Te mau uira’a nō te uiuira’a i te mau ta’ata e tano ’ei misiōnare
E anihia i te mau ’episekōpo ’e i te mau peresideni titi ’ia rave « i te mau uiuira’a hōhonu ’e tē tītau Vārua ’e te fa’ateitei » ’e te tinotītau misiōnare tāta’itahi, ma te fa’a’ohipa i te mau uira’a i muri nei (hi’o Buka aratahi rahi, 24.4.2).
-
E fa’aro’o ānei tō ’oe ’e te ’itera’a pāpū nō ni’a i te Atua, te Metua Mure ’Ore ; i tāna Tamaiti, ’o Iesu Mesia ; ’e i te Vārua Maita’i ?
-
E ’itera’a pāpū ānei tō ’oe nō ni’a i te tāra’ehara a Iesu Mesia ’e i tōna ti’ara’a ’ei Fa’aora ’e ’ei Ora ?
E fa’a’ite mai na i tō ’oe ’itera’a pāpū. E mea nāhea te tāra’ehara a Iesu Mesia i te ha’amaita’ira’a i tō ’oe orara’a ?
-
E ’itera’a pāpū ānei tō ’oe nō ni’a i te Fa’aho’i-fa’ahou-ra’a mai o te ’evanelia a Iesu Mesia ’e nō ni’a i te paru mau o te Buka a Moromona ?
’Ua nāhea tō ’oe māramaramara’a i te ’evanelia a Iesu Mesia i fa’aho’ihia mai, nā reira ato’a tā ’oe tai’ora’a i te BUka a Moromona, i fa’ahōhonu i tō ’oe tā’amura’a ia Iesu Mesia ?
-
Tē pāturu ra ānei ’oe i te Peresideni o Te ’Ēkālesia a Iesu Mesia i te Feiā Mo’a i te mau Mahana Hope’a nei ’ei peropheta, ’ei ’ite ’e ’ei heheu parau ’e ’o ’oia ana’e te ta’ata i ni’a i te fenua nei tei ha’amanahia nō te fa’a’ohipa i te mau tāviri ato’a o te autahu’ara’a ?
Tē pāturu ra ānei ’oe i te mau melo nō te Peresidenira’a Mātāmua ’e nō te pupu nō te Tino ’Ahuru ma Piti ’āpōsetolo ’ei peropheta, ’ei hi’o ’e ’ei heheu parau ?
Tē pāturu ra ānei ’oe i te tahi atu huimana fa’atere rahi ’e te feiā fa’atere o te ’Ēkālesia i te fenua nei ?
-
’Ua parau te Fatu ē, ’ia « rave-mā-hia » te mau mea ato’a i mua iāna (Te Ha’api’ira’a Tumu ’e te mau Fafaura’a 42:41).
E aha ho’i tei roto ato’a i te tūtavara’a nō te vai-mā-ra’a i mua i te Atua te ’apera’a i te hōho’a faufau ?
’Ia au i tā ’oe i māramarama, e aha te aura’a o te parau e ora i te ture nō te vi’ivi’i ’ore ?
Tē tūtava ra ānei ’oe ’ia vai mā i te pae mōrare, i roto i tō ’oe mau mana’o ’e te mau haere’a ?
Tē ha’apa’o ra ānei ’oe i te ture nō te vi’ivi’i ’ore ?
-
Tē pe’e ra ānei ’oe i te mau ha’api’ira’a a Te ’Ēkālesia a Iesu Mesia i roto i tā ’oe mau peu i ni’a i te mau melo o tō ’oe ’utuāfare ’e i ni’a ia vetahi ’ē, i te vāhi ’ōmo’e ’e i te vāhi ta’ata ?
-
Tē pāturu ra ānei ’oe ’aore rā tē fa’aitoito ra ānei ’oe i te tahi noa atu ha’api’ira’a, ravera’a ’aore rā ha’api’ira’a tumu e pāto’i nei i tā Te ’Ēkālesia a Iesu Mesia i te Feiā Mo’a i te mau Mahana Hope’a nei ?
