38.

சபைக் கொள்கைகள் மற்றும் வழிகாட்டுதல்கள்

38.1

சபைப் பங்களிப்பு

பரலோகத்திலுள்ள நம்முடைய பிதா தம் பிள்ளைகளை நேசிக்கிறார். “அனைவரும் தேவனுக்குச் சமமானவர்களே,” மேலும் அவர் அனைவரையும் “தம்மிடத்தில் வரும்படியாகவும், தன் நன்மையைப் புசிக்கும்படியாகவும்” அழைக்கிறார் (2 நேபி 26:33).

38.1.1

சபைக் கூட்டங்களில் கலந்துகொள்வது

பிற்காலப் பரிசுத்தவான்களின் இயேசு கிறிஸ்து சபையின் திருவிருந்து கூட்டம், பிற ஞாயிறு கூட்டங்கள் மற்றும் சமூக நிகழ்வுகளில் கலந்துகொள்ள அனைவரையும் வரவேற்கிறோம். கலந்துகொள்ளும் அனைவரும் பரிசுத்தமான பின்னணிக்கு மரியாதை அளிப்பதை உறுதிசெய்யும் பொறுப்பு தலைமை அலுவலருக்கு உள்ளது.

கலந்துகொள்பவர்கள் ஆராதனை அல்லது கூட்டத்தின் பிற நோக்கங்களுக்கு எதிரான இடையூறுகள் அல்லது கவனச்சிதறல்களைத் தவிர்க்க வேண்டும். வெவ்வேறு சபைக் கூட்டங்கள் மற்றும் நிகழ்வுகளின் அனைத்து வயது மற்றும் நடத்தை தேவைகள் மதிக்கப்பட வேண்டும். அதற்கு வெளிப்படையான காதல் நடத்தை மற்றும் கவனச்சிதறலை ஏற்படுத்தும் உடை அல்லது அலங்காரம் ஆகியவற்றிலிருந்து விலகி இருப்பது தேவைப்படுகிறது. இரட்சகரை மையமாகக் கொண்ட கூட்டங்களில் இருந்து விலகும் வகையில் அரசியல் அறிக்கைகள் அல்லது பாலியல் நோக்கு அல்லது பிற தனிப்பட்ட குணாதிசயங்களைப் பேசுவதையும் இது தடுக்கிறது.

பொருத்தமற்ற நடத்தை இருந்தால், ஆயர் அல்லது பிணையத் தலைவர் அன்பின் உணர்வில் தனிப்பட்ட ஆலோசனையை வழங்குகிறார். பரலோக பிதாவையும் இரட்சகரையும் ஆராதிப்பதில் சிறப்பு கவனம் செலுத்தி, அங்கிருக்கும் அனைவருக்கும் ஒரு பரிசுத்தமான இடத்தைப் பராமரிக்க உதவுவதில் கவனம் செலுத்தும்படி, சந்தர்ப்பத்திற்குத் தகுந்த நடத்தை இல்லாதவர்களை அவர் ஊக்குவிக்கிறார்.

சபைக் கூடுமிடங்களை சபைக் கொள்கைகளுக்கு உட்பட்டு தனியார் சொத்தாகவே இருக்கும். இந்த வழிகாட்டுதல்களைப் பின்பற்ற விரும்பாத நபர்கள், சபைக் கூட்டங்கள் மற்றும் நிகழ்வுகளில் கலந்து கொள்ள வேண்டாம் என்று மரியாதையுடன் கேட்டுக் கொள்ளப்படுவார்கள்.

38.2

நியமங்கள் மற்றும் ஆசீர்வாதங்களுக்கான கொள்கைகள்

நியமங்கள் மற்றும் ஆசீர்வாதங்கள் பற்றிய பொதுவான தகவல்கள் அத்தியாயம் 18 இல் வழங்கப்பட்டுள்ளன. ஆலய விதிகள் பற்றிய தகவல்கள் அத்தியாயங்கள் 27 மற்றும் 28ல் கொடுக்கப்பட்டுள்ளன. ஆயர்களுக்கு ஏதேனும் கேள்விகள் இருந்தால், பிணையத் தலைவரைத் தொடர்பு கொள்ளலாம். பிணையத் தலைவர்களுக்கு ஏதேனும் கேள்விகள் இருந்தால், பிரதேச தலைவரைத் தொடர்பு கொள்ளலாம்.

38.3

சமூக திருமணம்

சபைத் தலைவர்கள் உறுப்பினர்களை ஆலயத் திருமணத்திற்கு தகுதி பெறவும் ஒரு ஆலயத் திருமணம் செய்து முத்திரிக்கவும் ஊக்குவிக்கிறார்கள் உள்ளூர் சட்டங்களால் அனுமதிக்கப்பட்டால், சபைத் தலைவர்கள் சமூக திருமணங்களைச் செய்யலாம்.

சமூக திருமணங்கள் திருமணம் நடைபெறும் இடத்தின் சட்டங்களின்படி நடத்தப்பட வேண்டும்.

38.3.1

சமூக திருமணத்தை யார் நிறைவேற்றலாம்

உள்ளூர் சட்டத்தால் அனுமதிக்கப்படும் போது, தற்போது சேவை செய்யும் பின்வரும் சபை அலுவலர்கள் சமூக திருமண சடங்கை நடத்துவதற்கான அழைப்பில் செயல்படலாம்:

• ஊழிய தலைவர்

• பிணைய தலைவர்

• சேகர தலைவர்

• ஆயர்

• கிளைத் தலைவர்

இந்த அதிகாரிகள் ஒரு ஆணுக்கும் பெண்ணுக்கும் இடையே சமூக திருமணத்தை மட்டுமே செய்ய முடியும். பின்வரும் நிபந்தனைகள் அனைத்தும் பொருந்த வேண்டும்:

• மணமகள் அல்லது மணமகன் சபையின் உறுப்பினர் அல்லது ஞானஸ்நான தேதியைக் கொண்டுள்ளனர்.

• மணமகள் அல்லது மணமகனின் உறுப்பினர் பதிவேடு, அல்லது ஞானஸ்நானம் பெற்ற பிறகு, அலுவலர் தலைமை தாங்கும் சபைப் பிரிவில் இருக்கும்.

• திருமணம் நடைபெறும் எல்லைக்குள் உள்ள சமூக திருமணத்தை நடத்துவதற்கு சபை அலுவலர் சட்டப்பூர்வமாக அங்கீகரிக்கப்பட்டவர்.

38.3.4

சபைக் கட்டிடங்களில் நடைபெறும் சமூக திருமணங்கள்

வழக்கமான சபைச் செயல்பாடுகளின் அட்டவணையை சீர்குலைக்காவிட்டால், சபை கட்டிடத்தில் திருமண விழா நடத்தப்படலாம். ஓய்வுநாள் அல்லது திங்கட்கிழமை மாலையில் திருமணங்கள் நடத்தக்கூடாது. சபைக் கட்டிடங்களில் நடைபெறும் திருமணங்கள் எளிமையாகவும் கண்ணியமாகவும் இருக்க வேண்டும். இசை பரிசுத்தமாகவும், பயபக்தியாகவும், மகிழ்ச்சியாகவும் இருக்க வேண்டும்.

திருமணங்கள் கூடுமிடத்தில், கலாச்சார மண்டபத்தில் அல்லது வேறு பொருத்தமான அறையில் செய்யப்படலாம். திருமணங்கள் கூடுமிடத்தை முறையாகப் பயன்படுத்துவதற்கான வழிகாட்டுதல்களைப் பின்பற்ற வேண்டும்.

38.3.6

சமூக திருமண சடங்கு

ஒரு சமூக திருமணத்தைச் செய்ய, சபை அலுவலர் தம்பதியினரை நோக்கி, “தயவுசெய்து ஒருவரையொருவர் வலது கையில் பிடித்துக் கொள்ளுங்கள்” என்று கூறுகிறார். பின்னர் அவர் கூறுகிறார், “[மணமகனின் முழுப்பெயர்] மற்றும் [மணமகளின் முழுப்பெயர்], நீங்கள் இப்போது தேவன் மற்றும் இந்த சாட்சிகளின் முன்னிலையில் செய்யப்போகும் சபதங்களின் அடையாளமாக ஒருவரையொருவர் வலது கையால் பிடித்துக்கொண்டீர்கள்.” (தம்பதிகள் இந்த சாட்சிகளை முன்கூட்டியே தேர்வு செய்யலாம் அல்லது பரிந்துரைக்கலாம்.)

அலுவலர் பின்னர் மணமகனை நோக்கி கேட்கிறார், “[மணமகனின் முழுப் பெயர்], நீங்கள் [மணமகளின் முழுப் பெயர்] உங்கள் சட்டப்பூர்வ திருமணமான மனைவியாக ஏற்றுக்கொள்கிறீர்களா, மேலும் உங்கள் சொந்த விருப்பத்தின் மற்றும் தேர்வின் பேரிலும், அவளுடைய துணையாகவும், சட்டப்பூர்வமாகத் திருமணம் செய்துகொண்ட கணவராகவும் நீங்கள் அவளுடன் இசைந்திருப்பேன், வேறு யாருடனும் அல்ல, என்று உறுதியளிக்கிறீர்களா; திருமணத்தின் பரிசுத்த நிலை தொடர்பான அனைத்து சட்டங்கள், பொறுப்புகள் மற்றும் கடமைகளை நீங்கள் கடைபிடிப்பீர்களா; நீங்கள் இருவரும் வாழும் வரை நீங்கள் அவளை நேசித்து, மதித்து, போற்றுவீர்களா?”

மணமகன், “ஆம்” அல்லது “நான் செய்கிறேன்” என்று பதிலளிக்கிறார்.

பின்னர் சபை அலுவலர் மணமகளை நோக்கி கேட்கிறார், “[மணப்பெண்ணின் முழுப்பெயர்], நீங்கள் [மணமகனின் முழுப் பெயர்] உங்கள் சட்டப்பூர்வ திருமணமான கணவராகப் பெறுகிறீர்களா, மேலும் உங்கள் சொந்த விருப்பத்தின் மற்றும் தேர்வின் பேரிலும் அவருடைய துணையாகவும் சட்டப்பூர்வமாக திருமணம் செய்துகொண்ட மனைவியாகவும் நீங்கள் அவருடன் இசைந்திருப்பேன், வேறு யாருடனுமல்ல என்று உறுதியளிக்கிறீர்களா? திருமணத்தின் பரிசுத்த நிலை தொடர்பான அனைத்து சட்டங்கள், பொறுப்புகள் மற்றும் கடமைகளை நீங்கள் கடைபிடிப்பீர்களா; நீங்கள் இருவரும் வாழும் வரை நீங்கள் அவரை நேசித்து, மதித்து, போற்றுவீர்களா?”

மணமகள், “ஆம்” அல்லது “நான் செய்கிறேன்” என்று பதிலளிக்கிறார்.

சபை அலுவலர் பின்னர் தம்பதியினரை நோக்கி, “பிற்காலப் பரிசுத்தவான்களின் இயேசு கிறிஸ்து சபையின் மூப்பராக எனக்கு வழங்கப்பட்டுள்ள சட்டப்பூர்வ அதிகாரத்தின் காரணமாக, நான் உங்களை, [மணமகன் பெயர்] மற்றும் [மணமகளின் பெயர்], உங்கள் பூலோக வாழ்க்கையில் நியாயப்பூர்வமாகவும் சட்டபூர்வமாகவும் திருமணம் செய்து கொண்ட, கணவன் மனைவியாக அறிவிக்கிறேன்.

(சபையின் தலைமை தாங்கும் அலுவலராக ஊழியம் செய்யாத ஒரு மதகுருவுக்கு மாற்று வார்த்தைகளில்: “ஒரு மதகுருவாக எனக்கு வழங்கப்பட்டுள்ள சட்டப்பூர்வ அதிகாரத்தின் காரணமாக (இராணுவ அல்லது சமூக அமைப்பின் கிளையில்), நான் உங்களை, [மணமகன் பெயர்] மற்றும் [மணமகள் பெயர்], உங்கள் பூலோக வாழ்க்கையில் நியாயப்பூர்வமாகவும் சட்டபூர்வமாகவும் திருமணம் செய்து கொண்ட, கணவன் மனைவியாக அறிவிக்கிறேன்.”)

