iVoladusidusi Raraba: Veiqaravi e Na Lotu i Jisu Karisito ni Yalododonu Edaidai

Lewe ni iVola
Tabana ni Ulutaga
Na iVakaleka ni Veika e Vakavoui
0. Rairaraba ni iTavaki
Yavu Vakaivunau
- 1. iTuvatuva ni Kalou kei na Nomu iTavi ena Nona Cakacaka ni Veivakabulai kei na Bula Vakacerecerei
- 2. Tokoni ni Tamata Yadua kei na Matavuvale ena Nona Cakacaka ni Veivakabulai kei na Bula Vakacerecerei na Kalou
- 3. iVakavuvuli ni Matabete
- 4. Veiliutaki kei na Matabose ena Lotu i Jisu Karisito
Mataisoqosoqo ni Lotu
- 5. Veiliutaki Raraba kei na iWasewase
- 6. Veiliutaki ni iTeki
- 7. Na Matabisopi
- 8. Kuoramu ni iTalatala Qase
- 9. Soqosoqo ni Veivukei
- 10. Kuoramu ni Matabete i Eroni
- 11. Goneyalewa
- 12. Lalai
- 13. Matawilivola ni Sigatabu
- 14. Lewenilotu Sega ni Vakawati
- 15. Semineri kei na Inisitute ni Lotu
Nona Cakacaka ni Veivakabulai kei na Bula Vakacerecerei na Kalou
- Bulataki ni Kosipeli i Jisu Karisito
  - 16. Bulataki ni Kosipeli i Jisu Karisito
  - 17. Vakatavulici ni Kosipeli
  - 18. Qaravi ni Cakacaka Vakalotu kei na Veivakalougatataki ni Matabete
  - 19. Sere
  - 20. iTaviqaravi
- Nodra Vukei na Vakaleqai Tu
  - 21. Veiqaravi
  - 22. Vakarautaki ni Veika Vakayago ka Tarai Cake na Bula Rawati Koya
- Sureti na Tamata Kecega me Ciqoma na Kosipeli
  - 23. Wasei ni Kosipeli kei na Vaqaqacotaki ni Lewenilotu Vou kei ira sa Lesu Mai
  - 24. Vakatutu kei na Veiqaravi ni Daukaulotu
- Vakaduavatataki na Matavuvale me Tawamudu
  - 25. Cakacaka ni Valetabu kei na Tuvakawa ena Tabanalevu kei na iTeki
  - 26. iVolatara ni Valetabu
  - 27. Cakacaka Vakalotu ni Valetabu baleti Ira na Bula
  - 28. Cakacaka Vakalotu ni Valetabu baleti Ira na Mate
Veiliutaki ena Lotu
- 29. Veisoqoni ena Lotu
- 30. Veikacivi ena Lotu
  - 30.0. iVakamacala Taumada
  - 30.1. Navuca Ocei me Kacivi
  - 30.2. iVakarau ni Veikacivi
  - 30.3. Tokoni ni Lewenilotu ena Veikacivi
  - 30.4. Vakatikori ni Lewenilotu me ra Veiqaravi ena iTutu Eso
  - 30.5. Na Balavu ni Gauna ni Veiqaravi
  - 30.6. Vagalalataki ni Lewenilotu mai na Veikacivi
  - 30.7. Nodra Kacivi, Tabaki ka Vakatikori na Bisopi
  - 30.8. iTuvatuva ni Veikacivi
- 31. Veivakatarogi kei na Soqoni Tale Eso vata kei ira na Lewenilotu
- 32. Veivutuni kei na Matabose ni Lewe ni Lotu
- 33. iVolatukutuku kei na Ripote
- 34. Veika Vakailavo kei na Dikevi ni Fika
- 35. Qarauni kei na Vakayagataki ni Veivalenisoqoni
- 36. Tauyavutaki, Veisautaki, kei na Vakatokayacataki ni Tabanilotu Vou
- 37. iTeki, Tabanalevu, kei na Tabana Vakatabakidua
- 38. Lawatu kei na iDusidusi ni Lotu

30. Veikacivi ena Lotu

“30. Veikacivi ena Lotu,” iVoladusidusi Raraba: Veiqaravi Ena Lotu i Jisu Karisito ni Yalododonu Edaidai (2020).

“30. Veikacivi ena Lotu,” iVoladusidusi Raraba.

iVakatakilakila

tamata era laveta tiko na ligadra imatau

30.

Veikacivi ena Lotu

30.0

Ai Vakamacala Taumada

A solia vei Jisu Karisito na Tamada Vakalomalagi e dua na ilesilesi tabu me vakayacora (raica na Luke 4:18–19; Joni 6:38; 3 Nifai 27:14–16). Ena gauna ni Nona cakacaka vakalotu, a nuitaki ira na Nona tisaipeli na iVakabula ena itavi bibi eso (raica na Luke 10:1–9). Sa vakakina na nona kacivi ira na turaga kei na marama na Turaga me ra veiqaravi ena Lotu nikua ena veisureti veivakauqeti mai vei ira na Nona italai. Na veimadigi ni veiqaravi oqo e vakatokai me veikacivi.

Na veikacivi e solia vei ira na lewenilotu na madigi me ra vakila na reki ena nodra qarava na Kalou ena nodra qaravi ira tiko na Luvena (raica na Mosaia 2:17). Na veikacivi talega ena vukei ira na lewenilotu me ra vakalevutaka na nodra vakabauta ka toro voleka yani vua na Turaga.

E sega ni ganita mo namaka na veikacivi ena Lotu (raica na Marika 10:42–45; Vunau kei na Veiyalayalati 121:34–37). E sega talega ni “tosoi” na lewe ni Lotu mai na dua na veikacivi ki na dua tale. Ni oti na nodra veiqaravi ena dua na veikacivi, e sega ni dodonu mera namaka mera ciqoma e dua na ilesilesi cecere se irogorogo. Na veiqaravi ena yalodina ena veikacivi e bibi cake mai na veikacivi cava. E doka na Turaga na nodra lomasoli o ira kece era veiqaravi ena Nona Lotu.

