22.

Long Givim ol nid bilong ol Gutpela Sindaun na Bildim Self-Rilaiens

22.0

Tok I Go Pas

Ol memba bilong Sios i kavanen long “karim hevi bilong ol narapela , pilim sore wantaim ol husat i sore, na givim bel isi long ol lain husat i nidim dispela bel isi” (Mosaia 18:8–9).

Ol Sios memba i save kisim tu kaunselin long strongim self-rilaiens bilong ol yet thru long gutpela wok karimaut na halivim i kam long Bikpela. Self-Rilaiens em dispela save, komitmen, na traim long givim dispela spirituol na temporel ol nid bilong laip bilong wanpela na famili.

---

HATWOK BILONG WANWAN MANMERI NA FAMILI

---

22.1

Long Bildim Self-Rilaiens

Wantaim halivim i kam long Bikpela, ol memba i ken bildim self-rilaiens insait long ol dispela wei:

• Divelopim spirituol, pisikol, na ol strongpela tingting.

• Kisim gut save long sku na wok.

• Mekim moa gut ol nid bilong gutpela sindaun na kamap redi.

22.1.4

Long Redim Ol Nid bilong Gutpela Sindaun

Ol dispela skripsa i tisim ol dispela impotens bilong kamap redi ( lukim Ezekiel 38:7; Doktrin na ol kavanen 38:30). Ol memba i save kisim kaunsel long kamap redi olsem ol i ken lukautim ol yet, ol famili bilong ol, na ol narapela long taim bilong nid.

Ol memba i apim fainenciel redines bai:

• Baim ol tait na ofarin (lukim Malachi 3:8-12).

• Long rausim na aburusim dispela pasin bilong dinau.

• Redi na stap insait long bajet bilong yu.

• Putim moni long said bilong bihain taim.

• Long kisim gutpela save long halivim ol lukautim ol yet na ol famili bilong ol yet (lukim 22.3.3).

Long kamap redi i inkludim wanpela plan long olsem wanem long lukautim ol impoten nid long taim bilong trabol. Ol member i bin kisim gutpela toktok long bildim saplai bilong kaikai, wara, na ol narapela samting bilong sotpela taim na longpela taim.

22.2

Minista long Ol Lain wantaim Temporel na Imosenel Nid

Bikpela i lainim ol disaipel bilong em long “lav na long sevim wanpela narapela” na long “sapotim ol narapela i stap long nid bilong sapot” (Mosaia 4:15-16). Ol memba i mas traim long lukim ol narapela olsem Seivia save lukim ol, save long ol wanwan strong bilong ol na ol nid. Dispela ol nid i ken inkludim kaikai, kolos, haus, skul, wok, helt bilong wanwan, na long kisim ol gutpela tingting.

22.2.1

Dsipela Stohaus bilong Bikpela

Olgeta ol dispela samting i stap long Sios long halivim ol lain wantaim ol nid bilong gutpela sindaun bilong ol em i kolim dispela stohaus bilong Bikpela (lukim Doktrin na Ol Kavanen 82:18–19). Dispela i kam wantaim ol memba husat i givim taim bilong ol, ol talen, soim pasin bilong sore, ol meteriel samting, na moni long halivim ol lain husat i nidim.

Dispela stohaus bilong bikpela bai stap insait long wanwan wod na stek. Ol lida i ken sampela taim halivim ol wanwan man o meri na ol famili long painim aut ol wei long mitim ol nid bilong ol thru long ol save, skil, na ol sevis i kam long ol wod na stek memba.

22.2.2

Dispela Lo bilong Lusim Kaikai na ol Fas Ofarin

Bikpela i kamapim dispela lo bilong lusim kaikai na ol fas ofarin long blessim ol pipol bilong Em na long givim ol wanpela wei long sevim ol narapela husat i gat nid. Ol memba bai i go klostu long Bikpela na kisim moa strong insait long spirit taim ol i stap long dispela lo bilong lusim kaikai. (Lukim Isaiah 58:6–12; Malachi 3:8–12.)

Long Fas i nap mekim long laik bilong yu. Tasol, ol memba planti taim save bihainim dispela nambawan Sabat bilong wanwan mun olsem wanpela de long lusim kaikai. Long dispela de long lusim kaikai em i inkludim ol dispela:

• Long pre

• long noken kaikai na drin wara long wanpela 24 aua (sapos bodi em i strong)

• Long givim wanpela fas ofa

Fas ofarin em i wanpela donesen long halivim ol lain husat i nidim. Taim ol memba i fas, ol i ken givim wanpela ofarin we i wankain velu olsem ol kaikai i no kaikai yet.

Ol memba i ken givim ol fas ofarin bilong ol wantaim ol taiting, na ol narapla ofaring fom i go long bisop o wanpela bilong ol kaunsela bilong em. Insait long sampela ol eria, ol i ken mekim ol donesen bilong ol onlain.

---

HATWOK BILONG OL LIDA

---

22.3

Paten bilong Bildim Self-Rilaiens na Ministerin long ol Lain Husat i gat Nid.

22.3.1

Luk Aut long Ol Lain Husat i Gat Nid

Bisop i gat wanpela sakred wok long luk aut na lukautim ol lain husat i gat nid (lukim Doktrin na Ol Kavanen 84:112). Ol narapela husat i gat wanpela impoten wok long halivim bisop long dispela wok inkludim:

• Ol Ministerin brata na susa.

• Rilif Sosaiti na eldas kwarum presidensi.

• Ol kaunsela bilong bisop.

• Ol narapela memba bilong dispela wod kaunsel.

22.3.2

Halivim Ol Memba long Skelim na Adresim ol Nid long wanpela sotpela-Taim

Ol Memba i traim long mitim ol impoten nid bilong ol thru long hatwok bilong ol yet na halivim i kam long ol narapela famili memba Taim dispela em no inap, ol memba i nugut nidim halivim long ol narapela lain olsem:

• Gavman na ol komuniti risos (lukim 22.12).

• Halivim i kam long Sios.

Halivim i kam long Sios i ken inkludim ol nid olsem kaikai, ol smating long klinim bodi, ol kolos, haus, o ol narapela impoten samting. Bisop i ken yusim ol moni bilong fas ofarin long mitim ol dispela ol nid. Taim oda bilong bisop i stap pinis, bisop bai yusim ol dispela long givim kaikai na ol narapela ol impoten samting (lukim “Oda bilong Bisop na Riferal” insait Lida na Klak Risos [LCR]).

22.3.3

Halivim Ol Memba long Bildim lon-tem Self-Relaiens

Ol memba nugut nidim sapot long halivimwantaim lon-tem ol selens. Edukesen, vokeisenol trainin, o ol narapela wei i ken halivim ol long bildim self-rilaiens na givim dispela ol nid bilong longpela-taim.

Dispela Plen bilong Self-Rilaiens bai halivim ol memba long luksave long ol strong na ol nid. Em tu save halivim ol long luksave long ol usful wei. Dispela plen i mas long yus taim tingtingi kamap long usim halivim bilong sios.

22.3.4

Minista long Ol Lain wantaim imosenal nid

Planti long ol memba i save ekspiriensim dispela imosenal salens. Ol Ministerin brata na susa na wantaim ol wod lida ken kamap olsem ol instramen long halivim ol memba wantaim dispela ol salens.

22.4

Ol Prinsipol bilong Givim aut Halivim i kam long Sios

Wantaim halivim i kam long Bikpela, ol memba i ken lukluk long lukautim ol yet na ol famili bilong ol.

Halivim i kam long Sios em i long halivim ol memba long traim long lukautim ol yet, na i no long narapela long lukautim ol. Sampela ol halivim Sios i givim i mas strongim ol memba long hat wok long kamap self-rilaien.

22.4.1

Strongim Wanwan na ol Famili Risponsibiliti

Ol lida i tisim olsem ol wanwan manmeri na ol famili gat dispela praimeri wok bilong ol long lukautim sindaun bilong ol yet,tingting,spirituol wel-bin.