“தேவன் உங்கள் சந்ததியினருக்கு ஆனந்தத்தையும், மகிழ்ச்சியுடன் நீண்ட ஆயுளுடன், உங்கள் ஐக்கியத்தை ஆசீர்வதிப்பாராக, மேலும் நீங்கள் செய்த சபதங்களை பரிசுத்தமாக காத்துக்கொள்ள அவர் உங்களை ஆசீர்வதிப்பாராக. இந்த ஆசீர்வாதங்களை உங்கள்மேல் கர்த்தராகிய இயேசு கிறிஸ்துவின் நாமத்தினாலே வேண்டிக்கொள்ளுகிறேன், ஆமென்.”

கணவன் மனைவியாக ஒருவரையொருவர் முத்தமிட அழைப்பது கலாச்சார விதிமுறைகளின்படி விருப்பத்தின் அடிப்படையிலானது.

38.4

முத்திரிக்கும் கொள்கைகள்

அவர்கள் நியமங்களை பெறும்போது, உறுப்பினர்கள் உடன்படிக்கைகளை மதிக்க முயலும்போது ஆலய முத்திரிக்கும் நியமங்கள் குடும்பங்களை நித்தியமாக இணைக்கின்றன. முத்திரிக்கும் நியமங்களில் அடங்கியன:

• கணவனும் மனைவியும் முத்திரிக்கப்படல்.

• குழந்தைகளை பெற்றோருடன் முத்திரித்தல்.

தங்கள் உடன்படிக்கைகளைக் கடைபிடிப்பவர்கள் முத்திரிப்பால் வழங்கப்பட்ட தனிப்பட்ட ஆசீர்வாதங்களைத் தக்க வைத்துக் கொள்வார்கள். அந்த நபரின் துணைவர் உடன்படிக்கைகளை மீறியிருந்தாலும் அல்லது திருமணத்திலிருந்து விலகியிருந்தாலும் இது உண்மைதான்.

பெற்றோருடன் முத்திரிக்கப்பட்ட அல்லது உடன்படிக்கையில் பிறந்த விசுவாசமுள்ள பிள்ளைகள் நித்திய பெற்றோரின் ஆசீர்வாதத்தைத் தக்க வைத்துக் கொள்கிறார்கள். அவர்களது பெற்றோர்கள் அவர்களது திருமண முத்திரிப்பை ரத்து செய்தாலும், அவர்களது சபை உறுப்பினரிலிருந்து விலகினாலும் அல்லது அவர்களது உறுப்பினராயிருப்பதை ராஜினாமா செய்தாலும் இதுதான் உண்மை.

முத்திரிக்கும் கொள்கைகள் பற்றி உறுப்பினர்களுக்கு கேள்விகள் இருந்தால், அவர்களின் ஆயரிடம் ஆலோசனை பெற வேண்டும். ஆயருக்கு கேள்விகள் இருந்தால், பிணையத் தலைவரைத் தொடர்பு கொள்கிறார். பிணையத் தலைவர்களுக்கு ஏதேனும் கேள்விகள் இருந்தால், அவர்களின் ஆலய சேகரத்தில் உள்ள ஆலய தலைமை, பிரதேச தலைமை அல்லது பிரதான தலைமை அலுவலகத்தை தொடர்பு கொள்ளலாம்.

38.5

ஆலய உடை மற்றும் வஸ்திரங்கள்

38.5.1

ஆலய உடை

ஆலயத்தில் தரிப்பித்தல் மற்றும் முத்திரித்தல் நியமங்களின்போது, சபை உறுப்பினர்கள் வெள்ளை உடைகளை அணிவார்கள். பெண்கள் பின்வரும் வெள்ளை ஆடைகளை அணிவார்கள்: ஒரு நீண்ட கை அல்லது முக்கால் கை உடை (அல்லது பாவாடை மற்றும் நீண்ட கை அல்லது முக்கால் கை ரவிக்கை), காலுரை அல்லது உள்ளாடை, மற்றும் காலணிகள் அல்லது செருப்புகள்.

ஆண்கள் பின்வரும் வெள்ளை ஆடைகளை அணிவார்கள்: ஒரு நீண்ட கை சட்டை, கழுத்து பட்டை அல்லது போ பட்டை, கால்சட்டை, காலுரை மற்றும் காலணிகள் அல்லது செருப்புகள்.

தரிப்பித்தல் மற்றும் முத்திரித்தல் நியமங்களின் போது, உறுப்பினர்கள் தங்கள் வெள்ளை ஆடைகளுக்கு மேல் கூடுதல் சடங்கு ஆடைகளை அணிவார்கள்.

38.5.2

ஆலய ஆடைகள் மற்றும் வஸ்திரங்களைப் பெறுதல்

தொகுதி மற்றும் பிணையத் தலைவர்கள் தங்கள் சொந்த ஆலய ஆடைகளைப் பெறுவதற்கு தரிப்பிக்கப்பட்ட உறுப்பினர்களை ஊக்குவிக்கிறார்கள். ஆலய ஆடைகள் மற்றும் வஸ்திரங்கள் ஒரு சபை விநியோக கடையில் அல்லது store.ChurchofJesusChrist.orgல் வாங்கலாம். உறுப்பினர்கள் ஆடைகளை ஆர்டர் செய்ய பிணைய மற்றும் தொகுதி எழுத்தர்கள் உதவலாம்.

38.5.5

வஸ்திரம் அணிவது மற்றும் பராமரிப்பது

தரிப்பித்தல் பெறும் உறுப்பினர்கள் தங்கள் வாழ்நாள் முழுவதும் ஆலய வஸ்திரத்தை அணிய உடன்படிக்கை செய்கிறார்கள்.

ஆலய வஸ்திரம் அணிவது பரிசுத்த சிலாக்கியம். அவ்வாறு செய்வது இரட்சகராகிய இயேசு கிறிஸ்துவைப் பின்பற்றுவதற்கான உள்ளார்ந்த ஒப்புக்கொடுத்தலின் வெளிப்புற வெளிப்பாடாகும்.

வஸ்திரம் என்பது ஆலயத்தில் செய்யப்பட்ட உடன்படிக்கைகளை நினைவூட்டுவதாகும். வாழ்நாள் முழுவதும் சரியாக அணிந்தால், அது ஒரு பாதுகாப்பாக இருக்கும்.

வஸ்திரத்தை வெளிப்புற ஆடைகளுக்கு அடியில் அணிய வேண்டும். மற்ற உள்ளாடைகள் ஆலய வஸ்திரத்துக்கு மேல் அல்லது கீழ் அணிய வேண்டுமா என்பது தனிப்பட்ட விருப்பம்.

வஸ்திரத்தை அணியும் போது நியாயமாக செய்யக்கூடிய செயல்களுக்காக வஸ்திரத்தை அகற்றக்கூடாது. வெவ்வேறு பாணியிலான ஆடைகளுக்கு இடமளிக்கும் வகையில் அதை மாற்றக்கூடாது.

வஸ்திரம் பரிசுத்தமானது மற்றும் மரியாதையுடன் கையாளப்பட வேண்டும். வஸ்திரம் அணிவது பற்றிய தனிப்பட்ட கேள்விகளுக்குப் பதிலளிக்க பரிசுத்த ஆவியானவரின் வழிகாட்டுதலைப் பெற தரிப்பிக்கப்பட்ட உறுப்பினர்கள் நாட வேண்டும்.

38.5.7

வஸ்திரங்கள் மற்றும் ஆலய சடங்கு ஆடைகளை அப்புறப்படுத்துதல்

தேய்ந்து போன ஆலய வஸ்திரங்களை அப்புறப்படுத்த, அங்கத்தினர்கள் அடையாளங்களை வெட்டி அழிக்க வேண்டும். அதை ஒரு ஆடையாக அடையாளம் காண முடியாதபடிக்கு உறுப்பினர்கள் பின்னர் மீதமுள்ள துணியை வெட்டுகின்றனர் . மீதமுள்ள துணியை அப்புறப்படுத்தலாம்.

உறுப்பினர்கள் மற்ற உறுப்பினர்களுக்கு நல்ல நிலையில் உள்ள ஆடைகள் மற்றும் ஆலய வஸ்திரங்களை வழங்கலாம்.

38.5.8

ஆலய அடக்க ஆடை

முடிந்தால், தரிப்பிக்கப்பட்ட இறந்த உறுப்பினர்களை ஆலய வஸ்திரத்தில் புதைக்க வேண்டும் அல்லது தகனம் செய்ய வேண்டும். கலாச்சார மரபுகள் அல்லது அடக்கம் செய்யும் நடைமுறைகள் இதை பொருத்தமற்றதாகவோ அல்லது கடினமாகவோ செய்தால், ஆடைகளை மடித்து உடலுக்கு அருகில் வைக்கலாம்.

ஒரு மனிதனின் உடல் ஆலய வஸ்திரங்கள் மற்றும் பின்வரும் வெள்ளை ஆடைகளை அணிவிக்கப்பட்டுள்ளது: ஒரு நீண்ட கை சட்டை, கழுத்து அல்லது போ பட்டை, கால் சட்டை, காலுரை மற்றும் காலணிகள் அல்லது செருப்புகள். ஒரு பெண்ணின் உடல் ஆலய வஸ்திரங்கள் மற்றும் பின்வரும் வெள்ளை ஆடைகளை அணிவிக்கப்பட்டுள்ளது: ஒரு நீண்ட கை அல்லது முக்கால் கை ஆடை (அல்லது பாவாடை மற்றும் நீண்ட கை அல்லது முக்கால் கை ரவிக்கை), காலுரை அல்லது உள்ளாடை, மற்றும் காலணிகள் அல்லது செருப்புகள்.

ஆலய சடங்கு ஆடைகள் தரிப்பித்தலில் அறிவுறுத்தப்பட்டபடி உடலில் வைக்கப்படுகின்றன. அங்கி வலது தோளில் வைக்கப்பட்டு இடது இடுப்பில் இழுத்து கட்டப்பட்டுள்ளது. கவசம் இடுப்பைச் சுற்றிப் பாதுகாக்கப்படுகிறது. நாடா இடுப்பைச் சுற்றி வைக்கப்பட்டு இடது இடுப்புக்கு மேல் ஒரு போ போல கட்டப்பட்டுள்ளது. ஒரு மனிதனின் தொப்பி பொதுவாக சவப்பெட்டி அல்லது பிணப்பெட்டி மூடப்படும் நேரம் வரும் வரை அவரது உடலுக்கு அருகில் வைக்கப்படும். தொப்பி பின்னர் இடது காதுக்கு மேல் போவுடன் வைக்கப்படுகிறது. ஒரு பெண்ணின் முக்காடு அவளது தலையின் பின்பகுதியில் உள்ள தலையணையில் மூடப்படலாம். அடக்கம் அல்லது தகனம் செய்வதற்கு முன் ஒரு பெண்ணின் முகத்தை மறைப்பது குடும்பத்தால் தீர்மானிக்கப்படும் விருப்பமாகும்.

38.6

ஒழுக்க பிரச்சினைகளுக்கான கொள்கைகள்

38.6.1

கருக்கலைப்பு

கர்த்தர் கட்டளையிட்டார், “கொலை அல்லது அதைப்போன்ற எதையும் செய்யாதிருப்பாயாக” (கோட்பாடும் உடன்படிக்கைகளும் 59:6). தனிப்பட்ட அல்லது சமூக வசதிக்காக தேர்ந்தெடுக்கப்பட்ட கருக்கலைப்பை சபை எதிர்க்கிறது. உறுப்பினர்கள் கருக்கலைப்புக்கு இசையவோ, செய்யவோ, ஏற்பாடு செய்யவோ, பணம் செலுத்தவோ, ஒப்புதல் அளிக்கவோ அல்லது ஊக்குவிக்கவோ கூடாது. சாத்தியமான விதிவிலக்குகள் எப்போது:

• வலுக்கட்டாயமான கற்பழிப்பு அல்லது உடலுறவு காரணமாக ஏற்பட்ட கர்ப்பம்.

