Learning Experience 8

Pag-unawa, Pagdama, at Pagsasabuhay ng Doktrina at mga Alituntunin

Buod

Kabilang sa learning experience na ito ang mga sumusunod na konsepto:

• Pagtimo ng ebanghelyo sa ating puso

• Pag-unawa sa doktrina at mga alituntunin

• Pagdama sa katotohanan at kahalagahan ng doktrina at mga alituntunin

• Pagsasabuhay ng doktrina at mga alituntunin

Mga Pangunahing Konsepto

Ang learning pattern ay nagbibigay ng mga pangunahing alituntunin na tumutulong na maikintal ang ebanghelyo sa ating mga puso at isipan. Sa learning experience na ito, pag-aaralan natin ang tungkol sa pag-unawa, pagdama ng katotohanan at kahalagahan, at pagsasabuhay ng doktrina at mga alituntunin.

Layunin ng learning experience na ito na magbigay ng maikling pagpapakilala sa mga aspeto ng learning pattern. Kapag naglingkod ka bilang titser sa seminary o institute, magkakaroon ka ng mas maraming pagkakataon na matutuhan at magamit ang mga kasanayang ito.

Pag-unawa, Pagdama ng Katotohanan at Kahalagahan, at Pagsasabuhay ng Doktrina at mga Alituntunin

Ang talinghaga ng mga mamahaling bato ay isang metapora para sa pag-aaral ng mga banal na kasulatan. Ang sumusunod na tatlong elemento ay tutulong sa atin na maunawaan kung ano ang maaari nating gawin sa ating pag-aaral matapos nating matukoy ang mahahalagang katotohanan ng ebanghelyo.

1. Unawain ang doktrina at mga alituntunin

   tinitingnan ang mamahaling bato

   Isa-isang sinuri ng dalagita ang mamahaling bato na natuklasan niya, minamasdan at sinisiyasat nang mabuti ang mga hugis at mga tapyas nito.

   mga banal na kasulatan sa mobile phone

   Kapag natuklasan natin ang mga katotohanan ng doktrina at mga alituntunin, mapag-aaral natin nang mabuti ang bawat isa upang mas maunawaan ang mga kahulugan at kahalagahan nito.

2. Damhin ang katotohanan at kahalagahan ng doktrina at mga alituntunin

   dalagita

   Nakadama ng kasiyahan ang dalagita sa bawat mamahaling batong nahanap niya.

   dalagita

   Kapag naunawaan natin nang mas malalim ang mga katotohanang natutuklasan natin, madarama natin ang kahalagahan at pangangailangang ipamuhay o gawin ito kaagad.

3. Ipamuhay ang Doktrina at mga Alituntunin

   dalawang tao sa tabing-dagat

   Sinabi ng ama sa dalagita na pag-isipan niya kung ano ang maaari niyang gawin sa mga mamahaling bato na kanyang natuklasan.

   pagbibigay ng pass-along card

   Matapos magkaroon ng patotoo sa isang doktrina o alituntunin at magpasalamat para dito, dapat tayong mag-isip ng mga espesipikong paraan na maipamumuhay natin ang mga ito.

larawan ng isang babae, mga banal na kasulatan

Binigyang-diin ng mga propeta at mga apostol sa mga huling araw ang kahalagahan ng pagtimo ng ebanghelyo sa ating mga puso. Ang pag-unawa sa konteksto at nilalaman ng mga banal na kasulatan upang matukoy ang mahahalagang doktrina at alituntunin ng ebanghelyo ay magandang simula para malaman ang mga katotohanan ng ebanghelyo. Ngunit para matulungang maitimo nang malalim sa puso natin ang mga nalalaman natin, kadalasan ay mas marami pa tayong kailangang gawin. Kailangan nating:

1. Unawain ang doktrina at mga alituntunin na natukoy natin.

2. Damhin ang katotohanan at kahalagahan nito.

3. Isabuhay ang mga ito.

Ang tatlong elementong ito ng learning pattern ay kailangan upang maanyayahan ang Espiritu Santo, na tumutulong sa atin na maitimo nang malalim sa ating puso ang ebanghelyo.

Aktibidada sa Gospel Teaching and Learning Handbook

pabalat ng hanbuk

Ang Gospel Teaching and Learning: A Handbook for Teachers and Leaders in Seminaries and Institutes of Religion (2012) ay naglalaman ng mahalagang impormasyon tungkol sa bawat aspeto ng learning pattern. Saliksikin kung ano ang itinuturo ng hanbuk sa pamamagitan ng pagbasa sa mga binanggit na bahagi sa hanbuk at pagsagot sa mga kaugnay na tanong.

