Ang Aking Daan Patungong Self-Reliance

Pagsisimula

Facilitator:

1. Magsimula sa panalangin (at himno, kung nais).

2. Maaaring magbigay ang isang miyembro ng stake presidency ng 3- hanggang 5-minutong panimula at patotoo.

3. Aanyayahan ng isang miyembro ng stake self-reliance committee ang buong grupo na buksan ang kanilang booklet sa pahina 2 at sundan ang miyembro ng komite sa pagbabasa ng tatlong talata sa ibaba.

Welcome sa devotional ng Ang Aking Daan Patungong Self-Reliance. Ang layunin ng miting na ito ay para tulungan kang maunawaan kung bakit at paano ka maaaring maging mas self-reliant. Sa halip na isang tagapagsalita ang maglahad sa grupo, tatalakayin natin ang mga alituntunin sa maliliit na grupo, na sama-samang nagbabasa, nagninilay, at nagsusulat ng ating mga ideya.

Ang pinakamahalagang bahagi ng karanasang ito ay ang mga matatanggap mong pahiwatig sa pamamagitan ng Espiritu kapag ipinakita sa iyo ng Panginoon ang magagawa mo para maging higit na katulad Niya. Hinihikayat ka naming isulat ang mga impresyong ito kapag natanggap mo ang mga ito at pagkatapos ay kumilos ka nang naaayon dito.

Sa pagtatapos ng miting na ito, aanyayahan kang pumili ng isang self-reliance group na makakatulong sa iyo na makamtan ang isa sa mga sumusunod:

• Makahanap ng trabaho o umasenso sa iyong kasalukuyang trabaho

• Mas maayos na mahawakan ang sarili mong pera at ang pera ng inyong pamilya

• Pumili ng kukunin mong kurso at magtagumpay sa paaralan

• Palaguin ang iyong maliit na negosyo

Ngunit sa ngayon, mas kilalanin natin ang isa’t isa.

Facilitator: Sabihan ang mga participant sa bawat mesa na magpakilala sandali sa iba nilang mga kasama sa mesa. Bawat pagpapakilala ay hindi dapat humigit sa 30 o 40 segundo.

Ano ang Self-Reliance?

Basahin:Ang layunin ng self-reliance initiative ay tulungan ang mga indibiduwal na tulungan ang kanilang sarili na maging self-reliant. Ang self-reliance ay higit pa sa pagkakaroon ng magandang trabaho, nakaimbak na pagkain, o pera sa bangko. Ang self-reliance ay “ang abilidad, dedikasyon, at pagsisikap na tustusan ang espirituwal at temporal na mga pangangailangan sa buhay para sa sarili at sa pamilya. Sa pagiging self-reliant ng mga miyembro, mas napaglilingkuran at napapangalagaan din nila ang iba,” kapag ginawa nilang alituntunin sa buhay ang pagtatrabaho (Handbook 2: Administering the Church [2010], 6.1.1).

Talakayin:Ano ang mga katangian ng isang self-reliant na indibiduwal? Aasa ba ang self-reliant na mga indibiduwal sa tulong ng gobyerno o Simbahan kung kaya naman nilang pagtrabahuhan ang mga pangangailangan nila?

Ang Self-Reliance ay Mahalaga sa Kaligtasan

Basahin:Itinuro ni Pangulong Thomas S. Monson: “Maging self-reliant tayo at tumayo sa sariling mga paa. Ang kaligtasan ay hindi matatamo sa pamamagitan ng iba pang alituntunin” (“Guiding Principles of Personal and Family Welfare,” Ensign, Set. 1986, 3; binabanggit ang sinabi ni Marion G. Romney, sa Conference Report, Okt. 1976, 167).

Talakayin:Habang nagiging mas self-reliant ka, paano ka nagiging katulad ng Ama sa Langit?

Ang Espirituwal at Temporal ay Iisa

Aktibidad ng Grupo _{(3–4 na minuto)}

Bilang grupo, talakayin ang ilang temporal at espirituwal na mga pangangailangan sa buhay. Ilista ang ilan sa ibaba.

