8.

Eldas Kwarum

8.1

As Tingting na Oganaisesen

8.1.1

As Tingting

Ol woti man krismas bilong ol 18 na antap bai kisim Melkisedek prishud na odein long opis bilong elda. Wanpela man i odein long dispela opis i kam insait long wanpela tambu kavanen long halivim God long mekim ol wok bilong Em (lukim Doctrine and Covenants 84:33–44).

8.1.2

Membasip insait long Eldas Kwarum

Wanwan wod i gat wanpela eldas kwarum. Em i karamapim olgeta dispela bretren:

• Olgeta eldas insait long wod.

• Olgeta husat bai kamap ol eldas long bihain taim insait long wod (lukim 8.4).

• Olgeta hai pris insait long wod, tasol ol dispela husat i stap sev olsem stek presidensi, insait long bisoprik, long wanpela hai kaunsil, o olsem patriak.

Wanpela yangpela man bai stat long kam long eldas kwarum taim krismas bilong em i kamap 18, maski em i no odein yet olsem elda. Taim krismas i kamap 19 o taim em i surik i go lusim hom, olsem i go long yunivesiti o sevim misin, em bai odein olsem elda sapos em i woti.

Ol marit man aninit long krismas i 18 i wet long kamap elda ol tu i memba bilong eldas kwarum.

8.2

Tek Pat long Wok bilong Salvesen na Eksaltesen

8.2.1

Stap insait long Gospel bilong Jisas Krais.

8.2.1.2

Lainim Gospel insait long ol Kwarum miting

Ol miting bai holim long namba tu na namba fo Sande bilong mun. Ol miting bai kisim 50 pela minis. Eldas Kwarum presidensi bai plenim ol dispela miting. Wanpela memba bilong presidensi bai kondak.

Ol Kwarum miting i save fokas long ol topik i kam long ol jeneral konferens.

8.2.1.3

Ol Ektiviti

Eldas Kwarum presidensi bai plenim ol dispela ektiviti. Planti ektiviti bai kamap long ol narapela taim na i no long Sande o Mande ivining.

8.2.2

Lukautim ol Lain i gat Nid.

8.2.2.1

Ministaring

Ol memba bilong eldas kwarum bai kisim ol asainmen bilong ministaring wok long kwarum presidensi. Long moa inpomesen, lukim sapta 21

8.2.2.2

Ol Nid bilong Sotpela Taim

Ol brata i mekim wok ministaring bai painim rot long save gut long ol nid bilong ol lain na givim gutpela sevis long ol. Ol memba bai nidim sampela halivim long taim bilong sik, karim pikinini, dai, lusim wok na ol narapela kain hevi.

Taim i gat nid, ol ministaring brata bai askim eldas kwarum presidensi long halivim.

8.2.2.3

Ol Long Tem Nid na Self Rilaiens

Wantaim kodinesen bilong bisop,eldas kwarum na rilif sosaiti presidnsi bai halivim ol memba i gat long tem nid na selp rilaiens.

Dispela eldas kwarum presiden, rilif sosaiti presiden, o narapela lida bai halivim dispela man o meri o famili kamapim wanpela Selp Rilaiens Plen . Ol ministaring brata na sista i ken tu halivim wantaim dispela plen.

8.2.2.4

Taim wanpela Wod Memba i Dai

Taim wanpela wod memba i dai, eldas Kwarum na Rilif Sosaiti presidensi bai givim kamfot na halivim. Aninit long gaidens bilong bisop, ol bai ken halivim wantaim dispela dai.

Long moa inpomesen, lukim 38.5.8

8.2.3

Invaitim Olgeta long Kisim dispela Gospel

Dispela eldas kwarum presiden bai asainim wanpela memba bilong presidensi long halivim lidim misinari wok insait long wod. Em bai wok wantaim memba i gat asainmen long rilif sosaiti presidensi long kodinetim ol dispela wok.

Lukim 23.5.1 na 23.5.3.

8.2.4

Yunaitim ol Famili long Laip Oltaim.