• ஒரு திறமையான மருத்துவர், தாயின் வாழ்க்கை அல்லது ஆரோக்கியம் கடுமையான ஆபத்தில் இருப்பதை தீர்மானிக்கிறார்.

• கருவில் கடுமையான குறைபாடுகள் இருப்பதை ஒரு திறமையான மருத்துவர் தீர்மானிக்கிறார், அது பிறப்பிற்கு அப்பால் குழந்தையை உயிர்வாழ அனுமதிக்காது.

இந்த விதிவிலக்குகள் கூட தானாகவே கருக்கலைப்பை நியாயப்படுத்தாது. கருக்கலைப்பு மிகவும் தீவிரமான விஷயம். பொறுப்புள்ள நபர்கள் ஜெபத்தின் மூலம் உறுதிப்படுத்தப்பட்ட பின்னரே அதைப் பரிசீலிக்க வேண்டும். இந்த செயல்முறையின் ஒரு பகுதியாக உறுப்பினர்கள் தங்கள் ஆயர்களுடன் ஆலோசனை செய்யலாம்.

38.6.2

துஷ்பிரயோகம்

துஷ்பிரயோகம் என்பது உடல், பாலியல், உணர்ச்சி அல்லது நிதித் தீங்கு விளைவிக்கும் வகையில் மற்றவர்களை தவறாக நடத்துவது அல்லது புறக்கணிப்பது. துஷ்பிரயோகத்தை எந்த வடிவத்திலும் பொறுத்துக்கொள்ள முடியாது என்பது சபையின் நிலைப்பாடு. தங்கள் மனைவி, குழந்தைகள், பிற குடும்ப உறுப்பினர்கள் அல்லது வேறு யாரையும் துஷ்பிரயோகம் செய்பவர்கள் தேவன் மற்றும் மனிதனின் சட்டங்களை மீறுகிறார்கள்.

அனைத்து உறுப்பினர்களும், குறிப்பாக பெற்றோர்கள் மற்றும் தலைவர்கள், விழிப்புடனும் கருத்துடனும் இருக்கவும், குழந்தைகள் மற்றும் பிறரை துஷ்பிரயோகத்திற்கு எதிராக பாதுகாக்க தங்களால் இயன்ற அனைத்தையும் செய்யவும் ஊக்குவிக்கப்படுகிறார்கள். துஷ்பிரயோக சம்பவங்கள் குறித்து உறுப்பினர்கள் அறிந்தால், அவர்கள் அதை உள்ளூர் அதிகாரிகளிடம் புகாரளித்து ஆயருடன் ஆலோசிக்க வேண்டும். சபைத் தலைவர்கள் துஷ்பிரயோகம் பற்றிய புகார்களை தீவிரமாக எடுத்துக் கொள்ள வேண்டும், அவற்றை ஒருபோதும் புறக்கணிக்காதீர்கள்.

குழந்தைகள் அல்லது இளைஞர்களுடன் பணிபுரியும் அனைத்து வயது வந்தவர்களும் குழந்தைகள் மற்றும் இளைஞர் பாதுகாப்பு பயிற்சியை ஆதரிக்கப்பட்ட ஒரு மாதத்திற்குள் முடிக்க வேண்டும் (ProtectingChildren.ChurchofJesusChrist.org பார்க்கவும்). ஒவ்வொரு மூன்று வருடங்களுக்கும் அவர்கள் பயிற்சியை மீண்டும் செய்ய வேண்டும்.

துஷ்பிரயோகம் நிகழும்போது, சபைத் தலைவர்களின் முதல் மற்றும் உடனடிப் பொறுப்பு, துஷ்பிரயோகம் செய்யப்பட்டவர்களுக்கு உதவுவதும், பாதிக்கப்படக்கூடிய நபர்களை எதிர்கால துஷ்பிரயோகத்திலிருந்து பாதுகாப்பதும் ஆகும். துஷ்பிரயோகம் அல்லது பாதுகாப்பற்ற வீடு அல்லது சூழ்நிலையில் இருக்க ஒரு நபரை தலைவர்கள் ஊக்குவிக்கக்கூடாது.

38.6.2.1

துஷ்பிரயோக உதவி எண்

சில நாடுகளில், பிணையத் தலைவர்கள் மற்றும் ஆயர்களுக்கு உதவ, சபை ஒரு ரகசிய துஷ்பிரயோக உதவி எண்ணை நிறுவியுள்ளது. இந்த தலைவர்கள் ஒரு நபர் துஷ்பிரயோகம் செய்யப்பட்ட அல்லது துஷ்பிரயோகத்திற்கு ஆளாகும் அபாயத்தில் உள்ள ஒவ்வொரு சூழ்நிலையிலும் உடனடியாக உதவி எண்ணை அழைக்க வேண்டும். ஒரு உறுப்பினர் குழந்தை ஆபாசப் படங்களைப் பார்ப்பது, வாங்குவது அல்லது விநியோகிப்பது போன்றவற்றை செய்வதை அறிந்தால் அவர்கள் அந்த எண்ணை அழைக்க வேண்டும்.

உதவி எண் இல்லாத நாடுகளில், துஷ்பிரயோகம் பற்றி அறிந்த ஆயர் தனது பிணையத் தலைவரை தொடர்பு கொள்ள வேண்டும். பிணையத் தலைவர், பிரதேச அலுவலகத்தில் உள்ள பிரதேச சட்ட ஆலோசகரிடம் வழிகாட்டுதலைப் பெற வேண்டும்.

38.6.2.2

துஷ்பிரயோக வழக்குகளில் ஆலோசனை

துஷ்பிரயோகத்தால் பாதிக்கப்பட்டவர்கள் பெரும்பாலும் கடுமையான அதிர்ச்சியை அனுபவிக்கிறார்கள். பிணையத் தலைவர்களும் ஆயர்களும் இதயப்பூர்வமான இரக்கத்துடனும் அனுதாபத்துடனும் பதிலளிப்பார்கள். அவர்கள் துஷ்பிரயோகத்தின் அழிவுக்கேதுவான விளைவுகளை மேற்கொள்ள பாதிக்கப்பட்டவர்களுக்கு உதவ ஆவிக்குரிய ஆலோசனை மற்றும் ஆதரவை வழங்குகிறார்கள்.

சில நேரங்களில் பாதிக்கப்பட்டவர்களுக்கு அவமானம் அல்லது குற்ற உணர்வு இருக்கும். பாதிக்கப்பட்டவர்கள் பாவம் செய்தவர்கள் அல்ல. தலைவர்கள் அவர்களுக்கும் அவர்களது குடும்பங்களுக்கும் தேவனின் அன்பையும், இயேசு கிறிஸ்து மற்றும் அவருடைய பாவநிவர்த்தி மூலம் வரும் குணப்படுத்துதலையும் புரிந்துகொள்ள உதவுகிறார்கள் (ஆல்மா 15:8; 3 நேபி 17:9 பார்க்கவும்).

பிணைய தலைவர்களும் ஆயர்களும் துஷ்பிரயோகம் செய்தவர்கள் மனந்திரும்பவும் அவர்களின் தவறான நடத்தையை நிறுத்தவும் உதவ வேண்டும். ஒரு வயது வந்தவர் ஒரு குழந்தைக்கு எதிராக பாலியல் பாவம் செய்திருந்தால், நடத்தையை மாற்றுவது மிகவும் கடினமாக இருக்கலாம். மனந்திரும்புதல் செயல்முறை மிகவும் நீண்டதாக இருக்கலாம். 38.6.2.3 பார்க்கவும்.

பாதிக்கப்பட்டவர்கள், குற்றவாளிகள் மற்றும் அவர்களது குடும்பங்கள் சபைத் தலைவர்களின் ஊக்கமளிக்கும் உதவியைப் பெறுவதற்கு கூடுதலாக தொழில்முறை ஆலோசனை தேவைப்படலாம். மேலும் தகவலுக்கு, 31.3. 6 ஐப் பார்க்கவும்.

38.6.2.3

குழந்தை அல்லது இளைஞர் துஷ்பிரயோகம்

குழந்தை அல்லது இளைஞரை துஷ்பிரயோகம் செய்வது குறிப்பாக கடுமையான பாவமாகும் (லூக்கா 17:2 ஐப் பார்க்கவும்). இங்கு பயன்படுத்தப்பட்டுள்ளபடி, குழந்தை அல்லது இளைஞர் துஷ்பிரயோகம் பின்வருவனவற்றை உள்ளடக்குகிறது:

• உடல் ரீதியான துஷ்பிரயோகம்: உடல் ரீதியான வன்முறையால் கடுமையான உடல் உபாதைகளை ஏற்படுத்துதல். சில தீங்குகள் காணப்படாமல் இருக்கலாம்.

• பாலியல் துஷ்பிரயோகம் அல்லது சுரண்டல்: ஒரு குழந்தை அல்லது இளைஞருடன் ஏதேனும் பாலியல் செயல்பாடு அல்லது வேண்டுமென்றே மற்றவர்களை அனுமதித்தல் அல்லது அத்தகைய செயலில் ஈடுபட உதவுதல். இங்கு பயன்படுத்தப்பட்டுள்ளபடி, பாலியல் துஷ்பிரயோகம் என்பது நெருங்கிய வயதில் இருக்கும் இரண்டு சிறார்களுக்கு இடையே ஒருமித்த பாலியல் செயல்பாடுகளை உள்ளடக்குவதில்லை.

• உணர்ச்சி ரீதியான துஷ்பிரயோகம்: ஒரு குழந்தை அல்லது இளைஞரின் உணர்வு அல்லது சுயமரியாதை கடுமையாக சேதப்படுத்தும் செயல்களையும் வார்த்தைகளையும் பயன்படுத்துதல். இது பொதுவாக மீண்டும் மீண்டும் தொடர்ந்து அவமானப்படுத்துதல், திரித்தல் மற்றும் சிறுமைப்படுத்தும் மற்றும் இழிவுபடுத்தும் விமர்சனங்களை உள்ளடக்கியது. இதில் கடுமையான புறக்கணிப்பும் இருக்கலாம்.

• குழந்தை ஆபாச படம்:38.6.6 பார்க்கவும்.

ஒரு ஆயர் அல்லது பிணையத் தலைவர் குழந்தை அல்லது இளைஞர் துஷ்பிரயோகம் பற்றி அறிந்தால் அல்லது சந்தேகப்பட்டால், அவர் உடனடியாக 38.6.2.1 இல் உள்ள அறிவுறைகளைப் பின்பற்றுகிறார். மேலும் துஷ்பிரயோகத்தில் இருந்து பாதுகாக்க அவர் நடவடிக்கை எடுக்கிறார்.

இந்த பிரிவில் விவரிக்கப்பட்டுள்ளபடி, வயது வந்த உறுப்பினர் குழந்தை அல்லது இளைஞரை துஷ்பிரயோகம் செய்தால், சபை உறுப்பினர் ஆலோசனைக்குழு மற்றும் பதிவு சிறுகுறிப்பு தேவை. 38.6.2.5 ஐயும் பார்க்கவும்.

ஒரு சிறியவர் சிறு குழந்தையை துஷ்பிரயோகம் செய்தால், பிணையத் தலைவர் வழிகாட்டுதலுக்காக பிரதான தலைமை அலுவலகத்தை தொடர்பு கொள்கிறார்.

38.6.2.4

ஒரு துணைவர் அல்லது மற்றொரு வயது வந்தவரின் துஷ்பிரயோகம்

எல்லா சூழ்நிலைகளிலும் பயன்படுத்தக்கூடிய துஷ்பிரயோகத்தின் ஒரு வரையறை பெரும்பாலும் இல்லை. மாறாக, தவறான நடத்தையில் தீவிரத்தன்மையின் பார்வை உள்ளது. இந்த பார்வை எப்போதாவது கூர்மையான வார்த்தைகளைப் பயன்படுத்துவதில் இருந்து கடுமையான தீங்கு விளைவிப்பது வரை இருக்கும்.

