“19. Te Anene,” Aeniboki ni Kabuta: Te beku n Ana Ekaretia Iesu Kristo ibukiia Aika Itiaki ni Boong aika Kaitira (2024).
“19. Anene,” Aeniboki ni Kabuta.
Tamnei
te aine ao te ataei a katanga te biano
19.
Anene
19.1
Te Kantaninga n te Anene n te Ekaretia
Inanon te kaotioti nakon te burabeti Iotebwa Timiti, e taku te Uea, “Bwa e kimwareirei tamneiu n te anene man te nano; eng, aia anene naake a raoiroi bon te tataro nakoiu, ao e na kaekaaki ma te kakabwaia i aon atuia” (Reirei ao Berita aika Tabu 25:12). E taku naba bwa, “Naake a raraoi … a na nako nakon Tion, n anenea anenen te kimwareirei ae akea tokina” (Reirei ao Berita aika Tabu 45:71).
Anene aika a tabu a karikirakea ara onimaki iroun Iesu Kristo. E karokoa te Tamnei ae raoiroi ao e anganiira reirei. E karekea naba te namakin ni karinerine, e katiteuanaia membwa, ao e anga te kawai ibukin neboan Tamara are i Karawa ao Iesu Kristo.
19.2
Anene n te Mweenga
E a tia te Uea, rinanoia Ana burabeti ni kaungaia aomata ma utu bwa a na kabonganai anene aika a na karekea te ungannano inanon maiuia n te bong koraki. Te anenene ma te ongongora nakon anene aika a tabu a kona ni karokoa tamnein te tamaroa ao te rau. E kona ni karikirakea te tangira ao te ikoikotaki irouia kaain te utu. Anene n taromauri a kona ni buokiia aomata n tatabemaniia ni karekea te ungannano ao te konabwai ni kaitarai kariiri.
A kona n reke anene aika tia n raweaki man te Ekaretia inanon taian apps aikai:
E a tia te Ekaretia ni katauraoi bwaai n ibuobuoki ni buokiia aomata n tatabemaniia ao utu n reiakinii aron anene n te aro ae bebete. A kona ni kuneaki inanon music.ChurchofJesusChrist.org (taraa naba 19.6). Karikirakean rabakau n anene e karakai riki aanga ibukiia membwa ni karaoi aia beku ni mweengaia ao inanon te Ekaretia.
19.3
Anene inanon Bootaki n te Ekaretia
Anene aika a tabu bon teuana mwakoron bootakin te toa ae e rangi ni kakawaki n ikotaki ma bootakin te Ekaretia riki tabeua. Iai korakorana ni karokoa te Tamnei ae Raoiroi, ao ni kairiia aomata n tatabemaniia ni kaaniia ma te Atua. “Tabeua mai buakon kabwarabwara aika a nang tamaroa a bon taekinaki rinanon anene n taromauri.” (Taraa Anene n Taromauri, ix.)
19.3.1
Babairean Anene ibukin te Taromauri n te Ekaretia
A kaai ni babaire taan kaira aron te anene inanon uoote ao titeiki ma taan kairiri n te nakoanibonga ibukin katangitang ake a na kabonganaaki n tain te nebonebo. A rinei anene ae e na buoka karokoan te tamnei n nebonebo inanon tain te taromauri.
A kabonganaaki anene n taromauri ibukiia kaain te taromauri inanon tain te nebonebo. A konaa naba ni kabonganaaki anene n taromauri ao tabeua riki anene aika a tabu ake a rineaki ibukin anene ni kaukuuki ao ni kainiin, te kuaea, ao anga reirei mairoun temanna ke man kurubu aika uarereke. A riai anene ni kabane n ana bootaki te Ekaretia ni uota namakinan te tamnei n nebonebo iroun Tamara are i Karawa ao Iesu Kristo, ao n aki karaoaki bwa te tai ni kaoti taarena imataia aomata.
A riai anene ni kaineti ma te tamnei n nebonebo are e namakinaki n tain te anene n taromauri. A riai n reiakina te Euangkerio ma te mwaaka ao te ota raoi.
Anene aika a tabu ae a koreaki ke n aneneaki n tein katangitang aika a kakaokoro a konaa ni buoka ikotakiia aomata ake a roko n taromauri. Taan kaira te anene ao taan kairiri n te nakoanibonga a konaa ni karinii tein nako anene ae e na kaineti nakoia membwa aika a kakaokoro aroia.
