Usa ka pamilya nga migahin og panahon sa usag usa diha sa nataran atubangan sa Oakland Temple.
Ang mga relasyon sa pamilya mao ang pipila sa labing magantihon nga atong masinati sa mortalidad. Ang mga relasyon uban sa ginikanan, mga igsoon, ug mga kapikas mahimong makadala og dakong kalipay apan mahimong makamugna usab og mga hagit. Si Pablo nitudlo nga kita makatan-aw kang Jesukristo isip ehemplo alang sa piskay ug malipayong mga relasyon kauban sa mga miyembro sa pamilya. Kini nga leksiyon makatabang kanimo nga mosunod sa ehemplo sa Manluluwas aron sa pagpalambo sa imong mga relasyon sa uban.
Ang Imong Pamilya
Isulat ang mga pangalan sa suod nga mga sakop sa imong pamilya [immediate family members] ug usa ka butang nga imong ganahan mahitungod sa matag usa kanila.
Ikonsiderar kini nga pamahayag alang sa matag usa ka miyembro sa pamilya: “Gitratar nako kini nga sakop sa pamilya sa paagi nga akong gibati nga buot sa Manluluwas nga ako motrato kaniya.” Dayun gradohi ang paagi sa imong pagtratar sa matag miyembro sa pamilya gamit ang mosunod nga sukdanan.
Imahe
Manwal sa Magtutudlo sa Seminary alang sa Bag-ong Tugon- 2023
Sa imong pagtuon karon, paghunahuna mahitungod sa imong mga relasyon uban sa mga miyembro sa imong pamilya ug unsaon nimo sa pagsunod sa ehemplo sa Manluluwas sa paghigugma ug pagtabang kanila.
Si Pablo naghatag og tambag kabahin sa mga relasyon sa pamilya
Importante nga mahibaloan nga ang mga pulong ni Pablo diha sa Mga Taga-Efeso 5:22–24 gisulat sa kinatibuk-ang kahulogan sa sosyal nga mga nabatasan sa iyang panahon. Ang mga propeta ug apostoles karon nagtudlo nga ang mga lalaki dili hawod sa mga babaye ug nga ang mga kapikas kinahanglang “managkauban” (“Ang Pamilya: Usa ka Pamahayag ngadto sa Kalibotan,” ChurchofJesusChrist.org). Bisan tuod ang kustombre sa panahon ni Pablo lahi, makakita ra gihapon ka og may kalabotan nga tambag sa mga pagtulun-an ni Pablo. Usa ka kamatuoran nga gipasabot pag-ayo ni Pablo mao ang mahimo kitang mosunod sa ehemplo sa Manluluwas kon giunsa nato pagtratar ang mga miyembro sa atong pamilya.
Basaha ang Mga Taga-Efeso 5:21–27; 6:1–4, nga mangita sa mga ebidensiya niini nga kamatuoran. Samtang nagtuon ka mahimong makatabang ang pagkahibalo nga “ang pagtinahoray kamo” (Mga Taga-Efeso 5:21) nagpasabot sa kaandam nga magtinabangay ug maghinigugmaay ug mag-amumahay sa usag usa, ug ang “tungod [sa Dios]” (Mga Taga-Efeso 5:21) nagkahulugan og gugma ug pagtahod alang sa Dios.
1. Tubaga ang duha sa mosunod nga mga pangutana diha sa inyong journal sa pagtuon:
Unsa ang pipila sa mga paagi nga ang Manluluwas nagpakita sa Iyang gugma alang sa Simbahan ug naghatag sa Iyang kaugalingon alang niana?
Sa unsang paagi nga ang pagkahibalo giunsa ni Kristo paghatag sa Iyang kaugalingon sa Simbahan nakapahimo nimo nga mobati mahitungod Kaniya?
Sa unsang paagi gikinahanglan nga ang usa ka bana mobati ngadto sa iyang asawa kon siya mosunod sa ehemplo kon giunsa sa Manluluwas pagbati ngadto sa Iyang Simbahan?
Unsa nga tambag ang gihatag ni Pablo nga parehong magamit sa mga bana ug mga asawa? sa uban pang mga miyembro sa pamilya?
Unsa ang imong mabuhat karon aron makaandam nga ugma damlag imong matratar ang imong kapikas sa paagi nga ang Manluluwas buot nga trataron siya?
Sa unsang paagi nga ang pagtuman ug pagtahod sa imong mga ginikanan makatabang kanimo aron mas mahimong susama kang Jesukristo?
Tan-awa ang mosunod nga mga hulagway ug ipares sila niini nga mga asoy sa kasulatan: Lucas 2:51–52, Juan 2:1–11, ug Lucas 22:39–42. Paghunahuna mahitungod kon sa unsang paagi nga ang Manluluwas usa ka ehemplo sa paghigugma, pagtuman, ug pagtahod sa Iyang kalibotanon ug langitnong mga ginikanan.