1. Unawain ang doktrina at mga alituntunin

   Pag-aralan ang bahagi 2.5.2 (“Understand Doctrine and Principles”) sa pahina 28–29 ng iyong hanbuk na Gospel Teaching and Learning. Habang pinag-aaralan mo ito, hanapin ang sagot sa mga sumusunod na tanong:

   • Ano ang ibig sabihin ng “unawain ang doktrina o alituntunin ng ebanghelyo”?

   • Paano ko mas mauunawaan ang mga natukoy kong doktrina at mga alituntunin ng ebanghelyo?

2. Damhin ang katotohanan at kahalagahan ng doktrina at mga alituntunin

   Pag-aralan ang bahagi 2.5.3 (“Feel the Truth and Importance of Doctrines and Principles”) sa pahina 29–30 ng iyong hanbuk na Gospel Teaching and Learning. Habang pinag-aaralan mo ito, hanapin ang sagot sa mga sumusunod na tanong:

   • Bakit mahalaga na madama ko ang katotohanan at kahalagahan ng isang doktrina o alituntunin na natukoy ko?

   • Ano ang magagawa ko bilang mag-aaral upang anyayahan ang impluwensya ng Espiritu na tulungan ako na maramdaman ang katotohanan at kahalagahan ng alituntunin o doktrina na natukoy ko?

   • Ano ang papel na ginagampanan ng Espiritu Santo sa prosesong ito?

3. Ipamuhay ang doktrina at mga alituntunin

   Pag-aralan ang bahagi 2.5.4 (“Apply Doctrine and Principles”) sa pahina 30–31 ng iyong hanbuk na Gospel Teaching and Learning. Habang pinag-aaralan mo ito, hanapin ang sagot sa mga sumusunod na tanong:

   • Paano ko malalaman kung ipinamumuhay ko ang alituntunin ng ebanghelyo na natutuhan ko?

   • Ano ang mangyayari sa buhay ko kapag hinangad kong ipamuhay ang doktrina o alituntunin na natukoy ko?

   • Ano ang mga maaari kong gawin sa personal na pag-aaral ko upang mas makatuon ako sa pagsasabuhay ng mga katotohanan na natututuhan ko?

Sa lahat ng mga materyal na napag-aralan mo sa hanbuk na Gospel Teaching and Learning, pagtuunan natin ang tatlong mahalagang mungkahi. Sa sumusunod na listahan, ang bawat elemento ay ipinares sa isang gawain na magagawa mo kapag hinangad mong maunawaan, madama ang katotohanan at kahalagahan, at maipamuhay ang mga katotohanan na natutuhan mo sa mga banal na kasulatan.

1. Unawain ang doktrina at mga alituntunin

   Suriin ang kahulugan ng doktrina at alituntunin sa pamamagitan ng pagtatanong at paghahanap ng mga sagot.

2. Damhin ang katotohanan at kahalagahan ng doktrina at mga alituntunin

   Isiping mabuti ang epekto ng alituntunin sa iyong buhay o sa buhay ng ibang tao.

3. Ipamuhay ang doktrina at mga alituntunin

   Isipin ang mga bagay na maaari mong gawin upang maipamuhay ang doktrina o alituntunin.

Paggamit ng Learning Pattern

Panoorin ang video na “Unawain, Damhin, at Ipamuhay ang mga Alituntunin” (7:12), na makukuha sa LDS.org. Sa video na ito, tinatalakay ng tatlong titser ang tungkol sa kanilang pagsisikap na maunawaan, madama ang katotohanan at kahalagahan, at maipamuhay ang doktrina at mga alituntunin sa Lucas 5:1–11.

Magsulat ng dalawa o tatlong ideya na natutuhan mo sa panonood sa talakayang ito sa iyong study journal o sa ibang lugar kung saan maaari mo itong mahanap agad at matingnan muli at maibahagi sa iyong inservice leader o grupo.

Guided na Praktis na Aktibidad

mga gabara sa dagat

Sa Eter 6:1–12, mababasa natin na pinapangyari ng Panginoon na umihip ang hangin para makapaglayag ang mga gabara ng mga Jaredita patungong lupang pangako. Ang sumusunod ay isang alituntunin na maaari nating matukoy sa talatang ito: Kapag nagtiwala tayo sa Panginoon at ginawa ang Kanyang kalooban, gagabayan Niya ang ating buhay. Sundin ang mga sumusunod na hakbang sa ibaba sa pagsisikap mo na maunawaan, madama ang katotohanan at kahalagahan, at maipamuhay ang alituntuning ito. Isulat ang iyong mga sagot at pananaw sa iyong banal na kasulatan o personal journal.

