Fesili o Faatalanoaga mo Faifeautalai Faaolioli

O epikopo ma peresitene o siteki ua valaaulia e “faataunuu faatalanoaga loloto, sailiga faaleagaga, ma faagaeetia” ma tagata faifeautalai taitasi i le faaaogaina o fesili nei (tagai i le Tusitaulima Aoao, 24.4.2).

1. E i ai sou faatuatua ma sau molimau i le Atua, le Tama Faavavau; o Lona Alo, o Iesu Keriso; ma le Agaga Paia?

2. E i ai sau molimau i le Togiola a Iesu Keriso ma Lana matafaioi i le avea ai ma ou Faaola ma Togiola?

   Faamolemole faasoa mai lau molimau ia te a’u. Na faapefea ona faatosinaina lou olaga e le Togiola a Iesu Keriso?

3. E i ai sau molimau i le Toefuataiga o le talalelei a Iesu Keriso ma le faamaoni o le Tusi a Mamona?

   Na faapefea e lou malamalama i le talalelei toefuataina a Iesu Keriso ma lou aoaoina o le Tusi a Mamona ona faalolotoina lou sootaga ma Iesu Keriso?

4. E te lagolagoina le Peresitene o Le Ekalesia a Iesu Keriso o le Au Paia o Aso e Gata Ai o le perofeta, tagatavaai, ma tali faaaliga ma ua na o ia lava le tagata i le lalolagi ua faatagaina e faaaogaina ki uma o le perisitua?

   E te lagolagoina uso o le Au Peresitene Sili ma le Korama a Aposetolo e Toasefululua o ni perofeta, tagatavaai, ma talifaaaliga?

   E te lagolagoina isi Au Pulega Aoao ma taitai o le Ekalesia i le lotoifale?

5. Ua fetalai mai le Alii o mea uma e ao ona “faia i le mama” i Ona luma (Mataupu Faavae ma Feagaiga 42:41).

   Aisea o le tauivi mo le faamamaina i la le Atua e aofia ai le teteeese o ata mataga?

   Mai lou malamalama, o le a le uiga o le ola i le tulafono o le ola mama?

   O e tauivi mo le mamā atoa i ou mafaufauga ma amioga?

   O e usiusitai i le tulafono o le ola mamā?

6. O e mulimuli i aoaoga a le Ekalesia a Iesu Keriso i au amioga faalilolilo ma amioga i nofoaga faitele i tagata o lou aiga ma isi?

7. O e lagolagoina pe faalauiloa atu soo se aoaoga, o faiga masani, po o aoaoga faavae e feteenai ma aoaoga a Le Ekalesia a Iesu Keriso o le Au Paia o Aso e Gata Ai?

8. O e tauivi ia tausia le paia o le aso Sapati, i le aiga ma i le lotu; auai i au sauniga; saunia ma taumafa ma le agavaa i le faamanatuga; ma soifua i lou olaga ia ogatusa ma tulafono ma poloaiga o le talalelei?

9. O e tauivi ina ia faamaoni i mea uma e te faia?

10. O oe o se tagata e totogi atoa le sefuluai?

11. Mai le mea e te iloa, o le a le uiga o le ola i le Upu o le Poto?

    O e tausia le Upu o le Poto?

12. I le avea ai ma se faifeautalai pe o le a e ola ai e tusa ma nei tulaga ua ta talanoaina?

13. (O lenei fesili e lē faaaogaina pe a faatalanoaina se tagata e le’i maua faae’ega paia.) Pe e te tausia feagaiga na e osia i le malumalu?

14. (O lenei fesili e lē faaaogaina pe a faatalanoaina se tagata e le’i maua faaeega paia.) Pe e te faamamaluina lou avanoa paia e ofu ai le ofusa e pei ona faatonuina ai i sauniga amata? (Faitau atu le faamatalaga aloaia “Ofuina o le Ofusa o le Malumalu” o loo aofia atu i lalo, i tagata taitasi.)

15. O le a le uiga ia te oe ia salamo ma ta’uta’u atu agasala matuia i taitai perisitua?

    O i ai ni agasala ogaoga i lou olaga o manaomia ona foiaina ma taitai perisitua o se vaega o lou salamo?

16. E te manatu ane ia te oe lava ua agavaa e fai ma sui o Iesu Keriso ma Lana Ekalesia toefuataina o se faifeautalai?

Ofuina o le Ofusa o le Malumalu

“O le ofusa o le perisitua paia e faamanatu mai ai ia i tatou le veli i le malumalu, ma o lena veli o se faatusa o Iesu Keriso. Pe a e ofuina lou ofusa, ua e ofuina se faatusa paia o Iesu Keriso. O le ofuina o se faailoaga lea i fafo o lau tautinoga i totonu e mulimuli ia te Ia. O le ofusa foi o se faamanatu o a outou feagaiga i le malumalu. E tatau ona e ofuina le ofusa i le ao ma le po i lou olaga atoa. A tatau ona aveese mo gaoioiga e le mafai ona faia a o ofuina le ofusa, saili e toefaamaulu i se taimi vave lava. Ao e tausia au feagaiga, e aofia ai le avanoa paia e ofu ai le ofusa e pei ona faatonuina ai i sauniga amata, o le a e maua atili ai le alofa mutimutivale, puipuiga, malosi, ma le mana o le Faaola” (Tusitaulima Aoao, 26.3.3.2).