E vakamacalataki tiko ena wase oqo na sala era kacivi kina na lewenilotu mera veiqaravi ena Lotu kei na sala era sa vagalalataki kina mai na nodra veikacivi. E oka talega kina e dua na iTuvatuva ni Veikacivi ka solia na itukutuku me baleta na kena soli na veikacivi eso, tokoni ira na lewenilotu ena nodra veikacivi, ka vakatikori ira (raica na 30.8).

30.1

Vakadeitaki o Koya me na Lesi

30.1.1

iDusidusi Raraba

O ira era veiqaravi ena Lotu era kacivi mai vua na Kalou (raica na Iperiu 5:4; Yavu ni Vakabauta 1:5). Era vakasaqara na iliuliu na veivakauqeti ni Yalo me kilai ocei me kacivi (raica talega na 4.2.6). Era dikeva talega:

Na bula kilikili ni lewenilotu (me vaka na vakatulewa ena veivakatarogi).
Na isolisoli kei na rawa ka e tu vua na lewenilotu, se rawa ni taracake, me vakalougatataki ira na tani.
Na ituvaki vakatamata yadua nei lewenilotu, oka kina na nona bula kei na nona cakacaka.
Na revurevu ni veikacivi ena rawa ni yaco ki na vakawati kei na nona matavuvale na lewenilotu.

Na veikacivi yadua me yaga dina vei ira era na qaravi, o lewenilotu ka veiqaravi, kei na nona matavuvale. Na veikacivi ena solia talega vei ira na lewenilotu na madigi me ra tubu kina.

Era na vakalougatataki na lewenilotu ena solibula era cakava mera veiqaravi kina ena Lotu. Ia, na veikacivi me kakua ni vakacolati kina vakasivia na tamata yadua kei na matavuvale. Me kua talega ni vuna na veikacivi me dredre vei ira na lewenilotu me ra qarava vakavinaka na nodra itavi vakacakacaka.

Vakararaba, sa kacivi na lewenilotu yadua me veiqaravi ena dua ga na veikacivi ena dua na gauna, me ikuri ni dua na turaga se marama dauveiqaravi. Ke dua na kena duidui me vakavudua ka vakasamataki ena masumasu. E sega ni gadrevi me vakatawani na itutu e rawa kece e tiko.

Ni soli tiko na veikacivi vua e dua na lewenilotu vakawati, me ra vakadeitaka na iliuliu ni sa kila ka veitokoni tiko o watina.

Ni bera ni vakatetei na veikacivi vua e dua na cauravou se goneyalewa, era na kerea na veiliutaki na veivakadonui mai vei rau na nona itubutubu se dauniveisusu.

Ni bera ni vakayacori e dua na veikacivi, ena railesuva sara vakavinaka o bisopi na nona ivolatukutuku ni lewenilotu na tamata oya me vakadeitaka ni sega ni okati kina e dua na itukutuku vakacurumi se vakatatabu vakaivolataki ni lewenilotu. Kevaka e gadrevi me soli na veikacivi ni bera ni qai tiko ena tabanalevu na ivolatukutuku ni lewenilotu, na veitaratara o bisopi vua na bisopi e liu.

Ni bera ni vakayacora e dua na veikacivi e dua na iliuliu ni iteki, ena veivosaki taumada kei nona bisopi ena bula kilikili na tamata kei na ituvaki tale eso e rawa ni vakayacoka ki na nona veiqaravi (me vaka na kena e vakamacalataki e cake).

30.1.2

iDusidusi me Baleti ira na Lewenilotu Vou

Na madigi eso ni veiqaravi e vukei ira na lewenilotu me ra tubu vakayalo. Na veiqaravi vata e rawa talega ni vukei ira na lewenilotu me ra tara cake na veiwekani voleka. Oqo e ka bibi sara vei ira na lewenilotu vou.

Era na solia na veiliutaki ni tabanalevu vei ira na lewenilotu vou na madigi ni veiqaravi ni oti ga na nodra papitaiso ka vakadeitaki. O ira na lewenilotu vou e levu na nodra rawa ka. Era sureti ira ena masumasu na iliuliu me ra veiqaravi ena sala eso ena vukei ira me ra tubu yadudua ka vakalougatataki ira na tani. Eso na lewenilotu era sa vakarau sara tu ga ki na veikacivi. Eso tale era na vinakata na ilesilesi vagauna ka na vukei ira me ra vakavakarau ni ciqoma na veikacivi eso. Raica talega na 23.2 kei na 23.5.1.

30.1.3

Veikacivi baleti Ira Era Sega ni Lewenilotu

Sa rawa mera kacivi o ira era sega ni lewe ni Lotu ki na itutu ni dautabaoqani, dairekita ni sere, kei na veikacivi me veivuke ena tuvanaki ni itaviqaravi. Ia, e sega ni dodonu me ra kacivi me ra qasenivuli, me vaka ni ra lewe ni mataveiliutaki ni kuoramu se isoqosoqo, se iliuliu ni sere ena Lalai.

E dua na tamata ka sa vakatabui vakaivolataki se sa vakasukai na nona lewenilotu me na kua ni dua na nona veikacivi (raica na 32.11.3 kei na 32.11.4).

30.1.4

Maroroi ni iTukutuku

E ka tabu na veikacivi kei na veivagalalataki. Me ra dau maroroya na iliuliu na itukutuku me baleta na veikacivi kei na veivakacegui me na vakayacori. Era na wasea na iliuliu na itukutuku vakaoqo ena dua na gauna kei na dua na ituvaki e salavata kei na kena ituvaki tabu.

Me ivakaraitaki, ena sega ni vakaraitaki vei koya me na lesi me yacova ni sa soli na veikacivi. Oqo ena vukea me levei na madua kevaka e sega ni vakayacori na veikacivi.

Me kuria, o ira walega e gadrevi me ra kila, me vaka na watina kei na mataveiliutaki ni dua na mataisoqosoqo ka vakaitavi ena vuku ni itutu, era na vakasalataki ni bera ni qai kacivaki na yacana me tokoni ena laveliga.

30.1.5

Vakatututaki kei na Veivakadonui ni Veikacivi

Na iTuvatuva ni Veikacivi e vakaraitaka tiko o cei me na vakatututaka na veikacivi yadua kei koya me na vakadonuya (raica na 30.8). Ena so na veikacivi, era sa kerei na iliuliu ni matabete kei na mataisoqosoqo me ra solia na nodra vakatutu ki vua na nodra mataveiliutaki ni iteki se matabisopi. Era na vakayacora vakakina ena masumasu, ka vakasaqara na veivakauqeti me baleta o cei me vakatura. E rawa talega ni ra veitalanoa vata kei iratou na matabisopi se mataveiliutaki ni iteki.