1. Mas palalimin ang pag-unawa sa alituntunin

   Alamin ang kahulugan ng alituntunin sa pamamagitan ng pagtatanong ng tulad ng mga sumusunod at paghahanap ng mga sagot:

   • Ano ang ibig sabihin ng magtiwala?

   • Ano ang ibig sabihin ng magtiwala sa Panginoon?

   • Bakit ginagabayan ng Panginoon ang buhay ng mga nagtitiwala sa Kanya?

   • Paano ginagabayan ng Panginoon ang buhay ng isang tao?

2. Hangaring madama ang katotohanan at kahalagahan ng alituntunin

   Isiping mabuti ang epekto ng alituntunin sa iyong buhay o sa buhay ng ibang tao, kabilang ang mga tao sa banal na kasulatan o sa kasaysayan ng Simbahan.

   • Sa paanong paraan nakikita ang katotohanan ng alituntuning ito sa iyong buhay at patotoo?

   • Sa paanong paraan nakikita ang katotohanan ng alituntuning ito sa buhay at patotoo ng ibang tao?

3. Ipamuhay ang alituntunin

   Isipin ang mga bagay na maaari mong gawin upang maipamuhay ang doktrina o alituntunin.

Self-Praktis na Aktibidad

Pinagagaling ni Cristo ang isang lumpong lalaki

Pumili ng isang alituntunin na natukoy mo sa iyong pag-aaral ng Lucas 5:12–26 sa learning experience 7 o pumili ng isang alituntunin na natukoy mo sa bahagi 3.2 (“Luke 5: An Example”) sa pahina 42–46 ng hanbuk na Gospel Teaching and Learning. Pagkatapos ay gawin ang mga sumusunod:

1. Mas palalim ang iyong pag-unawa sa alituntunin.

   Alamin ang kahulugan ng doktrina o alituntunin sa pamamagitan ng pagtatanong at paghahanap ng mga sagot.

2. Hangaring madama ang katotohanan at kahalagahan ng alituntunin.

   Isiping mabuti ang epekto ng alituntunin sa iyong buhay o sa buhay ng ibang tao.

3. Ipamuhay ang Doktrina.

   Isipin ang mga bagay na maaari mong gawin upang maipamuhay ang doktrina o alituntunin.

Itala ang iyong mga pananaw at impresyon sa aktibidad na ito sa iyong study journal o sa ibang lugar kung saan maaari mo itong mahanap agad at matingnan muli at maibahagi sa iyong inservice leader o grupo.

Buod at Pagsasabuhay

Mga Alituntuning Dapat Tandaan

• Ang layunin ng pag-aaral ng ebanghelyo ay anyayahan ang Espiritu Santo na tulungan tayong maisaisip at maisapuso ang doktrina at mga alituntunin.

• Ang pag-unawa sa doktrina o alituntunin ay hindi lamang pag-alam kung ano ang ibig sabihin nito kundi kung paano rin ito nakakaapekto sa ating buhay.

• Ang malinaw na pagkaunawa sa doktrina o alituntunin ay naghahanda sa atin na madama ang katotohanan at kahalagahan nito.

• Kapag nadama natin ang katotohanan at kahalagahan ng doktrina o alituntunin, lalo nating hinahangad na ipamuhay ito.

• Ang pagsasabuhay ay nagaganap kung ang sinasabi, iniisip, at ginagawa natin ay naaayon sa ating natutuhan.

Elder Robert D. Hales

“Ang isang tunay na titser, kapag naituro na niya ang mga katotohanan [ng ebanghelyo], … ay pinag-iibayo pa ang pagtuturo sa [mga estudyante] upang sila ay magkaroon ng patotoo at makaunawa ang kanilang puso na hahantong sa pagkilos at paggawa” (Robert D. Hales, “Teaching by Faith” [an evening with Elder Robert D. Hales, Peb. 1, 2002], 5, si.lds.org).

“Ano Ngayon ang Gagawin Natin?”

Tapusin ang learning experience na ito sa pagsulat ng ilang bagay na gagawin mo ayon sa mga alituntunin na natutuhan mo sa araw na ito.