ஒரு ஆயர் அல்லது பிணையத் தலைவர், துணைவர் அல்லது மற்றொரு வயது வந்தவரின் துஷ்பிரயோகத்தை அறிந்தால், அவர் உடனடியாக 38.6.2.1 இல் உள்ள அறிவுரைகளைப் பின்பற்றுகிறார். மேலும் துஷ்பிரயோகத்தில் இருந்து பாதுகாக்க அவர் நடவடிக்கை எடுக்கிறார்.

துஷ்பிரயோகத்தை நிவர்த்தி செய்ய தனிப்பட்ட ஆலோசனை அல்லது உறுப்பினர் ஆலோசனைக்குழு மிகவும் பொருத்தமான அமைப்பா என்பதை தீர்மானிக்க, தலைவர்கள் ஆவியின் வழிகாட்டுதலை நாடுகின்றனர். அமைப்பைப் பற்றி அவர்கள் தங்கள் நேரடி ஆசாரியத்துவத் தலைவரிடமும் ஆலோசனை பெறலாம். எவ்வாறாயினும், கீழே விவரிக்கப்பட்டுள்ள நிலைக்கு உயர்ந்தால், துணைவர் அல்லது மற்றொரு வயது வந்தவரின் துஷ்பிரயோகம் உறுப்பினர் ஆலோசனைக் குழுவை நடத்த தேவையாயிருக்கிறது.

• உடல் ரீதியான துஷ்பிரயோகம்: உடல் ரீதியான வன்முறையால் கடுமையான உடல் உபாதைகளை ஏற்படுத்துதல். சில தீங்குகள் காணப்படாமல் இருக்கலாம்.

• பாலியல் துஷ்பிரயோகம்:38.6.18.3 இல் குறிப்பிடப்பட்டுள்ள சூழ்நிலைகளைப் பார்க்கவும்.

• உணர்ச்சி ரீதியான துஷ்பிரயோகம்: ஒருவரின் சுயமரியாதை அல்லது சுயமதிப்பையும் உணர்வையும் கடுமையாக சேதப்படுத்த செயல்களையும் வார்த்தைகளையும் பயன்படுத்துதல். இது பொதுவாக மீண்டும் மீண்டும் தொடர்ந்து அவமானப்படுத்துதல், திரித்தல் மற்றும் சிறுமைப்படுத்தும் மற்றும் இழிவுபடுத்தும் விமர்சனங்களை உள்ளடக்கியது.

• நிதி துஷ்பிரயோகம்: நிதி ரீதியாக ஒருவரைப் பயன்படுத்திக் கொள்வது. ஒரு நபரின் சொத்து, பணம் அல்லது பிற மதிப்புமிக்க பொருட்களை சட்டவிரோதமான அல்லது அங்கீகரிக்கப்படாத பயன்பாடு இதில் அடங்கும். யாரோ ஒருவர் மீது மோசடியாக நிதி வல்லமையைப் பெறுவதும் இதில் அடங்கும். நடத்தையை வற்புறுத்துவதற்கு நிதி வல்லமையைப் பயன்படுத்துவது இதில் அடங்கும்.

38.6.2.5

சபை அழைப்புகள், ஆலய பரிந்துரைகள் மற்றும் உறுப்பினர் பதிவேடு இடச்சுட்டுகள்

மற்றவர்களை துஷ்பிரயோகம் செய்த உறுப்பினர்களுக்கு சபை அழைப்புகள் வழங்கப்படக்கூடாது, அவர்கள் மனந்திரும்பி, சபை உறுப்பினர் கட்டுப்பாடுகள் நீக்கப்படும் வரை, ஆலய பரிந்துரை பெறக்கூடாது.

ஒரு நபர் குழந்தை அல்லது இளைஞரை பாலியல் ரீதியாக அல்லது ஒரு குழந்தை அல்லது இளைஞரை உடல் ரீதியாகவோ அல்லது உணர்ச்சி ரீதியாகவோ துஷ்பிரயோகம் செய்தால், அவரது உறுப்பினர் பதிவு சிறுகுறிப்பு எழுதப்படும். அவர் அல்லது அவளுக்கு குழந்தைகள் அல்லது இளைஞர்கள் சம்பந்தப்பட்ட எந்த அழைப்பும் அல்லது பணியும் வழங்கப்படக்கூடாது. வீட்டில் இளைஞர்கள் அல்லது குழந்தைகளைக் கொண்ட குடும்பத்திற்கு ஊழியப் பணி வழங்கப்படாதிருப்பதும் இதில் அடங்கும். ஒரு இளைஞரை ஊழியத் தோழனாக கொண்டிருக்காததும் இதில் அடங்கும். பிரதான தலைமை சிறுகுறிப்பை அகற்றுவதற்கு அங்கீகாரம் அளிக்காத வரை, இந்தக் கட்டுப்பாடுகள் நடைமுறையில் இருக்க வேண்டும்.

38.6.2.6

பிணைய மற்றும் தொகுதி ஆலோசனைக் குழுக்கள்

பிணையம் மற்றும் தொகுதி ஆலோசனைக்குழு கூட்டங்களில், பிணையத் தலைவர்கள் மற்றும் ஆயங்கள் தவறாமல் சபைக் கொள்கைகள் மற்றும் துஷ்பிரயோகத்தைத் தடுப்பது மற்றும் பதிலளிப்பது குறித்த வழிகாட்டுதல்களை மதிப்பாய்வு செய்கிறார்கள். தலைவர்களும் ஆலோசனைக்குழு உறுப்பினர்களும் இந்த முக்கியமான விஷயத்தை கற்பிக்கும்போதும் விவாதிக்கும்போதும் ஆவியின் வழிகாட்டுதலை நாடுகிறார்கள்.

ஆலோசனைக்குழு உறுப்பினர்கள் குழந்தைகள் மற்றும் இளைஞர் பாதுகாப்பு பயிற்சியை முடிக்க வேண்டும் (38.6.2 பார்க்கவும்).

38.6.2.7

துஷ்பிரயோகம் தொடர்பான சட்டச் சிக்கல்கள்

ஒரு உறுப்பினரின் துஷ்பிரயோக நடவடிக்கைகள் பொருந்தக்கூடிய சட்டத்தை மீறியிருந்தால், ஆயர் அல்லது பிணையத் தலைவர் இந்த நடவடிக்கைகளை சட்ட அமலாக்கப் பணியாளர்கள் அல்லது பிற பொருத்தமான அரசாங்க அதிகாரிகளிடம் தெரிவிக்குமாறு உறுப்பினரை வலியுறுத்த வேண்டும்.

சபைத் தலைவர்கள் மற்றும் உறுப்பினர்கள் உள்ளூர் அதிகாரிகளிடம் துஷ்பிரயோகத்தைப் புகாரளிக்க அனைத்து சட்டப்பூர்வ கடமைகளையும் நிறைவேற்ற வேண்டும்.

38.6.4

குழந்தை பிறப்பு கட்டுப்பாடு

குழந்தைகளைப் பெற்றெடுக்கக்கூடிய திருமணமான தம்பதிகளின் சிலாக்கியம், தேவனின் ஆவிக் குழந்தைகளுக்கு பூலோக உடல்களை வழங்குவது, பின்னர் அவர்களை போஷிப்பதற்கும் வளர்ப்பதற்கும் பொறுப்பானவர்கள் (2.1.3 பார்க்கவும்). எத்தனை குழந்தைகளைப் பெறுவது மற்றும் எப்போது அவர்களைப் பெறுவது என்பது மிகவும் தனிப்பட்டது மற்றும் விருப்பம். அது தம்பதிகளுக்கும் கர்த்தருக்கும் இடையில் விடப்பட வேண்டும்.

38.6.5

கற்புடைமையும் நேர்மையும்

கர்த்தரின் கற்புடைமை நியாயப்பிரமாணம்:

• ஒரு ஆணுக்கும் பெண்ணுக்கும் இடையிலான சட்டப்பூர்வ திருமணத்திற்கு வெளியே பாலியல் உறவுகளைத் தவிர்ப்பது.

• திருமணத்திற்குள் நேர்மை.

கணவன்-மனைவி இடையேயான உடல் நெருக்கம் அழகாகவும் பரிசுத்தமாகவும் இருக்க வேண்டும். இது குழந்தைகளை சிருஷ்டிப்பதற்கும் கணவன் மனைவி இடையே அன்பை வெளிப்படுத்துவதற்கும் தேவனால் நியமிக்கப்பட்டது.

38.6.6

குழந்தை ஆபாச படங்கள்

குழந்தைகளின் ஆபாச படத்தை எந்த வடிவத்திலும் சபை கண்டிக்கிறது. ஒரு ஆயர் அல்லது பிணையத் தலைவர், ஒரு உறுப்பினர் சிறுவர் ஆபாச விஷயங்களில் ஈடுபடுவதை அறிந்தால், அவர் உடனடியாக 38.6.2.1. இல் உள்ள அறிவுரைகளைப் பின்பற்றுகிறார்.

38.6.8

பெண் பிறப்புறுப்பு சிதைவு

பெண் பிறப்புறுப்பை சிதைப்பதை சபை கண்டிக்கிறது.

38.6.10

முறையற்ற பாலியல் தொடர்பு

சபை எந்த விதமான உறவுமுறையற்ற பாலியல் தொடர்பை கண்டிக்கிறது. முறையற்ற பாலியல் தொடர்பு இங்கு பயன்படுத்தப்பட்டுள்ளபடி, உடலுறவு:

• ஒரு பெற்றோருக்கும் பிள்ளைக்குமிடையிலானது

• ஒரு தாத்தா பாட்டி மற்றும் ஒரு பேரக்குழந்தை.

• உடன்பிறந்தோர்

• ஒரு மாமா அல்லது அத்தை மற்றும் ஒரு மருமகள் அல்லது மருமகன்.

இங்கு பயன்படுத்தப்பட்டுள்ளபடி, குழந்தை, பேரக்குழந்தை, உடன்பிறந்தவர்கள், மருமகள் மற்றும் மருமகன் ஆகியோர் உயிரியல்படியான, தத்தெடுக்கப்பட்ட, ஒன்றுவிட்ட அல்லது வளர்ப்பு உறவுகளை உள்ளடக்குகின்றனர்.

ஒரு சிறியவர் முறையற்ற பாலியல் தொடர்புக்கு பலியாகும்போது, ஆயர் அல்லது பிணையத் தலைவர் அது கிடைக்கும் நாடுகளில் சபையின் துஷ்பிரயோக உதவி எண்ணை அழைக்கிறார் (38.6.2.1 பார்க்கவும்). மற்ற நாடுகளில், பிணையத் தலைவர், பிரதேச அலுவலகத்தில் உள்ள சட்ட ஆலோசகரிடம் வழிகாட்டுதலைப் பெற வேண்டும். குடும்பச் சேவை ஊழியர்கள் அல்லது பிரதேச அலுவலகத்தில் உள்ள நலத்துறை மற்றும் சுயசார்பு மேலாளரிடம் ஆலோசனை பெறவும் அவர் ஊக்குவிக்கப்படுகிறார்.

ஒரு உறுப்பினர் முறையற்ற பாலியல் தொடர்பில் ஈடுபட்டால், சபை உறுப்பினர் ஆலோசனைக்குழு மற்றும் பதிவு சிறுகுறிப்பு தேவை. முறையற்ற பாலியல் தொடர்பு எப்போதும் ஒரு நபர் உறுப்பினராயிருப்பதை திரும்பப் பெறுவது சபைக்கு தேவைப்படுகிறது.

ஒரு சிறியவர் உடலுறவில் ஈடுபட்டால், பிணையத் தலைவர் வழிகாட்டுதலுக்காக பிரதான தலைமை அலுவலகத்தைத் தொடர்பு கொள்கிறார்.

முறையற்ற பாலியல் தொடர்பில் பாதிக்கப்பட்டவர்கள் பெரும்பாலும் கடுமையான அதிர்ச்சியை அனுபவிக்கிறார்கள். தலைவர்கள் இதயப்பூர்வமான இரக்கத்துடனும் அனுதாபத்துடனும் பதிலளிப்பார்கள். அவர்கள் முறையற்ற பாலியல் தொடர்பின் அழிவுக்கேதுவான விளைவுகளை சமாளிக்க அவர்களுக்கு ஆவிக்குரிய ஆதரவையும் ஆலோசனையையும் வழங்குகிறார்கள்.

