pipol we oli leftemap raet han

30.

Ol Koling insaed long Jos

30.0

Fas Toktok

Papa long Heven i givim long Jisas Kraes wan tabu misin blong mekem (luk long Luk 4:18–19; Jon 6:38; 3 Nifae 27:14–16). Long taem blong seves blong Hem, Sevya i bin trastem ol disaepol blong Hem wetem ol impoten responsabiliti (luk long Luk 10:1–9). Semmak, Lod i stap singaotem ol man mo ol woman blong givim seves insaed long Jos tru long ol invitesen we oli kamtru long insperesen, we oli kam tru long ol wokman blong Hem. Ol janis ia blong givim seves, oli save olgeta olsem ol koling.

Ol koling ia, oli givim ol janis long ol memba blong oli filim glad ia blong stap wok blong God taem oli givim seves long ol pikinini blong Hem (luk long Mosaea 2:17). Ol koling, oli stap ia tu blong helpem ol memba blong mekem bilif blong olgeta i kam antap moa, mo blong oli kam kolosap moa long Lod.

Hem i no stret blong wantem kasem ol spesifik koling insaed long Jos (luk long Mak 10:42–45; Doktrin mo Ol Kavenan 121:34–37). Mo tu, ol memba blong Jos oli no stap “muv i go antap” taem oli aot long wan koling mo go long wan narawan. Afta we oli givim seves long wan koling, oli no sapos blong tingting se bae oli kasem wan koling we i gat moa hae responsabiliti, o i moa impoten. Blong stap fetful blong givim seves long wan koling, i moa impoten bitim wanem hem i koling ia. Lod i givim ona long strong tingting mo strong wok blong evriwan we oli givim seves long Jos ia blong Hem.

Japta ia, i tokbaot olsem wanem oli stap singaotem ol memba blong givim seves long Jos, mo olsem wanem oli stap rilisim olgeta long ol koling blong olgeta. Mo tu, insaed ia i gat wan Jat blong Ol Koling, we i givim infomesen abaot fasin blong givimaot ol spesifik koling, blong sastenem ol memba long ol koling blong olgeta, mo blong setem olgeta apat (luk long 30.8).

30.1

Faenemaot Huia blong Singaotem o Givim Koling

30.1.1

Jeneral Gaedlaen

Olgeta we oli givim seves insaed long Jos, God nao i singaotem olgeta (luk long Hibrus 5:4; Ol Toktok blong Bilif 1:5). Ol lida oli lukaotem Spirit blong i soem long olgeta huia blong singaotem olgeta (luk tu long 4.2.6). Oli lukluk tu long:

• Hamas wan memba i klin inaf (olsem we oli faenemaot long wan intaviu).

• Ol presen mo ol samting we memba i gat mo save mekem, o save developem, blong blesem ol nara pipol.

• Praevet situesen blong memba, mo hemia i tekem helt mo wok blong hem.

• Olsem wanem koling ia i save jenisim samting long mared mo famli blong memba.

Wanwan koling i blong blesem ol pipol we oli stap wok blong olgeta, memba we i givim seves, mo famli blong memba. Ol Koling oli givim janis tu long ol memba blong oli groap.

Ol memba oli kasem blesing from ol sakrifaes we oli mekem blong givim seves insaed long Jos. Be, wan koling i no mas putum ol hevi trabol long wanwan man, woman mo famli. Mo tu, ol koling oli no mas mekem se i had blong ol memba oli mekem ol responsabiliti blong olgeta long wokples.

Plante taem, wanwan memba i kasem koling blong givim seves long wan koling nomo long wan taem, hemia antap long koling ia blong stap olsem wan givhan brata mo sista. Ol taem we oli no folem ol rul, i no mas hapen oltaem, mo oli mas mekem wetem fulap prea. I no evri posisen we i nid blong putum man long hem.

Taem oli givim wan koling long wan memba we i mared, ol lida oli meksua se waef, o hasban, i save long hem, mo hem i sapotem koling ia.

Bifo hem i givim wan koling long wan yang man, o wan yang woman, ol lida oli mas kasem apruvol long papa o mama blong hem, hem we i lukaotem yangfala ia.

Bifo oli givim wan koling, bisop i luklukgud long membasip rekod blong hem we oli wantem singaotem; hemia i blong jekem se i no gat wan not i hang long membasip, o i no gat wan strong kondisen long membasip. Sapos i nid blong oli givim koling bifo membasip rekod i stap long wod, bisop i kontaktem fas bisop blong memba ia.

Bifo wan stek lida i givim wan koling, hem i toktok wetem bisop blong memba ia blong toktok raon long hamas memba ia i klin inaf, mo ol nara situesen we i save spolem seves blong hem (olsem ol samting we oli stap antap ia).

30.1.2

Ol Koling blong Ol Niu Memba

Ol janis blong givim seves oli helpem ol memba blong groap long saed blong spirit. Blong givim seves tugeta, i save helpem ol memba tu blong oli bildimap ol strong rilesensip. Hemia i speseli impoten blong ol niu memba.

