Pule o le Perisitua ma Sauniga

O le Perisitua o le pule ua tuuina mai e le Atua i Ana fanau e aumaia le faaolataga i tagata uma. O le pule o le Perisitua ua taulimaina e taitai o le perisitua o e ua maua ma faaaoga ki o le perisitua. Talu ai ua ta‘ua i tusitusiga paia e faapea “o isi pule uma [ma] tofi i le ekalesia o ni faaopoopoga i lenei perisitua [Mekisateko]” (MFF 107:5), o mea uma e faia i lalo o le taitaiga a na ki o le perisitua e faia i le pule o le perisitua.

Pe a vaetofiaina se tamaitai e talai le talalelei o se faifeautalai faamisiona, e galue o ia i lalo o le pule o le perisitua e faatino ai se matafaioi faaleperisitua. Po o ai lava e galue i se tofi po o se valaauga na maua mai se tasi o loo umiaina ki o le perisitua ua ia faaaogaina le pule o le perisitua i le faatinoina o ona tiute atofaina.

Afai o loo e umiaina le Perisitua Mekisateko, o le a e maua avanoa e auai i sauniga ma faamanuiaga faaleperisitua.

Mo nisi faamatalaga tagai i le vaega 7.11 “Sauniga ma Faamanuiaga o le Perisitua.”