Akong Calling isip usa ka Secretary sa Priests Quorum

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Aaronic nga Pagkapari

Ang mga korum sa Aaronic nga Pagkapari motabang sa mga batan-ong lalaki nga mohimo ug motuman sa sagrado nga mga pakigsaad ug mopalig-on sa ilang pagkakabig ngadto ni Jesukristo ug sa Iyang ebanghelyo. Ang katuyoan sa usa ka korum mao ang pagtabang sa mga naghupot sa pagkapari nga magtambayayong sa pag-apil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 10.1, Librarya sa Ebanghelyo.)

Priests Quorum

Ang mga batan-ong lalaki moapil sa priests quorum sugod sa Enero sa tuig nga sila mag-edad og 16. Kon sila andam ug takos, sila mahimo usab nga i-orden nga mga priest. Ang mga priest adunay samang mga katungdanan sa mga deacon ug mga teacher. Ang mga deacon mahimo usab nga mangalagad sa sakramento, mohimo og mga bunyag (lakip ang mga bunyag sa templo), ug mo-orden og ubang mga priest, mga teacher, o mga deacon (tan-awa sa Doktrina ug mga Pakigsaad 20:46–52, 73–79; General Handbook, 10.1.3.3).

Secretary

Kon ang mga secretary sa korum tawagon, sila moandam sa mga agenda alang sa mga miting ug mosulat sa gihisgotan. Sila usab motabang sa klerk sa ward o sa usa ka tigtambag sa korum nga mosubay sa nanambong. (Tan-awa sa 10.4.2.)

Serbisyo ug Mga Kalihokan

Ang bishop ug ang mga lider sa korum sa kabatan-onan, nga gisuportahan sa mga tigtambag, magplano og serbisyo ug mga kalihokan. Kini makatabang sa pagtuman sa buhat sa kaluwasan ug kahimayaan. Kinahanglan kini nga mabalanse sa upat ka bahin sa personal nga kauswagan: espirituwal, sosyal, pisikal, ug intelektuwal. (Tan-awa sa 10.2.1.3.)

Mga Lagda ug mga Palisiya

Dugang nga mga lagda ug mga palisiya, lakip ang pagsuporta sa mga batan-ong lalaki nga adunay kakulangan, pagdawat sa mga simbolo sa Kabataan ug Kabatan-onan, ug sa pagpundok sa mga halad sa puasa, makit-an diha sa seksiyon 10.8 sa Kinatibuk-ang Tamdanan nga Basahon.