Ol lida blong wod oli givim ol janis long ol niu memba blong oli givim seves stret afta we oli baptaes mo kasem konfemesen. Ol niu memba oli gat olgeta plante defren kaen samting we oli save mekem. Ol lida oli prea mo stap invaetem olgeta blong givim seves long ol wei we bae i helpem olgeta blong oli groap mo blesem ol narawan. Sam memba, oli rere kwik blong kasem koling. Sam narawan, maet bae oli laekem blong gat ol sot taem wok blong mekem, we bae i helpem olgeta blong rere blong kasem ol koling. Luk tu long 23.2 mo 23.5.1.

30.1.3

Ol Koling blong Olgeta we Oli No Memba

Ol pipol we oli no memba blong Jos, oli save singaotem olgeta long samfala posisen, olsem blong plei piano, stap olsem miusik daerekta, o wan koling blong stap help blong mekem plan blong ol aktiviti. Be, oli no save singaotem olgeta oli kam ol tija, o ol memba blong presidensi blong kworom, o stap olsem ol miusik lida blong Praemeri.

Wan we membasip blong hem, i gat kondisen long hem, o oli bin karemaot, i no save gat wan koling (luk long 32.11.3 mo 32.11.4).

30.1.4

Ol Konfidensiol Samting

Ol koling mo ol rilis oli tabu. From hemia, ol lida oli kipim infomesen blong ol koling mo ol rilis we oli tingting blong mekem, oli stap konfidensiol. Ol lida oli serem kaen infomesen ia long wan taem mo long wan ples we i go stret wetem tabu fasin blong hemia.

Eksampol: Wan man o woman, we oli tingting blong givim koling long hem, bae oli no save talem hemia long hem kasem taem we oli givim koling ia long hem. Hemia i help blong mekem se man i no sem, sapos afta, oli no givim koling ia long hem.

Antap long hemia, olgeta nomo we oli nidim blong save, olsem hasban o waef, o wan oganaesesen presidensi we i lukluk ova long posisen ia, bae oli kasem infomesen bifo oli presentem man o woman ia blong oli sastenem.

30.1.5

Fasin blong Givim Nem mo Apruvum Nem blong Wan I Kasem Koling

Jat blong Ol Koling i soem huia i save sendem nem long saed blong wanwan koling, mo huia i apruvum (luk long 30.8). Long sam kes, ol kworom mo oganaesesen lida oli mekem ol rekomendesen (o givim nem) i go long stek presidensi o bisoprik. Oli prea, oli lukaotem insperesen blong save huia blong sendem nem blong hem i go. Oli save kaonsel wetem bisoprik, o stek presidensi.

Ol bisop mo ol stek presiden oli lukaot gud mo oli save tingting long wanwan rekomendesen, mo oli luksave se oli mekem hemia tru long prea. Bisoprik o stek presidensi i gat las responsabiliti blong kasem insperesen abaot huia blong save singaotem. Olsem we i nid, oli save askem blong gat wan nara rekomendesen, o wan nara nem.

Sapos wan bisop o stek presiden i filim insperesen blong singaotem wan be i no hemia we oli sendem nem blong hem i kam, hemia i no minim se rekomendesen ia i no kamtru long insperesen. Maet, bisop o stek presiden i gat wan infomesen we i no bin stap wetem olgeta we oli sendem nem i kam.

woman i stap rid long pikinini

30.2

Givim Wan Koling o Singaotem Wan long Wok

Blong kasem wan koling blong givim seves, i mas stap olsem wan eksperiens long saed blong spirit we i gat mining long memba ia. Ol koling blong givim seves long Lod, oli tabu mo ol janis we i gat fulap glad long ol. Ol lida oli talemaot hemia tru long wei we oli givimaot koling. Oli no mas givim wan koling long wan olbaot wei, o wan fasin we i no impoten.

Jat blong Ol Koling i soem huia i save givimaot wanwan koling (luk long 30.8). Afta we hem i kasem ol raet ia, lida ia we i gat raet, i toktok wetem memba blong andastanem sapos situesen blong memba i letem hem blong givim seves. Lida ia i lukaot tu blong hem i andastanem sapos memba i klin inaf mo i glad blong givim seves.

Taem wan lida i givim wan koling, hem i eksplenem se hemia i kam long Lod. Sapos i nid, hem i save givim taem long memba blong prea mo tingting long koling ia, i lukaotem blong hemwan i kasem wan konfemesen long saed blong spirit.

Lida ia i save:

• Eksplenem wanem stamba tingting blong koling ia, hamas i impoten, mo ol responsabiliti we oli kam wetem koling ia.

• Helpem wan memba blong lukluk faswan long ol pipol we bae hem i givim seves long hem. (Sapos i stret, lida i givim wan lis blong ol pipol ia we oli kamaot tru long sistem blong Ol Risos blong Lida mo Klak.)

• Hem i stap leftemap tingting blong memba blong lukaotem Spirit blong Lod blong mekem koling ia i kamtru.

• Testifae se Lod bae i helpem memba, mo bae i blesem hem from se hem i fetful blong givim seves.

• Talem long memba se, huia nao, bae i givim trening mo sapot long saed blong koling we hem i kasem.

• Talem long memba se, huia nao, bae hem i stap givim ripot long saed blong wok blong hem.

• Talem long memba abaot eni miting we bae hem i stap go long hem, mo eni risos we i stap blong hem i yusum.