Imahe
Si Jesus mitubag sa Iyang inahan, Maria, “Wala ba diay kamo mahibalo nga kinahanglan anhi gayod ako sa balay sa akong Amahan?”
Imahe
Si Jesus nga nakigsulti kang Maria diha sa kumbira sa kasal.
Imahe
Kristo nagluhod didto sa Getsemani. Mga eksina nga wala gilakip sa kataposan nga bersiyon naglakip sa buko-buko sa manluluwas nga nakita nga nagluhod sa tag-as nga kasagbotan, duol nga hulagway sa iyang nawong nga daw nahadlok, sa layo nga adunay dugo sa iyang nawong ug mga kamot duol sa sapa, usa ka anghel nga naghupay kaniya, litrato alang sa profile, ug usa ka anghel nga adunay kahayag nga nagpaduol padulong ni Kristo nga nalup-og sa yuta.
Sa unsang mga paagi nga ang Manluluwas naghigugma, nagtuman, ug nagtahod sa Iyang mga ginikanan? Giunsa kaha sa imong hunahuna nga ang Iyang mga buhat nakaapekto sa Iyang relasyon ngadto sa Iyang mga ginikanan?
Unsa ang pipila sa mga paagi nga imong gitahod ug gituman ang imong mga ginikanan?
Sa unsang paagi nga ang pagsunod sa ehemplo sa Manluluwas nakapanalangin kanimo ug nakatabang kanimo sa paglig-on sa mga relasyon sa pamilya, o sa imong hunahuna sa unsang paagi kaha kini makahimo niana?
Pagbansay sa pagka- susama sa Manluluwas
2. Kompletoha ang mosunod diha sa imong journal sa pagtuon.
Pagsulat og usa ka tipikal nga interaksiyon tali sa usa ka tinedyer ug usa ka miyembro sa pamilya diin tingali lisod tratohon ang ubang sakop sa pamilya sama sa pagtrato sa Manluluwas kanila. Sa higayon nga nakahimo naka og usa ka interaksiyon, isulat sa unsang paagi sa imong hunahuna nga ang Manluluwas mosanong niini ug ngano. Hinumdomi unsa ang gibati ug gibuhat sa Manluluwas ngadto sa uban.
Ang mga pananglitan mahimong maglakip sa:
Usa ka ginikanan kritikal sa paagi sa anak sa paggamit sa iyang libre nga oras.
Usa ka igsoon ang nagkuha sa gipanag-iya sa laing igsoon nga walay pananghid ug namakak mahitungod niini.
Sunda ang ehemplo sa Manluluwas
Pamalandong sa imong mga relasyon kauban sa mga sakop sa imong pamilya. Paghunahuna mahitungod sa mga panahon diin ikaw misunod sa ehemplo sa Manluluwas ug mitratar sa uban sa mga paagi nga susama kang Kristo. Usab, tugoti ang Balaang Espiritu sa pagtabang kanimo nga mahibalo unsa ang imong buhaton aron makasunod sa ehemplo sa Manluluwas sa paghigugma sa uban.
Isulat kon unsa ang imong nabati nga mahimong mabuhat aron pagsundog sa Manluluwas diha sa imong mga relasyon sa pamilya. Mahimong ipakigbahin unsa ang imong nasulat ngadto sa imong magtutudlo o sa usa ka ginikanan aron matabangan ka sa pagtuman sa unsa ang imong nabati nga buhaton.
Opsiyonal: Gustong Makakat-on Pa og Dugang?
Mga Taga-Efeso 5:22–24. Unsa ang angay natong masabtan mahitungod sa mga pagtulun-an ni Pablo niini nga mga bersikulo?
Mitudlo si Pablo nga ang tanang mga miyembro sa Simbahan kinahanglan nga magpasinakopay nga masinugtanon sa usag usa, o sa laing pagkasulti, unahon ang uban kay sa ilang kaugalingon (tan-awa sa Mga Taga-Efeso 5:21). Gipasabot dayon niya kon sa unsang paagi nga ang baroganan sa pagpasakop sa kaugalingon nga masinugtanon magamit sa mga relasyon sa pamilya ug panimalay. Ang mga bersikulo 22–24 dali nga masaypan pagsabot ug sayop nga magamit sa atong panahon. Ang mga propeta sa Ulahing mga Adlaw klarong nagtudlo nga ang mga bana ug mga asawa ug mga inahan ug mga amahan kinahanglan motuman sa ilang sagradong mga katungdanan isip “managkauban” (“Ang Pamilya: Usa ka Pamahayag ngadto sa Kalibotan,” ChurchofJesusChrist.org). Kon ang magtiayon tinud-anay nga nagkahiusa, niana ang bisan unsang sakripisyo nga gihimo alang sa kapikas dili mapugngan nga makahatag og panalangin sa kaugalingon; sa ingon, “[ang] nahigugma sa iyang asawa nagahigugma sa iyang kaugalingon” (Mga Taga-Efeso 5:28).
Sa unsang paagi nga ang usa ka bana o asawa motratar sa ilang kapikas sama sa buhaton sa Manluluwas?
