6

Walia na Leqa

Vakananuma:Na cava o nanuma kina ni sa vakatara na Tamada Vakalomalagi meda sotava na leqa kei na veibolebole eso?

Sarasara:“Solve Problems and Make Decisions” (Sega na vidio? Wilika na draunipepa ka tarava.)

Veivosaki:Na cava e cakava na Sipi me vukei Vuaka me walia na nona leqa? (Vakasamataka mada na ka e cakava me vukei koya ena nona dusia na leqa dina, raica na veika eso a rawa ni cakava, ka qai vakatulewa ka cakacaka.)

Wilika:Ica 2 kei na 3 (wilika ga na tikina ena imatau)

“Sa masu tale vua na Turaga na taci Jereti, ka kaya … au sa taya na waqa ena kena icakacaka… [ka] sega na kena cina. … Sa kaya na Turaga … A cava ko vinakata meu kitaka … ? A sa vakawaicalataka kina [na taci Jereti] e dua na vatu levu ka bulia mai kina e tinikaono na vatu lalai … a sa masu vua na Turaga, ka kaya … Oi kemuni na Turaga, au kila ni sa rawa mo ni kitaka na ka kecega. … Mo ni tara mada na vatu oqo … me serau mai ena butobuto.”

Ica 2:18–19, 23; 3:1, 4.

Veivosaki:Na cava e cakava na taci Jereti me walia na nona leqa?

Vakatovotovo:E koto e ra e 3 na ikalawa o rawa ni taura mo walia na leqa cava ga ena masumasu kei na vakabauta. Wilika ka veivosakitaka kei na dua na leweni lawalawa. Mo ni dusia yadudua e dua na leqa matailalai o sotava ka lako curuma na vei kalawa oqo.

Walia na Leqa

❶

Dusia

Na cava dina na leqa?

❷

Digidigi ni Vuli

Na cava eso na iwali?

Koya evei e vinaka duadua?

❸

Vakatulewa ka Cakacakataka

Masuta na veidusimaki. Vakatulewa. Ka qai cakacakataka ena vakabauta. E vinaka na kena macala? Kevaka e sega, tovolea tale na 1–3 na ikalawa.

Kakua ni Guce!

Vakatovotovo:Digia e dua na dredre dou sotava tiko vakamatavuvale ka vola eke:

Ena loma ni macawa, mo dou cakacakataka vakamatavuvale. Nanuma, kakua ni guce. E taura na gauna me dau wali na leqa kei na vakayaco veisau.

Yalataka:Yalataka mo cakava na veika oqo ena loma ni macawa. Tikitaka na kato ni ko sa vakayacora.

• Vakatovotovotaka na veikalawa ni kena iwali na leqa o sa vola e cake.

• Vakavulica na ivakavuvuli oqo kina nomu matavuvale.

• Tomana tiko na vakatovotovotaki ni yavu ni vakavuvuli e liu.

“Na iwalewale bulabula e dau gadrevi ena so na gauna me veisotari kei na ituvaki ena nomu vanua. E tiko na idusidusi raraba kei na ivakavuvuli, ia na Turaga e vinakata vei keda meda walia ga vakataki keda na noda leqa. … Eda tamata vakasama, ka dau veidrutaitaka na ka. E noda na rawaka ni dusia na noda gagadre, tuvatuva ka kina, tuva na takete, ka walia na noda leqa. … E levu na gauna na tamata e dau taura matua ena so na vakasama, veika buli vou kei na iwalewale ni bula ena sega ni rawa ni cakacaka. Na iwalewale bulabula e iwalewale maqosa me vosoti kina na gagadre ni bula.”

Robert D. Hales, “Na Veisolisoli Vivinaka,” New Era, Okosi. 1983, 8–9

iDusidusi ni Dauveituberi

Vakabulabulataka na veivosaki. Mera vakaitavi kece na tiko.

Wali na Leqa ka Vakatulewa

Kevaka o sega ni sarava rawa na vidio, digia e dua na itavi ka wilika na itukutuku.

VUAKA: Au sa via kana! Sa lako o dau teitei. E sa rui vucesa o luvena ka sega ni dua na kequ kakana! Na cava au na cakava?

SIPI: Vuaka? Vuaka! Na cava na leqa?

VUAKA: Leqa? Leqa? Sa rui matailelevu, se vakacava? Au sa via kana!

SIPI: Hmmm. E sega ni nomu leqa oqori.

VUAKA: Oi? “Na cava o tukuna tiko? Au sa via kana! E sega ni cakava tiko na nona itavi na gone vucesa oya.

SIPI: Donu, ia oya e nona leqa. Nomu leqa o iko, Ena rawa ni ko lako evei me kau mai na kakana?

VUAKA: Oi Au? Vaqara kakana?

SIPI: Oqori saraga. Na cava eso na ka o rawa ni cakava?

VUAKA: Au rawa ni tu eke ka wawa!

SIPI: Oqori e dua na digidigi. Sa vakacava oya?

VUAKA: Io? … Humph. … Kevaka au na rawa ni curu yani e tuba, ena rawa niu kunea na kakana e veibenubenu.

SIPI: Oqori tale e dua na idigidigi Au raica rawa ni sega ni lokataki tu na nomu matamata.

VUAKA: Io, ia au se bera vakadua niu dau tu ga ka curu e tuba Ena rawa talega ni na sega ni dua na kakana e tiko mai kea.

SIPI: Vinaka, e vaka vei au e sa gauna mo vakatulewa me cakava e dua na ka—o tiko se lako.

VUAKA: Sa donu. E noqu leqa oya, e?

SIPI: Io.

VUAKA: Sa noqu digidigi vinaka duadua me golevi na ibenubenu?

SIPI: Kevaka o nanuma vakakina.

VUAKA: E gadrevi meu vakatulewa ka cakacakataka.

SIPI: E vaka-vei au.

VUAKA: Sa vinaka. … Io. … Vinaka, … sa gole qo. [Sa tekivu kana.] Oe, Sipi, oqo sa dua na ka taleitaki.

SIPI: Sa rawa vinaka, Vuaka!