• Helpem memba blong save hamas taem bae koling ia i askem hem blong givim.

• Toktok raon long eni spesel wari o jalenj long saed blong koling ia.

• Ansarem ol kwestin we memba i save gat.

Sapos memba i mared, lida ia i invaetem waef o hasban blong hem blong i stap long dei taem we oli givim koling long hem.

Sapos koling ia i wan koling we bae hem i wok wetem ol pikinini o ol yut, hem i eksplenem ia se bae hem i mas finisim proteksen trening blong ol pikinini mo ol yut. Trening ia, i stap insaed long ProtectingChildren.ChurchofJesusChrist.org. Memba i mas komplitim trening ia bifo wan manis i pas afta we oli sastenem hem, mo afta, hem i mas tekem trening ia wan taem evri tri yia.

30.3

Stap Sastenem Ol Memba long Ol Koling

Olgeta we oli singaotem olgeta long plante long ol posisen blong Jos, oli mas presentem olgeta blong oli sastenem olgeta bifo oli stat blong givim seves (luk long Doktrin mo Ol Kavenan 28:13; 42:11). Taem oli sastenem olgeta we oli singaotem olgeta blong givim seves, ol memba oli stap promes blong givim sapot, mo tu, se oli glad blong help.

Jat blong Ol Koling i soem sapos i nidim blong oli sastenem mo hu i tekpat long sastening ia (luk long 30.8). Lida ia we i lukluk ova long wok blong givim koling ia, o wan prishud lida we hem i givim raet long hem, i presentem memba ia long kongregesen blong oli sastenem hem.

Hem we i kondaktem sastening ia, faswan, i anaonsem huia i bin rilis long posisen ia, (sapos i gat wan). Afta, hem i Invaetem ol memba blong talem tangkyu long seves blong memba ia (luk long 30.6).

Taem oli presentem wan blong oli sastenem hem, wan prishud lida we oli givim raet long hem, i askem memba ia blong stanap. Lida ia i save yusum ol toktok olsem:

“[Nem], oli singaotem hem blong kam [nem blong posisen]. Olgeta we oli glad blong sastenem hem, oli save leftemap han blong olgeta. [Stop smol taem.] Olgeta we oli no agri, sapos i gat, oli save soem tu. [Stop smol taem.]”

Memba ia we oli presentem hem, hem tu i mas tekpat long sastening ia. Sapos oli stap presentem moa long wan man, bae oli sastenem olgeta olsem wan grup.

Sapos wan memba we i stap gud insaed long Jos i agensem koling ia, prisaeding lida o wan nara prishud lida we oli givim wok ia long hem i mit wetem hem long wan praevet miting afta long miting. Lida ia i traem blong andastanem from wanem oli agensem memba ia. Hem i askem sapos memba ia i save abaot wan aksen o fasin we i save mekem hem we oli sastenem hem i no kwalifae blong stap long posisen ia. Sapos memba we i agens i no save abaot wan aksen o fasin olsem, nao oli leftemap tingting blong hem blong sastenem mo sapotem nara memba long koling blong hem.

Olgeta memba we oli stap gud insaed long Jos nomo oli save tekpat blong sastenem ol nara memba. Be, sapos i gat wan we i no memba, o i gat wan memba we i no stap gud insaed long Jos, i gat sam tingting o wari abaot aksen we i tekem ples, hem i save serem ol tingting mo wari blong hem wetem bisop o stek presiden long wan praevet ples afta long miting.

30.4

Stap Setem Apat Ol Memba blong Givim Seves long Ol Koling

Olgeta we oli singaotem olgeta long plante long ol posisen blong Jos, bae oli mas setem apat olgeta. Jat blong Ol Koling i soem se huia nao bae i setem apat olgeta ia (luk long 30.8). Plante taem, hemia i hapen afta we oli sastenem ol memba, mo bifo oli stat blong givim seves.

Blong setem apat wan memba long wan koling, i minim blong givim hem atoriti ia blong mekem samting insaed long koling ia (luk long 3.4.3.1). Insaed long taem blong setem apat wan, i gat wan blesing mo ol promes olsem we Spirit i lidim man blong talem. Blong kasem moa infomesen, luk long 18.11.

wan woman we i stap kasem wan prishud blesing

30.5

Ol Yia blong Seves

Sapos i posibol, ol lida oli letem ol memba blong givim seves long ol koling blong olgeta longtaem inaf blong oli bildimap ol strong rilesensip wetem olgeta we oli givim seves long olgeta. Ol memba oli nidim taem tu blong lanem ol responsabiliti blong olgeta, mo blong groap insaed long ol responsabiliti ia blong olgeta. Hemia i impoten tumas blong ol lida blong ol yut mo ol pikinini, mo tu, blong ol presiden blong Rilif Sosaeti mo kworom blong ol elda. Gudfala taem blong givim seves blong ol lida i stap jenis, be tu kasem faef yia, i wan gudfala taem.