சில நேரங்களில் பாதிக்கப்பட்டவர்களுக்கு அவமானம் அல்லது குற்ற உணர்வு இருக்கும். பாதிக்கப்பட்டவர்கள் பாவம் செய்தவர்கள் அல்ல. தலைவர்கள் அவர்களுக்கும் அவர்களது குடும்பங்களுக்கும் தேவனின் அன்பையும், இயேசு கிறிஸ்து மற்றும் அவருடைய பாவநிவர்த்தி மூலம் வரும் குணப்படுத்துதலையும் புரிந்துகொள்ள உதவுகிறார்கள் (ஆல்மா 15:8; 3 நேபி 17:9 பார்க்கவும்).

சபைத் தலைவர்களின் உணர்த்தப்பட்ட உதவியைப் பெற்று கூடுதலாக, பாதிக்கப்பட்டவர்களுக்கும் அவர்களது குடும்பங்களுக்கும் தொழில்முறை ஆலோசனை தேவைப்படலாம். மேலும் தகவலுக்கு, 38.6.18.2 ஐப் பார்க்கவும்.

38.6.12

அமானுஷ்யம்

அமானுஷ்யம் இருளில் கவனம் செலுத்துகிறது மற்றும் ஏமாற்றத்திற்கு வழிவகுக்கிறது. இது கிறிஸ்துவின் மீதான நம்பிக்கையை அழிக்கிறது.

அமானுஷ்யத்தில் சாத்தான் வழிபாடு அடங்கும். இயேசு கிறிஸ்துவின் சுவிசேஷத்துக்கு இசைவாக இல்லாத மாயச் செயல்களும் இதில் அடங்கும். இத்தகைய செயல்களில் அதிர்ஷ்டம் சொல்வது, சாபங்கள் மற்றும் அவை தேவனின் ஆசாரிய வல்லமையைப் போலியாக பின்பற்றுகிற குணப்படுத்தும் நடைமுறைகள் ஆகியவை அடங்கும் (ஆனால் அவை மட்டுமல்ல), (மரோனி 7:11–17 பார்க்கவும்).

சபை உறுப்பினர்கள் எந்த விதத்திலும் சாத்தானை வழிபடவோ, அமானுஷ்யத்துடன் எந்த விதத்திலும் ஈடுபடவோ கூடாது. அவர்கள் உரையாடல்களிலோ அல்லது சபை கூட்டங்களிலோ இத்தகைய இருளில் கவனம் செலுத்தக் கூடாது.

38.6.13

ஆபாச படங்கள்

சபை ஆபாசத்தை எந்த வடிவத்திலும் கண்டிக்கிறது. எந்த வகையான ஆபாசப் பயன்பாடு தனிப்பட்ட வாழ்க்கை, குடும்பம் மற்றும் சமூகத்தை சேதப்படுத்துகிறது. அது கர்த்தருடைய ஆவியையும் விரட்டுகிறது. சபை உறுப்பினர்கள் அனைத்து வகையான ஆபாசப் பொருட்களையும் தவிர்க்க வேண்டும் மற்றும் அதன் உற்பத்தி, பரப்புதல் மற்றும் பயன்பாடு ஆகியவற்றை எதிர்க்க வேண்டும்.

ஆபாசப் படங்களைப் பயன்படுத்துவதில் ஒருவர் மனந்திரும்புவதற்கு உதவும்போது தனிப்பட்ட ஆலோசனை மற்றும் முறைசாரா உறுப்பினர் கட்டுப்பாடுகள் பொதுவாக போதுமானவை. உறுப்பினர் ஆலோசனைக்குழு பொதுவாக நடத்தப்படுவதில்லை. இருப்பினும், ஒரு உறுப்பினரின் திருமணம் அல்லது குடும்பத்திற்கு குறிப்பிடத்தக்க தீங்கு விளைவித்த ஆபாசப் படங்களின் தீவிரமான மற்றும் கட்டாயப் பயன்பாட்டிற்கு ஒரு ஆலோசனைக்குழு தேவைப்படலாம் (38.6.5 பார்க்கவும்). ஒரு உறுப்பினர் குழந்தைகளின் ஆபாசப் படங்களை உருவாக்கினால், பகிர்ந்தால், வைத்திருந்தால் அல்லது மீண்டும் மீண்டும் பார்த்தால் ஒரு ஆலோசனைக்குழு தேவை (38.6.6 பார்க்கவும்).

38.6.14

பாரபட்சம்

எல்லா மக்களும் தேவனின் குழந்தைகள். அனைவரும் அவருடைய தெய்வீக குடும்பத்தின் ஒரு பகுதியாக இருக்கும் சகோதர சகோதரிகள் (“குடும்பம்: உலகத்திற்கு ஓர் பிரகடனம்” பார்க்கவும்). தேவன் “மனுஷ ஜாதியான சகலஜனங்களையும் அவர் ஒரே இரத்தத்தினாலே தோன்றப்பண்ணினார்” (அப்போஸ்தலர் 17:26). “அனைவரும் தேவனுக்குச் சமமானவர்களே” (2 நேபி 26:33). ஒவ்வொரு நபரும் “அவர் பார்வையில் மற்றொன்றைப்போலவே விலையேறப்பெற்றதாயுள்ளது” (யாக்கோபு 2:21).

பாரபட்சம் தேவனின் வெளிப்படுத்தப்பட்ட வார்த்தையுடன் ஒத்துப்போவதில்லை. தேவனுக்கு விருப்பமோ அல்லது வெறுப்போ அவரிடத்தில் அர்ப்பணிப்பு மற்றும் அவரது கட்டளைகளை சார்ந்துள்ளது, ஒரு நபரின் தோலின் நிறம் அல்லது பிற பண்புகளில் அல்ல.

எந்தவொரு குழு அல்லது தனிநபர் மீதும் பாரபட்சமான அணுகுமுறைகளையும் செயல்களையும் கைவிடுமாறு சபை அனைத்து மக்களையும் அழைக்கிறது. சபையின் உறுப்பினர்கள், தேவனின் குழந்தைகள் அனைவருக்கும் மரியாதையை அதிகரிக்க வழிவகுக்க வேண்டும். மற்றவர்களை நேசிக்க வேண்டும் என்ற இரட்சகரின் கட்டளையை உறுப்பினர்கள் பின்பற்றுகிறார்கள் (மத்தேயு 22:35-39 பார்க்கவும்). எந்தவொரு பாரபட்சத்தையும் நிராகரித்து, அனைவரிடமும் நல்லெண்ணம் கொண்ட நபர்களாக இருக்க அவர்கள் முயற்சி செய்கிறார்கள். இதில் இனம், குழு, தேசியம், பழங்குடி, பாலினம், வயது, இயலாமை, சமூக பொருளாதார நிலை, மத நம்பிக்கை அல்லது நம்பிக்கையின்மை மற்றும் பாலியல் நோக்குநிலை ஆகியவற்றின் அடிப்படையிலான பாரபட்சம் அடங்கும்.

38.6.15

ஒரே பாலின ஈர்ப்பு மற்றும் ஒரே பாலின நடத்தை

ஒரே பாலினத்தவர்களிடம் ஈர்க்கப்படும் நபர்களை உணர்திறன், அன்பு மற்றும் மரியாதையுடன் அணுகுமாறு குடும்பங்களையும் உறுப்பினர்களையும் சபை ஊக்குவிக்கிறது. தயவு, உள்ளடக்கம், மற்றவர்களிடம் அன்பு, மற்றும் அனைத்து மனிதர்களுக்கும் மரியாதை ஆகியவற்றைப் பற்றிய அதன் போதனைகளை பிரதிபலிக்கும் புரிதலை சமூகத்தில் சபை ஊக்குவிக்கிறது. ஒரே பாலின ஈர்ப்புக்கான காரணங்களில் சபை ஒரு நிலைப்பாட்டை எடுக்கவில்லை.

தேவனின் கட்டளைகள் இருபாலினம் அல்லது ஒரே பாலினமான அனைத்து கற்பற்ற நடத்தைகளையும் தடைசெய்கிறது. சபைத் தலைவர்கள் கற்புடைமை நியாயப்பிரமாணத்தை மீறிய உறுப்பினர்களுக்கு ஆலோசனை கூறுகிறார்கள். இயேசு கிறிஸ்துவில் விசுவாசம் மற்றும் அவரது பாவநிவர்த்தி, மனந்திரும்புதல் மற்றும் பூமியில் வாழ்வின் நோக்கம் ஆகியவற்றைப் பற்றிய தெளிவான புரிதலைப் பெற தலைவர்கள் அவர்களுக்கு உதவுகிறார்கள்.

உறுப்பினர்கள் ஒரே பாலின ஈர்ப்பை உணர்ந்தாலும் மற்றும் கற்புடைமை நியாயப்பிமாணத்தின்படி வாழ முயற்சித்தால், தலைவர்கள் அவர்களது தீர்மானத்தில் அவர்களை ஆதரிக்கிறார்கள் மற்றும் ஊக்குவிக்கிறார்கள். இந்த உறுப்பினர்கள் சபை அழைப்புகளைப் பெறலாம், ஆலயப் பரிந்துரைகளைப் பெறலாம் மற்றும் அவர்கள் தகுதியுடையவர்களாக இருந்தால் ஆலய நியமங்ளைகளைப் பெறலாம். ஆண் சபை உறுப்பினர்கள் ஆசாரியத்துவத்தைப் பெற்று பிரயோகிக்கலாம்.

தங்கள் உடன்படிக்கைகளைக் கடைப்பிடிக்கும் அனைத்து உறுப்பினர்களும் இந்த வாழ்க்கையில் நித்திய திருமணம் மற்றும் பெற்றோரத்துவத்தின் ஆசீர்வாதங்களைப் பெறுவதற்கு அவர்களின் சூழ்நிலைகள் அனுமதித்தாலும் இல்லாவிட்டாலும் நித்தியங்களில் வாக்குறுதியளிக்கப்பட்ட அனைத்து ஆசீர்வாதங்களையும் பெறுவார்கள் (மோசியா 2:41 பார்க்கவும்).

38.6.16

ஓரின திருமணம்

ஒரு கோட்பாட்டுக் கொள்கையாக, வேதங்களின் அடிப்படையில், ஒரு ஆணுக்கும் பெண்ணுக்கும் இடையிலான திருமணம் அவரது குழந்தைகளின் நித்திய இலக்குக்கான சிருஷ்டிகரின் திட்டத்திற்கு இன்றியமையாதது என்பதை சபை உறுதிப்படுத்துகிறது. தேவனின் நியையப்பிரமாணம் திருமணத்தை ஒரு ஆணுக்கும் பெண்ணுக்கும் இடையிலான நியாயபூர்வமான மற்றும் சட்டபூர்வமான இணைப்பாக வரையறுக்கிறது என்றும் சபை உறுதிப்படுத்துகிறது.

38.6.17

பாலியல் கல்வி

குழந்தைகளின் பாலியல் கல்வியில் பெற்றோருக்கு முதன்மை பொறுப்பு உள்ளது. ஆரோக்கியமான, நீதியான பாலுறவு பற்றி பெற்றோர்கள் தங்கள் குழந்தைகளுடன் நேர்மையான, தெளிவான மற்றும் தொடர் உரையாடல்களை நடத்த வேண்டும்.

38.6.18

பாலியல் துஷ்பிரயோகம், கற்பழிப்பு மற்றும் பாலியல் வன்கொடுமையின் பிற வடிவங்கள்

சபை பாலியல் துஷ்பிரயோகத்தை கண்டிக்கிறது. இங்கு பயன்படுத்தப்பட்டுள்ளபடி, பாலியல் துஷ்பிரயோகம் என்பது தேவையற்ற பாலியல் செயல்பாட்டை மற்றொரு நபர் மீது சுமத்துவதாக வரையறுக்கப்படுகிறது. சட்டப்பூர்வ ஒப்புதல் அளிக்காத அல்லது வழங்க முடியாத நபருடன் பாலியல் செயல்பாடு பாலியல் துஷ்பிரயோகமாகக் கருதப்படுகிறது. பாலியல் துஷ்பிரயோகம் ஒரு துணைவர் அல்லது கலந்துபழகும் உறவிலும் ஏற்படலாம். குழந்தை அல்லது இளைஞர் மீதான பாலியல் துஷ்பிரயோகம் பற்றிய தகவலுக்கு, 38.6.2.3 ஐப் பார்க்கவும்.