Pastaim long givim halivim bilong Sios, dispela bisop (o narapela lida o memba em i makim) bai lukluk gen wantaim ol memba wanem ol risos ol i wok long yusim stap long mitim ol nid bilong ol yet.

22.4.2

Long Givim Halivim long Sotpela Taim bilong ol Impoten Nid

Dispela aim bilong halivim i kam long Sios em i long sotpela taim mitim ol impoten nid taim ol memba wok hat long kamap self-rilaiens o long sapotim ol yet.

Ol bisop i mas soim gutpela jasmen na kisim daireksen long spirit taim ol tingting gut long hau long givim asisten. Ol i mas pilim sore na givim tasol long noken mekim ol memba long dipen long halivim bilong sios.

22.4.3

Long Givim Ol Risos o Sevis na i no Moni

Sapos dispela i olsem, bisop i mas noken givim moni. Tasol, em i mas yusim dispela fas ofarin o bisop oda long givim ol memba ol kaikai o sevis. Ol memba i ken usim moni bilong ol yet long baim ol narapela ol nid.

Taim dispela em i no inap, bisop i ken halivim long usim ol fas ofarin long baim ol impoten bil long sotpela taim (lukim 22.5.2).

22.4.4

Givim Wok o Ol Sevis Opotuniti

Bisop i bai invaitim ol lain husat i kisim halivim long wok o provaidim sevis long abiliti bilong ol. Dispela bai halivim ol memba long gat dispela rispek. Em tu save inkrisim abiliti bilong ol long kamap self-rilaient.

22.4.5

Noken Tokaut long ol Halivim Sios i Givim

Dispela bisop na ol narapela wod lida i mas noken tokaut long ol inpomesen bilong ol memba husait save nidim halivim bilong Sios. Dispela bai lukautim praivesi na rispek bilong ol memba.

22.5

Ol Lo bilong Givim Halivim bilong Sios.

Ol Sios lida i mas bihainim dispela ol lo i stap insait dispela seksen taim givim halivim thru long fas ofarin o tok orait bilong ol kaikai na narapela ol liklik kaikai.

22.5.1

Ol Lo bilong lain husait save kisim Halivim long Sios.

22.5.1.1

Ol Halivim i go long ol Wod Memba

Palnti taim, ol memba husat i kisim halivim i kam long Sios i mas stap insait long dispela wod baundri na gat ol membasip rekod bilong ol insait long dispela wod. Ol memba i ken kisim halivim i kam long Sios sapos ol i save atendim ol Sios mitin o save bihainim ol standad bilong Sios.

22.5.1.2

Ol Halivim i go long Ol Bisop na Ol Stek Presiden

Stek presiden mas raitim go daun dispela tok orait bilong em pastaim long wanpela bishop i usim fas ofarin o long tok orait long oda bilong famili na bishop em yet.

22.5.1.4

Halivim i go long Ol Lain Husat I No Memba bilong dispela Sios

Ol lain husat i no ol memba bilong dispela Sios bai ol i riferim ol i go long ol lokol komuniti risos long kisim halivim. Sapos long wanpela taim, spirit i gaidim, dispela bisop i ken halivim ol wantaim fas ofa moni o bisop oda.

22.5.2

Ol Lo bilong usim Ol Fas Ofarin Moni

22.5.2.1

Medikol o ol Narapela Helt Kea

Wanwan eria bilong Sios i gat limit long usim ol fas ofarin long baim ol medikol, dentol, o mentol helt ekspens.

Bilong givim tok orait long hamas na ol gaidlain, lukim “Long usim ol Fas Ofarin Moni long peim ol Medikol Expens.”

22.5.2.3

Long peimbek bilong Ol Fas Ofarin

Ol memba i noken ripeim fas ofarin halivim ol i kisim long Sios.

22.5.2.4

Wod Fas-Ofarin Moni na Hamas Ol Yusim long Baim Ol Samting

Ol Bisop i mas noken limitim ol fas-ofarin halivim bilong ol wod memba long hamas ol donesen ol i kolektim insait long wod.

22.5.3

Ol Lo long Mekim Ol Peimen

Sapos em i inap, ol peimen i mas go stret long dispela bisnes em i givim ol samting olsem kaikai na sevis.