30.6

Stap Rilisim Ol Memba long Ol Koling blong Jos

Long plante kes, oli stap rilisim ol memba long ol koling taem we Lod i givim insperesen long ol lida ia blong rilisim olgeta. Samfala memba, olsem ol stek mo ol misin presiden, plante taem oli stap rilisim olgeta afta wan taem we oli putum finis i stap. Wan i save rilis from sam narafala risen, olsem sam praevet situesen, o from sam famli situesen.

Taem wan presiden o wan bisop i rilis, ol kaonsela blong hem tu oli rilis semtaem. Ol narawan we oli holem ol posisen long oganaesesen, olsem ol klak, ol sekretari, mo ol tija, oli no rilis long semtaem.

Ol rilis long ol koling blong Jos ia, wan wetem semfala atoriti level we i givimaot koling, i mekem rilis. Eksampol: sapos wan memba blong bisoprik i givimaot koling, wan memba blong bisoprik i givimaot rilis.

Blong givimaot rilis i wan impoten janis blong wan lida blong talemaot tangkyu mo blong luksave han blong God insaed long seves blong memba ia. Lida ia i mit wetem memba hemwan, blong talemaot long hem se bae hem i rilis, hemia bifo oli anaonsem long pablik. Hem i save jusum blong invaetem memba ia blong serem wanem we hem i bin lanem taem hem i bin givim seves long koling ia. Olgeta nomo we oli nidim blong save, oli talemaot olgeta abaot wan rilis bifo oli anaonsem.

Wan prishud lida we i gat raet, i mekem anaonsmen blong rilis ia long semfala wei we oli bin sastenem hem. Lida i save yusum ol toktok olsem ia:

“[Nem], oli rilis hem olsem [nem blong posisen]. Olgeta we oli glad blong talem tangkyu long hem from seves blong hem, oli save leftemap han blong olgeta.”

Lida i no askem sapos wan i agens.

30.7

Stap Singaotem, Odenem, mo Setem Apat Ol Bisop

Stek presidensi i givim nem blong ol brata we bae oli singaotem olgeta, o bae oli rilisim olgeta olsem ol bisop. Oli sendem ol rekomendesen ia i go long Fas Presidensi tru long Ol Risos blong Ol Lida mo Klak (RLK). Wan memba blong stek presidensi, wan klak, o eksekutiv sekretari i save rere long rekomendesen ia. Be, stek presiden nomo i save sendem i go.

Ol responsabiliti blong bisop, oli impoten tumas (luk long 7.1). I nidim wan man we i stap strong mo stap tru, we i gat ol klin fasin, we i strong long saed blong spirit, mo i fetful long Sevya. Stek presidensi i askem konfemesen long Spirit abaot huia blong sendem nem blong hem i go. Taem we oli stap sendem nem blong wan man i go blong hem i givim seves olsem wan bisop, oli luklukgud long 1 Timoti 3:2–7. Oli no askem tingting blong ol memba blong wod. Oli givim sam moa infomesen abaot ol kwalifikesen blong wan bisop insaed long RLK.

Bifo stek presiden i singaotem wan niu bisop, hem i mas kasem apruvol blong Fas Presidensi long raeting. Wetem apruvol ia, stek presiden i save odenem mo setem apat wan bisop afta we ol memba blong wod oli sastenem hem long wan sakramen miting. I nidim apruvol blong Fas Presidensi tu, bifo wan stek presiden i rilisim wan bisop. Stek presiden i no save givimaot ol responsabiliti ia long wan narawan.

Sapos oli singaotem wan man blong i kam bisop be hem i no wan hae pris yet, bae stek presiden i meksua se oli mas odenem hem i kam hae pris bifo oli odenem hem olsem wan bisop. Sapos oli bin odenem man ia olsem wan bisop bifo, hem i nidim nomo blong oli setem hem apat olsem wan bisop blong wod. Sapos ol man we oli singaotem olsem ol kaonsela blong bisop, oli no ol hae pris, nao bae oli odenem olgeta oli kam hae pris bifo oli setem olgeta apat.

Afta we Fas Presidensi i apruvum nem blong wan man blong i stap olsem wan bisop, oli save givim raet long wan stek presiden blong odenem hem mo setem hem apat. Stek presiden:

1. I singaotem man ia long ful nem blong hem.

2. I talem se hem i stap mekem wok ia wetem atoriti blong Melkesedek Prishud.

3. I odenem man ia i kam wan bisop (be nomo sapos oli bin odenem hem finis i kam wan bisop).

4. I setem hem apat blong i prisaed ova long wod, mo blong i stap olsem presiden blong Aronik Prishud mo kworom blong ol pris, mo i talem bigwan ol responsabiliti blong hem long Aronik Prishud mo long ol yang woman insaed long wod (luk long 7.1.2).

5. I givim long hem evri ki, raet, paoa, mo atoriti blong ofis blong wan bisop, i talem ol spesifik diuti blong wan bisop olsem wan jeneral jaj long Isrel, mo tu, olsem prisaeding hae pris insaed long wod (luk long 7.1.1 mo 7.1.3).

6. I givim ol toktok blong blesing olsem we Spirit i lidim hem blong mekem.

7. I endem long nem blong Jisas Kraes.

Wan Eria Seventi, o wan Jeneral Atoriti i save singaotem wan bisop tu, i save odenem hem, mo i save setem hem apat wetem apruvol blong Fas Presidensi.

