Akong Calling isip usa ka Magtatambag sa Deacons Quorum

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Aaronic nga Pagkapari

Ang mga korum sa Aaronic nga Pagkapari motabang sa mga batan-ong lalaki nga mohimo ug motuman sa sagrado nga mga pakigsaad ug mopalig-on sa ilang pagkakabig ngadto ni Jesukristo ug sa Iyang ebanghelyo. Ang katuyoan sa usa ka korum mao ang pagtabang sa mga naghupot sa pagkapari nga magtambayayong sa pag-apil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 10.1, Librarya sa Ebanghelyo.)

Deacons Quorum

Ang mga batan-ong lalaki moapil sa korum sa mga deacon sugod sa Enero sa tuig nga sila mag-edad og 12. Niining higayona sila usab mahimo nang i-orden nga mga deacon kon sila andam ug takos. Ang mga katungdanan naglakip sa pagpaambit sa sakramento ug pagtabang sa bishop sa “pagpangalagad sa tanan nga temporal nga mga butang” (Doktrina ug mga Pakigsaad 107:68). (Tan-awa sa 10.1.3.1.)

Magtatambag

Ang mga magtatambag sa deacons quorum mosuporta sa presidente sa iyang mga responsibilidad, lakip ang pagpangulo sa mga paningkamot sa korum sa pag-apil sa buhat sa Dios sa kaluwasan ug kahimayaan; pag-ila ug pagserbisyo sa matag sakop sa korum, lakip niadtong wala magtambongan sa mga miting sa korum, pagpalig-on sa bag-o ug mibalik nga mga miyembro, magtudlo sa mga miyembro sa korum sa ilang mga katungdanan sa pagkapari; ug pagplano ug pagpahigayon og mga miting sa korum (tan-awa sa 10.4.2). Ang kapangulohan sa korum kinahanglan nga regular nga magmiting (tan-awa sa10.4.3).

Serbisyo ug mga Kalihokan

Ang bishopric ug ang mga lider sa korum sa kabatan-onan, nga gisuportahan sa mga tigtambag, magplano og serbisyo ug mga kalihokan. Kini makatabang sa pagtuman sa buhat sa kaluwasan ug kahimayaan. Kinahanglan kini nga mabalanse sa upat ka bahin sa personal nga kauswagan: espirituwal, sosyal, pisikal, ug intelektuwal. (Tan-awa sa 10.2.1.3.)

Mga Lagda ug mga Palisiya

Dugang nga mga lagda ug mga palisiya, lakip ang pagsuporta sa batan-ong mga lalaki nga adunay mga kakulangan, pagdawat sa mga simbolo sa Kabataan ug Kabatan-onan, ug pagpundok sa mga halad sa puasa, makita sa seksiyon 10.8 sa Kinatibuk-ang Tamdanan nga Basahon.