Akong Calling isip usa ka Presidente sa Deacons Quorum

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Ang Katuyoan sa Aaronic nga Pagkapari

Ang mga korum sa Aaronic nga Pagkapari motabang sa mga batan-ong lalaki nga mohimo ug motuman sa sagrado nga mga pakigsaad ug mopalig-on sa ilang pagkakabig ngadto ni Jesukristo ug sa Iyang ebanghelyo. Ang katuyoan sa usa ka korum mao ang pagtabang sa mga naghupot sa pagkapari nga magtambayayong sa pag-apil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 10.1, Librarya sa Ebanghelyo.)

Deacons Quorum

Ang mga batan-ong lalaki moapil sa deacons quorum sugod sa Enero sa tuig nga sila mag-edad og 12. Niining higayona sila usab mahimo nang i-orden nga mga deacon kon sila andam ug takos. Ang ubang mga katungdanan naglakip sa pagpaambit sa sakramento ug pagtabang sa bishop sa “pagpangalagad sa tanan nga temporal nga mga butang” (Doktrina ug mga Pakigsaad 107:68). (Tan-awa sa 10.1.3.1.)

Presidente

Ang mga responsibilidad sa presidente sa deacons quorum naglakip sa pagpangulo sa mga paningkamot sa pag-apil sa buhat sa Dios nga ang kaluwasan ug kahimayaan; magkailhanay ug moserbisyo sa matag sakop sa korum, lakip niadtong kinsa wala motambong sa mga miting sa korum; mopalig-on sa bag-o ug mibalik nga mga miyembro; magtudlo sa mga sakop sa korum sa ilang mga katungdanan sa pagkapari; ug magplano ug mopahigayon og mga miting sa korum (tan-awa sa 10.4.2). Ang Iyang mga magtatambag mosuporta niya sa iyang responsibilidad. Ang kapangulohan sa korum kinahanglan kanunay nga magkatigom (tan-awa sa 10.4.3).

Konseho sa Kabatan-onan

Ang presidente sa deacons quorum usa ka sakop sa konseho sa kabatan-onan sa ward. Ang katuyoan niini nga konseho mao ang pagtabang sa kabatan-onan sa pagdala sa uban ngadto ni Jesukristo ug sa pagtabang nga matuman ang buhat sa kaluwasan ug kahimayaan. Ang bishop modumala sa konseho sa kabatan-onan sa ward. (Tan-awa sa 10.4.4.)

Serbisyo ug mga Kalihokan

Ang bishopric ug ang mga lider sa korum sa kabatan-onan, nga gisuportahan sa mga tigtambag, magplano og serbisyo ug mga kalihokan. Kini makatabang sa pagtuman sa buhat sa kaluwasan ug kahimayaan. Kinahanglan kini nga mabalanse sa upat ka bahin sa personal nga kauswagan: espirituwal, sosyal, pisikal, ug intelektuwal. (Tan-awa sa 10.2.1.3.)

Mga Lagda ug mga Palisiya

Dugang nga mga lagda ug mga palisiya, lakip ang pagsuporta sa mga batan-ong lalaki nga adunay kakulangan, pagdawat sa mga simbolo sa Kabataan ug Kabatan-onan, ug sa pagpundok sa mga halad sa puasa, nga makit-an diha sa seksiyon 10.8 sa Kinatibuk-ang Tamdanan nga Basahon.