19.3.2
Anene inanon te Bootaki n Toa
A bootaki membwa inanon tain te toa ni kauringa iai Iesu Kristo n tauakin te toa. A bootaki ni karikirakea te onimaki ao te kaoti koaua ao n neboa Tamara are i Karawa ao Iesu Kristo. A riai n rineaki anene ni buoka karekean kaantaninga aikai.
Anene inanon tain te Toa e bon rin iai anene n taromauri ni kauka ao ni kaina te bootaki ao imwain kabutan te toa. Anene n taromauri a karekea te anga ni botiia membwa ngkai a bane ni ikotaki n nebonebo. A riai anenen te toa ni bon kaeti nakon te bootaki n toa ke nakon ana anga karea te Tia Kamaiu. Ibukin rongorongona riki tabeua, taraa “Anene ibukin Bootaki n Taromauri,” Anene n Taromauri,, 380–81.
E katangaki katangtang aika a kimototo ngkai a ikotaki membwa imwain te taromauri. Te kaantaninga iai bwa e na karekea te nano n nebonebo ni kaoa te Tamnei ae Raoiroi. Imwiin te tataro ni kainiin, ao e a kanakoaki te anene n tii te bwai ni katangitang inanon te tai are a otinako iai membwa. Anene n taromauri ma tabeua riki katangitang aika a tabu a konaa ni rineaki ibukin anene ni kaukuuki ao ni kainiin.
E konaa te bootaki n toa ni karina te kuna n taromauri ae e na aneneaki i nuukan tain te bootaki—te katooto , imarenan taian maroro . Ke ni konaa ni karina teuana ke e raka riki tabeua anene aika a rineaki. Aikai e konaa ni karaoaki irouia kaain te kuaea (taraa 19.3.7), ni bwanaana ke n te katangitang, ke kurubu aika a uarereke. E aki konaa n karikaki te bootaki n toa bwa e na karaoaki irouia kurubu n anene mai tinaniku.
Te biano, aokan, ao tabeua riki bwaai ni katangitang aika a kariaiakaki iroun te bitiobiriki a konaa ni kabonganaaki n irii anene n taromauri ake a aneneaki n tain te toa (taraa 19.3.6).
Taan kaira te anene ao bitiobiriki a kataia ni kakaea te baeranti imarenan anene n taromauri are e tataneiai riki te aba ma ngaia ao ake a tuai. E konaa rineakin anene ake a uotakirakeaki irouia kaain te kuaea n te uoote ke tabeman riki ni buokiia membwa n kataneiaia riki ma anene n taromauri ake aki rangi n ataaki.
19.3.3
Anene n tain te Kiraati ao Tabeua riki Boowin te Uoote
Aneneakin anene n taromauri e na kona n riki bwa te kawai ae tamaroa ni kabwarabwaraan ke kamatoaan moan tua n te euangkerio. Taan kairiri a kaungaiia tia reirei ni kabonganai anene n taromauri ao tabeua riki anene aika a tabu ni kanakoraoa riki aia anga reirei.
Boowi inanon taian kooram ao kiraati aki taneiai ni moan waaki ma te anene ni kaukuuki n te taromauri.
19.3.4
Anene n Ana Maungatabu te Titeiki
Anene ibukin te maungatabu n te titeiki a na baireaki bwa a na kakorakora te onimaki ao te koaua. E riai n irii reirei inanon 19.3.1. E na rinanoi ni kabane anene aika a rineaki ao ni uotakirakeaki te tia tararua are e kariaiakaki inanon tain te babaire.
Angiin te tai anene ibukin ana maungatabu te titeiki e rin naba iai anene n taromauri ao tabeua riki anene aika a rineaki man te kuaea, temanna te tia anene, ke kurubu aika a uarereke. A taneiai taan taromauri n anenei anene n taromauri i nuukan te taromauri. A konaa beretitenti n titeiki ni kariaia te kaai temanna n anene ao n iraki ma bwain katangitang irarikin te biano ke te aokan (taraa 19.3.6).
19.3.5
Katangitang ake Tabeua inanon te Umwantabu
E kona ni kabonganaaki te umwantabu ibukin bobotaki iaon kaotan te katei ae e raonaki ni katangitangin te aba, n aron taian kaotioti, kaotan tarena ao tabeua riki kanoa n anga reirei. Ngkai e aki rangi ni kaungaaki te uboubo ni kukurei inanon tain waakin te nebonebo, e kona n nakoraoi riki nakon bootaki n aron aikai.