Temporal na mga Pangangailangan sa Buhay	Espirituwal na mga Pangangailangan sa Buhay

Basahin:Itinuro ni Pangulong Dieter F. Uchtdorf, “Tulad ng dalawang mukha ng isang barya, ang temporal at espirituwal ay hindi mapaghihiwalay” (“Pagtulong sa Paraan ng Panginoon,” Ensign o Liahona, Nob. 2011, 53). Sa mga banal na kasulatan, ipinahayag ng Panginoon, “Lahat ng bagay sa akin ay espirituwal, at hindi kailanman ako nagbigay ng batas sa inyo na temporal” (D at T 29:34).

Talakayin:Paano magiging kapwa temporal at espirituwal ang paghahanap ng trabaho at paghahanap-buhay?

Gaano Ka Ka-Self-Reliant sa Temporal at Espirituwal?

Indibiduwal na Aktibidad _{(5 minuto)}

Ang self-reliance ay nangangailangan ng abilidad, dedikasyon, at pagsisikap. Mag-isang markahan ng tsek ang bawat box na pinakaangkop sa iyo. Maging matapat sa iyong sarili. Kung hindi ka komportableng markahan ang mga ito sa publiko, takpan ang mga sagot mo.

	Hindi kailanman	Bihira	Kung Minsan	Madalas	Palagi
May mga skill o kasanayan ako para tustusan ang mga pangangailangan ko.
May badyet ako at sinusunod ko ito.
Nag-iipon ako ng pera.
Wala akong utang (maliban sa utang para sa edukasyon at bahay).
Ang buhay ko ay nakatuon sa mga bagay na pinakamahalaga.
Nagdarasal ako at nag-aaral ng mga banal na kasulatan araw-araw.
Nadarama ko araw-araw ang mga pahiwatig ng Espiritu sa buhay ko.
Nagbabayad ako ng ikapu at mga handog-ayuno.
Nakikibahagi ako ng sakramento linggu-linggo.
Karapat-dapat akong magkaroon ng temple recommend.
May hanapbuhay o trabaho ako na tumutustos sa mga pangangailangan ko.
Tinutugunan ko ang mga pangangailangan ko nang hindi umaasa sa mga programa ng gobyerno.
Nagbabayad ako ng buwanang renta o mortgage.
Sapat ang nakukuha kong atensyong medikal.
Nakakapag-aral ang mga anak ko.
Napaglilingkuran ko ang iba sa oras ng kanilang pangangailangan.

Pag-isipang mabuti:May ibang mga bagay ka pa bang kailangang baguhin para maging self-reliant? Ano ang magiging buhay mo kapag pinagbuti mo pa ang mga item sa itaas?

Paano Ako Magiging Mas Self-Reliant?

1. Matutulungan Ka ng Panginoon na Maging Self-Reliant

Panoorin:“I Will Provide for My Saints,” makukuha sa srs.lds.org/videos. (Walang video? Magpatuloy sa pagbabasa.)

Aktibidad ng Grupo _{(5 minuto)}

Nasa ibaba ang liham na ibinahagi ni Pangulong Dieter F. Uchtdorf sa video.

Bilang grupo:

1. Maghalinhinan sa pagbabasa ng bawat talata.

2. Para sa bawat talata, gawin ang sumusunod:

   • Salungguhitan ang partikular na mga pagpapalang ipinangako ng Unang Panguluhan.

   • Bilugan ang kailangan mong gawin para matanggap ang mga pagpapalang iyon.

   • Talakayin sandali ang natututuhan mo.

Mahal naming mga Kapatid:

Inihayag ng Panginoon, “Layunin ko ito na maglaan para sa aking mga banal” (D at T 104:15). Ang paghahayag na ito ay isang pangako mula sa Panginoon na magbibigay Siya ng mga temporal na biyaya at mga oportunidad para tayo ay maging self-reliant, na ibig sabihin ay kaya nating tustusan ang mga pangangailangan natin at ng ating pamilya sa buhay na ito.