Era na vakasamataka vakavinaka na bisopi kei na peresitedi ni iteki na vakatutu yadua, ka kila ni sa vakayacori ena masumasu. Sa nodratou na iotioti ni itavi na matabisopi se mataveiliutaki ni iteki me ratou ciqoma na veivakauqeti me baleta o cei me na kacivi. Ke gadrevi, me rau na kerea tale e dua na vakatutu.

Kevaka e vakauqeti e dua na bisopi se peresitedi ni iteki me kaciva e dua tale ka sega ni o koya e vakaturi, e sega ni kena ibalebale oya ni a sega ni vakauqeti na vakatutu. Sai koya beka oqo ni sa tiko vei bisopi se peresitedi ni iteki na itukutuku ka sega ni tiko vei ira era a vakayacora na vakatutu.

iVakatakilakila

yalewa e wilivola tiko vua na gone

30.2

iVakarau ni Veikacivi

Na ciqomi ni veikacivi ni veiqaravi e dodonu me dua na gauna vakayalo vakaibalebale vua e dua na lewenilotu. Na veikacivi ni veiqaravi vua na Turaga sa madigi tabu ka rekitaki. Era na vakasavuya yani na iliuliu ena ivakarau ni nodra veikacivi. Me ra kakua ni solia yani na veikacivi ena dua na ivakarau vakawalena.

Sa vakamatatataki tu ena iTuvatuva ni Veikacivi o koya me na vakayacora na veikacivi yadua (raica na 30.8). Ni sa ciqoma oti na veivakadonui e gadrevi, ena veitalanoa vata kei na lewenilotu o iliuliu sa lesi me kilamatata kevaka e rawata na nona ituvaki na lewenilotu me veiqaravi. Ena segata talega o iliuliu me kila kevaka e bula kilikili na lewenilotu ka lomana me veiqaravi.

Ni sa solia e dua na veikacivi e dua na iliuliu, ena vakamacalataka o koya ni sa lako mai vua na Turaga. Kevaka e gadrevi, sa rawa vua me solia na gauna vua na lewenilotu me vakasamataka ena masumasu na veikacivi, ka vakasaqara na nona veivakadeitaki vakayalo vakaikoya.

E rawa talega vei iliuliu me:

Vakamacalataka na inaki, bibi, kei na itavi ni veikacivi.
Vukea na lewenilotu me raimatua vei ira na tamata era na qarava. (Ni veiganiti, ena vakarautaka na iliuliu e dua na lisi nodra na tamata oqo mai na iVurevure ni iLiuliu kei na Vunivola.)
Ena vakayaloqaqataka talega na lewenilotu o ya me na dau vakasaqara na Yalo ni Turaga ena kena vakayacori na veikacivi oqo.
Vakadinadinataka ni na vukei koya na lewenilotu na Turaga ka na vakalougatataki koya ena nona veiqaravi ena yalodina.
Tukuna vua na lewenilotu o cei ena vakarautaka na veituberi kei na veitokoni me baleta na veikacivi.
Tukuna vua na lewenilotu o cei me tukuna vua na nona sasaga.
Tukuna vua na lewenilotu na veisoqoni cava ga e dodonu me tiko kina kei na ivurevure eso e tu.
Vukei koya na lewenilotu me kila vakacaca na levu ni gauna e kaciva na veikacivi.
Veivosakitaka e dua na kauwai bibi se bolebole ni veikacivi.
Sauma na taro e tiko vua na lewenilotu.

Kevaka e vakawati tiko o lewenilotu, ena veisureti na iliuliu vei watina me tiko ena gauna e vakayacori kina na veikacivi.

Kevaka e okati ena veikacivi oqo na cakacaka vata kei ira na gonelalai se itabagone, ena vakamacalataka na iliuliu ni na gadreva na lewenilotu me vakacavara na veituberi ni veitaqomaki ni gone kei na itabagone. Sa vakarautaki tu na veituberi oqo ena ProtectingChildren.ChurchofJesusChrist.org. Me na vakacavara na lewenilotu oqo ena loma ni dua na vula mai na nona a tokoni ka ena vei yatolu na yabaki ni oti oya.

30.3

Tokoni ni Lewenilotu ena Veikacivi

O ira era kacivi ki na levu na itutu ni Lotu e dodonu me kacivaki na yacadra me ra tokoni ni bera ni ra tekivu veiqaravi (raica na Vunau kei na Veiyalayalati 28:13; 42:11). Ena nodra tokoni o ira era kacivi me ra veiqaravi, era tukuna na lewenilotu na nodra veitokoni kei na yalorawarawa me ra veivuke.

E vakaraitaka na iTuvatuva ni Veikacivi ke gadrevi e dua na veitokoni ena laveliga kei cei me vakaitavi kina (raica na 30.8). O koya na iliuliu ena raica raraba na kena vakayacori na veikacivi, se dua na iliuliu ni matabete me na vakadonuya, ena vakatakila na tamata me tokoni.

O koya ena liutaka na laveliga ena kacivaka taumada na tamata e sa vagalalataki mai na itutu o ya (kevaka e ganita). E sureti ira na lewenilotu me ra vakaraitaka na nodra vakavinavinaka ena nona veiqaravi na tamata oya (raica na 30.6).

Ni vakatakilai e dua na tamata me tokoni ena laveliga, ena kerei koya na vakaitutu ena matabete sa lesi me na tucake. E rawa ni vakayagataka na iliuliu na veivosa vakaoqo:

“[Yaca] sa kacivi me [itutu]. O ira era vinakata mera tokoni koya ena rawa ni ra vakaraitaka ni ra laveliga. [Cegu vakalailai.] Kemuni o ni saqata, ke dua, me vakaraitaka. [Cegu vakalailai.]”

Na tamata ka vakatakilai me na vakatakilai ena vakaitavi talega ena laveliga. Kevaka e sivia e dua na tamata era na vakatakilai, sa rawa me ra tokoni vakailawalawa.

