Ol Henbuk na kolin
1. Plen bilong God na Wok bilong Yu insait long Wok bilong Salvesen na Eksaltesen

“1. Plen bilong God na Wok bilong Yu insait long Wok bilong Salvesen na Eksaltesen,” Ol Seleksen i kam long Jeneral Henbuk (2023).

“1. Wok bilong Salvesen na Eksaltesen,” Ol Seleksen i kam long Jeneral Henbuk

ol man i bildim haus

1.

Plen bilong God na Wok bilong Yu insait long Wok bilong Salvesen na Eksaltesen

1.0

Introdaksen

Ol i singautim yu long sev insait long Sios bilong Jisas Krais bilong ol Seint long Las de. Tenkyu long sevis bilong yu. Yu bai blesim ol laip na painim hamamas taim yu sev wantaim feit.

Dispela henbuk bai halivim yu lainim ol prinsipel bilong mekim sevis olsem Krais na save moa long ol wok bilong yu. Yu bai kamap moa gutpela taim yu mekim sevis wok bilong yu aninit long Sios wantaim wok bilong God Papa na pikinini man bilong Em, Jisas Krais.

1.1

Plen bilong Hamamas God i Mekim

Papa long Heven i givim dispela plen bilong hamamas long mekim yumi i hamamas wantaim olgeta blesing bilong Em. Wok na glori bilong Em em long “bringim kam long olgeta dispela laip i nogat dai na laip oltaim bilong ol man” (Moses 1:39).

Jisas Krais i stap namel tru long plen bilong God. Bikos long lav bilong Papa long Heven long yumi i no save pinis, Em i salim Pikinini Man bilong Em long kisim bek yumi long sin na dai thru long sakripais na dai bilong Em.(lukim John 3:16). Thru long Atonmen bilong Em, Jisas Krais i mekim sua olsem yumi wanwan bon long ples graun bai kirap gen na kisim laip i nogat dai bilong en. Atonmen bilong Em i mekim isi long yumi bai kamap klin long ol sin bilong yumi na bai ol bel bilong yumi i senis na yumi ken kisim laip oltaim na pulap long hamamas.

Long kisim laip oltaim, yumi mas “kam long Krais, na kamap stretpela tru long em” (Moronai 10:32).

1.2

Dispela Wok bilong Salvesen na Eksaltesen

Taim yumi kam long Krais na halivim ol narapela mekim wankain olsem yumi tek pat long wok bilong God long salvesen na eksaltesen. Dispela wok i kam aninit long tupela bikpela komanmen long lavim God na lavim neiba bilong yumi (lukim Matthew 22:37–39).

Dispela wok bilong salvesen na eksaltesen i lukluk stret long fopela bikpela wok God i makim pinis.

Dispela henbuk bai halivim yu lainim ol prinsipel bilong mekim sevis olsem Krais na save moa long ol dispela fopela eria bilong wok bilong God. Holi Gos em bai gaidim yu taim yu mekim pat bilong yu long mekim kamap olgeta wok (lukim 2 Nephi 32:5).

1.2.1

Stap insait long Gospel bilong Jisas Krais.

Stap insait long Gospel bilong Jisas Krais i olsem:

  • Eksesaisim bilip long Krais, tanim bel olgeta de, mekim kavanen wantaim God taim yumi kisim dispela odinens bilong salvesen na eksaltesen, na stap i go long pinis bilong yumi taim yumi holim pas ol dispela kavanen (lukim 3.5.1).

  • Lainim na tisim dispela gospel bilong Jisas Krais long haus na long Sios.

  • Kamap selp rilaient long pasin bilong lukautim yumi yet na ol famili bilong yumi long spirit na long ples yumi stap.

1.2.2

Lukautim ol Lain i gat Nid

Lukautim ol lain i gat nid i olsem:

  • Mekim sevis na ministaring wok long ol wanwan manmeri, ol famili, na ol komuniti.

  • Serim ol risoses, olsem halivim i kam long Sios, wantaim ol dispela lain i stap long nid.

  • Halivim ol narapela long kamap selp rilaient.

1.2.3

Invaitim Olgeta long Kisim dispela Gospel

Invaitim olgeta long kisim dispela gospel i olsem:

  • Tek Pat long misinari wok na sev olsem ol misinari.

  • Halivim ol nupela na ol memba i wok long kam bek long stap strong long kavanen rot.

1.2.4

Yunaitim ol Famili long Laip Oltaim

Yunaitim ol famili long laip oltaim i olsem:

  • Mekim ol kavanen taim yumi kisim ol temple odinens bilong yumi yet.

  • Painim ol tumbuna bilong yumi husat i dai pinis na mekim ol odinens bilong ol insait long temple bai ol i ken mekim kavanen wantaim God.