Taan kairiri n te nakoanibonga n taabo a kaekai titiraki iaon waaki ni kakukurei ae kaota katein te aba are e karaoaki inanon te umwantabu. Taraa 35.5 ibukin rongorongon kabonganaan autinibootaki aika a riai.
19.3.6
Bwaai ni Katangitang
A kona ni katangaki katangtangi aika a bon tau ibukin te kaukuuki ao ni kainiin ao ni kaairaki ma anene n taromauri inanon tain te Botaki n taromauri. Ngkana iai taan katangitang irouia membwa aika tauraoi, ao ana kona ni katang aokan ma biano are bon bwaai ni katangitang aika tia ni baireaki. E konaa te bitiobiriki ni kariaia kabonganaakin bwaai ni katangitang tabeua bwa e na raon aia anene taan taromauri, ao ibukin anene ni kaukuuki ao ni kainiin ao tabeua riki katangitang aika a rineaki.
A riai bwaai ni katangitang ni uota te namakin n nebonebo ao ni kona ni katangaki ni kateimatoaa te tamnei ae raoiroi inanon bootaki.
A konaa ni kabonganaaki katangtang ake a raweaki ngkana arona bwa e aki tauraoi te biano, te aokan, ke te tia katang bwaai ni katangitang (taraa 19.2).
19.3.6.1
Karekean Bwaai Ni Katangitang
Ana kateitei te Ekaretia a taneiai ni karekeaki aia aokan, biano, ke bwaai ni katangitang ake a maiu man te iti. A konaa taan kairiri n reitaki ma manatia ibukin kateitei ibukin rongorongo iaon karekean bwaai ni katangitang aika boou ke onean mwiia.
19.3.6.2
Kateimatoaan Bwaai ni Katangitang
A tutuoaki tangin biaano ao aokan a kawakinaki n taainako. E konaa te bitiobi ke te tia tei ibukin kateitei n te titeiki n reitaki nakon te manatia ibukin kateitei ma ana titiraki. Ngkana ae kainanoaki, e konaa naba ni kawaerakei bubuti inanon Ribooti iaon ana Kateitei te Ekaretia (FIR) ni kateimatoa ao n karaoi uruaki nakon biaano ma aokan (taraa 35.4.2).
19.3.7
Kuaea
A kaman waaki n anene natin te Atua n taai ngkoa n te O Tetemanti inanon aia kuaea n anene n Neboia. Ana kuaea te Ekaretia e uota te mimitong nakon te Atua, e botiia ao e reireiniia membwa n te Ekaretia, ao e uota te kukurei nakoia ake a ira te kuaea ao taan roko n taromauri.
Ngkana a mwaiti membwa, e kona ngkanne te uoote ni bairea te kuaea are e na teimatoa n anene inanon tain te bootaki n toa. E konaa te bitiobiriki ni wetea te tia orotai ao te tia katang bwaai ni katangitang n te kuaea (taraa 19.4.3.3).
A kona membwa n te uoote n anga nanoia bwa a na anene n te kuaea. A konaa naba membwa ao tabeman riki n kaoaki bwa a na iria. E aki karaoaki te rinerine ibukiia aika a na ira te kuaea.
A kaungaaki kuaea bwa a na kabonganai anene n taromauri n te Ekaretia. Aneneakin anene n taromauri e kaoa te Tamnei ae Raoiroi ao ni buokiia taan ira te Kuaea ma taan roko n taromauri n reiakina te Euangkerio (taraa Anene n Taromauri, 381–83). Ngkana arona bwa a kabonganaaki tabeua anene aika tabu, kainbaire inanon 19.3.1 e riai n iraki.
Te rei anene n te kuaea e aki riaoan teuana te aoa.
Ngkana e na kainnanoaki beeba n anene iroun te kuaea n te uoote, e kona ni karekeaki man ana kataumwane te uoote (taraa 19.7.1). A kaungaaki kuaea ni uoote bwa a na tibwauai anene ake a karekeaki ma kuaea tabeua inanon te titeiki. Kaewean beeba n anene n akean te kariaia mairoun te tia bwaibwai iaan te tua e bon kaitaraa ana kainibaire te Ekaretia (taraa 38.8.11).
N raonaki riki nakon ana kuaea te uoote, a kona utu ao kurubu n aine, mwaane, kairake, ke ataei ni kaoaki bwa a na anene inanon bootakin te Ekaretia.