30.8

Jat blong Ol Koling

Jat ia i tekem wan lis blong samfala koling long wod mo stek. Long saed blong ol nara koling mo janis blong givim seves, oli tokbaot olgeta long ol nara ples insaed long hanbuk ia.

Wan wod o wan stek i no nid blong fulumap evri koling we i stap long lis insaed long jat ia. Ol lida oli faenemaot wijwan koling blong fulumap folem ol nid blong yunit, mo folem hamas pipol i stap we oli save givim seves.

30.8.1

Ol Koling long Wod

Koling	Hu I Sendem Nem	Hu I Apruvum	Hu I Sastenem1	Hu I Singaotem mo Setem Apat
Koling Bisop2	Hu I Sendem Nem Stek presidensi, i yusum RLK	Hu I Apruvum Fas Presidensi mo Kworom blong Olgeta Twelef Aposol	Hu I Sastenem1 Ol memba blong wod	Hu I Singaotem mo Setem Apat Stek presiden afta we hem i kasem apruvol we i kam long Fas Presidensi (luk long 30.7)
Koling Ol kaonsela insaed long bisoprik2	Hu I Sendem Nem Bisop	Hu I Apruvum Stek presidensi mo hae kaonsel	Hu I Sastenem1 Ol memba blong wod	Hu I Singaotem mo Setem Apat Stek presiden o wan kaonsela we oli givim wok ia long hem
Koling Wod klak (mo ol asisten wod klak sapos i nid)	Hu I Sendem Nem Bisoprik	Hu I Apruvum Stek presidensi mo hae kaonsel	Hu I Sastenem1 Ol memba blong wod	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem
Koling Wod eksekutiv sekretari (mo asisten wod eksekutiv sekretari sapos i nid)	Hu I Sendem Nem Bisoprik	Hu I Apruvum Stek presidensi mo hae kaonsel	Hu I Sastenem1 Ol memba blong wod	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem
Koling Ol presiden blong kworom blong ol elda	Hu I Sendem Nem Stek presidensi (afta we oli toktok wetem bisop)	Hu I Apruvum Stek presidensi mo hae kaonsel	Hu I Sastenem1 Ol memba blong wod	Hu I Singaotem mo Setem Apat Stek presiden
Koling Ol kaonsela insaed long presidensi blong kworom blong ol elda	Hu I Sendem Nem Presiden blong Kworom (afta we oli toktok wetem bisop)	Hu I Apruvum Stek presidensi mo hae kaonsel	Hu I Sastenem1 Ol memba blong wod	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem
Koling Ol nara koling long kworom blong ol elda	Hu I Sendem Nem Ol kworom presidensi	Hu I Apruvum Bisoprik	Hu I Sastenem1 Ol memba blong kworom (we kworom presiden o wan kaonsela we i kasem wok ia, i presentem long wan miting blong kworom)	Hu I Singaotem mo Setem Apat Presiden blong Kworom o wan kaonsela we i kasem wok ia
Koling Wod oganaesesen presiden (Rilif Sosaeti, Ol Yang Woman, Praemeri, mo Sandei Skul)	Hu I Sendem Nem Bisoprik	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop
Koling Ol kaonsela insaed long wod oganaesesen presidensi	Hu I Sendem Nem Oganaesesen presiden	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Ol nara wod Rilif Sosaeti, Yang Woman, Praemeri, mo Sandei Skul koling	Hu I Sendem Nem Oganaesesen presidensi	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Wod misin lida (wan memba blong presidensi blong kworom blong ol elda i save mekem wok ia; sapos i olsem, i no nid blong oli singaotem, sastenem, o setem hem apat seperet)	Hu I Sendem Nem Bisoprik (afta we hem i toktok wetem presiden blong kworom blong ol elda mo Rilif Sosaeti presiden)	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop mo wan kaonsela we hem i givim wok ia long hem
Koling Wod misinari	Hu I Sendem Nem Bisoprik o presiden blong kworom blong ol elda mo presiden blong Rilif Sosaeti	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Wod tempol mo famli histri lida (wan memba blong presidensi blong kworom blong ol elda i save mekem wok ia; sapos i olsem, i no nid blong oli singaotem, sastenem, o setem hem apat seperet)	Hu I Sendem Nem Bisoprik (afta we hem i toktok wetem presiden blong kworom blong ol elda mo Rilif Sosaeti presiden)	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Wod tempol mo famli histri konsalten	Hu I Sendem Nem Bisoprik o presiden blong kworom blong Ol elda mo presiden blong Rilif Sosaeti	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Ol asisten long presiden blong kworom blong ol pris	Hu I Sendem Nem Bisop (olsem presiden blong kworom blong ol pris)	Hu I Apruvum Bisoprik	Hu I Sastenem1 Ol memba blong kworom (we bisop o wan kaonsela we hem i givim wok ia long hem i presentem long wan kworom miting)	Hu I Singaotem mo Setem Apat Bisop
Koling Ol tija mo ol presiden blong kworom blong ol dikon	Hu I Sendem Nem Bisoprik	Hu I Apruvum Bisoprik	Hu I Sastenem1 Ol memba blong kworom (we bisop o wan kaonsela we hem i givim wok ia long hem i presentem long wan kworom miting)	Hu I Singaotem mo Setem Apat Bisop o wan kaonsela we oli givim wok ia long hem, i singaotem hem; bisop i setem hem apat
Koling Ol kaonsela insaed long presidensi blong kworom blong ol tija mo ol dikon, mo ol sekretari blong ol kworom	Hu I Sendem Nem Presiden blong kworom	Hu I Apruvum Bisoprik	Hu I Sastenem1 Ol memba blong kworom (we bisop o wan kaonsela we hem i givim wok ia long hem i presentem long wan kworom miting)	Hu I Singaotem mo Setem Apat Bisop mo wan kaonsela we hem i givim wok ia long hem
Koling Yang Woman klas presiden	Hu I Sendem Nem Bisoprik (afta we hem i toktok wetem presidensi blong Ol Yang Woman)	Hu I Apruvum Bisoprik	Hu I Sastenem1 Ol memba blong klas (bisop o wan kaonsela we hem i givim wok ia long hem i presentem long wan Yang Woman miting)	Hu I Singaotem mo Setem Apat Bisop o wan kaonsela we oli givim wok ia long hem
Koling Ol kaonsela insaed long presidensi blong klas blong Ol Yang Woman, mo ol klas sekretari	Hu I Sendem Nem Klas presiden	Hu I Apruvum Bisoprik	Hu I Sastenem1 Ol memba blong klas (bisop o wan kaonsela we hem i givim wok ia long hem i presentem long wan Yang Woman miting)	Hu I Singaotem mo Setem Apat Bisop o wan kaonsela we oli givim wok ia long hem
Koling Wod welfea mo indipenden laef speselis sapos i nid	Hu I Sendem Nem Bisoprik	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Wod risos senta speselis sapos i nid	Hu I Sendem Nem Sandei Skul presiden	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Wod miusik kodineta	Hu I Sendem Nem Bisoprik	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem
Koling Ol nara koling long wod	Hu I Sendem Nem Bisoprik	Hu I Apruvum Bisoprik	Hu I Sastenem1 Ol memba blong wod	Hu I Singaotem mo Setem Apat Bisop o wan kaonsela we hem i givim wok ia long hem

