“1: E mafai faapefea ona ou tausia lo’u lava soifua maloloina faalemafaufau? Soifua Maloloina Faalemafaufau: O Le Nofoaga e Aoao Atili Ai (2019)
“O Lo’u Lava Ma’i Faalemafaufau,” Soifua Maloloina Faalemafaufau: O Le Nofoaga e Aoao Atili Ai
E mafai faapefea ona ou tausia lo’u lava soifua maloloina faalemafaufau?
Ua faamanuiaina oe i ni tomai ma malosiaga tulaga ese lea e mafai ona e faaaogaina e fesoasoani ai e tausia lou soifua maloloina faalemafaufau. Faataitai ni nai manatu o loo lisi atu i lalo po o le mafaufau i se isi mea e mafai ona e faia so’o e fesoasoani e te lagona ai le toe malosi.
-
Ia filemu. Seti se taimi ma se nofoaga e faafilemu ai lou mafaufau. Faailoa atu le agaga faafetai, faataitai le mafaufau i isi, po o le faaaoga o se isi auala e malolo lelei ai. Faataga ou mafaufauga e liliu atu i le Atua a o e tuuina atu lou mafaufau ma le tino e toe faafouina.
-
Fausia ni sootaga. Fesootai faaleagafesootai i aiga, uo, ma isi tagata i lou nuu e mafai ona faateleina ai lou fiafia ma le soifua maloloina faaletino ma mafai ona tuuitiitia ai luitau e oo mai pea o le soifua maloloina faalemafaufau. Manatua, o le tulaga lelei o fegalegaleaiga o e mauaina e taua, ae le o fuainumera.
-
Saili le olioli i aso taitasi. Saili atu i le fiafia i mea iti ma faigofie e ala i le iloaina o se vaaiga i se fugalaau, le tofo o le meaai e fiafia lava i ai, o le matagofie o le pese a se manulele, po o le malosiaga o se taifau.
-
Tausi lelei lou tino. Taumafa i meaai paleni, ia lava le moe i po taitasi, ma ia faamalositino soo a o e mafai ai.