Kevaka e dua na lewenilotu ituvaki vinaka e saqata na veikacivi, me na sota vata kei koya na iliuliu vakatulewa se dua tale na iliuliu ni matabete e lesi kina ni oti na soqoni. Ena segata na iliuliu me kilamatata na vuna e saqati kina na okoya na lewenilotu. Ena taroga o koya kevaka e kila na itovo e rawa ni bokoca kina na tamata oya mai na nona veiqaravi ena itutu. Kevaka e sega ni kila na itovo vakaoqori na lewenilotu veisaqasaqa, ena vakauqeti o koya me laveta ka tokona na tamata oya ena veikacivi.

O ira ga na lewenilotu ituvaki vinaka e rawa ni ra vakaitavi ena laveliga. Ia, kevaka e dua e sega ni lewenilotu se lewenilotu e sega ni tuvaki vinaka ka tiko nona kauwai me baleta na itovo vakaraitaki ni cakacaka oya, e rawa ni wasea vei bisopi se peresitedi ni iteki ni oti na soqoni.

30.4

Vakatikori ni Lewenilotu me ra Veiqaravi ena iTutu Eso

E dodonu me ra vakatikori o ira na lewenilotu era sa lesi ki na levu sara na itutu ni Lotu ni bera na nodra veiqaravi. Na iTuvatuva ni Veikacivi e vakaraitaka o cei e rawa ni cakava na veivakatikori (raica na 30.8). E dau yaco oqo ni ra sa tokoni oti na lewenilotu ka ni bera ni ra tekivu veiqaravi.

Me vakatikori e dua na lewenilotu ki na veikacivi e kena ibalebale me soli vua na dodonu me cakacaka ena veikacivi oya (raica na 3.4.3.1). Na veivakatikori e oka talega kina e dua na veivakalougatataki kei na yalayala e dusimaki ena Yalo. Me baleta na ikuri ni ivakamacala, raica na 18.11.

iVakatakilakila

ciqoma tiko na marama na veivakalougatataki ni matabete

30.5

Gauna ni Veiqaravi

Ena kena levu ga e rawa, era na vakatara na iliuliu vei ira na lewenilotu me ra veiqaravi ena nodra veikacivi me rauta na kena tauyavutaki e dua na isema kaukauwa ni veiwekani kei ira era qarava. Era na gadreva talega na lewenilotu na gauna me ra vuli ka tubu ena nodra itavi. E rawa ni bibi sara oqo vei ira na iliuliu ni itabagone kei na gonelalai ka vakakina vei ira na peresitedi ni iSoqosoqo ni Veivukei kei na kuoramu ni italatala qase. Na balavu ni gauna vei ira na iliuliu e duidui, ia e vakawasoma me rua ki na lima na yabaki.

30.6

Vakacegui ni Lewenilotu mai na Veikacivi

E vakavuqa, mera vagalalataki na lewenilotu mai na veikacivi ni sa vakauqeta na nodra iliuliu na Turaga mera vagalalataki ira. Eso na lewenilotu, me vakataki ira na peresitedi ni iteki kei na kaulotu, era dau vagalalataki ni oti e dua na gauna sa tauyavu tu. Sa rawa talega vua e dua me vakacegui ena vuku ni so tale na vuna, me vakataka na ituvaki ni tamata yadua kei na matavuvale.

Ni sa vakacegui e dua na peresitedi se bisopi, rau sa na vakacegui sara talega vakakina na daunivakasala. Era na sega ni vakacegui vakakina o ira era taura tu na itutu ena mataisoqosoqo, me vakataki ira na vunivola, sekeriteri, kei na qasenivuli.

Na veivakacegui mai na veikacivi ena Lotu era na vakayacora ga o ira na vakaitutu ena itagede vata ga kei koya e a vakayacora na veikacivi. Me ivakaraitaki, ke dua na lewe ni matabisopi e a solia na veikacivi, me na solia na veivagalalataki e dua na lewe ni matabisopi.

Na kena soli na veivakacegui sa madigi bibi vua e dua na iliuliu me vakaraitaka na nona vakavinavinaka ka vakatakila na liga ni Kalou ena veiqaravi ni lewenilotu. Ena sota vata yadua kei koya na lewenilotu o koya na iliuliu me tukuna vua na nona vagalalataki ni bera ni kacivaki raraba yani. E rawa ni digitaka me sureta na lewenilotu me wasea na veika sa vulica ena nona veiqaravi ena veikacivi. O ira walega e dodonu me ra kila na vagalalataki era na vakatakilai ni bera ni vakaraitaki raraba yani.

Ena vakaraitaka e dua na iliuliu ni matabete vakadonui na veivagalalataki ena ituvaki vata ga a tokoni kina na tamata oya. E rawa ni vakayagataka na iliuliu na vosa vakaoqo:

“[Yaca] sa vagalalataki mai na [itutu]. O ira era via vakaraitaka na nodra vakavinavinaka me baleta na [nona] veiqaravi ena rawa ni vakaraitaka ena laveliga.”

Ena sega ni taroga na iliuliu ke dua e saqata.

30.7

Nodra Kacivi, Tabaki kei na Vakatikori na Bisopi

Na mataveiliutaki ni iteki e vakatura na turaga me na kacivi se vagalalataki mai na itutu vaka bisopi. Era na vakau yani na vakatutu ki na Mataveiliutaki Taumada ena iVurevure ni iLiuliu kei na Vunivola (VLV). Ena rawa ni vakarautaka na vakatutu e dua na lewe ni mataveiliutaki ni iteki, vunivola, se sekeriteri liu. Ia, na peresitedi ga ni iteki e rawa ni vakauta.

E bibi na itavi ni bisopi (raica na 7.1). Era gadreva na tamata lomadina, bula savasava, yalomatua vakayalo, kei na yalodina vua na iVakabula. Eratou na vakasaqara na mataveiliutaki ni iteki na veivakadeitaki mai vua na Yalotabu me baleta o cei me vakatura. Ni ra vakatututaka e dua na tagane me veiqaravi vaka bisopi, era na vakasamataka sara vakavinaka 1 Timoci 3:2–7. Era na sega ni kerea na vakatutu eso mai vei ira na lewe ni tabanalevu. Na ikuri ni ivakamacala me baleta na veika e gadrevi vua e dua ena itutu vaka bisopi e soli tu ena VLV.