Ang booklet na ito ay inihanda para makatulong sa mga miyembro ng Simbahan na matutuhan at magawa ang mga alituntunin ng pananampalataya, edukasyon, kasipagan, at pagtitiwala sa Panginoon. Sa pagtanggap at pagsasabuhay ng mga alituntuning ito, higit ninyong makakamtan ang mga temporal na biyayang ipinangako ng Panginoon.

Inaanyayahan namin kayo na pag-aralang mabuti at isabuhay ang mga alituntuning ito at ituro ang mga ito sa mga miyembro ng inyong pamilya. Kapag ginawa ninyo ito, mabibiyayaan ang inyong buhay. Matututo kayo kung paano kumilos sa inyong pagsulong tungo sa lalo pang pagiging self-reliant. Mabibiyayaan kayo ng mas malaking pag-asa, kapayapaan, at pag-unlad.

Magtiwalang kayo ay tunay na anak ng ating Ama sa Langit. Mahal Niya kayo at hindi Niya kayo pababayaan. Kilala Niya kayo at handa Siyang ipagkaloob sa inyo ang mga espirituwal at temporal na biyaya ng self-reliance.

Taos-pusong sumasainyo,

Ang Unang Panguluhan

Pag-isipang mabuti:Ano ang personal kong magagawa para mabiyayaan ng “mas malaking pag-asa, kapayapaan, at pag-unlad” na ipinangako ng Unang Panguluhan?

2. Matutulungan Ka ng mga Banal na Kasulatan na Maging Self-Reliant

Basahin:Tinutulungan tayo ng Panginoon sa maraming paraan kapag sumampalataya tayo sa Kanya. Isa sa mga kasangkapang ibinigay Niya sa atin ang mga banal na kasulatan. Itinuro ng propetang si Nephi na, “Magpakabusog kayo sa mga salita ni Cristo; sapagkat masdan, ang mga salita ni Cristo ang magsasabi sa inyo ng lahat ng bagay na dapat ninyong gawin” (2 Nephi 32:3).

Talakayin:Kailan nakapagbigay ng personal na patnubay ang mga banal na kasulatan sa buhay mo?

Aktibidad ng Grupo _{(5–7 minuto)}

Ibinigay ang Aklat ni Mormon bilang kasangkapan para sa ating panahon. Kung ihahalintulad natin ang mga talata sa Aklat ni Mormon sa sarili nating buhay, tatanggap tayo ng lahat ng kailangang patnubay. Bilang grupo, basahin at talakayin ang bawat isa sa mga pahayag sa ibaba mula sa mga propeta at apostol. Salungguhitan ang mga pagpapalang ipinangako sa pag-aaral ng at pag-angkop sa mga turo sa mga banal na kasulatan.

Henry B. Eyring: “Ang pagsangguni sa mga banal na kasulatan para malaman ang gagawin ang gumagawa ng kaibhan. … Makikita natin ang mga kasagutan sa mga banal na kasulatan. Parang inasahan na ng Panginoon ang lahat ng problema at pangangailangan natin, at naglagay Siya ng tulong sa mga banal na kasulatan para sa atin—kung hahanapin lamang natin ito” (“Isang Talakayan tungkol sa Pag-aaral ng Banal na Kasulatan,” Liahona, Hulyo 2005, 24).

Boyd K. Packer: “Wala tayong malaking problemang kinakaharap nang hindi tayo protektado kung alam natin ang mga paghahayag” (“Teach the Scriptures,” Teaching Seminary Preservice Readings Religion 370, 471, at 475 [2004], 75).

Richard G. Scott: “May mga sagot sa Aklat ni Mormon para sa mga problemang kinakaharap natin sa araw-araw na pamumuhay” (“The Power of the Book of Mormon in My Life,” Ensign, Okt. 1984, 10).

M. Russell Ballard: “Ang Aklat ni Mormon, sa lahat ng alam kong aklat, ang pinakamainam na mapagkukunan natin ng mga kasagutan sa mga problema sa tunay na buhay” (sa “We Add Our Witness,” Ensign, Mar. 1989, 8).

