Aan te Euangkerio: Te Reirei n Tabati ibukiia Membwa aika a Boou ao Raao

Kauntiran te Uoote a kona n rineia bwa ana katea te Reirei n Tabati ae aranaki bwa Aan te Euangkerio. E nanonaki te kiraati aei bwa e na buokiia membwa aika a boou ao rao

1. N namakina te butimwaeaki, mweengaraoi, ao te kabonganaaki, ao te kainnanoaki inanon te uoote ke te mwaanga.

2. Karekea te taneiai are e katauraoiia ibukin te maiu ae reitinako n riki bwa ana reirei n ana Ekaretia te Tia Kamaiu.

3. Reiakin koaua aika a beebete n ana euangkerio te Tia Kamaiu ae kaokaki.

Ngkai e nanonaki te kiraati aei ibukiia membwa aika a boou aika ikawai ao raao, a kona naba ni kaoaki membwa ake a manga tibwa okira te ekaretia bwa a na ira buakona. Ae kakaraoaki, ataei ao kairake a ira aia kiraati n aia roro nako n aia kurubu.

E irianaki te reirei aei ma maroroakinan atuun reirei ao taneiai ake a na buokiia membwa aika a boou ao raao bwa a bwa a na riki bwa ana reirei Iesu Kristo n reitinako inanon maiuia. Iangoia ni kabotoa am iango iaon atuun reirei ao taneiai ake a rang kakaawaki riki nakoia aomata ake kaain te kiraati.

Imwiin uoua ke aua te namwakaina, membwa aika a boou a ira te reirei n Tabati n Nakomai, Iriirai ma kain te uoote ke te mwaanga.