Ang Paggamit sa Hymnbook
Ang mosunod nga butang gituyo aron makatabang kanimo sa epektibo nga paggamit sa hymnbook. Nalakip ang mga pagpasabut sa mga elemento sa hymnbook; mga diskusyon unsaon paggamit sa himno diha sa kongregasyon, choir, ug espesyal nga grupo; ug impormasyon alang sa bag-ong mga music director, organista, ug piyanista.
Mga Elemento sa Hymnbook
Mga Sulod
Ang talaan sa mga sulod milain-lain sa mga himno ngadto sa onse ka kategoriya. Ang mga himno nga adunay susama nga hilisgutan ug pagbati kasagaran makita sa sama nga seksyon. Hinoon, ang pagbutang diha sa usa ka ka kategoriya wala magpugong sa paggamit sa bisan unsa nga himno. Sama pananglit, ang uban nga himno diha sa seksyon sa sakrament, sama sa “Unsa Kadako sa Kaalam ug sa Gugma” ug “Ako Nagpabilin nga Natingala,” mahimong gamiton sa lain nga katuyoan, ug mga bersikulo nga pilion gikan sa mga himno niini nga seksyon mahimong gamiton alang sa Pagkabanhaw. Ang indeks sa mga ulohan makatabang kanimo sa pagpangita sa mga himno sa usa ka piho nga hilisgutan.
Pagbati [Mood] ug mga Timaan alang sa Kakusgon
Ang mga timaan sa pagbati, sama sa Mainampoon o Matinguhaon, nagsugyot sa kinatibuk-an nga pagbati o diwa sa usa ka himno, bisan ang pagbati sa ubang mga himno magkalahi sigon sa okasyon o lokal nga kagustuhan. Ang mga timaan sa kakusgon nagpasabut sa usa ka tempo (sama sa
Ang pasiuna ug mga Braket alang sa mga Piyanista ug Organista
Ang mga Braket (
Mahimo usab nimong pamub-an o patasan ang gisugyot nga pasiuna. Kon ang himno dili pamilyar o sinati, ang pagtugtog sa tanan gayud niini isip pasiuna makatabang sa kongregasyon nga mobating mas komportable niini. Kon ang himno nahibaloan na kaayo, ang katapusan nga linya o hugpong sa pulong igo na kaayo. Kon maggamit og usa ka mubo nga pasiuna, mahimo nimong pahinayan ang tempo dapit sa katapusan pagpasabut nga katapusan na.
Mga Pakisayran sa Kasulatan
Ang tradisyon sa nag-unang Kristiyano, kadaghanan sa mga himno mga musika nga gipahiuyon sa kasulatan. Kasagaran sa atong bag-o nga mga himno may kalabutan sa mga kasulatan; ang uban sa daghang mga kalagmitan gilista diha sa katapusan sa matag himno. Ang paggamit sa Giya ngadto sa mga Kasulatan o Indeks nga anaa sa mga Santos sa Ulahing mga Adlaw nga edisyon sa mga kasulatan, makakita ka og mas daghan pang bersikulo sa kasulatan nga modugang sa kanindot sa mensahe sa atong mga himno.
Mga Indeks
Ang hymnbook naglangkob sa tulo ka mga indeks nga adunay mubo nga pagpasabut sa matag usa niini: Mga Kasulatan; Mga Ulohan; ug Unang mga Linya ug mga Ulohan.
Mga Himno Alang sa Kongregasyon
Unison ug ang Pagkanta nga Lain-lain ang paningog
Bisan og ang pagkanta nga lain-lain ang paningog (soprano, alto, tenor, ug baho) gigamit kaayo nga tradisyon sa Simbahan, ang tumong sa pagpanganta sa kongregasyon mao nga ang tanan makaapil, bisan unsa ang ilang tingog. Tungod kay daghan sa atong mga miyembro mokanta sa melodiya bisan unsa sila katag-as og mga tingog, ang mga himno anaa sa tuno nga mohaum alang sa usa ka paningog [unison] ug lain-lain nga paningog. Ang ubang mga himno—ug mga parte sa himno—tuyo nga gisulat alang sa usa ka paningog [unison] nga pagpanganta.