Ni bera ni kaciva o peresitedi ni iteki e dua na bisopi vou, sa dodonu me na ciqoma na ivola veivakadonui mai na Mataveiliutaki Taumada. Mai na veivakadonui oqo, sa rawa talega vei peresitedi ni iteki me tabaka ka vakatikora e dua na bisopi ni oti na nodra veitokoni ena laveliga ena lotu ni sakaramede o ira na lewenilotu ena tabanalevu. Sa na gadrevi talega na nodratou veivakadonui na Mataveiliutaki Taumada ni bera ni vakaceguya o peresitedi ni iteki e dua na bisopi. Me na kakua ni lesia o peresitedi ni iteki na itavi eso oqo.

Kevaka e sa kacivi e dua me na bisopi ka sega ni bete levu, me na raica o peresitedi ni iteki me na tabaki taumada me bete levu ni bera ni tabaki me bisopi. Kevaka e dua e sa tabaki oti me bisopi, ena gadrevi walega me na vakatikori me bisopi ni tabanalevu. Kevaka era sega ni bete levu na tagane era kacivi me daunivakasala ni bisopi, era na tabaki taumada me ra bete levu ni bera ni ra vakatikori.

Ni oti na nodratou vakadonuya na Mataveiliutaki Taumada na kena vakatututaki e dua me na bisopi, eratou na vakadonuya na peresitedi ni iteki, me na tabaki koya ka qai vakatikora. Na peresitedi ni iteki ena:

Cavuta taucoko na yacai koya na tamata o ya
Cavuta ni sa vakayacora tiko ena lewa ni Matabete i Melikiseteki.
Tabaki na tamata o ya me bisopi (vakavo ga ke sa tabaki oti)
Vakatikori koya me vakatulewa ena tabanalevu ka me peresitedi ni Matabete i Eroni kei na kuoramu ni bete, ka vakamatatataki kina na nona ilesilesi ena Matabete i Eroni kei ira na goneyalewa ena tabanalevu (raica na 7.1.2).
Solia vua na idola, dodonu, kaukauwa taucoko, kei na lewa ni ilesilesi vaka-bisopi, ka vakatabakidua ki na nona itavi me turaga ni lewa e Isireli ka bete levu iliuliu ni tabanalevu o ya (raica na 7.1.1 kei na 7.1.3).
Solia na veivosa ni veivakalougatataki ena veidusimaki ni Yalotabu.
Tinia e na yaca i Jisu Karisito.

Sa rawa talega vua e dua na Vitusagavulu ni iWasewase se Vakaitutu Raraba me kaciva, tabaka, ka vakatikora e dua na bisopi ena veivakadonui mai vei iratou na Mataveiliutaki Taumada.

30.8

iTuvatuva ni Veikacivi

Na ituvatuva oqo era sa volai tu kina na veikacivi digitaki ni tabanalevu kei na iteki. Me baleta na veikacivi kei na madigi ni veiqaravi tale eso, raica na wase yadudua ena ivola oqo.

E sega ni gadrevi ki na dua na tabanalevu se iteki me vakatawana na veikacivi kece e tiko ena ituvatuva oqo. Era na vakatulewataka na iliuliu na veikacivi cava me vakatawani mai na gagadre ni tabanilotu kei ira e rawa ni ra veiqaravi.