பாலியல் துஷ்பிரயோகம், துன்புறுத்தல் முதல் கற்பழிப்பு மற்றும் பிற வகையான பாலியல் வன்கொடுமைகள் வரை பரந்த அளவிலான செயல்களை உள்ளடக்கியது. இது உடல் ரீதியாகவும், வாய்மொழியாகவும் மற்றும் பிற வழிகளிலும் ஏற்படலாம். பாலியல் துஷ்பிரயோகம், கற்பழிப்பு அல்லது பிற வகையான பாலியல் வன்கொடுமைகளை அனுபவித்த உறுப்பினர்களுக்கு ஆலோசனை வழங்குவது பற்றிய வழிகாட்டுதலுக்கு, 38.6.18.2 ஐப் பார்க்கவும்.

பாலியல் துஷ்பிரயோகம் குறித்து உறுப்பினர்கள் சந்தேகப்பட்டாலோ அல்லது அறிந்தாலோ, பாதிக்கப்பட்டவர்களையும் மற்றவர்களையும் விரைவில் பாதுகாக்க நடவடிக்கை எடுக்கிறார்கள். இதில் உள்ளூர் அதிகாரிகளிடம் புகார் அளிப்பது மற்றும் ஆயர் அல்லது பிணையத் தலைவரை எச்சரிப்பது ஆகியவை அடங்கும். ஒரு குழந்தை துஷ்பிரயோகம் செய்யப்பட்டிருந்தால், உறுப்பினர்கள் 38.6.2 இல் உள்ள வழிமுறைகளைப் பின்பற்ற வேண்டும்.

38.6.18.2

பாலியல் துஷ்பிரயோகம், கற்பழிப்பு மற்றும் பிற பாலியல் வன்கொடுமைகளால் பாதிக்கப்பட்டவர்களுக்கான ஆலோசனை

பாலியல் துஷ்பிரயோகம், கற்பழிப்பு அல்லது பிற வகையான பாலியல் வன்கொடுமைகளால் பாதிக்கப்பட்டவர்கள் பெரும்பாலும் கடுமையான அதிர்ச்சியை அனுபவிக்கின்றனர். அவர்கள் ஒரு ஆயர் அல்லது பிணையத் தலைவரிடம் நம்பிக்கை வைக்கும்போது, அவர் இதயப்பூர்வமான இரக்கத்துடனும் அனுதாபத்துடனும் பதிலளிப்பார். துஷ்பிரயோகத்தின் அழிவுக்கேதுவான விளைவுகளைக் கடக்க பாதிக்கப்பட்டவர்களுக்கு உதவ அவர் ஆவிக்குரிய ஆலோசனை மற்றும் ஆதரவை வழங்குகிறார். இருக்கும் இடத்தில் சபையின் துஷ்பிரயோக உதவி தொலைபேசி எண்ணையும் அவர் அழைக்கிறார்.

சில நேரங்களில் பாதிக்கப்பட்டவர்களுக்கு அவமானம் அல்லது குற்ற உணர்வு இருக்கும். பாதிக்கப்பட்டவர்கள் பாவம் செய்தவர்கள் அல்ல. பாதிக்கப்பட்டவரைத் தலைவர்கள் குற்றம் சாட்டுவதில்லை. அவர்கள் பாதிக்கப்பட்டவர்களுக்கும் அவர்களது குடும்பங்களுக்கும் தேவனின் அன்பையும், இயேசு கிறிஸ்து மற்றும் அவருடைய பாவநிவர்த்தி மூலம் வரும் குணப்படுத்துதலையும் புரிந்துகொள்ள உதவுகிறார்கள் (ஆல்மா 15:8; 3 நேபி 17:9 பார்க்கவும்).

துஷ்பிரயோகம் அல்லது தாக்குதல் பற்றிய தகவல்களைப் பகிர உறுப்பினர்கள் தேர்வு செய்யலாம் என்றாலும், தலைவர்கள் விவரங்களில் அதிக கவனம் செலுத்தக்கூடாது. இது பாதிக்கப்பட்டவர்களுக்கு தீங்கு விளைவிக்கும்.

சபைத் தலைவர்களின் உணர்த்தப்பட்ட உதவிக்கும் கூடுதலாக, பாதிக்கப்பட்டவர்களுக்கும் அவர்களது குடும்பங்களுக்கும் தொழில்முறை ஆலோசனை தேவைப்படலாம். மேலும் தகவலுக்கு, 31.3. 6 ஐப் பார்க்கவும்.

38.6.18.3

உறுப்பினர் ஆலோசனைக்குழுக்கள்

ஒருவரை பாலியல் வன்கொடுமை செய்த அல்லது துஷ்பிரயோகம் செய்த நபருக்கு உறுப்பினர் ஆலோசனைக்குழு அவசியமாக இருக்கலாம். ஒரு உறுப்பினர் கற்பழித்தலோ அல்லது வேறொரு வகையான பாலியல் வன்கொடுமைக்கு தண்டனை பெற்றாலோ உறுப்பினர் ஆலோசனைக்குழு தேவை.

38.6.20

தற்கொலை

பூலோக வாழ்வு என்பது தேவனின் விலைமதிப்பற்ற வரம்—மதிப்புமிக்க மற்றும் பாதுகாக்கப்பட வேண்டிய வரம். தற்கொலையைத் தடுப்பதை சபை வலுவாக ஆதரிக்கிறது.

தற்கொலை பற்றி யோசித்த பெரும்பாலான மக்கள் உடல், மன, உணர்ச்சி அல்லது ஆவிக்குரிய வலியிலிருந்து நிவாரணம் பெற விரும்புகிறார்கள். அத்தகைய நபர்களுக்கு குடும்பம், சபை தலைவர்கள் மற்றும் தகுதி வாய்ந்த நிபுணர்களிடமிருந்து அன்பு, உதவி மற்றும் ஆதரவு தேவை.

ஒரு உறுப்பினர் தற்கொலை செய்து கொள்ள நினைத்தாலோ அல்லது அதற்கு முயற்சி செய்தாலோ ஆயர் சபை ஆதரவை வழங்குகிறார். அவர் உடனடியாக உறுப்பினருக்கு தொழில்முறை உதவியைப் பெற உதவுகிறார்.

அன்புக்குரியவர்கள், தலைவர்கள் மற்றும் தொழில் வல்லுநர்களின் சிறந்த முயற்சிகள் இருந்தபோதிலும், தற்கொலை எப்போதும் தடுக்கப்படக்கூடியது அல்ல. இது ஆழ்ந்த மனவேதனையையும், உணர்ச்சிக் கொந்தளிப்பையும், அன்புக்குரியவர்களுக்கும் மற்றவர்களுக்கும் பதிலளிக்கப்படாத கேள்விகளையும் விட்டுச்செல்கிறது. தலைவர்கள் குடும்பத்தாருக்கு அறிவுரை கூறி ஆறுதல் கூற வேண்டும். அவர்கள் போஷிப்பு மற்றும் ஆதரவை வழங்குகிறார்கள்.

ஒருவர் தன் உயிரை மாய்த்துக் கொள்வது சரியல்ல. இருப்பினும், தேவனால் மட்டுமே அவரின் எண்ணங்கள், செயல்கள் மற்றும் பொறுப்பேற்றல் ஆகியவற்றை தீர்மானிக்க முடியும் (1 சாமுவேல் 16:7; கோட்பாடும் உடன்படிக்கைகளும் 137:9 ஐப் பார்க்கவும்).

நேசிப்பவரை தற்கொலையால் இழந்தவர்கள் இயேசு கிறிஸ்துவிலும் அவருடைய பாவநிவர்த்தியிலும் நம்பிக்கையையும் குணமாக்குதலையும் பெறலாம்.

38.6.23

திருநங்கைகள்

திருநங்கைகள் சிக்கலான சவால்களை எதிர்கொள்கின்றனர். திருநங்கைகளாக அடையாளம் காணும் உறுப்பினர்கள் மற்றும் உறுப்பினர் அல்லாதவர்கள்—மற்றும் அவர்களது குடும்பத்தினர் மற்றும் நண்பர்கள்—உணர்வு, தயவு, இரக்கம் மற்றும் கிறிஸ்துவைப் போன்ற அன்பில் மிகுதியாக நடத்தப்பட வேண்டும். சபை கூட்டம், பிற ஞாயிறு கூட்டங்கள் மற்றும் சபையின் சமூக நிகழ்வுகளில் கலந்துகொள்ள அனைவரும் வரவேற்கப்படுகிறார்கள் (38.1.1 பார்க்கவும்).

பரலோக பிதாவின் மகிழ்ச்சியின் திட்டத்தில் பாலினம் இன்றியமையாத பண்பு. குடும்ப பிரகடனத்தில் பாலினத்தின் அர்த்தம் பிறக்கும் போது உயிரியல் பாலினம் ஆகும். சிலர் தங்கள் உயிரியல் பாலினத்திற்கும் அவர்களின் பாலின அடையாளத்திற்கும் இடையில் பொருந்தாத உணர்வுகளை அனுபவிக்கிறார்கள். இதன் விளைவாக, அவர்கள் திருநங்கைகளாக அடையாளம் காணப்படலாம். திருநங்கைகளாக அடையாளம் காணப்படுவதற்கான காரணங்கள் குறித்து சபை ஒரு நிலைப்பாட்டை எடுக்கவில்லை.

பெரும்பாலான சபை பங்கேற்பு மற்றும் சில ஆசாரியத்துவ நியமங்கள் பாலின நடுநிலையானவை. 38.2.8.10ல் கோடிட்டுக் காட்டப்பட்டுள்ளபடி திருநங்கைகள் ஞானஸ்நானம் பெற்று திடப்படுத்தப்படலாம். அவர்கள் திருவிருந்தில் பங்குபெறலாம் மற்றும் ஆசாரியத்துவ ஆசீர்வாதங்களைப் பெறலாம். இருப்பினும், ஆசாரியத்துவ நியமனம் மற்றும் ஆலய நியமங்கள் பிறக்கும்போதே உயிரியல் பாலினத்தின்படி பெறப்படுகின்றன.

பிறக்கும் போது ஒரு நபரின் உயிரியல் பாலினத்தின் எதிர் பாலினத்திற்கு மாற முயற்சிக்கும் நோக்கத்திற்காக தேர்ந்தெடுக்கப்பட்ட மருத்துவ அல்லது அறுவை சிகிச்சைக்கு எதிராக சபைத் தலைவர்கள் ஆலோசனை கூறுகிறார்கள் (“பாலியல் மறுசீரமைப்பு”). இந்த நடவடிக்கைகளை எடுப்பது சபை உறுப்பினர் கட்டுப்பாடுகளுக்கு காரணமாக இருக்கும் என்று தலைவர்கள் அறிவுறுத்துகிறார்கள்.

சமூக மாற்றத்திற்கு எதிராக தலைவர்களும் ஆலோசனை வழங்குகிறார்கள். ஒரு சமூக மாற்றம் என்பது, பிறக்கும்போதுள்ள அவரது உயிரியல் பாலினத்தைத் தவிர, தன்னைக் காட்டிக்கொள்ள, உடை அல்லது சீர்ப்படுத்துதல் அல்லது பெயர் அல்லது பிரதிபெயர்களை மாற்றுவது ஆகியவை அடங்கும். சமூக ரீதியாக மாறுபவர்கள் இந்த மாற்றத்தின் காலத்திற்கு சில சபை உறுப்பினர் கட்டுப்பாடுகளை அனுபவிப்பார்கள் என்று தலைவர்கள் அறிவுறுத்துகிறார்கள்.

ஆசாரியத்துவத்தைப் பெறுதல் அல்லது பயிற்சி செய்தல், ஆலய பரிந்துரையைப் பெறுதல் அல்லது பயன்படுத்துதல் மற்றும் சில சபை அழைப்புகளைப் பெறுதல் ஆகியவை கட்டுப்பாடுகளில் அடங்கும். சபை உறுப்பினர்களின் சில சலுகைகள் கட்டுப்படுத்தப்பட்டாலும், மற்ற சபை பங்கேற்பு வரவேற்கப்படுகிறது.