Pagpili sa Tukma nga Himno
Ang himno nga inyong pilion kinahanglang motumong sa kinatibuk-an nga klase sa miting ug motabang pag-establisar sa tukma nga diwa.
Ang pangbukas nga himno mahimong usa ka mainampoon o pagdayeg; tingali kini nagpahayag og pasalamat alang sa ebanghelyo, kalipay nga gibati sa pagkapundok, o kadasig sa paghimo sa mga buluhaton.
Ang himno alang sa sakrament kinahanglang magpasabut sa sakrament mismo o sa sakripisyo sa Manluluwas.
Ang intermediate hymn makahatag og higayon sa pagpaapil sa kongregasyon ug kini mahimong may kalabutan usab sa mga gihisgutan panahon sa miting. Ang kongregasyon mahimong manindog panahon sa pagkanta kon angay.
Ang panapos nga himno usa ka higayon alang sa kongregasyon nga makatubag sa diwa ug katuyoan sa mao nga miting.
Dili tanan nga himno motukma alang sa tanang okasyon nga may kalabutan sa Simbahan. Ang uban nga himno mahimong tukma kaayo sa panagpundok sa kabatan-onan kay sa miting sa sakrament
Pagpili og mga Bersikulo nga Kantahon
Ayaw hunahunaa nga kinahanglan ka nga mokanta sa tanan nga bersikulo sa usa ka himno gawas lang kon kini dili ang mensahe niini. Hinoon, ayaw pirmiha nga pamub-onnimo ang usa ka himno pinaagi sa pagkanta una nga bersikulo lamang o duha ka bersikulo.Ang pagkanta sa bersikulo nga giprinta sa ubos sa musika gisugyot usab.
Pagkab-ot og Balanse diha sa Pagpili og mga Himno
Agi og dugang sa paggamit sa mga himno nga nailhan na ug ganahan, ang mga miyembro gidasig nga makahibalo usab sa bago o dili kaayo sinati nga mga himno. Sulayi sa pagkab-ot og maayo nga balanse tali sa nailhan na nga mga paborito ug wala kaayo mahibaloi nga mga himno.
Mga Himno alang sa Stake Conference
Ang standard, nailhan na kaayo nga mga himno sa kasagaran maoy pinakamaayong pilion alang sa stake conference, ilabi kon walay hymnbook nga magamit alang sa tibuok nga kongregasyon. Ania ang pipila sa mga himno: “Mga Santos Dali Na”; “Dali, O Hari sa mga Hari”; “Duol, Kamo mga Anak sa Ginoo”; “Ipha ang Inyong Panalangin”; “Buhata Unsa ang Matarung”; “Giyahi, Kami Jehova”; “Ibabaw sa Bukid”; “Unsa Kalig-on ang Tukuranan”; “Ako Anak sa Dios”; “Buhi ang Manunubos Ko, Niini Nasayud Ako”; “Magpadayon Tang Tanan”; “Karon Maglipay Kita”; “Pagdayeg sa Tawo”; “Kakugi ang Gamiton”; “Manunubos sa Israel”; “Matahum ang Buhat”; “Ang Espiritu sa Dios”; “Salamat, O Dios sa Propeta”
Mahimo ninyong kopyahon ang mga himno sa giimprinta nga programa gawas lang kon ang katungod sa pagkopya sa mao nga himno nag-ingon nga gidili kini.
Nasudnon nga Awit
Pipila sa awit sa pagkamaunungon gilakip sa hymnbook; uban sa pagtugot sa priesthood, ang nasudnon nga awit mahimong idugang. Ang mga miyembro mobarug alang sa nasudnong awit sa mga miting sa simbahan sigon sa lokal nga kinaiya ug direksyon sa priesthood.
Mga Himno Alang sa Choir ug Espesyal nga mga Pundok
Paggamit sa mga Himno alang sa mga Choir
Dinhi niini nga edisyon sa hymnbook walay ilhanan nga gibutang alang sa choir ugsa mga himno alang sa kongregasyon. Ang choir kinahanglang mogamit sa hymnbook ngamaoy una nila nga kapanguhaan, pilion gikan sa tibuok nga libro. Ang mga choir mahimo sab nga mokanta og lain nga angay nga mga awit ug hinan-ay nga mga himno nga wala diha sa hymnbook.
Ang ubang himno nga gimarkahan og “Choir” sa miagi nga edisyon sa hymnbook giusab ngadto sa mas mubo nga tuno alang sa mas maayong paggamit sa kongregasyon. Ang mga choir mahimong mohipos og mga kopya sa miagi nga edisyon sa hymnbook aron makagamit sa mas taas nga nota ug sa posibilidad nga makapahiangay sa usa ka nota ngadto sa usa. Kon usa ra ka kopya ang anaa sa miagi nga edisyon, ang himno mahimong kopyahon ug gamiton alang niini nga katuyoan, gawas lang kon kini gidili pinaagi sa sulat pahibalo sa tagtungod.
Pag-usab sa mga Himno alang sa Pagpahigayon og Choir
Ang mga himno gikan sa hymnbook, nga dili usabon inig kanta, kanunay nga angay isip mapili sa choir. Mahimo usab ninyong usabon ang presentasyon sa mga himno; pero, gamita lamang kini panagsa, sigurohon nga kini masubay sa diwa sa himno. Aniay pipila ka napahiangay nga himno nga tingali gusto nimong gamiton:
-
Ipakanta sa mga lalaki, mga babaye, o padunganon sila og kanta sa usa ka bersikulo nga usa ra ka paningog.
-
Paapila ang kongregasyon og kanta sa katapusan nga bersikulo o sa koro sa himno. (Usa kini sa mga paagi aron masinati ang kongregasyon sa uban nga mga himno.)
-
Pakantaha ang mga babaye og usa ka bersikulo, sigon sa gilatid sa ubos “Mga Himno alang sa mga Babaye.”
-
Pakantaha ang mga lalaki og usa ka bersikulo, sigon sa gilatid sa ubos “Mga Himno alang sa mga Lalaki.”
-
Pakantaha ang soprano ug ang tenor nga mag-duet sa usa ka bersikulo.
-
Pakantaha ang mga tenor ug mga baho sa melodiya samtang ang mga soprano ug alto mokanta sa alto.
-
Pakantaha ang usa ka bahin sa choir sa melodiya samtang ang uban mag-hum sa laing paningog.
Mga Himno alang sa mga Babaye
Diha sa seksyon sa mga babaye sa libro naa ang mga himno alang sa kongregasyon sa mga babaye nga giandam alang sa choir sa mga babaye ug mga tinagutlo [trio]. Agi og dugang, ang mga sister mahimong mokanta bisan og dili masunod sa kadaghanang himno diha sa libro sa duha ka parte (soprano ug alto) o sa tulo ka parte (kon ang parte sa tenor dili kaayo mubo).
Mga Himno alang sa mga Lalaki
Ang mga himno sa seksyon sa mga lalaki niini nga libro gibahin ngadto sa duha ka kategoriya: Mga lalaki, alang sa kongregasyon sa mga lalaki, ug Choir sa mga Lalaki, alang sa choir ug tinagup-at [quartets]. Alang sa himno nga pangkongregasyon sa miting sa priesthood, kasagaran mas maayong mopili gikan sa standard nga mga himno alang sa kongregasyon o gikan sa gimarkahan og Mga Lalaki.
Ang uban nga mga himno tino nga gihanay alang sa choir sa mga lalaki, agi og dugang, daghang himno alang sa kongregasyon ug kadton gimarkahan og mga Lalaki mahimong gamiton sa choir sa mga lalaki ug mga quartet.
Mga Baritone:
Mokanta sa melodiya
Mga 1st Tenor:
Mokanta sa alto labaw sa melodiya
Mga 2nd Tenor:
Mokanta sa Tenor
Mga Baho:
Mokanta sa Baho
Ang una nga problema sa paggamit sa mga himno alang sa usa ka choir sa mga lalaki mao ang pagpangita og mga tenor nga makakanta og mas taas pa kay sa alto; angubang taas nga nota gikinahanglan nga sundon. Mahimo usab nimong paubsan ang tunosa himno, gamiton ang parte sa baho.
Alang sa mga ehemplo sa paggamit diha sa hymnbook, itandi ang sama nga musika nga gihan-ay alang sa mga lalaki.
Lain nga posibilidad sa paggamit o usa ka himno alang sa choir sa mga lalaki maoang pagpakanta sa parte sa alto nga ubos sa melodiya. Kon mahuman na kini, ang parte sa baho opsyonal.
Imong makita nga ang mga himno nga gihan-ay alang sa choir sa mga lalaki, usa ka simbolo sa tenor clef ang gigamit imbis sa kasagaran nga simbolo sa treble clef. Kinahanglan mo sa kinatibuk-an motugtog sa naa sa tuo nga bahin nga mga nota sa mga himno nga usa ka octavo nga kaubos kay sa treble clef. Ang resulta usa ka maanindot, epektibo nga pagduyog alang sa tingog sa mga lalaki.
Simbolo sa tenor clef
Simbolo sa treble clef
Alang sa Bag-o nga mga Music Director
Mga sukod, Kapaspason, Paubos nga pag-beat
Ang sukod mao ang pinakagamay nga marka nga gibutangan og linya padulong sa ubos:
Diha sa hymnbook, kon ang usa ka sukod gipadayon gikan sa usa ka linya sa musika ngadto sa sunod, ang katapusan sa una nga linya biyaan nga bukas aron makita nga ang sukod padayon hangtud sa sunod nga linya:
Ang marka sa gikusgon (duha ka numero, ang usa mas dako sa sunod, sama sa 2/4) makita diha sa sinugdanan sa matag himno. Ang numero nga naa sa ibabaw nagpasabut kon pila ka beat o tayming sa kada sukod. Ang numero sa ubos nagpasabut kon unsa nga nota ang mokuha sa beat o tayming. Sama pananglit, sa 3/4 nga marka nagpasabut nga dunay tulo ka beat sa kada sukod sa himno, ug usa ka quarter note (
Sa imong pagdumala sa musika, ang una nga beat sa imong sundanan (tan-awa sa gihulagway nga sundanan) kinahanglan mouyon sa una nga beat sa kada sukod. Kining una nga beat, nga gitawag og beat nga paubos, mao ang pinakalig-on nga beat sa kada sukod. Imong makita nga daghan sa mga himno nagsugod sa beat nga pataas, o nota nga pang-andam, sa dili pa mo-beat paubos.
Mga Sundanan sa Standard nga Pag-beat
Ang katuyoan sa mga pattern [sundanan] sa pag-beat. Ang pattern kinahanglan himoon nga yano apan mausab-usab sigon sa klase ug pagbati [mood] sa himno. Ang mga tulbok diha sa mga pattern sa pag-beat nagpakita kon asa dapit ang tayming sa ritmo sa kanta.
Ang duha ka beat nga pattern (gigamit sa mga himno nga may marka nga 2/2 o 2/4):
Ang tulo ka beat nga pattern (gigamit sa mga himno nga may marka nga 3/4 o 3/2):
Ang upat ka beat nga pattern (gigamit sa mga himno nga may marka nga 4/4):
Ang unom ka beat nga pattern (gigamit sa mga himno nga may marka nga 6/8 o 6/4):
Ang 6/8 o 6/4 nga himno nga hinay ang tempo, sama sa “Mahilum nga Gabii” (nu. 123), mahimong gamitan pinaagi sa tradisyonal nga unom ka beat nga pattern o sa usa ka doble nga tulo ka beat nga pattern—sugdan sa mas dako, sundan sa mas gamay:
Ang 6/8 o 6/4 himno nga katamtaman ra ang tempo, sama sa “Gimahal sa Magbalantay” (nu. 134), mahimong gamitan pinaagi sa paglaktaw sa ikaduha ug ikalima nga mga beat sa tradisyonal nga unom ka beat nga pattern, ug mohunong kadiyot sa mga punto diha sa pattern:
Ang 6/8 o 6/4 nga himno nga paspas ang tempo, sama sa “Agalon, ang Unos Kapintas” (nu. 60), mahimong gamitan sa duha ka beat nga pattern—ang nag-unang tulo ka mga beat modungan sa una nga kumpas ug ang katapusang tulo ka mga beat modungan sa ikaduha nga kumpas:
Kon gamiton ang katapusang duha ka beat nga pattern, siguroa nga pareho kanunay ang ritmo o ang tayming sa himno.