Russell M. Nelson: “Nais ba ninyong maiwasan ang masamang pag-uugali? Nais ba ninyong pagbutihin ang pakikitungo sa inyong mag-anak? Nais ba ninyong dagdagan ang inyong espirituwal na kakayahan? Basahin ang Aklat ni Mormon! Ito ang maglalapit sa inyo sa Panginoon at sa Kanyang mapagmahal na kapangyarihan” (“Isang Patotoo Tungkol sa Aklat ni Mormon,” Liahona, Ene. 2000, 85).

Pag-isipang mabuti:Sa hangarin kong maging mas self-reliant, ano ang magagawa ko para makatanggap ng mas personal na patnubay mula sa mga banal na kasulatan?

3. Ang Pagsali sa Isang Self-Reliance Group ay Makakatulong sa Inyo na Makapagsimula

Basahin:Para matulungan kayong maging mas self-reliant, may pagkakataon kayong sumali sa isang self-reliance group sa inyong ward o stake. Ang self-reliance group ay isang grupo ng mga indibiduwal na nagkikita-kita upang matuto at isagawa ang praktikal na mga skill o kasanayan para sa trabaho, edukasyon, at pananalapi.

Ang mga self-reliance group ay karaniwang nagkikita-kita nang dalawang oras bawat linggo sa loob ng tatlong buwan. Sinusunod sa mga miting ang prosesong katulad ng devotional na ito. Ang mga miyembro ng grupo ay nagbabasa at nagtatalakayan, kinukumpleto ang mga aktibidad, at nagninilay ang bawat isa upang mabigyang-inspirasyon sila ng Espiritu Santo kung paano kikilos.

Ang self-reliance group ay iba sa halos lahat ng klase sa Simbahan. Wala itong guro! Sa halip, nagtatrabaho ang grupo bilang isang council at ang Espiritu Santo ang guro. Nagsasanggunian ang mga miyembro ng grupo habang natututo sila ng mga bagong skill o kasanayan, lumulutas ng mga problema, nangangakong gagawa ng mga bagay-bagay sa buong linggo, at nag-uulat ng kanilang progreso.

Ang mga miyembro ng grupo ay nakakabuo rin ng matitibay na pagkakaibigan at nadarama ang pagmamahal ng Diyos habang sama-sama silang nagtatrabaho. Sa pagsali sa isang grupo, hindi lang kayo makikinabang, malaki rin ang maitutulong ninyo sa iba sa kanilang daan tungo sa pagiging self-reliant!

Panoorin:“The Power of the Group,” makukuha sa srs.lds.org/videos. (Walang video? Magpatuloy sa pagbabasa.)

Facilitator: Kung may maaanyayahan, ipakuwento sandali sa isang taong nakasali na sa isang self-reliance group (nang hanggang tatlong minuto) ang kanyang karanasan.

Aling Self-Reliance Group ang Dapat Ninyong Salihan?

Panoorin:“Choosing a Self-Reliance Group,” makukuha sa srs.lds.org/videos. (Walang video? Basahin ang mga buod ng grupo sa pahina 11.)

Indibiduwal na Aktibidad _{(3–4 na minuto)}

Mag-isa mong basahin ang mga pangungusap sa ibaba, at bilugan ang (mga) pangungusap na angkop sa iyo. May isang buod ng bawat grupo sa pahina 11.