30.8.1

Veikacivi ena Tabanalevu

Veikacivi	Vakaturi Mai Vei	Vakadonui Mai vei	Tokoni Mai vei¹	Kacivi ka vakatikori mai vei
Veikacivi Bisopi ²	Vakaturi Mai Vei Mataveiliutaki ni iTeki, ni vakayagataka na VLV	Vakadonui Mai vei Mataveiliutaki Taumada kei na Kuoramu ni Le Tinikarua	Tokoni Mai vei¹ Lewe ni tabanalevu	Kacivi ka vakatikori mai vei Peresitedi ni iteki ni sa ciqoma oti na veivakadonui mai na Mataveiliutaki Taumada (raica na 30.7)
Veikacivi Daunivakasala ena matabisopi ²	Vakaturi Mai Vei Bisopi	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewe ni tabanalevu	Kacivi ka vakatikori mai vei Peresitedi ni iTeki se dua na daunivakasala sa lesi
Veikacivi Vunivola ni tabanalevu (kei na ivukevuke ni vunivola ni tabanalevu kevaka e gadrevi)	Vakaturi Mai Vei Matabisopi	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewe ni tabanalevu	Kacivi ka vakatikori mai vei Peresitedi ni iteki se dua na daunivakasala sa lesi se lewe ni matabose e cake
Veikacivi Sekeriteri liu ni tabanalevu (kei na ivukevuke ni sekeriteri liu ni tabanalevu kevaka e gadrevi)	Vakaturi Mai Vei Matabisopi	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewe ni tabanalevu	Kacivi ka vakatikori mai vei Peresitedi ni iteki se dua na daunivakasala sa lesi se lewe ni matabose e cake
Veikacivi Peresitedi ni kuoramu ni italatala qase	Vakaturi Mai Vei Mataveiliutaki ni iteki (ena veivakasalataki vata kei bisopi)	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewe ni tabanalevu	Kacivi ka vakatikori mai vei Peresitedi ni iteki
Veikacivi Daunivakasala ena mataveiliutaki ni kuoramu ni italatala qase	Vakaturi Mai Vei Peresitedi ni kuoramu (ena veivakasalataki vata kei bisopi)	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewe ni tabanalevu	Kacivi ka vakatikori mai vei Peresitedi ni iteki se dua na daunivakasala sa lesi se lewe ni matabose e cake
Veikacivi Veikacivi tale eso ni kuoramu ni italatala qase	Vakaturi Mai Vei Mataveiliutaki ni kuoramu	Vakadonui Mai vei Matabisopi	Tokoni Mai vei¹ Lewe ni kuoramu (ka vakaraitaki ena dua na soqoni ni kuoramu mai vua na peresitedi ni kuoramu se dua na daunivakasala sa lesi)	Kacivi ka vakatikori mai vei Peresitedi ni kuoramu se dua na dauinivakasala sa lesi
Veikacivi Peresitedi ni mataisoqosoqo ena tabanalevu (iSoqosoqo ni Veivukei, Goneyalewa, Lalai, kei na Matawilivola ni Sigatabu)	Vakaturi Mai Vei Matabisopi	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi
Veikacivi Daunivakasala ena mataveiliutaki ni mataisoqosoqo ena tabanalevu	Vakaturi Mai Vei Peresitedi ni mataisoqosoqo	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Veikacivi tale eso ni iSoqosoqo ni Veivukei, Goneyalewa, Lalai, kei na Matawilivola ni Sigatabu ena tabanalevu	Vakaturi Mai Vei Mataveiliutaki ni mataisoqosoqo	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Na iliuliu ni kaulotu ena tabanalevu (e rawa ni qarava na itavi oqo e dua na lewe ni mataveiliutaki ni kuoramu ni italatala qase; kevaka e vakakina, e sega ni gadrevi me kacivi, tokoni ena laveliga, se vakatikori yadudua)	Vakaturi Mai Vei Matabisopi (ena veivakadonui kei peresitedi ni kuoramu ni italatala qase kei na iSoqosoqo ni Veivukei)	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Daukaulotu ni tabanalevu	Vakaturi Mai Vei Matabisopi se peresitedi ni kuoramu ni italatala qase kei na iSoqosoqo ni Veivukei	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Na iliuliu ni valetabu kei na tuvakawa ena tabanalevu (e rawa ni qarava na itavi oqo e dua na lewe ni mataveiliutaki ni kuoramu ni italatala qase; kevaka e vakakina, e sega ni gadrevi me kacivi, tokoni, se vakatikori yadudua)	Vakaturi Mai Vei Matabisopi (ena veivakadonui kei peresitedi ni kuoramu ni italatala qase kei na iSoqosoqo ni Veivukei)	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Daunivakasala ni Tuvakawa kei na Valetabu ena Tabanalevu	Vakaturi Mai Vei Matabisopi se peresitedi ni kuoramu ni italatala qase kei na iSoqosoqo ni Veivukei	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi iVukevuke nei peresitedi ni kuoramu ni bete	Vakaturi Mai Vei Bisopi (iVukevuke nei peresitedi ni kuoramu ni bete)	Vakadonui Mai vei Matabisopi	Tokoni Mai vei¹ Lewe ni iSoqosoqo (vakaraitaka ena dua na soqoni o bisopi se dua na daunivakasala e lesi)	Kacivi ka vakatikori mai vei Bisopi
Veikacivi Peresitedi ni kuoramu ni ivakavuvuli kei na dikoni	Vakaturi Mai Vei Matabisopi	Vakadonui Mai vei Matabisopi	Tokoni Mai vei¹ Lewe ni iSoqosoqo (vakaraitaka ena dua na soqoni o bisopi se dua na daunivakasala e lesi)	Kacivi ka vakatikori mai vei Lesia o bisopi se dua na daunivakasala sa lesi; vakatikori mai vei bisopi
Veikacivi Daunivakasala ena mataveiliutaki ni kuoramu ni ivakavuvuli kei na dikoni kei na sekeriteri ni kuoramu	Vakaturi Mai Vei Peresitedi ni kuoramu	Vakadonui Mai vei Matabisopi	Tokoni Mai vei¹ Lewe ni iSoqosoqo (vakaraitaka ena dua na soqoni o bisopi se dua na daunivakasala e lesi)	Kacivi ka vakatikori mai vei Bisopi se dua na daunivakasala sa lesi
Veikacivi Peresitedi ni kalasi ni Goneyalewa	Vakaturi Mai Vei Matabisopi (ena veivakasalataki kei iratou na mataveiliutaki ni Goneyalewa)	Vakadonui Mai vei Matabisopi	Tokoni Mai vei¹ Lewe ni kalasi (vakaraitaka ena dua na soqoni ni Goneyalewa o bisopi se dua na daunivakasala e lesi)	Kacivi ka vakatikori mai vei Bisopi se dua na daunivakasala sa lesi
Veikacivi Daunivakasala ena mataveiliutaki ni Goneyalewa kei na vunivola ni kalasi	Vakaturi Mai Vei Peresitedi ni kalasi	Vakadonui Mai vei Matabisopi	Tokoni Mai vei¹ Lewe ni kalasi (vakaraitaka ena dua na soqoni ni Goneyalewa o bisopi se dua na daunivakasala e lesi)	Kacivi ka vakatikori mai vei Bisopi se dua na daunivakasala sa lesi
Veikacivi Kenadau ni vakacoko kei na bula rawati koya ena tabanalevu kevaka e kacivi	Vakaturi Mai Vei Matabisopi	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Kenadau ni valenivolavola ni ivurevure ni tabanalevu kevaka e gadrevi	Vakaturi Mai Vei Peresitedi ni Matawilivola ni Sigatabu	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Kodineita ni sere kei na ivakatagi ena tabanalevu	Vakaturi Mai Vei Matabisopi	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi
Veikacivi Veikacivi tale eso ena tabana	Vakaturi Mai Vei Matabisopi	Vakadonui Mai vei Matabisopi	Tokoni Mai vei¹ Lewe ni tabanalevu	Kacivi ka vakatikori mai vei Bisopi se dua na daunivakasala e lesi

