“Bun̄ M̧aanļo̧k Wōt,” Kadkad in Unin Tōl eo n̄an Ajri ro im Jodikdik ro an Kabun̄ eo an Jisōs Kraist im Armej ro Rekwojarjar ilo Raan-ko Āliktata (2019)
“Bun̄ M̧aanļo̧k Wōt,” Kadkad in Unin Tōl eo n̄an Ajri ro im Jodikdik ro an Kabun̄ eo an Jisōs Kraist im Armej ro Rekwojarjar ilo Raan-ko Āliktata
Bun̄ M̧aanļo̧k Wōt
Naaj rejtake eok ilo kijejeto ko am̧ n̄an ļoor Kraist ilo am̧ eddōkļo̧k ilo eria kein emān kōn ekkatak gospel eo, jerbal in jipan̄ im m̧akūtkūt ko, im eddōkļo̧k eo am̧ make.
Ekkatak Gospel eo
Ekkatak gospel eo ilo m̧weo im kabun̄ in ej lewaj n̄an eok juon pedped ilo jetōb n̄an aolep men ilo mour eo am̧. Ilo am̧ kōjerbal ta eo kwoj ekkatak, kwomaron̄ lo wāween ko kwomaron̄ ļoor Jisōs Kraist kwe make, ippān baam̧le eo am̧, ak ippān kūlaaj ak doulul eo am̧.
Jerbal in Jipan̄ im M̧akūtkūt ko
Ilo am̧ bōk koņaam̧ ilo jerbal in jipan̄ im m̧akūtkūt ko, kwomaron̄ m̧ōņōņō ippān baam̧le eo am̧, ro m̧ōttam̧, im ritōl ro ilo am̧ ekkatak kapeel ko, bōk en̄jake ko rekāāl, im jerbal n̄an ro jet. Kwomaron̄ barāinwōt jipan̄ ilo am̧ bōk koņaam̧ ilo kain̄i ro rekwōjarjar. Jerbal in Jipan̄ im m̧akūtkūt ko rej pedped ioon Luk 2:52 im ekoba m̧akūtkūt ko ilo raan ko barāinwōt m̧akūtkūt ko ilo elōn̄ juon raan n̄an jodikdik ro, āinwōt kāām, tūrep ko n̄an tampeļ, im N̄an Kōkajoorļo̧k Jodikdik ro (N̄KJ) im kweilo̧k ko reļļap an jodikdik ro.
Eddōkļo̧k An Juon Make
Kwomaron̄ ļoor Jisōs Kraist ilo eddōkļo̧k eo am̧ make ilo am̧ kappukot revelesōn n̄an ekōjkan am̧ maron̄ eddōkļo̧k ilo aolep eria ko an mour eo am̧. Kwoj kāālet ta eo kwōj jerbale im maron̄ bōk jipan̄ jān baam̧le, ro m̧ōttam̧, im ritōl ro.