Kajjitōk in Intōrpiu ko n̄an ro rej Kōppopo in Mijenede
Bisop ro im stake būreejtōn kar kajjitōk ippāer n̄an “kōm̧m̧ane aolepān intōrpiu eo n̄an etale mour in jetōb, im kōketak” kajjojo ro rej pojak in mijenede kōjerbal kajjitōk kein ilaļ (lale Bok in Bōk Meļeļe Eļap, 24.4.2).
-
Ewōr ke am̧ tōmak ilo im naan in kam̧ool kōn Anij, Jemed Indeeo; Nejin, Jisōs Kraist, im Jetōb Kwojarjar?
-
Ewōr ke am̧ naan in kam̧ool kōn Pinmuur eo an Jisōs Kraist im jerbal eo An āinwōt am̧ Rilo̧mo̧o̧r im Ripinmuur?
Jouj kwaļo̧k naan in kam̧ool eo am̧ n̄an n̄a. Elmen an Pinmuur eo an Jisōs Kraist kar im̧we mour eo am̧?
-
Ewōr ke am̧ naan in kam̧ool kōn Jepļaaktok eo an gospel eo an Kabun̄ eo an Jisōs Kraist im tarlep in m̧ool eo kōn Bok in Mormon?
Elmen am̧ meļeļe kōn jepļaaktok in gospel eo an Jisōs Kraist im am̧ ekkatak kōn Bok in Mormon kam̧wilaļļo̧k jemdo̧o̧n eo am̧ ippān Jisōs Kraist?
-
Kwoj ke rejtake Būreejtōn eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata āinwōt rikanaan, rilolo, im ribōk revelesōn im armej eo de eo ioon laļ in kar kōmālimi n̄an kōjerbal aolep priesthood ki ko?
Kwoj ke rejtake ro uwaan Būreejtōnji eo Kein Kajuon im Doulul eo an Jon̄oulruo Rijilōk ro āinwōt rikanaan ro, rilolo ro, im ribōk revelesōn ro?
Kwoj ke rejtake Ritōl ro jet Routiej an Kabun̄ in im ritōl ro ijo jokwe ie an Kabun̄ in?
-
Irooj ekar ba bwe aolep men ko rej aikuj “kōm̧m̧an ilo erreo” im̧aan E (Katak im Bujen Ko 42:41).
Kwoj ke kajjieon̄ erreeo im̧aan mejen Anij ekoba jab alooj pija nana?
Jān am̧ meļeļe, ta meļeļe n̄an mour kōn kien erreeo?
Kwoj ke kajjieon̄ n̄an mour erreo ilo ļōmņak ko am̧ ak m̧wiliūm̧?
Kwoj ke pokake kien erreo?
-
Kwoj ke ļoor katak ko an Kabun̄ eo an Jisōs Kraist ilo m̧wilūm̧ ilo eņņojak (private) im lo̧bwilej (public) ippān membōr ro an baam̧le eo am̧ ak ro jet?
-
Kwoj ke rie ak kōketak jabdewōt katak ko, iminene ko, ak katak ko rej jum̧ae ko an Kabun̄ eo an Jisōs Kraist im Armej ro Rekwojarjar ilo Raan Ko Āliktata?
-
Kwoj ke kajjieon̄ n̄an kōjparok kwojarjar eo an raan in Jabōt, jim̧or ilo m̧weo im m̧ōn jar eo; pād ilo kweilo̧k ko am̧; m̧aanjabpopo n̄an im bōk kwojkwoj eo ilo erreo; im mour mour eo am̧ ilo jokkun wōt ippān kakien ko im kien ko an gospel eo?
-
Kwoj ke kajjieon̄ n̄an m̧ool ilo aolep kōm̧man ko am̧?
-
Kwoj ke juon eo elikio an kōļļā juon m̧ōttan jon̄oul?
-
Jān am̧ meļeļe, ta meļeļe n̄an mour kōn kien erreeo?
Kwoj ke pokake Naan in Mālōtlōt?
-
Āinwōt juon mijenede eo ej jerbal aolep raan kwonaaj ke mour ekkar n̄an jon̄ak kein jaar kōnono kake?
-
(Kajjitōk in jab kajjitōk kake n̄e intōrpiuik juon membōr eo ejjan̄in bōk menin letok kwojarjar eo.) Kwōj ke kōjparok bujen ko kwaar kōm̧m̧ani ilo tampeļ eo?
-
(Kajjitōk in jab kajjitōk kake n̄e intōrpiuik juon membōr eo ejjan̄in bōk menin letok kwojarjar eo.) Kwoj ke kautiej jeram̧m̧an eo am̧ ekwojarjar n̄an kōņak garment eo āinwōt kar kōmeļeļeik ilo kadkad in kain̄i ko? (Riiti “Kōņak Tampeļ Kaarmen ko” ennaan eo, ej kitbuuj ilaļ, n̄an kajjojo membōr).
-
Ta meļeļein ukweļo̧k n̄an eok, ekoba kwaļo̧k bōd ko reļļap n̄an ritōl priesthood ro?
Ewōr ke jerawiwi ko reļļap ilo mour eo am̧ me rej aikuj in ņa mejļaer ippān ritōl ro an priesthood rōmālim ejja m̧ōttan wōt ukweļo̧k eo am̧?
-
Kwoj ke wattōk eok make erreo n̄an pinej jenkwan Jisōs Kraist im Kabun̄ eo An em̧ōj an jepļaaktok āinwōt juon mijenede?
Kōņak Tampeļ Kaarmen ko
“Kaarmen eo an priesthood eo ekwojarjar ej kakeememej kōj kōn rōn̄ōl eo ilo tampeļ eo, im bwe rōn̄ōl eo ej kakōļļe kōn Jisōs Kraist. N̄e kwoj kōņak kaarmen eo am̧, kwoj likūt ioom̧ juon kakōļļe kōn Jisōs Kraist. Ilo am̧ kōņake ej juon kakōļļe itulik kōn kallim̧ur eo am̧ itulowa n̄an ļoor E. Kaarmen eo ej barāinwōt juon kakeememej kōn bujen tampeļ ko am̧. Kwoj aikuj kōņak kaarmen eo raan im bon̄ ilo aolepān mour eo am̧. N̄e ej aikuj utūkļo̧k n̄an m̧akūtkūt ko im rejjab maron̄ jetjet ilo am̧ kōņak kaarmen eo, pukōte n̄an bar kōņake ilo iien eo em̧ōkaj tata. Ilo am̧ kōjparok bujen ko am̧, ekoba eddo eo ekwojarjar n̄an kōņak kaarmen eo āinwōt kar kōmeļeļeik ilo kadkad in kain̄i ko, enaaj ļapļo̧k am̧ bōk tūriam̧o, kōjparok, kōkajoorļo̧k, im kajoor eo an Rilo̧mo̧o̧r” (Bok in Bōk Meļeļe Eļap, 26.3.3.2).