1. Long sam situesen nomo we i no hapen oltaem, wan memba blong wod i save statem seves blong hem long wan koling bifo oli sastenem hem. Taem hemia i hapen, wan memba blong bisoprik i presentem hem blong oli mekem i kam ofisol, kwiktaem olsem we i posibol. Hem i adaptem rod we i stap long 30.3. Hemia i givim tu wan janis blong ol memba blong wod blong vot agens sapos oli wantem.

2. Olgeta we oli stap mekem siling, oli no mas singaotem olgeta blong givim seves long ol bisoprik. Olgeta we oli stap mekem ol siling, oli singaotem olgeta anda long daereksen blong Presiden blong Jos.

Sandei Skul klas

30.8.2

Ol Koling long Branj

Koling	Hu I Sendem Nem	Hu I Apruvum	Hu I Sastenem	Hu I Singaotem mo Setem Apat
Koling Branj presiden1	Hu I Sendem Nem Stek, misin, o distrik presidensi	Hu I Apruvum Stek Presidensi mo hae kaonsel o misin presidensi	Hu I Sastenem Ol memba blong branj	Hu I Singaotem mo Setem Apat Stek, misin presiden (o distrik presiden sapos oli givim wok ia long hem)
Koling Ol kaonsela insaed long branj presidensi1	Hu I Sendem Nem Branj presiden	Hu I Apruvum Stek presidensi mo hae kaonsel, o misin presidensi, (o, taem we misin presiden i givim raet, bae hem i distrik presidensi)	Hu I Sastenem Ol memba blong branj	Hu I Singaotem mo Setem Apat Stek , misin, o distrik presiden o wan kaonsela we oli givim wok ia long hem
Koling Branj klak, asisten klak, mo eksekutiv sekretari	Hu I Sendem Nem Branj presidensi	Hu I Apruvum Stek presidensi mo hae kaonsel, o misin presidensi, (o, taem we misin presiden i givim raet, bae hem i distrik presidensi)	Hu I Sastenem Ol memba blong branj	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem (blong ol branj insaed long ol stek); distrik presiden o wan prishud lida we hem i givim wok ia long hem (blong ol branj insaed long ol misin)
Koling Presiden blong kworom blong ol elda	Hu I Sendem Nem Presidensi blong stek, distrik o misin (afta we oli toktok wetem branj presiden)	Hu I Apruvum Stek presidensi mo hae kaonsel, o misin presidensi, (o, taem we misin presiden i givim raet, bae hem i distrik presidensi)	Hu I Sastenem Ol memba blong branj	Hu I Singaotem mo Setem Apat Stek, misin presiden (o distrik presiden sapos oli givim wok ia long hem)
Koling Ol kaonsela insaed long presidensi blong kworom blong ol elda	Hu I Sendem Nem Presiden blong kworom (afta we oli toktok wetem branj presiden)	Hu I Apruvum Stek presidensi mo hae kaonsel, o misin presidensi, (o, taem we misin presiden i givim raet, bae hem i distrik presidensi)	Hu I Sastenem Ol memba blong branj	Hu I Singaotem mo Setem Apat Stek, o misin presiden, o wan kaonsela we i kasem wok ia, o wan hae kaonsela (o distrik presiden o wan nara prishud lida sapos oli givim wok ia long hem)
Koling Ol nara koling long branj	Hu I Sendem Nem Luk long 30.8.1, mo riplesem branj presiden wetem bisop, mo branj wetem wod.				Hu I Apruvum Luk long 30.8.1, mo riplesem branj presiden wetem bisop, mo branj wetem wod.				Hu I Sastenem Luk long 30.8.1, mo riplesem branj presiden wetem bisop, mo branj wetem wod.				Hu I Singaotem mo Setem Apat Luk long 30.8.1, mo riplesem branj presiden wetem bisop, mo branj wetem wod.