Man ana kariaia te tia kairiri n te titeiki ke te aono, e kona ni kateaki te kuaea n te titeiki ao titeiki aika mwaiti ibukin ana maungatabu te titeiki ao tabeua riki bootaki, n aron ake a waakinaki inanon komiunite. Imwiin te bootaki anne, e kona ni uamaenako moa te kuaea ni karokoa ae manga waaki te bootaki are imwiina.
19.4
Kairiiri n te Anene Inanon te Uoote
19.4.1
Bitiobiriki
Te bitiobi e tabe ma anene ibukin te Uoote. E kona n angan temanna ana kauntira te mwakuri aei. Aikai taben te bitiobiriki:
E na weteia ao ni kaokoroiia membwa bwa a na beku n nakoa ibukin te anene are e kabwarabwaraki inanon 19.4.2 ao 19.4.3 n aron kainnanoakina.
E na mwakuri ma te tia kaira te anene inanon te uoote ni iangoi anene ibukin te bootaki n toa (taraa 19.3.1).
E na anga reirei iaon bonganan te nebonebo rinanon anene n tain taai ni bootaki. Kaungaia membwa bwa a na bane ni kona n irii anene n taromauri. E na kaungaia membwa, riki te roronrikirake bwa a na kabonganai inanon maiuia ni katoa bong anene aika a na anai nano (taraa 19.2).
E na baireia bwa n ningai ae a na kona ni kabonganaki iai bwaai ni katangitang irarikin biaano ke aokan inanon bootakin te Ekaretia (taraa 19.3.6).
E na boutoka ana kuaea te uoote man kaungaakiia membwa bwa a na kaaina.
19.4.2
Te Tia Tararuai Bwaai ni Katangitang n te Uoote
Te tia tararuai bwaai ni katangitang e beku iaan ana kaetieti te bitiobiriki. Aikai taben teuanne ke neienne:
E na riki bwa te tia ibuobuoki nakon te bitiobiriki ao tabeman riki taan kairiri n te uoote iaon bwaai ake a kaineti ma te anene. E na kawari boowi ni kauntira are e kaoaki nako iai iroun te bitiobiriki bwa e na buoka barongaan te anene n te uoote.
Mwakuri ma te bitiobiriki ni bairei anene ibukin bootaki n toa (taraa 19.3.1 ao 19.3.2).
E na rinea ao n tararuai kataneiai n te anene inanon te uoote, ngkana e kainnanoaki (taraa 19.6). E na buokiia membwa ni kakaei aanga ni karikirakei ao ni kabonganai aia taarena n te anene inanon te uoote.
N aron are e kantaningaaki man te bitiobiriki, a na rineaki membwa nakon wewete ibukin katangitang n te uoote. E na katauraoiia te koraki ake a na beku nakon wewete aikai, n anga te boutoka, kaetieti, ao kataneiai n aron ae kainanoaki.
E na beku ni wewete ibukin anene n uoote tabeua ngkana arona bwa a tuai ni weteaki tabeman.
E na reitaki ni marooro ma te tia tararuaa te anene n te titeiki ibukin kataneiai ao boutoka ae a kainnanoaki.
Inanon uoote aika a bon tau buburaia, e kona te bitiobiriki ni weteia membwa bwa a na beku nakon wewete aikai. A kona naba ni weteaki kairake ao tabeman man aaro ake tabeua bwa a na beku. A konaa bitiobiriki ni kangaraoi wewete aikai n aron ae kainnanoaki ni buoka kainanon aia uoote.
19.4.3.1
Te Tia Kairiiri n te Anene n te Uoote
E kairii anene n taromauri te tia kairiiri n te anene ibukin bootaki n te toa ao tabeua riki bootaki n te uoote n aron kainnanoana.
19.4.3.2
Te Tia Katangi Bwain Katangitang n te Uoote
E na katangaki katangitang ibukin te kaukuuki ao te kainiin iroun te tia katangi bwain ni katangitang n te uoote ao n raoni anene n taromauri inanon tain te bootaki n toa ke ana bootaki riki tabeua te uoote ni kaineti ma butiakina. Ngkana e kainanoaki, e kona naba te tia katang bwaai ni katangitang n ira te kuaea ke n riki bwa te tia Katanga te biaano.
Ngkana akea man te uoote ae e kona ni katanga te biano ke te aokan, iango aikai a tauraoi:
E konaa te membwa ni katanga onean mwiin bwaai ni katangitang ake a kariaiakaki iroun te bitiobi (taraa 19.3.6).