ஒரு உறுப்பினர் தனது விருப்பமான பெயர் அல்லது முகவரியின் பிரதிபெயர்களை மாற்ற முடிவு செய்தால், உறுப்பினர் பதிவேட்டில் விருப்பமான பெயர் புலத்தில் பெயர் விருப்பம் குறிப்பிடப்படலாம். தொகுதியில் விருப்பமான பெயரால் நபர் அழைக்கப்படலாம்.

சூழ்நிலைகள் அங்கத்துக்கு அங்கம் மற்றும் நபருக்கு நபர் பெரிதும் மாறுபடும். உறுப்பினர்கள் மற்றும் தலைவர்கள் ஒன்றாகவும் கர்த்தருடனும் ஆலோசிக்கிறார்கள். பிரதேச தலைவர்கள் உள்ளூர் தலைவர்களுக்கு தனிப்பட்ட சூழ்நிலைகளை உணர்திறனுடன் உரையாட உதவுவார்கள். பிணையத் தலைவருடன் ஆயர்கள் ஆலோசிக்கிறார்கள். பிணையத் தலைவர்கள் மற்றும் ஊழியத் தலைவர்கள் பிரதேச தலைமையில் இருந்து ஆலோசனை பெற வேண்டும் (32.6.3 பார்க்கவும்).

38.7

மருத்துவ மற்றும் சுகாதார கொள்கைகள்

38.7.2

அடக்கமும் எரித்தலும்

இறந்தவரின் உடலை புதைக்க வேண்டுமா அல்லது தகனம் செய்ய வேண்டுமா என்பதை அவரது குடும்பத்தினர் முடிவு செய்கின்றனர். அவர்கள் தனிமனிதனின் ஆசைகளை மதிக்கிறார்கள்.

சில நாடுகளில், சட்டப்படி தகனம் செய்ய வேண்டும். மற்ற சந்தர்ப்பங்களில், அடக்கம் செய்வது நடைமுறையில் இல்லை அல்லது குடும்பத்திற்கு கட்டுப்படியாகாது. எல்லா சந்தர்ப்பங்களிலும், உடலை மரியாதையுடனும் பயபக்தியுடனும் நடத்த வேண்டும். உயிர்த்தெழுதலின் வல்லமை எப்பொழுதும் பொருந்தும் என்று உறுப்பினர்கள் உறுதியளிக்கப்பட வேண்டும் (ஆல்மா 11:42–45 ஐப் பார்க்கவும்).

முடிந்தால், தரிப்பித்தல் பெற்ற இறந்த உறுப்பினரின் உடல் புதைக்கப்படும்போது அல்லது தகனம் செய்யும் போது ஆலய சடங்கு உடைகளை அணிய வேண்டும் (38.5.8 பார்க்கவும்).

38.7.3

பிறப்பதற்கு முன்பே இறக்கும் குழந்தைகள் (இறந்து பிறந்த மற்றும் கருச்சிதைவடைந்த குழந்தைகள்)

நினைவஞ்சலி அல்லது கல்லறை அருகில் ஆராதனைகளை நடத்தலாமா என்பதை பெற்றோர்கள் தீர்மானிக்கலாம்.

பிறப்பதற்கு முன்பே மரித்து போகும் குழந்தைகளுக்கு ஆலய நியமங்கள் தேவையில்லை அல்லது நிறைவேற்றப்படுவதில்லை. இந்த குழந்தைகள் நித்தியத்தில் குடும்பத்தின் ஒரு பகுதியாக இருக்கலாம் என்பதை இது மறுக்கவில்லை. பெற்றோர்கள் கர்த்தரை நம்பி அவருடைய ஆறுதலைத் தேட ஊக்குவிக்கப்படுகிறார்கள்.

38.7.4

கருணைக்கொலை

பூலோக வாழ்க்கை என்பது தேவனின் விலைமதிப்பற்ற பரிசு. கருணைக்கொலை என்பது தீராத நோயால் அல்லது வேறு நிலையால் பாதிக்கப்பட்ட ஒருவரின் வாழ்க்கையை வேண்டுமென்றே முடிவுக்குக் கொண்டுவருவதாகும். கருணைக்கொலையில் பங்குபெறும் ஒருவர், ஒருவர் தற்கொலை செய்துகொள்ள உதவுவது உட்பட, தேவனின் கட்டளைகளை மீறுகிறார் மற்றும் உள்ளூர் சட்டங்களையும் மீறுவதாக இருக்கலாம்.

வாழ்க்கையின் முடிவில் ஒரு நபருக்கான தீவிர வாழ்க்கை ஆதரவு நடவடிக்கைகளை நிறுத்துவது அல்லது கைவிடுவது கருணைக்கொலையாக கருதப்படாது (38.7.11 பார்க்கவும்).

38.7.5

எச்.ஐ.வி தொற்று மற்றும் எய்ட்ஸ்

எச்.ஐ.வி (மனித நோயெதிர்ப்பு குறைபாடு வைரஸ்) அல்லது எய்ட்ஸ் (பெற்ற நோயெதிர்ப்பு குறைபாடு நோய்க்குறி) உள்ள உறுப்பினர்கள் சபை கூட்டங்கள் மற்றும் செயல்பாடுகளில் வரவேற்கப்பட வேண்டும். அவர்களின் வருகை மற்றவர்களுடைய ஆரோக்கியத்திற்கு ஆபத்தை ஏற்படுத்தாது.

38.7.8

மருத்துவம் மற்றும் சுகாதாரம்

தகுதிவாய்ந்த மருத்துவ உதவியை நாடுவது, விசுவாசத்தை கடைபிடிப்பது மற்றும் ஆசாரியத்துவ ஆசீர்வாதங்களைப் பெறுதல் ஆகியவை கர்த்தரின் சித்தத்தின்படி குணமடைய ஒன்றாக வேலை செய்கின்றன.

நியாயம், ஆன்மீகம் அல்லது சட்டரீதியாக கேள்விக்குரிய மருத்துவ அல்லது சுகாதார நடைமுறைகளை உறுப்பினர்கள் பயன்படுத்தவோ அல்லது ஊக்குவிக்கவோ கூடாது. உடல்நலப் பிரச்சினைகள் உள்ளவர்கள் உரிமம் பெற்ற திறமையான மருத்துவ நிபுணர்கள் அவர்கள் பயிற்சி செய்யும் பகுதிகளில் கலந்தாலோசிக்க வேண்டும்.

38.7.9

மருத்துவ மரிஜுவானா

மருத்துவம் அல்லாத நோக்கங்களுக்காக மரிஜுவானாவைப் பயன்படுத்துவதை சபை எதிர்க்கிறது. 38.7.14 பார்க்கவும்.

38.7.11

ஆயுளை நீட்டித்தல் (வாழ்க்கை ஆதரவு உட்பட)

கடுமையான வழிகளில் பூலோக வாழ்க்கையை நீட்டிக்க உறுப்பினர்கள் கடமைப்பட்டதாக உணரக்கூடாது. இந்த முடிவுகள், முடிந்தால், அந்த நபரால் அல்லது குடும்ப உறுப்பினர்களால் சிறந்த முறையில் எடுக்கப்படுகின்றன. அவர்கள் திறமையான மருத்துவ ஆலோசனையையும் ஜெபம் மூலம் தெய்வீக வழிகாட்டுதலையும் பெற வேண்டும்.

38.7.13

தடுப்பூசிகள்

திறமையான மருத்துவ நிபுணர்களால் வழங்கப்படும் தடுப்பூசிகள் ஆரோக்கியத்தைப் பாதுகாக்கின்றன மற்றும் உயிரைப் பாதுகாக்கின்றன. தடுப்பூசி மூலம் தங்களை, தங்கள் குழந்தைகள் மற்றும் தங்கள் சமூகங்களை பாதுகாக்க சபை உறுப்பினர்கள் ஊக்குவிக்கப்படுகிறார்கள்.

இறுதியில், தடுப்பூசி பற்றி தங்கள் சொந்த முடிவுகளை எடுக்க தனிநபர்கள் பொறுப்பாளிகள். உறுப்பினர்களுக்கு அக்கறைகள் இருந்தால், அவர்கள் திறமையான மருத்துவ நிபுணர்களிடம் ஆலோசனை பெற வேண்டும், மேலும் பரிசுத்த ஆவியின் வழிகாட்டுதலையும் நாட வேண்டும்.

38.7.14

ஞான வார்த்தை மற்றும் ஆரோக்கியமான நடைமுறைகள்

ஞான வார்த்தை தேவனின் கட்டளை. கோட்பாடும் உடன்படிக்கைகளும் 89 இல் உள்ள போதனைகளில் புகையிலை, போதை பானங்கள் (ஆல்கஹால்) மற்றும் சூடான பானங்கள் (தேநீர் மற்றும் காபி) ஆகியவை அடங்கும் என்று தீர்க்கதரிசிகள் தெளிவுபடுத்தியுள்ளனர்.

ஞான வார்த்தையில் அல்லது சபைத் தலைவர்களால் குறிப்பிடப்படாத பிற தீங்கு விளைவிக்கும் பொருட்கள் மற்றும் செயல்கள் உள்ளன. உறுப்பினர்கள் தங்கள் உடல், ஆவிக்குரிய மற்றும் உணர்ச்சி ஆரோக்கியத்தை மேம்படுத்துவதற்குத் தேர்வுகளை செய்வதில் ஞானத்தையும் ஜெபத்துடனான முடிவையும் பயன்படுத்த வேண்டும்.

38.8

நிர்வாகக் கொள்கைகள்

38.8.1

தத்தெடுப்பு மற்றும் வளர்ப்பு பராமரிப்பு

குழந்தைகளைத் தத்தெடுத்து வளர்ப்புப் பராமரிப்பை வழங்குவதன் மூலம் குழந்தைகளையும் குடும்பங்களையும் ஆசீர்வதிக்கலாம். அன்பான, நித்திய குடும்பங்களை தத்தெடுப்பதன் மூலம் உருவாக்க முடியும். குழந்தைகள் தத்தெடுப்பு அல்லது பிறப்பு மூலம் ஒரு குடும்பத்திற்கு வந்தாலும், அவர்கள் சமமான மதிப்புமிக்க ஆசீர்வாதம்.

குழந்தைகளை தத்தெடுக்க அல்லது வளர்ப்புப் பராமரிப்பை வழங்க விரும்பும் உறுப்பினர்கள் சம்பந்தப்பட்ட நாடுகள் மற்றும் அரசாங்கங்களின் பொருந்தக்கூடிய அனைத்து சட்டங்களுக்கும் கீழ்ப்படிய வேண்டும்.

38.8.4

பொது அதிகாரிகள், பொது அலுவலர்கள் மற்றும் பிரதேச எழுபதின்மரின் ஆட்டோகிராப்கள் மற்றும் புகைப்படங்கள்

சபை உறுப்பினர்கள் பொது அதிகாரிகள், பொது அலு வலர் கள் அல்லது பிரதேச எழுபதின்மரின் ஆட்டோகிராப்களை நாடக்கூடாது. அவ்வாறு செய்வது அவர்களின் பரிசுத்தமான அழைப்புகள் மற்றும் கூட்டங்களின் உணர்வை குறைக்கிறது. மற்ற உறுப்பினர்களை வாழ்த்துவதையும் அது தடுக்கலாம்.

உறுப்பினர்கள் கூடுமிடங்களில் பொது அதிகாரிகள், பொது அலுவலர்கள் அல்லது பிரதேச எழுபதின்மரின் புகைப்படங்களை எடுக்கக்கூடாது.

38.8.7

சபை இதழ்கள்

சபை இதழ்களில் பின்வருவன அடங்கும்:

• நண்பன் பிள்ளைகளுக்காக

• இளைஞரின் பெலனுக்காக இளைஞருக்காக.

• லியஹோனா வயதுவந்தோருக்காக.

பிரதான தலைமை அனைத்து உறுப்பினர்களையும் சபைப் பத்திரிகைகளைப் படிக்க ஊக்குவிக்கிறது. இயேசு கிறிஸ்துவின் சுவிசேஷத்தைக் கற்றுக்கொள்ளவும், ஜீவிக்கிற தீர்க்கதரிசிகளின் போதனைகளைப் படிக்கவும், உலகளாவிய சபைக் குடும்பத்துடன் இணைந்திருப்பதை உணரவும், விசுவாசத்துடன் சவால்களை எதிர்கொள்ளவும், தேவனிடம் நெருங்கி வரவும் இதழ்கள் உறுப்பினர்களுக்கு உதவ முடியும்.

38.8.8

சபை பெயர், சொல்லடையாளம் மற்றும் சின்னம்

சபையின் பெயர், சொல்லடையாளம் மற்றும் சின்னம் ஆகியவை முக்கிய சபை அடையாளங்காட்டிகளாகும்.

சொல்லடையாளம் மற்றும் சின்னம் சபையின் சொல்லடையாளம் மற்றும் சின்னம் (மேலே உள்ள விளக்கத்தைப் பார்க்கவும்) பன்னிரு அப்போஸ்தலர்களும் பிரதான தலைமையும் அங்கீகரிக்கப்பட்டபடி மட்டுமே பயன்படுத்தப்பட வேண்டும். அவை அலங்கார கூறுகளாகப் பயன்படுத்தப்படக்கூடாது. எந்தவொரு தனிப்பட்ட, வணிக அல்லது விளம்பர வழிகளிலும் அவற்றைப் பயன்படுத்தக்கூடாது.

38.8.10

கணினிகள்

சபைக் கூடுமிடங்களில் பயன்படுத்தப்படும் கணினிகள் மற்றும் மென்பொருள்கள் சபைத் தலைமையகம் அல்லது பிரதேச அலுவலகத்தால் வழங்கப்பட்டு நிர்வகிக்கப்படுகின்றன. தலைவர்களும் உறுப்பினர்களும் குடும்ப வரலாற்றுப் பணிகள் உட்பட சபை நோக்கங்களை ஆதரிக்க இந்த ஆதாரங்களைப் பயன்படுத்துகின்றனர்.

இந்த கணினிகளில் உள்ள அனைத்து மென்பொருட்களும் சபையில் முறையாக உரிமம் பெற்றிருக்க வேண்டும்.

38.8.12

பாடத்திட்ட புத்தகங்கள்

இயேசு கிறிஸ்துவின் சுவிசேஷத்தைக் கற்றுக்கொள்ளவும் அதன்படி வாழவும் உறுப்பினர்களுக்கு உதவும் புத்தகங்களை சபை வழங்குகிறது. வேதங்கள், பொது மாநாட்டுச் செய்திகள், பத்திரிகைகள், கையேடுகள், புத்தகங்கள் மற்றும் பிற ஆதாரங்கள் இதில் அடங்கும். வீட்டில் சுவிசேஷத்தைப் படிக்க தேவையான வேதங்களையும் பிற ஆதாரங்களையும் பயன்படுத்த தலைவர்கள் உறுப்பினர்களை ஊக்குவிக்கிறார்கள்.

38.8.14

உடையும் தோற்றமும்

சபையின் உறுப்பினர்கள் தகுந்த உடை மற்றும் தோற்றம் பற்றிய தேர்வுகளில் உடலுக்கு மரியாதை காட்ட ஊக்குவிக்கப்படுகிறார்கள். எது பொருத்தமானது என்பது கலாச்சாரங்கள் மற்றும் வெவ்வேறு சந்தர்ப்பங்களில் மாறுபடும்.

38.8.16

உபவாச நாள்

உறுப்பினர்கள் எந்த நேரத்திலும் உபவாசம் இருக்கலாம். இருப்பினும், அவர்கள் வழக்கமாக மாதத்தின் முதல் ஓய்வுநாளை உபவாச நாளாகக் கடைப்பிடிப்பார்கள்.

உபவாச நாளில் ஜெபம் செய்வது, 24 மணிநேரம் உணவு மற்றும் பானங்கள் இல்லாமல் இருப்பது (உடல் திறன் இருந்தால்) மற்றும் தாராளமான உபவாச காணிக்கை வழங்குவது ஆகியவை அடங்கும். உபவாச காணிக்கை என்பது தேவைப்படுபவர்களுக்கு உதவுவதற்கான நன்கொடையாகும் (22.2.2 பார்க்கவும்).

சில சமயங்களில் சபை முழுவதும் அல்லது உள்ளூர் கூட்டங்கள் மாதத்தின் முதல் ஓய்வுநாளில் நடத்தப்படுகின்றன. இது நிகழும்போது, உபவாச நாளுக்கான மாற்று ஓய்வுநாளை பிணையத் தலைவர் தீர்மானிக்கிறார்.

38.8.17

சூதாட்டம் மற்றும் லாட்டரிகள்

எந்த வடிவத்திலும் சூதாட்டத்தை சபை எதிர்க்கிறது மற்றும் அதற்கு எதிராக ஆலோசனையளிக்கிறது. இதில் விளையாட்டு பந்தயம் மற்றும் அரசு வழங்கும் லாட்டரிகளும் அடங்கும்.

38.8.19

குடியேற்றம்

தங்கள் பூர்வீக தேசங்களில் தங்கியிருக்கும் உறுப்பினர்கள் பெரும்பாலும் அங்கு சபையைக் கட்டியெழுப்பவும் பலப்படுத்தவும் வாய்ப்புகள் உள்ளன. இருப்பினும், வேறொரு நாட்டிற்கு குடிபெயர்வது தனிப்பட்ட விருப்பம்.

வேறொரு நாட்டிற்குச் செல்லும் உறுப்பினர்கள் பொருந்தக்கூடிய அனைத்து சட்டங்களுக்கும் கீழ்ப்படிய வேண்டும் (கோட்பாடும் உடன்படிக்கைகளும் 58:21 ஐப் பார்க்கவும்).

ஊழியக்காரர்கள் மற்றவர்களின் குடியேற்றத்திற்கு நிதியுதவி செய்ய முன்வரக்கூடாது.

38.8.22

தேசத்தின் சட்டங்கள்

உறுப்பினர்கள் தாங்கள் வாழும் அல்லது பயணம் செய்யும் எந்தவொரு நாட்டிலும் சட்டங்களுக்குக் கீழ்ப்படிந்து, மதிக்க வேண்டும் மற்றும் ஆதரிக்க வேண்டும் (கோட்பாடும் உடன்படிக்கைகளும் 58:21-22; விசுவாசப் பிரமாணங்கள் 1:12 ஐப் பார்க்கவும்). மதமாற்றத்தைத் தடுக்கும் சட்டங்களும் இதில் அடங்கும்.

38.8.25

சபை தலைமையகத்துடன் உறுப்பினர்களின் தொடர்பு

கோட்பாட்டு கேள்விகள், தனிப்பட்ட சவால்கள் அல்லது கோரிக்கைகள் பற்றி பொது அதிகாரிகளை அழைப்பது, மின்னஞ்சல் அனுப்புவது அல்லது கடிதங்கள் எழுதுவது ஆகியவற்றுக்கு சபை உறுப்பினர்கள் ஊக்கமளிக்கப்படவில்லை. ஆவிக்குரிய வழிகாட்டுதலை நாடும்போது உறுப்பினர்கள் தங்கள் உள்ளூர் தலைவர்கள், அவர்களின் ஒத்தாசைச் சங்கம் அல்லது மூப்பர் குழுமத் தலைவர் உள்ளிட்டவர்களை அணுக ஊக்குவிக்கப்படுகிறார்கள் (31.3 பார்க்கவும்).

38.8.27

குறைபாடுகள் உள்ள உறுப்பினர்கள்

தலைவர்களும் உறுப்பினர்களும் தங்கள் அங்கத்துக்குள் வாழும் அனைவரின் தேவைகளையும் நிவர்த்தி செய்ய ஊக்குவிக்கப்படுகிறார்கள். குறைபாடுகள் உள்ள உறுப்பினர்கள் மதிக்கப்படுகிறார்கள் மற்றும் அர்த்தமுள்ள வழிகளில் பங்களிக்க முடியும். குறைபாடுகள் அறிவார்ந்த, சமூக, உணர்ச்சி அல்லது உடல் ரீதியாக இருக்கலாம்.

38.8.29

பிற நம்பிக்கைகள்

உணர்த்துதலான, உத்தமமான மற்றும் உயர்ந்த மரியாதைக்கு தகுதியானவை பல பிற மதங்களில் காணப்படுகின்றன. ஊழியக்காரர்கள் மற்றும் பிற உறுப்பினர்கள் மற்றவர்களின் நம்பிக்கைகள் மற்றும் மரபுகள் மீது உணர்திறன் மற்றும் மரியாதையுடன் இருக்க வேண்டும்.

38.8.30

அரசியல் மற்றும் உள்ளூர் செயல்பாடு

சபை உறுப்பினர்கள் அரசியல் மற்றும் அரசாங்க விவகாரங்களில் பங்கேற்க ஊக்குவிக்கப்படுகிறார்கள். பல நாடுகளில், இதில் பின்வருவன அடங்கும்:

• வாக்களித்தல்.

• அரசியல் கட்சிகளில் சேர்வது அல்லது பணியாற்றுவது.

• நிதி உதவி வழங்குதல்.

• கட்சி நிர்வாகிகள் மற்றும் வேட்பாளர்களுடன் தொடர்பு.

• உள்ளூர் மற்றும் தேசிய அரசாங்கத்தில் தேர்ந்தெடுக்கப்பட்ட அல்லது நியமிக்கப்பட்ட அலுவல்களில் பணியாற்றுதல்.

உறுப்பினர்கள் வாழவும் குடும்பங்களை வளர்க்கவும் தங்கள் சமூகங்களை ஆரோக்கியமான இடங்களாக மாற்றுவதற்கு தகுதியான நோக்கங்களில் பங்கேற்கவும் ஊக்குவிக்கப்படுகிறார்கள்.

உள்ளூர் சபைத் தலைவர்கள் அரசியல் விஷயங்களில் உறுப்பினர்கள் பங்கேற்க ஏற்பாடு செய்யக்கூடாது. உறுப்பினர்கள் பங்கேற்கும் விதத்தில் தலைவர்கள் செல்வாக்கு செலுத்த முயற்சிக்கக் கூடாது.

தலைவர்களும் உறுப்பினர்களும் எந்தவொரு அரசியல் கட்சி, மேடை, கொள்கை அல்லது வேட்பாளரின் சபை ஒப்புதல் என விளக்கப்படும் அறிக்கைகள் அல்லது நடத்தைகளைத் தவிர்க்க வேண்டும்.

38.8.31

உறுப்பினர்களின் தனியுரிமை

சபைத் தலைவர்கள் உறுப்பினர்களின் தனியுரிமையைப் பாதுகாக்க கடமைப்பட்டுள்ளனர். சபைப் பதிவேடுகள், கோப்பகங்கள் மற்றும் ஒத்த பொருட்கள் தனிப்பட்ட, வணிக அல்லது அரசியல் நோக்கங்களுக்காக பயன்படுத்தப்படக்கூடாது.

38.8.35

அகதிகள்

தேவைப்படுபவர்களைக் கவனித்துக்கொள்வதற்கான அவர்களின் பொறுப்பின் ஒரு பகுதியாக (மோசியா 4:26 பார்க்கவும்), சபை உறுப்பினர்கள் தங்கள் நேரம், திறமைகள் மற்றும் நட்பை தங்கள் சமூகங்களின் உறுப்பினர்களாக அகதிகளை வரவேற்க வழங்குகிறார்கள்.

38.8.36

சபை நிதி உதவிக்கான கோரிக்கைகள்

தேவையிலிருக்கும் உறுப்பினர்கள் சபை தலைமையகத்தைத் தொடர்புகொள்வதற்குப் பதிலாக அல்லது பிற சபைத் தலைவர்கள் அல்லது உறுப்பினர்களிடம் பணம் கேட்பதற்குப் பதிலாக தங்கள் ஆயருடன் பேச ஊக்குவிக்கப்படுகிறார்கள்.