  • Go long temple planti taim, sapos i isi, long lotuim God na mekim ol odinens bilong ol pikinini bilong Em.

1.3

As Tingting bilong dispela Sios

Jisas Krais i kirapim Sios bilong Em long mekim ol wanwan manmeri na ol famili i mekim ol wok bilong salvesen na eksaltesen (lukim Ephesians 4:11–13; lukim tu 2.2 insait long dispela henbuk). Long halivim na mekim kamap dispela wok bilong God, Sios na ol lida i givim ol dispela samting:

  • Ol prishud atoriti na ol ki.

  • Ol kavanen na ol odinens.

  • Daireksen bilong Profet.

  • Ol Skripsa.

  • Sapot bilong lainim na tisim Gospel.

  • Sevis na ol lidasip opotuniti.

  • Komuniti bilong ol Seint.

1.3.1

Ol Prishud Atoriti na ol Ki

Thru long prishud, God bai mekim ol wok bilong salvesen na eksaltesen. Dispela Prishud atoriti na ol ki bilong dairektim wok bilog God long ples graun em ol i bin bringim kam bek long Profet Joseph Smith (lukim Doctrine and Covenants 110:11–16; 112:30). Ol dispela ki em ol Sios lida i holim tude. Ol bai singautim na givim tok orait long ol narapela long halivim long mekim wok bilong God (lukim Doctrine and Covenants 107:8, 65–67).

1.3.2

Ol Kavanen na Odinens

Long plen bilong Papa long Heven, yumi mekim ol kavanen taim yumi kisim ol odinens bilong salvesen na eksaltesen, olsem baptisim (lukim John 3:5; lukim tu Sapta 18 insait long dispela henbuk). Dispela ol kavanen na odinens i impoten long yumi kamap olsem God na go bek stap wantaim Em (lukim Doctrine and Covenants 84:19–22).

1.3.3

Daireksen bilong Profet

Thru long ol profet bilong Em em i susim, God bai soim ol tok tru na givim ol gutpela gaidens na tok lukaut (lukim Amos 3:7; Doctrine and Covenants 1:4). Dispela gaidens bai halivim yumi go insait na stap long dispela rot i go long laip oltaim.

1.3.4

Ol Skripsa

Aninit long daireksen bilong ol profet na aposol bilong Bikpela, Sios bai givim na lukautim dispela tok bilong God olsem i stap long ol holi skripsa. Ol skripsa i testifai long Krais, tisim Gospel bilong Em, na halivim yumi eksasaisim bilip insait long Em (lukim Jacob 7:10–11; Helaman 15:7).

1.3.5

Sapot bilong Lainim Gospel na Tisim

Sios bai sapotim ol wanwan manmeri na ol famili long wok bilong ol long lainim ol tru tok bilong gospel na tisim ol dispela tok tru long ol famili bilong ol na ol narapela (lukim Doctrine and Covenants 88:77–78, 118; lukim tu 2.2.3 insait long dispela henbuk).

1.3.6

Sevis na ol lidasip opotuniti

Thru long ol koling na ol asainmen insait long Sios, God bai givim opotuniti long ol memba long sev na lid. Sios bai givim straksa long halivim long lukautim ol memba i gat nid na givim ol rilif bilong ol narapela (lukim Mosiah 18:27–29).

1.3.7

Wanpela Komuniti bilong ol Seint

Olsem wanpela komuniti bilong ol Seint, ol Sios memba bai bung planti taim long lotuim God na long tingim Seivia taim ol i kisim sakramen (lukim Moroni 6:4–6; Doctrine and Covenents 20:77). Ol Memba tu i lukautim wanpela narapela na bai minista long wanpela narapela (lukim Ephesians 2:19).

1.4

Wok bilong yu insait long Wok bilong God

Olsem wanpela lida insait long Sios, ol bai singautim yu long tis na sapotim ol lain yu sevim taim ol i stap insait long wok bilong salvesen na eksaltesen (lukim 1.2). Yu mas mekim gut long koling bilong yu na “tisim … dispela tok bilong God wantaim olgeta strong” (Jacob 1:19). Hat wok wantaim Bikpela insait long Vinyad bilong Em bai bringim bikpela hamamas long yu (lukim Jacob 5:70–72).

Wantaim gutpela klia save long wok bilong God, long wanem Em i invaitim yu long mekim, na long as tingting bilong Sios bilong Em bai halivim yu fokasim olgeta wok bilong yu long bringim ol sol i kam long Krais.

Lukluk i go bek ken long ol prinsipel insait long dispela sapta. Pre na save olsem wanem yu ken halivim long bringim kam ol wok bilong God long laip bilong ol lain yu sevim. God bai dairektim yu thru long ol tingting i kam long Holi Gos.