Kuuna n anene ake a raweaki ao ni katangaki man biano ake a maiu man te iti ma aokan ake a tia ni buroukuraemiaki a kona naba n reke n autinibootaki tabeua (taraa 19.3.6.1).
A kona membwa ni kabonganai rawerawe ake a reke man app aikai:
Te Tarekita n te Kuaea ao te Tia Katangii Bwaai ni Katangitang n te Kuaea
Te tarekita n te kuaea n te uoote e na kariaia te anene ae na aneneaki iroun te kuaea, ni kaira te rei ibukin te kuaea, ao ni kaira te kuaea ni bootakin te toa (taraa 19.3.7).
E katang bwaai ni katangitang ibukin te rei n te kuaea te tia katang bwaai ni katangitang ao ngkana e anene naba te kuaea n tain bootakin te toa.
E kona te bitiobiriki ni weteia taan rabakau iaon te anene ni buoka aron te kataneiai n te anene inanon te uoote (taraa 19.6).
19.5
Kairiiri n te Anene n te Titeiki
19.5.1
Beretitentii n te Titeiki
Te beretitenti n te titeiki e na tararuai anene n te titeiki. E kona ni mwiokoa temanna ana kauntira ke te membwa n te kauntira ae rietaata nakon mwakuri aikai:
Weteakiia ao kaokoroaia membwa bwa a na beku nakon te wewete ibukin te anene a kabwarabwaraaki inanon 19.5.2 ao 19.5.3 ngkana e kainnanoaki.
Reitaki ma te tia tararuaa te anene n te titeiki ni bairei anene ibukin ana maungatabu te titeiki ao tabeua riki ana bootaki te titeki (taraa 19.3.1, 19.3.4, ao 19.3.7.2).
E na anga reirei iaon bonganan te nebonebo rinanon anene n tain taai ni bootaki. Kaungaia membwa bwa a na bane ni kona n irii anene n taromauri. Kaungaia membwa ni kabonganai anene aika a konaa ni kaungai nanoia inanon maiuia ni katoa bong (taraa 19.2).
Bairei tain bwaai ni katangitang irarikin te biaano ke te aokan ngkana a na konaa ni kabonganaaki inanon bootakin te titeiki (taraa 19.3.6).
19.5.2
Te Kouoteneita n te Anene n te Titeiki
Iaan ana kairiiri te beretitentii n te titeiki, te kouoteneita n te tia kaira te anene n te titeiki iai tabena n aron aikai:
E na beku bwa te tia ibuobuoki nakon te beretitentii n te titeiki ao tabeman riki taan kairiri n te titeiki iaon waakin te anene.
E na reitaki ma te beretitenti n te titeiki ni bairei anene ibukin ana maungatabu te titeiki ao tabeua riki bootakin te titeiki (taraa 19.3.1, 19.3.4, ao 19.3.7.2).
E uotarake ao n tararua te kataneiai n te anene n te titeiki (taraa 19.6).
N aron ae tangiraki iroun te beretitentii n te titeiki, e na uotarake araia membwa ake a na weteaki ni beku bwa taan kairiiri n te anene n te titeiki. E na katauraoia koraki ake a na beku nakon wewete aikai. E na anga te boutoka, kaetieti ao kataneiai ngkana e kainanoaki.
E na anga te kataneiai ao ana boutoka nakon te tia tararua te anene n te uoote n aron ae kainanoaki.
E na beku bwa te tia kairiri n te anene ao te tia tararua te kuaea inanon bowiin te titeiki ngkana a tuai ni weteaki tabeman.
A kona taan rabakau n te anene n te titeiki ni weteaki ngkana a kainnanoaki. A konaa n raonaki iroun te tia tararua te kuaea n te titeiki, te tia kairiri n te anene n te titeiki, ao te tia katangii bwaai ni katangitang n te titeiki. A konaa naba taan rabakau iaon te anene ni mwiokoaki ni karekea te kataneiai iaon te anene (taraa 19.6).
19.6
Kataneiai Iaon te Anene ao Bwaai ni Ibuobuoki
Reiakinan rabakau n anene aika bebete e katauraoia membwa ni kamanenai aia tarena ni mwakuri inanon te Ekaretia. A kona bwaai n ibuobuoki aikai ni buokia naake iai nakoaia ibukin te anene. A konaa naba ni buokiia membwa ake iai nanoia ni karikirakea rabakauia iaon te anene.
