4.

Lidasip na ol Kaunsil insait long Sios bilong Jisas Krais

4.0

Introdaksen

Olsem lida insait long Sios, ol i kolim yu wantaim gutpela tingting i kam long ol wok,man bilong Bikpela. Yu gat dispela rait bilong halivim insait long Wok na glori bilong papa long Heven long “bringim kam long olgeta dispela imotaliti na laip oltaim bilong ol man” (Moses 1:39).

4.2

Ol Prinsipel bilong Lidasip insait long Sios

Long taim bilong ministri bilong Em long ples graun, Seivia i bin setim dispela eksampel bilong lidasip bilong Sios bilong Em. Bikpela pepos bilong Em long mekim strongpela laik bilong Papa long Heven na halivim ol narapela i save gut long na stap insait long gospel bilong Em (lukim John 5:30; Mosiah 15:7).

Painim gaidens bilong Bikpela long halivim yu lainim na inapim ol wok bilong koling bilong yu.

4.2.1

Redim yu yet long Spirit

Jisas i redim Em yet long spirit bilong misin bilong Em long ples graun (lukim Luke 4:1–2). Wankain olsen yu bai redi long spirit taim yu go klostu long Papa lo Heven long prea, skrpisa stadi, and bihainim ol komanmen bilong Em.

Painim revelsen long save gut long ol,nid bilong ol husat yu lidim na olsem wanem long inapim ol wok God i kolim yu long mekim.

Bikpela tu i promis long givim ol presen bilong spirit long ol lain husat i painim ol (lukim Doctrine and Covenants 46:8).

4.2.2

Minista long Olgeta Pikinini bilong God

Lavim ol pipol yu sevim olsem Jisas i bin mekim. Pre “wantaim olgeta strong bilong ” bai yu pulap long lav bilong Em (Moroni 7:48).

Halivim ol wanwan lain mekim senis bilong ol i dip na strongim bilip bilong ol long Papa long Heven na Jisas Krais. Halivim ol long redi long mekim ol kavanen taim ol i kisim narapela odinens bilong ol. Sapotim ol long kipim ol kavanen ol i mekim na kisim blesing bilong tanim bel.

4.2.3

Tisim dispela Gospel bilong Jisas Krais

Olgeta lida em ol tisa. Traim hat long bihainim eksampel bilong Seivia olsem wanpela tisa (lukim chapter 17; Teaching in the Savior’s Way). Long ol toktok na eksen bilong yu, tisim doktrin bilong Jisas Krais na prinsipel bilong gospel bilong Em (lukim 3 Nephi 11:32–33; Doctrine and Covenants 42:12–14).

Tis i kam long ol skripsa na ol toktok bilong ol las-de profet (lukim Doctrine and Covenants 52:9).

Sapos yu kisim koling o asainmen long prisaid long wanpela Sios miting o ektiviti, mekim sua tising i stret na i bihainim stret doktrin (lukim Doctrine and Covenants 50:21–23).

4.2.4

Prisaid long Strepela Pasin

Wanwan prisaiding opisa i sev aninit long daireksen bilong wanpela husat i holim ol prishud ki (lukim 3.4.1). Dispela straksa i givim oda na klia lain bilong wok na pasin bilong lukluk gut long mekim ol wok bilong Bikpela.

Wanpela prisaiding opisa bai deligetim wok i go long narapela olsem asainmen bilong sotpela taim.

Wanpela lida husat i prisaid insait long Sios oganaisesen, miting, o ektiviti i mekim sua olsem ol peopos bilong Bikpala bai kamap. Long mekim dispela, lida bai bihainim ol gospel prinsipel, Sios polisi, na daireksen bilong Holi Gos.

Wanpela koling o asainmen long prisaid i no mekim dispela man moa impoten o i gat bikpela lukluk long ol narapela (lukim Doctrine and Covenants 84:109–10).

Em i no stret long gat dispela laik long prisaid insait long wanpela oganaisesen insait long Sios bilong Bikpela (lukim Doctrine and Covenants 121:34–37).

4.2.5

Deligetim Wok na Mekim Sua long Bihainim Gut

Seivia i givim ol disaipel bilong Em ol asainmen na ol wok (lukim Luke 10:1). Em tu i givim ol wanpela opotuniyi long lukluk gut long ol wok Em i givim ol long mekim (lukim Luke 9:10).

Olsem wanpela lida, yu ken halivim ol narapela gro taim yu deligetim ol asainmen long ol. Traim hat long kisim olgeta memba long mekim wok bilong God.

Pasin bilong deligetim wok bai mekim wok bilong yu i kamap moa gut. Painim gaidens bilong spirit long wanem samting yu kem deligetim bai yu fokas long ol bikpela wok bilong yu.

