Pagrebyo sa Doktrinal nga Kahanas 4

Gamita ang mga Tudling sa Kasulatan sa Doktrinal nga Kahanas

Youth engaged in a group activity. They are seated in a circle in an outdoor setting.

Ang usa sa mga katuyoan sa doktrinal nga kahanas mao ang pagtabang kanimo nga makakat-on kon unsaon paggamit sa imong kinabuhi ang doktrina nga gitudlo diha sa mga tudling sa kasulatan sa doktrinal nga kahanas. Hatagan ka niini nga leksiyon og mga oportunidad sa pagpraktis sa paggamit sa mga tudling sa kasulatan sa doktrinal nga kahanas ngadto sa mga sitwasyon nga pareho sa mga sitwasyon nga mahimo nimong masinati sa imong kaugalingong kinabuhi.

Sa unsang paagi nga may kalabotan sa akong kinabuhi ang mga kasulatan?

Ang usa ka batan-ong lalaki nga gihinganlan og Nico nagtagana og dakong panahon sa pagtuon sa mga kasulatan. Daghan siya og nahibaloan nga mga sugilanon sa kasulatan ug nakamemorya siya og daghang mga bersikulo. Bisan pa sa iyang mga paningkamot, naglisod si Nico sa pagkakita kon sa unsang paagi nga may kalabotan ang mga kasulatan sa iyang kaugalingong mga sitwasyon ug mga pangutana.

• Unsa kaha ang imong isulti kang Nico aron tabangan siya nga makita kon sa unsang paagi nga magamit sa iyang kinabuhi ang mga kasulatan?

• Kanus-a ka migamit og kamatuoran gikan sa mga kasulatan sa imong kinabuhi?

Tabangan ka niini nga leksiyon sa paggamit sa mga kamatuoran nga gitudlo diha sa mga tudling sa kasulatan sa doktrinal nga kahanas ngadto sa mga sitwasyon sa tinuod nga kinabuhi.

Mga pakisayran sa kasulatan ug mahinungdanong mga hugpong sa mga pulong sa kasulatan

Ang mosunod mao ang mga pakisayran sa kasulatan ug mahinungdanong mga hugpong sa mga pulong sa kasulatan para sa mga tudling sa kasulatan sa doktrinal nga kahanas gikan sa unang katunga sa Bag-ong Tugon. Rebyoha kini nga tsart, ug, kon wala pa nimo kini nabuhat, ikonsiderar ang pagmarka niini nga mga tudling diha sa imong mga kasulatan.

Pakisayran sa Kasulatan	Importanteng Hugpong sa Pulong sa Kasulatan
Lucas 2:10–12	“Kay karong gabhiona, natawo sa lungsod ni David ang inyong Manluluwas, ang Kristo nga Ginoo.”
Juan 3:5	“Walay makasulod sa gingharian sa Dios gawas kon matawo siya pinaagi sa tubig ug sa Espiritu.”
Juan 3:16	“Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak.”
Mateo 5:14–16	“Ipadan-ag ang inyong kahayag atubangan sa mga tawo.”
Mateo 11:28–30	“Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo.”
Mateo 16:15–19	Si Jesus miingon, “Ihatag ko kanimo ang mga yawe sa gingharian sa langit.”
Juan 7:17	Ang buot magbuhat sa gisugo sa Dios mahibalo kon ang akong gitudlo gikan ba sa Dios.”
Mateo 22:36–39	“Higugmaa ang Ginoo nga imong Dios. … Higugmaa ang imong isigkatawo.”
Lucas 22:19–20	Si Jesukristo nagsugo, moambit sa sakramento “aron paghandom kanako.”
Juan 17:3	“Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo nga imong gipadala.”
Lucas 24:36–39	“Kay ang espiritu walay unod ug mga bukog, sama sa nakita ninyo nga ania kanako.”

• Unsa ang pipila ka paagi nga imong gigamit o magamit sa imong kinabuhi ang pipila sa mga kamatuoran nga gitudlo niining mga tudling sa kasulatan sa doktrinal nga kahanas?

Paggamit sa doktrina ngadto sa mga sitwasyon sa tinuod nga kinabuhi

1. Pagpili og usa sa mosunod nga mga sitwasyon, unya pagpili og tudling sa kasulatan sa doktrinal nga kahanas gikan sa tsart nga gibati nimo nga makatabang sa tawo niana nga sitwasyon. Ipasabot ang imong tubag.

• Gipangutana ka sa imong higala, “Unsa ang importante kaayo mahitungod ni Jesukristo?”

• Samtang ang higala nagsugod sa pagkat-on mahitungod sa ebanghelyo, mangutana sila, “Nganong kinahanglan man kong magpabunyag? Dili ba mahimo kon maayong tawo lang ako?”

Pagpili og usa sa mosunod nga mga sitwasyon.

• Naglisod ka sa kinabuhi ug naghunahuna kon asa ka modangop para sa kahupayan.

• Gihatagan og gibug-aton sa imong mga ginikanan kon unsa kaimportante para kanimo nga mahimong ehemplo sa ubang tawo.

2. Base sa sitwasyon nga imong gipili, tubagi ang mosunod nga mga pangutana diha sa imong journal sa pagtuon:

• Unsa kaha nga tudling sa kasulatan sa doktrinal nga kahanas ang may kalabotan niini nga sitwasyon?

• Unsang pipila ka partikular nga mga pulong o mga hugpong sa mga pulong gikan niini nga tudling sa kasulatan sa doktrinal nga kahanas ang hilabihan nga makatabang niini nga sitwasyon?

Juan 3:163. Paghimo og sitwasyon nga may kalabotan sa doktrina nga gitudlo sa

. Irekord ang imong sitwasyon diha sa imong journal sa pagtuon.