iVakatakilakila

Kalasi ni Matawilivola ni Siga Tabu

30.8.2

Veikacivi ena Tabana

Veikacivi	Vakaturi Mai Vei	Vakadonui Mai vei	Tokoni Mai Vei	Kacivi ka vakatikori mai vei
Veikacivi Peresitedi ni Tabana ¹	Vakaturi Mai Vei Peresitedi ni iteki se tikina	Vakadonui Mai vei Mataveiliutaki ni iteki kei na lewe ni matabose e cake se mataveiliutaki ni tabana ni kaulotu	Tokoni Mai Vei Lewe ni tabana	Kacivi ka vakatikori mai vei Peresitedi ni iteki se kaulotu (se peresitedi ni tikina ke lesi)
Veikacivi Daunivakasala ena mataveiliutaki ni tabana ¹	Vakaturi Mai Vei Peresitedi ni tabana	Vakadonui Mai vei Mataveiliutaki ni iteki kei na matabose e cake se mataveiliutaki ni tabana ni kaulotu (se, ena veivakadonui nei peresitedi ni kaulotu, na mataveiliutaki ni tikina)	Tokoni Mai Vei Lewe ni tabana	Kacivi ka vakatikori mai vei iTeki, kaulotu, se peresitedi ni tikina se dua na daunivakasala sa lesi
Veikacivi Vunivola ni tabana, ivukevuke ni vunivola, kei sekeriteri liu	Vakaturi Mai Vei Mataveiliutaki ni tabana	Vakadonui Mai vei Mataveiliutaki ni iteki kei na matabose e cake se mataveiliutaki ni tabana ni kaulotu (se, ena veivakadonui nei peresitedi ni kaulotu, na mataveiliutaki ni tikina)	Tokoni Mai Vei Lewe ni tabana	Kacivi ka vakatikori mai vei Peresitedi ni iteki se dua na daunivakasala sa lesi se lewe ni matabose e cake (me baleta na tabana ena iteki); peresitedi ni tikina se dua na iliuliu ni matabete e lesia o koya (me baleta na tabana ni kaulotu)
Veikacivi Peresitedi ni kuoramu ni italatala qase	Vakaturi Mai Vei Mataveiliutaki ni iteki, tikina, se tabana ni kaulotu (ena veivakadonui kei peresitedi ni tabana)	Vakadonui Mai vei Mataveiliutaki ni iteki kei na matabose e cake se mataveiliutaki ni tabana ni kaulotu (se, ena veivakadonui nei peresitedi ni kaulotu, na mataveiliutaki ni tikina)	Tokoni Mai Vei Lewe ni tabana	Kacivi ka vakatikori mai vei Peresitedi ni iteki se kaulotu (se peresitedi ni tikina ke lesi)
Veikacivi Daunivakasala ena mataveiliutaki ni kuoramu ni italatala qase	Vakaturi Mai Vei Peresitedi ni kuoramu (ena veivakasalataki kei peresitedi ni tabana)	Vakadonui Mai vei Mataveiliutaki ni iteki kei na matabose e cake se mataveiliutaki ni tabana ni kaulotu (se, ena veivakadonui nei peresitedi ni kaulotu, na mataveiliutaki ni tikina)	Tokoni Mai Vei Lewe ni tabana	Kacivi ka vakatikori mai vei Peresitedi ni iteki se kaulotu se dua na daunivakasala sa lesi se lewe ni matabose e cake (se, ke lesi, peresitedi ni tikina se dua tale na iliuliu ni matabete)
Veikacivi Veikacivi tale eso ena tabana	Vakaturi Mai Vei Raica na 30.8.1, vakaisosomitaka na peresitedi ni tabana ena bisopi kei na tabana ena tabanalevu.				Vakadonui Mai vei Raica na 30.8.1, vakaisosomitaka na peresitedi ni tabana ena bisopi kei na tabana ena tabanalevu.	Tokoni Mai Vei Raica na 30.8.1, vakaisosomitaka na peresitedi ni tabana ena bisopi kei na tabana ena tabanalevu.	Kacivi ka vakatikori mai vei Raica na 30.8.1, vakaisosomitaka na peresitedi ni tabana ena bisopi kei na tabana ena tabanalevu.

30.8.3

Veikacivi ena iTeki

Veikacivi	Vakaturi Mai Vei	Vakadonui Mai vei	Tokoni Mai vei¹	Kacivi ka vakatikori mai vei
Veikacivi Peresitedi ni iTeki ²	Vakaturi Mai Vei Dua na Vakaitutu Raraba se Vitusagavulu ni iWasewase lesi	Vakadonui Mai vei Dua na Vakaitutu Raraba se Vitusagavulu ni iWasewase lesi	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Dua na Vakaitutu Raraba se Vitusagavulu ni iWasewase lesi
Veikacivi Daunivakasala ena mataveiliutaki vou ni iteki ²	Vakaturi Mai Vei Peresitedi ni iteki	Vakadonui Mai vei Dua na Vakaitutu Raraba se Vitusagavulu ni iWasewase lesi	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Dua na Vakaitutu Raraba se Vitusagavulu ni iWasewase lesi
Veikacivi Daunivakasala vou ena mataveiliutaki ni iteki sa tiko rawa ²	Vakaturi Mai Vei Peresitedi ni iteki, ni vakayagataka na VLV	Vakadonui Mai vei Mataveiliutaki Taumada	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki ni sa ciqoma oti na veivakadonui mai na Mataveiliutaki Taumada
Veikacivi Vunivola ni iteki (kei ira na ivukevuke ni vunivola ni iteki kevaka e gadrevi)	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iTeki se dua na daunivakasala sa lesi
Veikacivi Sekeriteri liu ni iteki (kei na ivukevuke ni sekeriteri liu ni iteki kevaka e gadrevi)	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iTeki se dua na daunivakasala sa lesi
Veikacivi Lewe ni matabose e cake	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iTeki se dua na daunivakasala sa lesi
Veikacivi Peteriaki ni iteki, oka kina e dua na peteriaki ka sa tabaki oti ena dua tale na iteki	Vakaturi Mai Vei Mataveiliutaki ni iTeki, ni vakayagataka na VLV	Vakadonui Mai vei Kuoramu ni Le Tinikarua	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki ni sa ciqoma oti na veivakadonui mai na Kuoramu ni Le Tinikarua; se dua na lewe ni Mataveiliutaki Taumada se Kuoramu ni Le Tinikarua
Veikacivi Peresitedi ni iSoqosoqo ni Veivukei ena iTeki	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki
Veikacivi Peresitedi ni Goneyalewa kei na Lalai ena iTeki	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iTeki se dua na daunivakasala sa lesi
Veikacivi Peresitedi ni Cauravou kei na Matawilivola ni Sigatabu ena iTeki	Vakaturi Mai Vei Ena kacivi ira na lewe ni matabose e cake na mataveiliutaki ni iteki me ra vakatawana na veitutu oqo	Vakadonui Mai vei Mataveiliutaki ni iteki kei na matabose e cake	Tokoni Mai vei¹ O ira na lewenilotu ena koniferedi ni iteki (e dodonu me ra tokoni me ra lewe ni matabose e cake ka peresitedi ni veimataisoqosoqo oqo)	Kacivi ka vakatikori mai vei Peresitedi ni iteki se dua na daunivakasala sa lesi (e dodonu me kacivi ka vakatikori ruarua me lewe ni matabose e cake kei ira na peresitedi ni veimataisoqosoqo oqo)
Veikacivi Daunivakasala ena mataveiliutaki ni mataisoqosoqo ni iteki, sekeriteri, kei ira tale eso kevaka e gadrevi	Vakaturi Mai Vei Peresitedi ni mataisoqosoqo ena iteki (ena veivakasalataki vata kei na Mataveiliutaki ni iteki se na lewe ni matabose e cake sa lesi)	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki se dua na daunivakasala e lesi se lewe ni matabose e cake
Veikacivi Daudikevi fika ni iteki	Vakaturi Mai Vei Jemeni ni komiti ni daudikevi fika ni iteki (daunivakasala ena mataveiliutaki ni iteki)	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Sega ni tokoni ena laveliga	Kacivi ka vakatikori mai vei Peresitedi ni iteki se dua na daunivakasala sa lesi (ena vakadeitaka o peresitedi ni iteki se gadrevi na veivakatikori)
Veikacivi Qasenivuli ni semineri kei na inisitute ena iteki kei ira na supavaisa kevaka e gadrevi	Vakaturi Mai Vei Mataveiliutaki ni iteki (ni oti na veivosaki kei bisopi kei na mata ni semineri kei na inisitute)	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki se dua na daunivakasala e lesi se lewe ni matabose e cake
Veikacivi Kenadau ni vakacoko kei na bula rawati koya ena tabanalevu kevaka e gadrevi	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki se dua na daunivakasala e lesi se lewe ni matabose e cake
Veikacivi Dairekita ni veitaratara ena iteki, ivukevuke ni dairekita, kei na kenadau	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki se dua na daunivakasala e lesi se lewe ni matabose e cake
Veikacivi Veikacivi tale eso ni iteki³	Vakaturi Mai Vei Mataveiliutaki ni iteki	Vakadonui Mai vei Mataveiliutaki ni iteki kei na matabose e cake	Tokoni Mai vei¹ Lewenilotu ena koniferedi ni iteki	Kacivi ka vakatikori mai vei Peresitedi ni iteki se dua na daunivakasala e lesi se lewe ni matabose e cake