1. Olgeta we oli stap mekem siling insaed long tempol, oli no mas singaotem olgeta blong givim seves long ol branj presidensi. Olgeta we oli stap mekem ol siling, oli singaotem olgeta anda long daereksen blong Presiden blong Jos.

30.8.3

Ol Koling long Stek

Koling	Hu I Sendem Nem	Hu I Apruvum	Hu I Sastenem1	Hu I Singaotem mo Setem Apat
Koling Stek presiden2	Hu I Sendem Nem Wan Jeneral Atoriti o Eria Seventi we i kasem wok ia	Hu I Apruvum Wan Jeneral Atoriti o Eria Seventi we i kasem wok ia	Hu I Sastenem1 Ol memba insaed long stek konfrens	Hu I Singaotem mo Setem Apat Wan Jeneral Atoriti o Eria Seventi we i kasem wok ia
Koling Ol kaonsela insaed long wan niu stek presidensi2	Hu I Sendem Nem Stek presiden	Hu I Apruvum Wan Jeneral Atoriti o Eria Seventi we i kasem wok ia	Hu I Sastenem1 Ol memba insaed long stek konfrens	Hu I Singaotem mo Setem Apat Wan Jeneral Atoriti o Eria Seventi we i kasem wok ia
Koling Niu kaonsela insaed long wan stek presidensi we i stap2	Hu I Sendem Nem Stek presiden, i yusum RLK	Hu I Apruvum Fas Presidensi	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden, afta we hem i kasem apruvol we i kam long Fas Presidensi
Koling Stek klak (mo ol asisten stek klak sapos i nid)	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden o wan kaonsela we oli givim wok ia long hem
Koling Stek eksekutiv sekretari (mo asisten stek eksekutiv sekretari sapos i nid)	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden o wan kaonsela we oli givim wok ia long hem
Koling Ol Hae kaonsela	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden o wan kaonsela we oli givim wok ia long hem
Koling Stek petriak, wetem wan petriak we oli bin odenem finis long wan nara stek	Hu I Sendem Nem Stek presidensi, i yusum RLK	Hu I Apruvum Kworom blong Olgeta Twelef	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden, afta we hem i kasem raet we i kam long Kworom blong Olgeta Twelef Aposol; o wan memba blong Fas Presidensi, o blong Kworom blong Olgeta Twelef Aposol
Koling Stek Rilif Sosaeti presiden	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden
Koling Stek Yang Woman mo Praemeri presiden	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden o wan kaonsela we oli givim wok ia long hem
Koling Ol Stek Yang Man mo Ol Sandei Skul presiden	Hu I Sendem Nem Stek presidensi i save singaotem ol hae kaonsela blong fulumap ol posisen ia.	Hu I Apruvum Stek Presidensi mo hae kaonsel	Hu I Sastenem1 Ol memba insaed long stek konfrens (oli mas sastenem olgeta olsem hae kaonsela, mo tu, olsem ol presiden blong ol oganaesesen ia)	Hu I Singaotem mo Setem Apat Stek presiden o wan kaonsela we oli givim wok ia long hem (oli mas singaotem mo setem apat olgeta, olsem hae kaonsela, mo tu, olsem presiden blong ol oganaesesen ia)
Koling Ol kaonsela insaed long ol stek oganaesesen presidensi, ol sekretari, mo ol narawan sapos i nid	Hu I Sendem Nem Presiden blong oganaesesen blong stek (afta we oli toktok wetem hae kaonsela we oli givim wok ia long hem)	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem
Koling Ol stek odita	Hu I Sendem Nem Jeaman blong stek odit komiti (kaonsela insaed long stek presidensi)	Hu I Apruvum Stek presidensi mo hae kaonsel	Hu I Sastenem1 Oli no sastenem	Hu I Singaotem mo Setem Apat Stek presiden o wan kaonsela we oli givim wok ia long hem (stek presiden i disaed se i nid blong gat wan set apat o nogat)
Koling Ol stek seminari mo institiut tija mo supavaesa sapos i nid	Hu I Sendem Nem Stek presidensi (afta we oli toktok wetem bisop mo seminari mo institiut ripresentativ)	Hu I Apruvum Stek Presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem
Koling Stek welfea mo indipenden laef speselis sapos oli nidim	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem
Koling Stek komunikesen daerekta, ol asisten daerekta, mo ol speselis	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem
Koling Ol nara koling blong stek3	Hu I Sendem Nem Stek presidensi	Hu I Apruvum Stek presidensi mo hae kaonsel	Hu I Sastenem1 Ol memba insaed long stek konfrens	Hu I Singaotem mo Setem Apat Stek presiden, o wan kaonsela, o wan hae kaonsela we oli givim wok ia long hem

1. Taem we, olsem wan eksepsen, ol niu stek ofisa oli nid blong statem seves blong olgeta bifo long nekis stek konfrens, oli mas sastenem olgeta long ol sakramen miting. Ol sastening olsem, oli no mas mekem oltaem. Wan memba blong stek presidensi, o hae kaonsel i presentem olgeta blong oli sastenem olgeta.