Kataneiai aika bebete iaon te anene a reke inanon te “Using the Hymnbook” tiekition inanon Anene n Taromauri ao “Using the Songbook” tiekition inanon aia Boki n Anene Ataei.
Bwaai n ibuobuoki aikai a kona naba n ibuobuoki:
Beeba n anene ma katangitang ake a tia n raweaki ake a kona ni kabonganaaki inanon mweenga ma umwantabu a kona n reke man te Sacred Music app ao iaonrain n te music.ChurchofJesusChrist.org. E konaa te ongongora nakon rawerawe ni buokiia membwa n taneiai riki ma anene n taromauri.
Te app ni katangitang are kuneaki n te ChurchofJesusChrist.org e kona ni buokiia te koraki ake a kan reiakin katangitang aika a boou ke karikirakean rabakauia iaon te katangitang.
E konaa n ibuobuoki te reirei iaon te Moan Waaki ni Katangitang nakoia membwa bwa ana kona ni wareki ao ni katang nooti. E raonaki ma kabonganaakin Bwaai n Reirei n te Orotai ao Bwaai n reirei n te Keyboard. A kona ni kaboaki bwaai n ibuobuoki aikai n te store.ChurchofJesusChrist.org.
E a tia ni katauaki Mwanen te Reirei iaon te Katangitang man ana etekuata te Ekaretia bwa e na karekei keyboards, bwaai ni kataneiai, ao reirei ibukiia membwa ake a ukora karikirakean rabakauia iaon te Anene. Ibukin rongorongon te mwane aio, taraa musicfund.ChurchofJesusChrist.org.
E kona te tia tararuaa te anene n te titeiki ao uoote ni bairea aron te reirei ni kataneiai iaon te anene ibukiia taan kairiri n te anene, taan tararua te kuaea ke taan katang bwaai ni katangitang. A kona taan ira te kataneiai ni kaainaki naba irouia naake iai nakoaia n te anene ao tabeman riki ikawai, kairake ao ataei ake iai nanoia ni kan iria. A kona taan tararua ao taan rabakau n te anene n anga reirei iaon reiakinan te anene. A kona naba taan tararuaa te anene ni uotirakei araia taan reirei aika iai rabakauia iaon te anene bwa a na anga reirei ni waaki ni kataneiai.
N taabo ake a mwaiti iai membwa, e kona te tia tararuaa te anene n reitaki ma te tia kairiri n te nakoanibonga ao ni uotarake bairean waaki ni kataneiai inanon titeiki ke titeiki aika a mwaiti. Akea boona ae na kabwakaaki ibukin ana kataneiai te Ekaretia ae kabooa.
19.7
Kaetieti ao Kainibaire riki Tabeua
19.7.1
Karekean ao Kamanenaan te Anene
Karekean booki n anene n taromauri e katauraoaki nakon autinibootaki aika boou. Booki n anene n taromauri riki tabeua, beeba ni anene n te kuaea, ao beeba ni katangitang riki tabeua a na kabooaki n ana kataumwane te titeiki ke te uoote.
19.7.2
Kabonganakin Bwaai ni Katangitang n te Autinibootaki ibukin Waaki ni Kataneiai, Anga reirei Aika a Onoti, ao Kamataku
Ngkana akea bukina ae kaanga e riai, a kona taan kairiiri n te nakoa n ibonga n anga te kariaia bwa ana kabonganaaki biano ma aokan ake inanon te autinibootaki ibukin, te kataneiai ae kaboaki, ao kamataku ni kaoti tarena irouia bootaki ake ana kabonganaa te autinibootaki. Te kariaiakaki aio e kona ni butimwaeaki n aron are e kabwarabwaraki inanon 35.5.6.1. Akea te kanrin ae e na kabwakaaki ibukin kamataku.
19.7.3
Kuaea n te Komiunite
Aki mwanenaki man te Ekaretia kuaea ake ana teimatoa ni kabaeaki ao a kairaki ao ni kaainaki irouia kaain te Ekaretia. A riai kuaea aikai n aki kabongana kinakin te Ekaretia n araia.
A konaa kuaea n te komiunite ni kabonganai ana kateitei te Ekaretia ibukin aia rei ma aia kamataku ngkana arona bwa e anga ana kariaia te beretitenti n te titeiki. A riai n irii ana kainibaire ao ana reirei te Ekaretia ake a kaineti ma autinibootaki (taraa 35.5).