	Maghanap ng Mas Magandang Trabaho	Personal na Pera	Education for Better Work (Edukasyon para sa Mas Magandang Trabaho)	Starting and Growing My Business (Pagsisimula at Pagpapalago ng Aking Negosyo)
Kailangan ko ng pera kaagad.	✓
Wala akong trabaho.	✓
Kailangan ko ng mas magandang trabaho.	✓
Gusto kong mag-ipon ng pera.		✓
Gusto kong alisin ang pangungutang.		✓
Gusto kong maging handa para sa hinaharap sa aspetong nauukol sa pera.		✓
Kailangan ko ng edukasyon o training para makakuha ako ng mas magandang trabaho o magsimula ng bagong propesyon.			✓
Kailangan ko ng tulong sa pagpili ng kursong pag-aaralan ko.			✓
Nais kong magtagumpay sa paaralan.			✓
Nais kong malaman ang iba pa tungkol sa mga iniaalok ng Simbahan ukol sa edukasyon, tulad ng Pathway (tingnan sa pahina 12).			✓
Mayroon akong negosyo sa kasalukuyan.				✓
May mapagkukunan ako para makapagsimula ng negosyo.				✓
Masusuportahan ko ang sarili ko habang nagsisimula ako ng negosyo.				✓
Nais kong mapalakas ang pananampalataya ko kay Jesucristo.	✓	✓	✓	✓

Basahin:Ang paggawa ng mga pagbabago sa ating buhay ay nangangailangan ng pananampalataya at pagsisikap. Para makasulong ka, kailangan mo ng dedikasyon para magawa mo ang sumusunod:

• Dumalo linggu-linggo (karaniwan ay 2 oras bawat linggo sa loob ng 3 buwan).

• Kumilos ayon sa mga ipinangakong gagawin sa buong linggo.

• Hikayatin ang iba sa grupo upang magtagumpay.

• Magtrabaho nang mga 4 hanggang 10 oras linggu-linggo kapag walang miting ang grupo.

Pag-isipang mabuti:Aling grupo ay pinakaakma sa sitwasyon ko? Handa ba akong gawin ang mga pangakong ito para lalo akong maging self-reliant?

Mga Buod ng Grupo

Sa bawat isa sa apat na self-reliance group, pinag-aaralan at pinapraktis ng mga miyembro ang mga alituntunin mula sa booklet na Ang Aking Pundasyon Patungong Self-Reliance. Ginagawa ito sa simula ng bawat miting ng grupo, dahil ang pag-aaral ng mga saligang alituntunin at kasanayang ito ay tumutulong sa mga miyembro ng grupo na umunlad sa temporal at espirituwal, anuman ang landas na kanilang pinili. Lalakas ang pananampalataya ng mga miyembro ng grupo sa kapangyarihan ni Jesucristo na maglaan para sa kanila. Magpapraktis din sila ng mga skill o kasanayan sa buhay, kabilang na ang matalinong paggamit ng oras, komunikasyon, at paglutas ng problema.

Maghanap ng Mas Magandang Trabaho

Para sa mga naghahanap ng trabaho o mas magandang trabaho. Matututo ang mga miyembro ng grupo na makilala ang mga oportunidad, network, ipakilala ang kanilang sarili sa propesyonal na paraan, at maghanda para sa mga job interview. Magtatakda rin sila ng mga mithiin para sa mga contact at interbyu.

Personal na Pera

Para sa mga gusto na mas maayos na mahawakan ang kanilang pera. Matututo ang mga miyembro ng grupo kung paano aalisin ang pangungutang, maprotektahan laban sa kahirapan ukol sa pera, at mamuhunan para sa hinaharap. Lilikha sila ng isang financial plan at susunod sa badyet. Ang mga asawa ay hinihikayat ding dumalo.

Education for Better Work (Edukasyon para sa Mas Magandang Trabaho)

Para sa mga nangangailangan ng karagdagang edukasyon o training para makakuha ng trabaho. Ang mga miyembro ng grupo ay magsasaliksik, lilikha, at maglalahad ng mga plano ukol sa propesyon at edukasyon. Gugugol din sila ng oras bawat linggo sa pagpapraktis ng mga skill o kasanayan na tutulong sa kanila na maging mas epektibong mga mag-aaral.

Starting and Growing My Business (Pagsisimula at Pagpapalago ng Aking Negosyo)

Para sa mga taong may negosyo na o may mapagkukunan para makapagsimula ng negosyo. Matututuhan ng mga miyembro ng grupo ang mga pag-uugali at skill o kasanayan ng matagumpay na mga may-ari ng maliit na negosyo. Magpapraktis sila ng record keeping, marketing, at cash management. Kakausap sila ng mga negosyante, kostumer, at supplier at bubuo ng mga plano para palaguin ang kanilang negosyo.