-
Tē tūtava ra ānei ’oe i te ha’amo’a i te mahana Sābati, i te fare ’e i te fare purera’a ; i te haere i tā ’oe mau rurura’a ; i te fa’aineine nō te rave ti’amā i te ’ōro’a ’e nō te ora i te orara’a e au i te mau ture ’e te mau fa’auera’a o te ’evanelia ?
-
Tē tūtava ra ānei ’oe ’eiaha e ha’avare i roto i te mau mea ato’a tā ’oe e rave ?
-
E ta’ata ’aufau tuha’a ’ahuru ti’a ānei ’oe ?
-
’Ia au i te mea tā ’oe i māramarama, e aha te aura’a o te parau e ora i te Parau pa’ari ?
Tē ha’apa’o ra ānei ’oe i te Parau pa’ari ?
-
’Ia riro mai ’oe ’ei misiōnare rave tāmau, e ora ānei ’oe mai te au i teie mau ture tā tāua i ’āparau ?
-
(’Ia fa’a’orehia teie uira’a nō te uiuira’a i te hō’ē melo ’aita i fa’ari’i i tōna ’ōro’a hiero.) Tē ha’apa’o ra ānei ’oe i te mau fafaura’a tā ’oe i rave i roto i te hiero ?
-
(’Ia fa’a’orehia teie uira’a nō te uiuira’a i te hō’ē melo ’aita i fa’ari’i i tōna ’ōro’a hiero.) Tē fa’atura ra ānei ’oe i te fāna’ora’a mo’a ’ia ’ō’omo i te ’ahu roto o te hiero mai tei parauhia i roto i te mau ’ōro’a fa’aineinera’a ? (Tai’o i te mau melo tāta’itahi i te fa’a’itera’a nō ni’a i « Te ’ō’omora’a i te ’ahu roto o te hiero » i raro nei).
-
E aha nō ’oe te aura’a o te parau e tātarahapa, mai te fā’ira’a ato’a i te mau hara teimaha i te mau ti’a o te autahu’ara’a ?
Tē vai ra ānei te tahi mau hara teimaha o tō ’oe orara’a tei tītauhia e fa’a’āfaro ’e te mau ti’a mana o te autahu’ara’a ’ei tuha’a nō tō ’oe tātarahapara’a ?
-
’Ia hi’o ’oe ia ’oe iho ’ei misiōnare, e mea ti’a mā ānei ’oe ’ei ti’a nō Iesu Mesia ’e nō tāna ’Ēkālesia tei fa’aho’i-fa’ahou-hia mai ?
Te ’ahura’a i te ’ahu roto nō te hiero
« Tē fa’aha’amana’o nei te ’ahu roto o te autahu’ara’a mo’a ia tātou i te pāruru i roto i te hiero, ’e teie pāruru e taipe ïa nō Iesu Mesia. ’Ia ’ō’omo ana’e ’oe i tō ’oe ’ahu roto nō te hiero, tē ’ō’omo nei ’oe i te hō’ē taipe mo’a nō Iesu Mesia. Te ’ō’omora’a i te reira, e fa’a’itera’a ’o rāpae ïa nō tā ’oe parau fafau ’o roto, e pe’e iāna. E fa’aha’amana’ora’a ato’a te ’ahu roto nō te hiero nō tā ’oe mau fafaura’a i te hiero. ’Ia ’ō’omo ’oe i te ’ahu roto nō te hiero i te ao ’e te pō i te roara’a o te orara’a e ti’a ai. I te taime e tītau-roa-hia ’ia tātara i te reira nō te mau ’ohipa ri’i e’ita e tano ’ia rave ma te ’ō’omo i te ’ahu roto nō te hiero, e ’imi i te rāve’a ’ia ’ō’omo fa’ahou i te reira i muri noa iho. ’Ia ha’apa’o ’oe i tā ’oe mau fafaura’a, mai te fāna’ora’a mo’a e ’ō’omo i te ’ahu roto nō te hiero mai tei parauhia mai i roto i te mau ’ōro’a fa’aineinera’a, e rahi atu ā ïa te hāmani maita’i, te pārurura’a, te pūai ’e te mana o te Fa’aora e noa’a mai ia ’oe » (Buka arata’i rahi, 26.3.3.2).