alii o loo tu i le ala savali

“Peiseai o se Ipu ua Nutililii”

E toatasi mai tagata e toafa i le lalolagi o le a aafia i le gasegase faalemafaufau i se taimi o o latou olaga. E sili atu ma 16 miliona tagata matutua i le I.S. na faatasi ona aafia i se mea ogaoga na tupu i aafiaga faalemafaufau i totonu o le tausaga ua tuanai.

E alofa le Faaola i fanau uma taitoatasi a Lona Tama Faalelagi. E malamalama atoatoa o Ia i tiga ma tauiviga lea e aafia ai le toatele a o latou ola ai i le tele ituaiga o luitau eseese o le soifua maloloina faalemafaufau. Na Ia mafatia i “tiga ma puapuaga ma faaosoosoga eseese uma; … ia … [mafai ai] e ia ona ave i ona luga tiga ma ma’i o ona tagata” (Alema 7:11; faaopoopo le faamamafa; tagai foi Eperu 4:15–16; 2 Nifae 9:21). Ona e Na te malamalama i puapuaga uma, e Na te silafia le ala e “faamaloloina ai le lotonutimomoia” (Luka 4:18; tagai foi i le Isaia 49:13--16).

O le mea moni o le ola ai ma luitau o le soifua maloloina faalemafaufau e eseese mai lea tagata i lea tagata. O faailoga ma popolega e pei o le faanoanoa po o le popole e ono iloa lea i ni ala tulaga ese, e tusa lava pe tutusa faaiuga o ni iloiloga mo tagata taitoatasi. Matou te valaaulia tutusa tagata o le Ekalesia ma alalafaga ina ia faatupuina lo latou agaalofa ma le lagolago o i latou o e o loo tauivi ma ia taulamua i le vaavaaia o i latou i lo latou soifua maloloina faalemafaufau.

• Vaavaai i au upu. O lau gagana e mafai ona suia ai vaaiga. Ia aloese mai faaupuga e ono faamanualia ai pe le lelei, ma filifili upu ia e tele lona faamalamalamaina ai o mea o loo e vaai i ai. Asiasi i le Taimi mo le Suiga po o le Mafutaga Mataupu Faalemafaufau a Amerika ina ia aoao atili ai.

• Ia avea o se uo. Faalogo ma le onosai ma e aunoa ma le faamasino atu pe a faaalia e isi o latou popolega. Fesoasoani atu ia i latou ia maua punaoa faapolofesa pe a latou manaomia le lagolago faaopoopo. Asiasi i le HelpGuide.org po o le Mafaufau Ola ina ia aoao atili ai.

• Faataitai le tausiga faaletagata lava ia. O le i ai o tapulaa o le olaga faitino atonu e ono manaomia ai tatou ia faalemu ma toefuatai le malosi i nisi o taimi patino (tagai Mosaea 4:27). E le o se manatu faapito le faaaluina o le taimi mo oe lava ia. Asiasi i le Mind.org po o le maimoa i se TED Tautalaga i le taua o le tausia faaletagata lava ia ina ia aoao atili ai.