Koling blong Mi olsem wan Wod Miusik Asisten

Ol Responsabiliti

Lod i glad from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti blong koling blong yu.

Stamba Tingting blong Miusik insaed long Jos

Tabu miusik i mekem fet long Jisas Kraes i kam moa bigwan. Hem i invaetem Spirit mo i tijim doktrin. Hem i krietem filing ia tu blong stap revren, mekem ol memba i kam wan, mo i givim wan wei blong wosipim Papa long Heven mo Jisas Kraes. Lod i bin talem, “From we sol blong mi i glad tumas long singsing we i kam long hat” (Doktrin mo Ol Kavenan 25:12). (Luk long Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 19.1.)

Wod Miusik Asisten

Wod miusik asisten, i helpem ol memba blong wod blong mekem fet i kam antap long Jisas Kraes tru long tabu miusik. Oli givim prilud mo poslud miusik mo ol hym long taem blong sakramen miting mo ol narafala miting blong wod, olsem we oli bin askem. Taem i gat nid, wod miusik asisten i save help long kwaea o givim seves olsem man blong plei piano long Praemeri. (Luk long 19.4.3.2).

Miusik blong Ol Miting blong Jos

“Miusik we i givim insperesen, i wan stamba pat blong ol miting blong yumi long jos” (Hymns, First Presidency Preface). Ol miusik we oli jusumaot oli mas tijim gospel wetem paoa mo fasin we i klia (luk long 19.3.1).

Miusik insaed long Sakramen Miting

Miusik insaed long sakramen miting i tekem tu ol singsing blong hym blong openem mo klosem miting mo bifo oli blesem mo pasem sakramen. Sakramen miting i save tekem tu wan o moa long ol hym we oli ademap o ol miusik presentesen. Oli save yusum ol hym mo ol narafala miusik we oli jusum olsem prilud mo poslud miusik, kwaea miusik mo ol miusik presentesen blong wan man nomo o smol grup. (Luk long 19.3.2

Trening mo Ol Risos

Blong kasem ol infomesen abaot trening blong miusik, luk long 19.6 blong Jeneral Hanbuk. Sapos i no gat wan wod miusik asisten long ol miting blong wod, luk long seksen 19.4.3.2 blong kasem ol pat blong miusik we oli rekodem i stap.

Ol Gaedlaen mo Polisi

Blong kasem sam moa polisi mo ol gaedlaen olsem blong kasem miusik, yusum ol tul blong miusik blong ol mitinghaos blong praktis o ol kwaea blong komuniti, luk long seksen 19.7 blong Jeneral Hanbuk.