պետք է զբաղեցնի դասի մի փոքր մասը միայն: Վարժության այս մասի նպատակն է օգնել ուսանողներին հիշել հատվածները և արագ գտնել ճշմարտությունները, որոնք իրենք արդեն սովորել են:
Համառոտ նայեք վարդապետության սերտման հետևյալ հատվածներին և մտածեք, թե ինչ եք արել՝ դրանք կյանքում կիրառելու համար:
Ցուցադրեք հետևյալ աղյուսակը, որպեսզի ուսանողները կարողանան անդրադառնալ դրան դասի ընթացքում:
Նոր Կտակարանի վարդապետության սերտում. Ա Կորնթացիս-Հայտնություն
Օգտակար կինի հետևել, թե ինչպես են ուրիշները կիրառում ավետարանի ճշմարտությունները: Եթե հնարավոր է, դիտեք «Թոմաս Ս. Մոնսոնի ուսմունքները. փրկել կարիքավորներին» տեսանյութը (0:30-5:01), որը հասանելի է ChurchofJesusChrist.org կայքում: Տեսեք, թե մարդիկ ինչպես էին ապրում ճշմարտությամբ՝ «hաւատքը, եթէ գործ չ’ունենայ, մեռած է» (Հակոբոս 2.17):
Ինչպե՞ս էին մարդիկ կիրառում այս ճշմարտությունը:
Մտածեք այն մասին, թե ավետարանի ճշմարտությունների իմացությունն ու կիրառումն ինչպես է օգնել ձեզ անցյալում, օգնում է ձեզ ներկայում և կարող է օգնել ձեզ ապագայում: Կատարեք հետևյալ վարժությունը, որը կօգնի ձեզ գործնականում կիրառել վարդապետության սերտման հատվածների ճշմարտությունները, որոնք դուք ուսումնասիրել եք:
Որպես այս վարժությունը հարմարեցնելու եղանակներից մեկը՝ յուրաքանչյուր ուսանողի առաջարկեք կատարել հետևյալ քայլերը.
Ընտրեք վարդապետության սերտման մեկ հատված և գրեք հղումն ու հիմնական արտահայտությունը թերթիկի վրա: Գրեք ձեր անունը թերթիկի վրա:
Փոխանակեք թերթիկները մեկ այլ ուսանողի հետ և կատարեք ներքևում նշված հրահանգը՝ «Անցյալ» վերնագրով:
Կրկին փոխեք թերթիկները և կատարեք «Ներկա» վերնագրով հրահանգները:
Վերջին անգամ փոխեք թերթիկները և կատարեք «Ապագա» վերնագրով հրահանգները:
Թերթիկները վերադարձրեք առաջին ուսանողին:
Երբ վարժությունն ավարտվի, ուսանողները կարող են կիսվել դասընկերների գրածով, որն իրենք հավանել են կամ տպավորել է իրենց:
Անցյալ
Հիշեք ձեր կյանքի մի հատված, երբ դուք ապավինել եք վարդապետության սերտման հատվածների ճշմարտություններից մեկին: Եթե չեք կարող հիշել ձեր կյանքի այդպիսի մի ժամանակ, հիշեք ձեր ծանոթի կամ սուրբ գրությունների պատմությունից մեկի օրինակը, որն օրհնվել է, երբ գործել է վարդապետության սերտման հատվածի ճշմարտության համաձայն:
Գրեք օրհնությունները, որոնք եկել են այս ճշմարտությամբ ապրելուց: Բացատրեք, թե ինչպես է այն մեծացրել կամ կարող է մեծացնել ձեր վստահությունը Երկնային Հոր և Հիսուս Քրիստոսի հանդեպ:
Ներկա
Մտածեք ձեր ընթացիկ կարիքների և պայմանների մասին: Վերանայեք վարդապետության սերտման հատվածները և ընտրեք մի հատված, որին, ձեր կարծիքով, կարող եք ավելի լավ հետևել ձեր կյանքում: Գրեք, թե ինչ կարող եք անել հավատքով գործելու և այդ հատվածը կիրառելու համար:
Ապագա
Ընտրեք վարդապետության սերտման մի հատված և գրեք սցենար, որը կարող է տեղի ունենալ ձեզ հետ ապագայում, և որի ժամանակ այն ճշմարտությունները, որոնք ձեզ ուսուցանվել են, կարող են օգնել ձեզ գործել հավատքով:
Օգտակար կլինի դասի սկզբում ուսանողներին հիշեցնել երեց Ուխդորֆի ուսմունքների մասին: Նմանատիպ հարցերի քննարկումը կարող է օգնել ուսանողներին խորհել ավետարանի ճշմարտությունները իրենց կյանքում կիրառելու կարևորության մասին:
Մտածեք այն մասին, թե ինչպես է ճշմարտության իմացությունն ու ճշմարտությամբ գործելը ազդել ձեր կյանքի և որոշումների վրա:
Ինչպե՞ս է ավետարանով ապրելն օգնել ամրացնել ձեր հավատքն առ Քրիստոս:
Ի՞նչ կարող եք անել, որպեսզի ավելի լավ հիշեք Քրիստոսի ճշմարտությունները, երբ ապագայում ընտրություն կատարեք:
Օժանդակ ուսումնական վարժություն
Բեմադրեք
Կարող եք դասարանը բաժանել փոքր խմբերի և առաջարկել ուսանողներին ստեղծել ու բեմադրել այնպիսի սցենարներ, որոնցում վարդապետության սերտման հատվածների ճշմարտությունները կարող են օգնել մեզ: Այն ուսանողները, որոնք դիտում են սցենարի բեմադրությունը, կարող են խորհել վարդապետության սերտման հատվածների ճշմարտությունների մասին, որոնք օգնում են սցենարի հերոսներից մեկին գործել հավատքով: Այս վարժության մեկ այլ տարբերակում խմբերին կարող եք առաջարկել բեմադրել սցենար այն մասին, թե ինչպես գործել հավատքով որոշակի իրավիճակում՝ օգտագործելով վարդապետության սերտման հատվածներից մեկը որպես ուղեցույց: