Ang Espiritu sa Dios

Malipayon

1. Ang Espiritu sa Dios samas kalayo!
Ang adlaw sa himaya nagsingabut;
Gibalik pananawon sama niadto,
Daghan nga anghel sa yuta moabut.

[Chorus]

Awit, ug singgit uban sa kalangitan,

Hosana, hosana Dios ug Kordero!

Maangkon nilang himayas kahitasan,

Ngadtos kahangturan, Amen ug Amen!

2. Ang Ginoo naghatag og salabutan,
Manga maghuhukom gibalik tanan.
Kahibalo, gahum sa Dios nagkadaghan;
Tabil sa yuta hapit na ablihan.

[Chorus]

Awit, ug singgit uban sa kalangitan,

Hosana, hosana Dios ug Kordero!

Maangkon nilang himayas kahitasan,

Ngadtos kahangturan, Amen ug Amen!

3. Maghimo’g ligdong pundok sa espiritu,
Aron ang gingharian pasangyawon,
Nga mapanunod pinaagis pagtuo
Ang kahimayaan sa Dios maangkon.

[Chorus]

Awit, ug singgit uban sa kalangitan,

Hosana, hosana Dios ug Kordero!

Maangkon nilang himayas kahitasan,

Ngadtos kahangturan, Amen ug Amen!

4. Bulahang adlaw kon leon ug karnero
Magdulog nga wala silay kasuko,
Ug sa Zion si Ephraim koronahan,
Dios manaog nga makitan sa tanan!

[Chorus]

Awit, ug singgit uban sa kalangitan,

Hosana, hosana Dios ug Kordero!

Maangkon nilang himayas kahitasan,

Ngadtos kahangturan, Amen ug Amen!

Mga pulong: William W. Phelps, 1792–1872. Giawit sa pagpahinungod sa Templo sa Kirtland niadtong 1836.

Musika: Wala mailhi, ca. 1844