10.

Ol Aaronik Prishud Kwarum

10.1

As Tingting na Oganaisesen

10.1.1

As Tingting

Dispela as tingting bilong wanpela kwarum em long halivim ol prishud holda wok wantaim long pinisim dispela wok bilong salvesen na eksaltesen.

10.1.2

As Tok bilong ol Aaronik Prishud Kwarum

“Mi wanpela bilaved pikinini man bilong God na Em i gat wok bai mi mekim.

“Wantaim olgeta bel, strong, tingting, mi bai lavim God, kipim ol kavanen, na yusim prishud bilong Em long sevim ol narapela, stat long haus bilong mi.

“Taim mi traim long sev, eksasaisim bilip, tanim bel, na kamap gut long olgeta de, mi bai kisim mak bilong kisim temple blesing na dispela hamamas i stap bilong gospel.

“Mi bai redi long kamap wanpela gutpela misinari, gutpela man bilong meri bilong mi, na gutpela papa bilong ol pikinini bilong mi taim mi kamap olsem trupela disaipel bilong Jisas Krais.

“Mi bai halivim long redim dispela wol long kam bek bilong Seivia taim mi invaitim olgeta long kam long Krais na kisim dispela ol blesing bilong Atonmen bilong Em.”

10.1.3

Ol kwarum

10.1.3.1

Kwarum bilong ol Dikon

Ol yang men bai joinim dispela kwarum bilong ol dikon stat long Janueri bilong yia ol bai kamap 12. Long dispela taim ol i ken odein olsem dikon sapos ol i redi na woti.

Ol wok bilong dikon i stap klia insait long Doctrine and Covenants 20:57–59; 84:111. Ol narapela wok em long pasim sakramen na halivim bisop long “edministarim ol temporal samting” (Doctrine and Covenants 107:68).

10.1.3.2

Kwarum bilong ol Tisa

Ol yang men bai joinim dispela kwarum bilong ol tisa stat long Janueri bilong yia ol bai kamap 14. Long dispela taim ol i ken odein tu olsem ol tisa sapos ol i redi na woti.

Ol tisa i gat wankain wok olsem ol dikon. Ol tu save redim sakramen na sev olsem ol ministaring brata. Sampela moa wok i stap klia insait long Doctrine and Covenants 20:53–59; 84:111.

10.1.3.3

Kwarum bilong ol Pris

Ol yang men bai joinim dispela kwarum bilong ol pris stat long Janueri bilong yia ol bai kamap 16. Long dispela taim ol tu bai ken odein olsem ol pris sapos ol i redi na woti.

Ol pris i gat ol wankain wok olsem ol dikon na ol tisa. Sampela moa wok i stap kilia insait long Doctrine and Covenants 20:46–52, 73–79.

10.1.4

Ol Prishud Ki

Long moa inpomesen, lukim 3.4.1

10.1.5

Senisim ol Kwarum long ol Lokal Nid

Insait long wod o brans wantaim ol yang men i no planti, ol Aronik Prishud Kwarum bai bung wantaim long kisim instrakesen na ol ektiviti.

10.2

Tek Pat long Wok bilong Salvesen na Eksaltesen

10.2.1

Stap insait long Gospel bilong Jisas Krais.

10.2.1.2

Lainim Gospel

Ol kwarum miting bai holim long namba tu na namba fo Sande bilong mun. Ol miting bai kisim 50 pela minis. Wanpela memba bilong kwarum presidensi (o wanpela long ol asisten bilong bisop long kwarum bilong ol kwarum bilong ol pris bai kondak. Em bai lidim kwarum long kolim dispela thim na kaunsel wantaim long ol asainmen na ol narapela samting.

Wanpela kwarum memba o adalt lida bai lidim gospel instraksen.

10.2.1.3

Sevis na ol Ektiviti

Ol sevis wok na ol ektiviti bai bildim ol testimoni, strongim famili, kamapim yuniti long klas, na givim ol opotuniti long blesim ol narapela.

Sampela sevis na ol ektiviti bai kamap wantaim yang men na yang women, moa yet ol bikpela yut.

Ol Ektiviti bilong Wanpela Yia Wantaim ol dispela yut ektiviti, ol yang men bai tek pat tu long ol dispela long wanwan yia:

• Wanpela Aronik Prishud kwarum kemp (lukim Aronik Prishud Kwarum Kemp Gaid).

• Wanpela wod o stek yut konferens o wanpela For the Strength of Youth (FSY) konferens.

10.2.1.4

Divelopmen bilong wanwan

Long wok bilong ol long kamap moa olsem Seivia, ol yut i kisim invitesen long setim ol gol long gro long spirit, long sosel sait, long bodi, na long tingting.(lukim Luke 2:52).

Long moa inpomesen, lukim ChildrenandYouth.ChurchofJesusChrist.org.

10.2.2

Lukautim ol Lain i gat Nid.