22.5.4

Ol Lo long ol Paimen Bai Halivim wanpela Bisop o Stek Presiden

Taim provaidim ol memba wantaim ol fas-ofarin halivim, wanpela bisop i no noken usim dispela ol moni long baim ol kaikai samting na sevis long wanpela wei long halivim em yet.

Sapos wanplea fas-ofarin peimen bilong wanpela memba i bai halivim dispela stek presiden o wanpela bisnes bilong em yet, Eria Presidensi mas givim tok orait.

22.6

Ol Wok bilong Ol Wod Lida

22.6.1

Bisop na Ol Kaunsela bilong Em

Bisop i gat wanpela sakred risponsibiliti long luk aut na lukautim ol lain husat i gat nid (lukim Doktrin na Ol Kavanen 84:112). Em save givim bikpela wok i go long Rilif Sosaiti na ol eldas kwarum presidensi. Tasol, i gat sampela ol duti we bisop tasol i bai karim aut. Olsem eksample, dispela bisop:

• Bai skelim, hamas, na long wanem taim em i ken provaidim wanpela halivim.

• Save givim tok orait long ol halivim bilong fas-ofarin (lukim 22.4 na 22.5) na oda bilong bishop bilong ol kaikai na ol narapela impoten ol samting (lukim 22.13).

• Em yet bai riviuim ol self-rilaien plen bilong ol memba. Em i bai makim ol narapela wod lida long sekim gen ol plen taim ol i nidim.

Bisop na ol kaunsela bilong em i gat ol dispela risponsibiliti:

• Tisim ol dispela principol na blesin i go wantaim (1) long lukautim ol lain husat i gat ol nid bilong gutpela sindaun na imosenol nid na (2) Bildim self-rilaiens (lukim 22.1).

• Tisim dispela lo bilong lusim kaikai na givim gutpela tingting long ol memba long givim fas ofarin (lukim 22.2.2).

• Lukim olgeta ol dispela kauntin bilong ol fas ofarin (lukim 34.3.2).

22.6.2

Rilif Sosaiti na Eldas Kwarum Presidensi

Aninit long daireksen bilong bisop, dispela Rilif Sosaiti na eldas kwarum presiensi i gat wanpela ki rol long lukaut long ol lain husait i gat nid insait long wod (lukim 8.2.2 na 9.2.2). Dispela ol lida i save tisim ol wod memba long:

• Minista long ol lain husat i gat nid.

• Bihainim dispela lo bilong lusim kaikai.

• Bildim self-rilaiens

• Inkrisim dispela pasin bilong redi long wanwan na famili.

22.6.3

Ol Ministerin Brata na Susa

Halivim wantaim spirituol na ol nid bilong gutpela sindaun planti taim save stat wantaim ol ministerin brata na susa (see 21.1). Ol i save ripotim ol nid bilong ol lain husat ol i sevim i go long eldas kwarum o Rilif Sosaiti presidensi thru long ol ministerin intaviu na long ol narapela taim. Ol i ken serim ol nid i no bilong tokaut i go stret long bisop.

22.7

Wok bilong ol dispela Wod Kaunsel

Wanpela impoten wok bilong wod kaunsel em i long plen olsem wanem long lukautim ol lain husat i gat nid na long halivim ol long kamap self-rilaien (lukim 4.4). Ol kaunsel memba save karimaut ol plen bilong ol i kam long ol intaviu na long hap ol i bai mekim ol wanwan kontek wantaim ol lain husat i gat nid. Long toktok long ol nid bilong ol memba, kaunsel bai rispektim laik bilong wanwan husat i rikwes long noken soim aut ol inpomesen long ol narapela memba.

22.8

Wok bilong ol dispela Wod Yut Kaunsil

Wanpela as tingting bilong dispela wod yut kaunsel em bilong halivim ol yut long stap insait long stretpela laip long bihainim Jisas Krias (lukim 29.2.6).

Aninit long dispela bisoprik gaidens, dispela wod yut kaunsel i planim ol wei long sevim ol lain husat i gat nid insait long wod bilong ol na komuniti.