Dispela eldas kwarum presidensi bai asainim wanpela memba bilong presidensi long halivim lidim temple na famili histori wok insait long wod. Em bai wok wantaim memba i gat asainmen long rilif sosaiti presidensi long kodinetim ol dispela wok.

Lukim 25.2.2.

8.3

Ol Lidas bilong Eldas Kwarum

8.3.1

Stek Presidensi na Bisop

Dispela eldas kwarum presiden wok bilong em i stap aninit long daireksen bilong stek presidensi. Em bai bung wantaim wanpela memba bilong presidensi long kisim daireksen na ripot long ol wok bilong em.

Dispela eldas kwarum presiden bai asainim wanpela memba bilong presidensi long halivim lidim misinari wok insait long wod. Ol bai bung planti taim.

8.3.2

Hai Kaunsil

Dispela stek presidensi bai asainim wanpela hai kaunsila long makim ol long wanwan eldas kwarum. Ol wok bilong em i stap insait long 6.5.

8.3.3

Eldas Kwarum Presidensi

8.3.3.1

Singautim wanpela long Eldas Kwarum Presidensi

Bihain long em i toktok long bisop, stek presiden bai singautim wanpela elda o hai pris long sev olsem dispela eldas kwarum presiden.

Sapos yunit i bikpela, eldas kwarum presiden bai rekomendim i go long stek presiden wanpela o tupela eldas i hai pris long sev olsem kaunsela bilong em.

8.3.3.2

Ol Wok

Eldas Kwarum presiden i gat ol dispela wok: Ol kaunsela bilong em bai halivim em.

• Sev long wod kaunsil.

• Lidim ol wok bilong kwarum long tek pat long wok bilong salvessen na eksaltesen (lukim sapta 1).

• Oganaisim na lukautim ol dispela sevis bilong ol brata i mekim ministaring.

• Aninit long gaidens bilong bisop, kaunsel wantaim ol adalt memba bilong wod.

• Kodinetim ol wok bilong eldas kwarum long strongim ol yang adalt bretren insait long wod, ol singel na marit lain.

• Bung wantaim wanwan kwarum memba olsem wanpela taim long wanwan yia.

• Tisim ol kwarum memba long prishud wok bilong ol (lukim Doctrine and Covenants 107:89). Dispela i go wantaim tisim ol olsem wanem ol bai eksasaisim prishud bilong ol long mekim ol odinens na blesing.

• Lukautim ol kwarum rekod, ripot na fainens (lukim LCR.ChurchofJesusChrist.org).

8.3.3.3

Presidensi Miting

Dispela eldas kwarum presidensi na sekreteri i mas bung planti taim. Presiden bai kondak long ol dispela miting. Hai kaunsila husat i asain long kwarum bai kam sindaun wanwan taim.

Ajenda bai gat ol dispela samting:

• Mekim plen bai olsem wanem long strongim ol kwarum memba (wantaim ol brata husat bai kamap ol eldas long bihain taim na ol famili bilong ol.

• Kodinetim misinari wok na temple wok na famili histori wok.

• Bekim ol toktok bilong ol asainmen i kam long wod kaunsil miting.

• Lukluk go bek long ol intaviu i kamap long ministaring.

• Skelim ol bretren long sev insait long koling na asainmen.

• Plenim ol kwarum miting na ol ektiviti.

8.3.4

Sekreteri

Wantaim tok orait bilong bisop, wanpela memba bilong eldas kwarum presidensi bai singautim wanpela kwarum memba long kamap kwarum sekreteri.

8.4

Halivim ol brata husat bai kamap ol eldas long bihain taim i Redi long Kisim Melkisedek Prishud

Wanpela brata husat bai kamap ol eldas long bihain taim em i Sios memba husat em i man na i no yet kisim dispela Melkisedek Prishud na (1) em i 19 o moa o (2) em i yangpela na i no yet 19 na em i marit.

Halivim ol brata bai kamap elda i redi long kisim Melkisedek Prishud em i wanpela namba wan wok bilong kwarum.