Ubang mga Himno nga Dali ra ang Pag-conduct:
Ang duha ka beat nga pattern: “Katarung Ubanan sa Dios”; ug “Kamong mga Gitawag sa Pag-alagad.”
Ang tulo ka beat nga pattern: “Dali, Sunod Mo Kanako”; “Buhata Unsa ang Matarung”; “Himaya sa Dios sa Kahitas-an”; “Amahan,Kami Dungga”; “Tudloi Ko Paglakaw sa Kahayag.”
Ang upat ka beat nga pattern: “Ubani Ako!”; “Sa Ako nga Pagsiksik sa Balaang Kasulatan”; “Duol, Kamo mga Anak sa Ginoo”; “Ikaw Naghunahuna Ba sa Pag-ampo?”; “Sa Katahum sa Yuta”; “Paminaw, Tanang Kansasuran!”; “Paglaum sa Israel.”
Alang sa mga Bag-o nga mga Organista ug Piyanista
Pagpahiangay sa mga Pagduyog sa Himno
Ang uban nga mga himno mahimong adunay mga nota o mga linya nga lisudtukaron. Ayaw kahadlok sa pagpahiangay sa ingon niana nga mga linya sa imong kaugalingon nga abilidad pinaagi sa paglaktaw sa dili kaayo importante nga mga nota gikan sa mga chord. Mahimo nimong markahan ang imong kaugalingon nga hymnbook alang niini nga katuyoan.
Ang mga himno sa kasagaran adunay lugar sa tunga-tunga diha sa nota sa tenor ug sa baho [base] nga sobra ka layo nga tug-tugon sa wala nga kamot. Sa kasagaran ang tuo nga kamot makatug-tog sa nota sa tenor nga mas dali. Mahimo nimong markahan kana nga mga nota aron makahinumdom ka sa pagtukar niini gamit ang imong tuo nga kamot:
Ang ubang mga himno ug awit sa mga bata gisulat samtang naghunahuna usab sa piyano. Kon organ ang gigamit niini nga mga kanta, mas maayo nga kamot lang anggamiton, nga dili magbomba pa sa mga pedal.
Mga Nota nga Magpasidaan
Ang nota nga magpasidaan, o gamay nga nota, nagpasabut nga ang nota opsyonal. Ang nagsunod mga sanglitanan kon unsaon sa paggamit sa nota nga magpasidaan:
-
Ang nota nga magpasidaan nagpasabut nga ang mga nota pagatukaron ugkantahon uban sa pipila ka mga bersikulo ug dili sa uban, depende sa pulong sa matag bersikulo:
Imahecue note -
Usahay ang musika kompleto na bisan kon ang nota nga magpasidaan malaktawan:
Imahecue note left out -
Ang nota nga magpasidaan mahimong magpasabut usab sa musika nga tukaron sa piyanista o organista apan dili pagakantahon.
Imahecue notes played by organist
Ubang mga Himno nga Dali ra nga Tukaron:
“Dali, Sunod Mo Kanako”; “Buhata Unsa ang Matarung”; “Ang Dios Magauban Kanimo”; “Unsa Kalumo ang Sugo sa Dios”; “Ako Nagpabilin nga Natingala”; “Sundon ang Kasugoan”; “Paggiyaha ang Espiritu”; “Karon Maglipay Kita”; “Manunubos sa Israel”; “Matahum ang Buhat”; “Tam-is nga Takna sa Pagampo”; “Tudloi Ko Paglakaw sa Kahayag”; “Salamat, O Dios sa Propeta.”