iVakatakilakila

rau veivosaki tiko kei bisopi na veiwatini

30.8.4

Veikacivi ena Tikina

Veikacivi	Vakaturi Mai Vei	Vakadonui Mai vei	Tokoni Mai Vei	Kacivi ka vakatikori mai vei
Veikacivi Peresitedi ni Tikina ¹	Vakaturi Mai Vei Peresitedi ni Kaulotu	Vakadonui Mai vei Mataveiliutaki ni iWasewase	Tokoni Mai Vei Lewenilotu ena koniferedi ni tikina	Kacivi ka vakatikori mai vei Peresitedi ni Kaulotu
Veikacivi Daunivakasala ena mataveiliutaki ni tikina ¹	Vakaturi Mai Vei Peresitedi ni Tikina	Vakadonui Mai vei Mataveiliutaki ni tabana ni kaulotu	Tokoni Mai Vei Lewenilotu ena koniferedi ni tikina	Kacivi ka vakatikori mai vei Peresitedi ni kaulotu se dua na daunivakasala sa lesi
Veikacivi Daunivakasala ni tikina	Vakaturi Mai Vei Peresitedi ni Tikina	Vakadonui Mai vei Mataveiliutaki ni tabana ni kaulotu (se, ena veivakadonui nei peresitedi ni kaulotu, na mataveiliutaki ni tikina)²	Tokoni Mai Vei Lewenilotu ena koniferedi ni tikina	Kacivi ka vakatikori mai vei Peresitedi ni kaulotu se dua na daunivakasala sa lesi (se, ena veivakadonui nei peresitedi ni kaulotu, na peresitedi ni tikina se dua na daunivakasala sa lesi)²
Veikacivi Veikacivi tale eso ena tabana	Vakaturi Mai Vei Raica na 30.8.3, vakaisosomitaka na peresitedi ni tikina me peresitedi ni iteki kei na tikina me iteki.				Vakadonui Mai vei Raica na 30.8.3, vakaisosomitaka na peresitedi ni tikina me peresitedi ni iteki kei na tikina me iteki.	Tokoni Mai Vei Raica na 30.8.3, vakaisosomitaka na peresitedi ni tikina me peresitedi ni iteki kei na tikina me iteki.	Kacivi ka vakatikori mai vei Raica na 30.8.3, vakaisosomitaka na peresitedi ni tikina me peresitedi ni iteki kei na tikina me iteki.

30.8.5

Veikacivi ni iLawalawa Lewenilotu ena Mataivalu

Veikacivi	Vakaturi Mai Vei	Vakadonui Mai vei	Tokoni Mai Vei	Kacivi ka vakatikori mai vei
Veikacivi iLiuliu ni ilawalawa lewe ni mataivalu	Vakaturi Mai Vei E dua na italatala ni Yalododonu Edaidai, na dairekita ni Veiwekani Vakamataisoqosoqo, se na iliuliu ni ilawalawa sa vakarau oti na nona qaravi itavi	Vakadonui Mai vei Bisopi se peresitedi ni tabana kei na peresitedi ni iteki se kaulotu (ena tabanalevu se tabana ni lewenilotu kei na iteki se tabana ni kaulotu)	Tokoni Mai Vei Lewe ni ilawalawa	Kacivi ka vakatikori mai vei Peresitedi ni iteki se peresitedi ni kaulotu se dua na mata sa lesi (e rawa ni cakacaka ka sega ni vakatikori kevaka e gadrevi)
Veikacivi iVukevuke ki na iliuliu ni ilawalawa lewe ni mataivalu	Vakaturi Mai Vei iLiuliu ni wasewase	Vakadonui Mai vei Bisopi se peresitedi ni tabana kei na peresitedi ni iteki se kaulotu (ena tabanalevu se tabana ni lewenilotu kei na iteki se tabana ni kaulotu)	Tokoni Mai Vei Lewe ni ilawalawa	Kacivi ka vakatikori mai vei Peresitedi ni iteki se peresitedi ni kaulotu se dua na mata sa lesi (e rawa ni cakacaka ka sega ni vakatikori kevaka e gadrevi)