Pumili ng Isang Grupo

Tutulungan kayo ngayon ng isang miyembro ng self-reliance committee na maorganisa na maging mga self-reliance group. Kapag nakapili ka na ng grupo mo, isulat ang sumusunod na impormasyon.

Mga Self-Reliance Group Meeting
Araw:
Oras:
Lokasyon:
Pangalan ng facilitator:
Numero ng telepono:

Facilitator: Maaaring naisin ng presiding authority na magbahagi ng maikling patotoo.

Magtapos sa panalangin.

Mga Oportunidad na Makapag-aral na Ibinibigay ng CES

Ang Church Educational System (CES) ay nag-aalok ng hindi magastos na mga oportunidad para makapag-aral na maaaring humantong sa mas magandang trabaho. Kabilang dito ang:

• Mga online micro course at training mula sa LDS Business College na makakatulong para maging karapat-dapat ka para sa isang partikular na trabaho, umasenso sa kasalukuyan mong trabaho, o magkaroon ng certification. Ang tagal ng mga kurso ay mula 15 minuto hanggang 12 linggo at maaaring humantong sa isang garantisadong job interview.

• Ang Pathway ay isang-taon na programa na tumutulong sa iyo na maghanda para sa o bumalik sa kolehiyo. Kukuha ang mga estudyante ng mga online course at makikilahok sa lokal na mga pagtitipon. Kapag nakatapos, maaari nang pagtrabahuhan ng mga estudyante ang pagkakaroon ng isang certificate o degree sa lokal na mga paaralan, sa BYU–Idaho, o sa LDS Business College. Kailangan sa Pathway ang intermediate English.

Upang malaman kung ano ang available sa inyong lugar, bumisita sa churcheducation.lds.org.

Paano Magdaos ng My Path Devotional

Mga Instruksyon para sa Isang Stake Self-Reliance Committee

Bago Idaos ang Devotional:

• Repasuhin at kumpletuhin mo mismo ang booklet na ito.

• Mag-order ng sapat na mga booklet na Ang Aking Daan Patungong Self-Reliance para sa mga participant (store.lds.org).

• Maglaan ng sapat na mga bolpen o lapis para sa mga participant.

• Maghanda ng sapat na mga bilog na mesa sa cultural hall.

• Sabihan ang mga miyembro ng self-reliance committee na tumayo sa bawat pintuan para batiin ang mga dumadalo at pasamahin sila sa mga participant na nasa mga mesa.

• Anyayahan ang isang taong nakalahok na dati sa isang grupo na ibahagi ang kanyang karanasan sa devotional kung maaari (tingnan sa pahina 9).

• Bisitahin ang srs.lds.org/report para i-download ang Devotional Report Form na kukumpletuhin sa oras ng devotional.

Sa oras ng Devotional:

• Sabihin sa miyembro ng komite na nasa bawat mesa na hikayating lumahok ang grupo at subaybayan ang nangyayari.

• Ipaalala sa mga participant na ilagay sa silent mode ang kanilang cell phone.

• Isiping simulan ang devotional sa isang awitin, panalangin, at maikling pagbati (3–5 minuto) mula sa isang priesthood leader o miyembro ng stake self-reliance committee.

• Sundin ang materyal ayon sa nakasulat sa booklet.

• Ipasulat sa bawat group facilitator ang pangalan at numero ng telepono ng bawat kasali sa kanyang grupo. Sa unang miting ng grupo, kukumpletuhin ng bawat facilitator ang mas detalyadong group registration form.

• Kung malaki ang lugar na nasasakupan ng stake, maaari silang paghati-hatiin ng stake committee sa mga grupo ayon sa kung taga-saan ang mga miyembro ng grupo.

Pagkatapos ng Devotional:

• Bisitahin ang srs.lds.org/report upang magpasok ng impormasyon mula sa Devotional Report Form.