Ol Aronik Prishud holda bai halivim bisop long “administarim olgeta ol samting bilong graun” (lukim Doctrine and Covenants 107:68). Ol i mas gat ol planti opotuniti long sevim ol narapela insait na wantaim ol famili, long yut ektiviti, na long ol yet.

10.2.2.1

Ministaring

Ol Aronik Prishud holda bai kisim ol ministaring asainmen stat long Janueri bilong yia ol bai kamap 14. Long moa inpomesen, lukim sapta 21

10.2.3

Invaitim Olgeta long Kisim dispela Gospel

Ol Aronik Prishud holda i gat wok long invatim ol narapela long kam long Jisas Krais (lukim Doctrine and Covenants. 20:59).

Ol papamama na ol lida i ken halivim ol yang men redi long sevim ful-taim misin na long serim dispela gospel long olgeta laip bilong ol.

10.2.4

Yunaitim ol Famili long Laip Oltaim.

Ol Aronik Prishud holda ken halivim long yunaitim ol famili long laip oltaim long planti wei.

• Givim ona long papamama na setim wanpela eksampel long pasin bilong stap olsem krais insait long hom.

• Redi long kisim temple odinens. wantaim marit bilong laip oltaim.

• Painim ol tumbuna husat i nidim temple odinens (lukim FamilySearch.org).

• Tek pat long ol baptisim na konfemesen bilong ol dai lain taim i gat ol gutpela taim i kamap.

10.3

Bisoprik

Bikpela wok bilong bisop em long lukautim ol yang men na yang women insait long wod bilong em. Em na ol kaunsela bilong em bai lainim ol nem bilong ol and save gut long ol stap bilong ol long ol haus bilong ol. Em bai kamap long ol ektiviti na Sande miting long planti taim.

Bisop em i presiden bilong kwarum bilong ol pris.

Namba wan kaunsela insait long bisoprik em i gat wok bilong kwarum bilong ol tisa. Namba tu kaunsela bilong em i gat wok bilong kwarum bilong ol dikon.

Bisoprik i gat ol dispela wok olsem presiden bilong Aronik Prishud kwarum:

• Ol bai bung wantaim wanwan yang men olsem tupela taim long wanpela yia (lukim 31.3.1).

• Halivim ol yang men redi long kisim Melkisedek Prishud.

• Lukautim ol rekod, ripot, na fainens bilong kwarum bilong ol Aronik Prishud.

Ol kwarum advaisa na ol speselis bai halivim wantaim ol dispela wok sapos askim i kam.

10.4

Ol Yut Kwarum Lida

10.4.1

Kolim, Sastenim, na Setim Apat

Bisop bai kolim wanpela o tupela pris long kamap olsem asistent bilong em long lidim kwarum bilong ol pris.

Wanpela memba bilong bisoprik bai kolim wanpela dikon na tisa kwarum presiden. Taim i gat inap Aronik Prishud holda long sev, ol bai pre na skelim ol kwarum memba long rekomendim olsem kaunsela na sekreteri.

Bihain long givim ol dispela koling, wanpela memba bilong bisoprik bai presentim ol yut kwarum lida long kisim sasteining long kwarum miting. Bisop bai setim apat asisten bilong em na dispela presiden bilong kwarum bilong ol dikon na ol tisa. Em bai givim ol prishud ki long kwarum presiden. Em bai asainim ol kaunsela bilong em long setim apat ol narapela presidensi memba na sekreteri.

10.4.2

Ol Wok

• Lidim ol wok bilong kwarum long tek pat long wok bilong salvessen na eksaltesen (lukim sapta 1).

• Save gut long ol na sevim wanwan kwarum memba, wantaim tu ol dispela i no save kam long ol miting.

• Sev long dispela wod yut kaunsil (lukim 10.4.4).

• Tisim ol kwarum memba long prishud wok bilong ol (lukim Doctrine and Covenants 107:85-88).

• Plenim na kondaktim ol kwarum miting (lukim 10.2.1.2).

• Plenim na karimaut ol kwarum sevis na ektiviti (lukim 10.2.1.3).

10.4.3

Kwarum Presidensi Miting

Aronik Prishud Kwarum presidensi bai bung planti taim. Kwarum presiden bai kondak long ol dispela miting. Tupela adalt i mas kamap—wanpela memba bilong bisoprik, wanpela advaisa o speselis.

10.4.4

Wod Yut Kaunsil

Lukim 29.2.6 long kisim moa inpomesen long wod yut kaunsil.

10.8

Ol Sampela Moa Gaidlain na Polisi

10.8.1

Lukautim ol Pikinini

Taim ol adalt i go kam namel long ol yut insait long Sios hap, i mas gat tupela adalt i mas stap.

Olgeta adalt husat i wok wantaim ol yut i mas mekim na pinisim dispela treining bilong lukautim ol liklik pikinini na ol yut insait long dispela mun ol i kisim sasteining vot (ProtectingChildren.ChurchofJesusChrist.org).