Ovaviu bilong Introdaksen

0.0

Introdaksen

Bikpela em i tis, “Olsem na, nau larim olgeta wanwan man lainim wok bilong em, na long wok insait long dispela opis long we ol i makim em, wantaim olgeta strong bilong em.” (Doctrine and Covenants 107:99). Olsem wanpela lida insait long Sios bilong Jisas Krais bilong ol Seint long Las de, yu mas painim revelesen bilong yu yet long halivim yu lainim na mekim olgeta wok bilong yu long koling bilong yu.

Pasin bilong stadim ol skripsa na ol tising bilong ol profet bai halivim yu long save moa long mekim olgeta wok bilong yu. Taim yu stadim ol tok bilong God, yu bai gat gutpela spirit long mekim wok bilong yu (lukim Doctrine and Covenants 84:85).

Yu bai lainim tu ol wok bilong yu taim yu stadim ol instraksen toktok insait long dispela henbuk. Dispela ol instraksen i ken invaitim revelesen sapos yu yusim ol long kisim gutpela save long ol prinsipel, polisi na ol rot i stap taim yu wok long painim gaidens bilong Spirit.

0.1

Dispela Henbuk

Jeneral Henbuk: Sevis insait long Sios bilong Jisas Krais bilong ol Seint long Las de i givim gaidens bilong ol jeneral na ol lokal Sios lida.

Ol het tok na ol sabhet tok insait long dispela henbuk i gat ol namba long mekim isi long painim ol topik na mekim referens. Eksampel, instraksen bilong husat bai sil insait long temple i stap insait long 27.3.1. Dispela namba 27 i minim dispela sapta, dispela namba 3 i minim dispela seksen insait long dispela sapta, na dispela namba 1 i minim wanpela sabhet tok.

0.2

Adaptesen na Opsinel Risoses

I no olgeta stek na wod i gat ol wankain nid.

Ol lida i painim ol gutpela tingting long wanem ol gaidlain na ol opsinel risoses ol bai yusim long mitim ol nids bilong ol memba bilong ol.

0.4

Ol askim long ol instraksen

Taim ol askim i kamap we i nogat ansa long skripsa, ol toktok bilong profet i stap laip, o dispela henbuk, ol Sios memba i ken go bek long ol kavanen bilong ol wantaim God, kaunsel bilong ol lokal lida, na dispela gutpela tingting i kam long Spirit long kisim gaidens.

Sapos ol lida i gat ol askim long infomesen i stap long dispela henbuk o long ol sampela hevi i nogat ansa, ol bai kaunsel wantaim prisaiding atoriti bilong ol.

0.5

Teminologi

Tasol wea i gat mak narakain:

Dispela ol tem bisop na bisoprik insait long dispela henbuk i toktok long ol brens presiden na tu ol brens presidensi. Dispela ol tem stek presiden na stek presidensi i toktok tu long ol districk presiden na ol distrik presidensi. Long samari bilong olsem wanem na dispela atoriti bilong ol distrik presiden i narakain long dispela bilong ol stek presidensi, lukim 6.3.
Ol referens long ol wod na stek bai wankain tu olsem ol brens, distrik na ol misin.
Referens long Sande em bai long wanem de ol dispela lain i luksave long Sabat de.
Dispela tem yunit em i toktok long ol wod na ol brens.
Referens long ol papamama i wankain i go long ol ligal gadien.

Koling bilong bisop na brens presiden i no wankain long atoriti na wok, wankain tu long koling bilong stek presiden na distrik presiden. Bisop em i opis insait long prishud, na odinesen bai kisim atoriti long Namba Wan Presidensi tasol. Stek presiden em koling bai kam long Jeneral Atoriti na Eria Seventi.

0.6

Mekim kontek wantaim Sios Het kota o dispela Eria Opis

Sampela sapta insait long dispela henbuk i gat ol instraksen long mekim kontek wantaim Sios het kota o dispela eria opis. Dispela instraksen long mekim kontek wantaim ol lain long Sios het kota em i go long ol lain long United States na Canada. Dispela instraksen long mekim kontek wantaim ol eria opis i go long ol lain i stap ausait long United States na Canada.