Si Presidente Gordon B. Hinckley (1910–2008) namahayag:
Imahe
Katunga sa lawas nga nag-atubang nga hulagway ni Presidente Gordon B. Hinckley. Ang mga kamot ni Presidente Hinckley nagpatong sa luyo sa lingkoranan. Ang imahe mao ang opisyal nga hulagway ni Presidente Hinckley pagka-1995. Mao kini ang kataposang opisyal nga hulagway ni Presidente Hinckley. Si Presidente Hinckley namatay niadtong 27 sa Enero 2008.
Ang kalipay sa kaminyoon dili kaayo kabahin sa romansa kay sa usa kini ka matinguhaon nga pagpakabana alang sa kaharuhay ug kaayohan sa kapikas sa usa ka tawo. Si bisan kinsang lalaki nga mouna sa kaharuhay sa iyang asawa magpabilin nga mahigugma kaniya sa tibuok nilang kinabuhi ug hangtod sa kahangtoran nga moabot. (Anchorage, Alaska, regional conference, Hunyo 18, 1995)
(“Speaking Today: Excerpts from Recent Addresses of President Gordon B. Hinckley,” Ensign, Abr. 1996, 72)
Si Elder L. Whitney Clayton sa Korum sa Seventy miingon:
Imahe
Opisyal nga Hulagway ni Elder L. Whitney Clayton. Gilitratohan niadtong Marso 2017.
Akong nabantayan nga diha sa pinakamalipayong kaminyoon gikonsiderar sa bana og asawa ang ilang relasyon nga usa ka perlas nga bililhon kaayo, usa ka bahandi nga dili mapalit. Silang duha mobiya sa ilang papa ug mama, ug mopahiluna aron matukod ang kaminyoon nga mouswag ngadto sa kahangtoran. Ilang nasabtan nga nagsubay sila sa dalan nga balaanong giandam. Nahibalo sila nga walay laing relasyon nga makahatag og dakong kalipay, momugna og kaayo, o dakong personal nga kalamboan. Tan-awa ug pagkat-on: ang pinakamaayong magkaparis motagad sa ilang kaminyoon nga bililhon.
Unsa man ang akong mahimo sa pagpalig-on sa mga relasyon sa akong pamilya?
“Tahora ang inyong mga ginikanan pinaagi sa pagpakita og paghigugma ug pagrespeto kanila. Sunda sila samtang sila naggiya kaninyo diha sa pagkamatarong. Pagmaandamon sa pagtabang diha sa inyong panimalay. Apil sa maayo nga mga kalihokan ug mga tradisyon sa pamilya. Apil sa inyong pag-ampo sa pamilya, pagbasa sa kasulatan uban sa pamilya, ug mga family home evening. Ang pagsunod niini nga mga sugo mopalig-on ug mohiusa sa mga pamilya” (Alang sa Kalig-on sa mga Kabatan-onan [booklet, 2011], 14–15).
Lagmit imong nabasa ang mosunod nga artikulo, nga nagsugyot og mga paagi sa pagtukod ug paglig-on sa mga relasyon: “Mga Baroganan sa Pagpangalagad: Pagtukod og mga Makahuluganong mga RelasyonLiahona Ago. 2018, 6–9.
Mahimong tan-awon ang usa o daghan pa sa mosunod nga mga bidyo, ang tanan anaa sa ChurchofJesusChrist.org, nga nagpakita og mga pananglitan sa mga tawo nga naningkamot sa pagsunod sa ehemplo sa Manluluwas kon unsaon nila pagtratar sa uban.
Diha sa bidyo nga “Kamo ang Akong Mga Kamot [You Are My Hands]” (gikan sa time code nga 10:26 hangtod 12:39), si Presidente Dieter F. Uchtdorf, niadto sa Unang Kapangulohan, namulong mahitungod sa unsaon nato pagkahimong mga kamot sa Manluluwas.
Sa “Enduring Live [Malahutayon nga Gugma]” (4:16), usa ka magtiayon ang naghigugma ug nagserbisyo sa usag usa bisan kon sila nagsagubang og makapaluya nga pisikal nga kalisdanan.
Sa “Home and Family––Through Small Things [Panimalay ug Panimalay––Pinaagi sa Gagmay nga mga Butang]” (3:33), usa ka bishop ang mihagit sa tulo ka kabatan-onan sa pagkat-on kon unsay gikinahanglan sa paghimo sa ilang panimalay nga us aka balaan nga dapit.
Sa “Mothers and Daughters [Mga Inahan ug mga Anak nga Babaye]” (5:06), ang batan-ong mga babaye misulti ngano nga ang lang mga inahan maayo kaayo nga ehemplo alang kanila.
Sa “ Fathers and Sons [Mga Amahan ug mga Anak nga Lalaki]” (6:02), usa ka batan-ong lalaki ang mipakigbahin giunsa niya paglihok aron molambo ang iyang relasyon uban sa iyang amahan.
