17.

Tisim dispela Gospel

Yumi tisim gospel long halivim ol pipol strongim bilip bilong ol long Papa long Heven na Jisas Krais.

17.1

Ol Prinsipel bilong Tis olsem Krais

Long taim bilong tisim gospel, ol papamama, tisa na ol lida bai bihainim eksampel bilong Jisas Krais, husat i dispela Master Tisa.

Ol lida bai serim dispela ol prinsipel bilong tis olsem Krais wantaim ol tisa insait long oganaisesen bilong ol. Dispela ol prinsipel i klia moa long hia Tisim long Wei bilong Seivia.

17.1.1

Lavim Ol Lain Yu Tisim

Olgeta samting Seivia i mekim i soim Lav bilong Em (lukim 2 Nephi 26:24).

17.1.2

Tis wantaim Spirit

Ol tisa bai painim gaidens bilong spirit taim ol i redi long tis, na ol bai traim hat long stap woti long pasin bilong Em olgeta wanwan de.

17.1.3

Tisim dispela Doktrin

Bihainim eksampel bilong Seivia, ol tisa bai fokas long ol dispela impoten tok tru bilong gospel i seivim yumi. Ol i tis yusim ol skripsa, ol tising bilong ol las-de profet, na ol matiriel i gat tok orait.

17.1.4

Invaitim Gutpela Pasin bilong Lainim

Ol tisa i sapotim ol memba long wok hat long lainim bilong ol yet.

17.2

Lainim na Tisim Gospel i stap Namel long Hom

Ol Sios lida na ol tisa i sapotim pasin bilong lainim na tisim gospel insait long hom.

Ol lida na ol tisa bai sapotim ol memba long painim gutpela tingting bilong ol yet long olsem wanem ol bai stadim na tisim gospel. Namba wan ol risos bilong ol em ol skripsa na ol jeneral konferens toksave.

17.3

Wok bilong ol Lida

• Soim eksampel taim yu lainim gospel na tisim long wei bilong Seivia.

• Mekim sua olsem ol tising insait long oganaisesen bilong ol i kamapim na strongim bilip na i tis stret wantaim doktrin.

• Givim sapot i go long ol tisa insait long ol oganaisesen bilong ol.

17.4

Kaunsil Miting bilong ol Tisa

Insait long ol kaunsil miting bilong ol tisa, ol tisa bai kaunsel wantaim long ol prinsipel bilong tis olsem Krais. Ol bai kaunsel tu olsem wanem ol bai mekim moa gut pasin bilong lainim na tisim gospel. Ol bai yusim Teaching in the Savior’s Way olsem wanpela risos.

Ol Kaunsil Miting bilong ol Tisa ol bai holim ol long wanwan kwata long taim bilong 50-pela minit klas taim long Sande.