4.2.6

Redim ol Narapela long Kamap ol Lida na ol Tisa

Taim yu lukluk long husat bai sev insait long Sios koling o asainmen, yu mas pre. Tingim olsem Bikpela bai givim save long ol lain Em i kolim. Wanem i moa impoten em olsem ol i gat laik long sev,ol bai gat daun pasin na painim halivim bilong Bikpela, na ol bai traim long stap woti.

4.2.7

Plenim ol Miting, Leson, na ol Ektiviti wantaim ol Klia Pepos

Painim gaidens bilong Spirit taim yu plenim ol miting, leson na ol ektiviti i gat ol klia pepos. Ol dispela pepos i mas strongim ol wanwan manmeri na ol famili, bringim ol kam klostu long Krais, na halivim ol kamapim wok bilong God long salvesen na eksaltesen (lukim chapters 1 na 2).

4.2.8

Skelim ol Wok bilong Yu

Lukluk go bek long ol wok bilong yu na gro bilong spirit bilong yu olsem wanpela lida. Tintging tu long gro bilong ol lain yu lidim.

Gutpela wok bilong yu olsem lida ol bai mesarim long komitmen yu mekim long halivim ol pikinini bilong God kamap ol disaipel bilong Jisas Krais i gat bilip. Yu ken save olsem Bikpela i hamamas wantaim ol wok bilong yu taim yu pilim Spirit i wok thru long yu.

4.3

Ol Kaunsil insait long Sios

Bikpela i instraktim ol lida bilong Sios bilong Em long kaunsel wantaim long mekim wok bilong Em.(lukim Doctrine and Covenants 41:2–3). Ol kaunsil i givim ol opotuniti long ol kaunsil memba bai kisim revelsen taim ol i painim save long ol nid bilong ol pikinini bilong God na plenim olsem wanem ol bai halivim long bung wantaim.

4.4

Ol Prinsipel bilong ol Kaunsil bai Wok Gut

4.4.1

Ol As Tingting bilong ol Kaunsil

Ol kaunsil save givim spesol lukluk long halivim ol memba kisim odinens na kipim ol narapela kavanen.

4.4.2

Ol Redi wok bilong Ol Kaunsil Miting

Ol presidensi na ol kaunsil i mas bung planti taim. Dispela ol lida bai panim gaidens bilong Bikpela long plenim ol kaunsil miting. Ol tu bai painim tintging i kam long ol kaunsil memba taim ol i lukluk long wanem samting long diskas long miting.

Ol lida bai toksave long ol kaunsil memba long ol samting ol bai diskasim pastaim long miting. Ol kaunsil memba bai redi long serim tingting long ol dispela samting.

4.4.3

Ol Diskasen na ol Disisen

Long taim bilong kaunsil miting, lida (o wanpela lida i asainim) bai tok klia long dispela samting bilong diskasem. Lida bai sapotim diskasen long olgeta ol kaunsil memba, askim ol kwesten na painim ol tingting.

Ol memba i serim ol tingting na harim gut wanpela narapela wantaim rispek. Taim ol i painim laik bilong Bikpela, spirit bilong gutpela tintging na yuniti ken stap.

Insait long wanpela kaunsil we i gat ol meri na man, lida bai painim ol tingting long olgeta. Ol meri na man i save gat ol narakain tingting na i ken givim skel na balens.

Lida bai gaidim ol diskasen bilong kaunsil. Tasol, em bai harim moa na i noken toktok tumas.

Bihain long diskasen, lida bai mekim disisen long wanpela rot bilong bihainim o surukim taim bilong desisen long kisim sampela moa inpomesen na gaidens.

4.4.4

Yuniti

Ol kaunsil memba bai painim wei long kamap wan long laik na pepos bilong ol wantaim Papa long Heven na Jisas Krais. Ol bai trai hat long kisim yuniti long olgeta diskasen na disisen bilong ol.

4.4.5

Eksen na Akauntabiliti

Ol kaunsil memba bai mekim planti ol wok bilong ol pastaim na bihain long ol miting. Long taim bilong miting, ol bai painim gutpela tingting long kamapim ol plen long mekim kamap ol disisen. kaunsil lida bai invaitim ol memba long inapim ol asainmen i kam wantaim ol dispela plen.

Ol kaunsil memba bai ripot long ol asainmen bilong ol. Gutpela wok bai kamap bihainim pasin bilong mekim gut ol wok na i gat ol foloap asainmen.

4.4.6

Konfidensaliti

Ol lida bai yusim save bilong ol taim ol i serim ol inpomesen bilong wanwan lain wantaim kaunsil. Ol bai painim tok orait long memba long serim ol dispela inpomesen.

Ol kaunsil memba i no ken serim ol inpomesen bilong ol wanwan lain ausait long kaunsil anles ol bai inapim wanpela asainmen i kam long kaunsil lida.

Sampela samting i mas hait na i no bilong bringim kam aut long olgeta kaunsil.