   Long sam situesen we i no hapen oltaem, bae i nid blong wan memba blong stek i statem seves blong hem bifo oli save sastenem hem long wan stek konfrens o long ol sakramen miting. Taem hemia i hapen, bae oli presentem hem blong oli mekem i ofisol, kwiktaem olsem we i posibol, mo oli jenisim rod blong hemia olsem we oli talem long 30.3. Hemia tu, i givim wan janis blong ol memba blong stek blong vot agens sapos oli wantem.

2. Olgeta we oli stap mekem siling insaed long tempol, oli no mas singaotem olgeta blong givim seves insaed long ol stek presidensi. Olgeta we oli stap mekem ol siling, oli singaotem olgeta anda long daereksen blong Presiden blong Jos.

3. Stek aktiviti komiti jea (sapos i nid) mo stek bilding ripresentativ, stek presidensi nao i givimaot wok ia, aot long hae kaonsel. Oli no singaotem, sastenem, o setem apat olgeta.

wan kapol i stap toktok long bisop

30.8.4

Ol Koling long Distrik

Koling	Hu I Sendem Nem	Hu I Apruvum	Hu I Sastenem	Hu I Singaotem mo Setem Apat
Koling Distrik presiden1	Hu I Sendem Nem Misin presiden	Hu I Apruvum Eria Presidensi	Hu I Sastenem Ol Memba insaed long distrik konfrens	Hu I Singaotem mo Setem Apat Misin presiden
Koling Ol kaonsela insaed long distrik presidensi1	Hu I Sendem Nem Distrik presiden	Hu I Apruvum Misin presidensi	Hu I Sastenem Ol Memba insaed long distrik konfrens	Hu I Singaotem mo Setem Apat Presiden blong misin o wan kaonsela we i kasem wok ia
Koling Distrik kaonsela	Hu I Sendem Nem Distrik presiden	Hu I Apruvum Misin presidensi (o, taem we misin presiden i givim raet, bae hem i distrik presidensi)2	Hu I Sastenem Ol Memba insaed long distrik konfrens	Hu I Singaotem mo Setem Apat Misin presiden o wan kaonsela we i kasem wok ia (o, taem we misin presiden i givim raet, bae hem i distrik presiden o wan kaonsela we i kasem wok ia)2
Koling Ol nara koling long distrik	Hu I Sendem Nem Luk long 30.8.3, mo riplesem distrik presiden wetem stek presiden, mo distrik wetem stek.				Hu I Apruvum Luk long 30.8.3, mo riplesem distrik presiden wetem stek presiden, mo distrik wetem stek.				Hu I Sastenem Luk long 30.8.3, mo riplesem distrik presiden wetem stek presiden, mo distrik wetem stek.				Hu I Singaotem mo Setem Apat Luk long 30.8.3, mo riplesem distrik presiden wetem stek presiden, mo distrik wetem stek.

1. Olgeta we oli stap mekem siling insaed long tempol, oli no mas singaotem olgeta blong givim seves insaed long ol distrik presidensi. Olgeta we oli stap mekem ol siling, oli singaotem olgeta anda long daereksen blong Presiden blong Jos.

2. Long ol eria we i nogat ol misin, Eria Presidensi i mekem wok ia.

30.8.5

Ol Koling blong Grup blong Ol Memba blong Ami

Koling	Hu I Sendem Nem	Hu I Apruvum	Hu I Sastenem	Hu I Singaotem mo Setem Apat
Koling Grup lida blong ol memba long ami	Hu I Sendem Nem Wan Ol Lata-dei Sent japlen, daerekta blong Ol Militeri Rilesen, o grup lida we i stap finis	Hu I Apruvum Bisop, o branj presiden, mo stek o misin presiden (insaed long homwod blong memba, o insaed long hombranj, mo stek, o misin)	Hu I Sastenem Ol memba blong grup	Hu I Singaotem mo Setem Apat Stek presiden o misin presiden, o wan ripresentativ we oli jusumaot (i save wok sapos oli no setem apat sapos i nid)
Koling Ol asisten blong grup lida blong ol memba long ami	Hu I Sendem Nem Grup lida	Hu I Apruvum Bisop, o branj presiden, mo stek o misin presiden (insaed long homwod blong memba, o insaed long hombranj, mo stek, o misin)	Hu I Sastenem Ol memba blong grup	Hu I Singaotem mo Setem Apat Stek presiden o misin presiden, o wan ripresentativ we oli jusumaot (i save wok sapos oli no setem apat sapos i nid)